#Xansi Flik — yangiliklari

❓Lamin Yamaldan «soxta to'qqizlik» pozitsiyasida foydalana olasizmi?

🗣 Xansi Flik: «Lamin biz bilan bir yoki ikkita o'yinda shu pozitsiyada o'ynadi va men uni fantastik, jahon darajasidagi futbolchi deb hisoblayman, shuning uchun u bunga moslasha oladi. Lekin asosiy e'tibor o'ng qanot vingeri pozitsiyasiga qaratilgan. Biroq nima bo'lishini ko'ramiz.

Menimcha, Gordon, shuningdek, Adeyemi ikkala qanotda ham o'ynay oladi, ular «to'qqizlik» pozitsiyasida ham harakat qila oladi, shuning uchun aslida bizda variantlar ko'p. Hammasi qanday kechishini ko'ramiz».

🚨 Xansi Flik:

Ebrima (Tunkara) — ulkan iqtidor. Orian (Goren) ham shunday. Xavi (Espart) Birmingemga qarshi o'yinda o'ng qanot himoyachisi sifatida juda yaxshi o'ynadi. Mashg'ulotlarda ham u haqiqatan ham top-darajada ekanligini ko'rish mumkin. Umuman olganda, bu men oxirgi uch hafta davomida kuzatgan va ko'rganlarimdir.

Sent-Jorjes-Parkdagi vaqt fantastik o'tdi. Hamma narsa maydonga juda yaqin, tom ma'noda hamma narsa qo'l ostida va maydonning o'zi shunchaki ajoyib edi. Shuningdek, 24-yilda bu yerga kelganimdagi birinchi yil bilan solishtirganda, bu mavsumda bizda sifat ko'proq deb o'ylayman: o'yinchilar orasida ko'proq sifat, La Masiyadan chiqqan yosh futbolchilar orasida ko'proq sifat bor. Solishtirganda aynan shuni ko'ryapman.

🗣️ Xansi Flik:

Hamza? Uning boshqa yosh o'yinchilar kabi ulkan salohiyatga ega ekanligi yaqqol ko'rinib turibdi.

Men uchun eng muhimi — ular maydonda o'zlarining kuchli tomonlarini ko'rsatishlari va bor salohiyatlaridan unumli foydalanishlari. Men aynan shuni qadrlayman.

U yaxshi texnik mahoratga va hujumni yakunlashda ajoyib vaziyat sezish qobiliyatiga ega, jamoadagi muhit ham juda yaxshi.

Bu yosh futbolchilar bilan ishlash — haqiqiy zavq.

Xansi Flik:

Menimcha, Karim Adeyemi bugun kechqurun ko'rsatgan o'yinidan ko'ra kattaroq salohiyatga ega.

U o'zining kuchli jihatlarini yanada yaxshiroq namoyish eta oladi, ammo bu tabiiy hol, chunki u jamoa bilan atigi bir hafta mashg'ulot o'tkazdi.

Mashg'ulotlarda men Karimni butunlay boshqa darajada ko'ryapman. Uning tezligi va hujumlarni yakunlash mahorati — uning asosiy ustunliklari va buni ko'rish yoqimli.

❓Bu mavsumda shaxsiy maqsadlaringiz qanday?

🗣 Balde: «Mening asosiy maqsadim, har yilgidek, rivojlanishda davom etish va o'rganishdir. Men hali ham juda yosh o'yinchiman. Atigi 22 yoshdaman va o'sish uchun katta salohiyatga egaman. Shu ruhda davom etishim kerak».

❓Jamoa darajasidachi?

🗣 Balde: «Biz Xansi bilan ikki juda muvaffaqiyatli mavsumni o'tkazdik. Milliy miqyosda bu ikki yil ichida deyarli hamma narsani yutdik. Biz ko'proq narsani xohlaymiz, shu ruhda davom etishni istaymiz. Orzu qilishda va barcha sovrinlar uchun kurashishda davom etish kerak».

❓Siz chempionat, Kubok va Superkubokni yutdingiz. Chempionlar ligasi asosiy maqsadmi?

🗣 Balde: «Bu aniq. Bu eng muhim sovrin va barchamiz uni yutishni xohlaymiz. Bu bizning maqsadimiz, ammo biz bunga haddan tashqari berilib ketmasligimiz kerak. Qadam-baqadam borish, ishlash kerak, shunda muvaffaqiyat albatta keladi».

❓«Barsa»da Chempionlar ligasi uchun yetarlicha tarkib bormi?

🗣 Balde: «Bizda sakkiz nafar jahon chempioni bor, ular katta ishonch bilan kelishadi. Bundan tashqari, bizda ajoyib tarkib bor, buni so'nggi yillarda ko'rsatib kelmoqdamiz. Ishonchim komilki, bizni buyuk ishlar kutmoqda».

❓Hozircha ikki yangi o'yinchi keldi: Gordon va Adeyemi. Ikkinchisi allaqachon siz bilan mashg'ulot o'tkazmoqda. U haqida fikringiz qanday?

🗣 Balde: «U bu yerga kelganiga ko'p bo'lmadi, lekin u bilan yetarlicha gaplashdim. O'ylaymanki, o'rtamizda yaxshi munosabatlar shakllandi. U xotirjam yigit taassurotini qoldirmoqda. Umid qilamanki, u mavsum davomida bizga juda katta yordam bera oladi va bunga ishonchim komil. U juda tezkor. Bu o'yinchini anchadan beri bilardim va uning tezligi meni hayratda qoldirdi».

❓Siz sovrinlar va yangi o'yinchilar haqida gapiryapsiz. «Real Madrid» ham tarkibini juda yaxshi kuchaytirmoqda.

🗣 Balde: «Real» — bu «Real», dunyoning eng yaxshi jamoalaridan biri. Biz esa o'zimiz haqimizda o'ylashimiz, o'z yo'limizdan borishimiz, maqsadlar qo'yishimiz va vazifalarimizga e'tibor qaratishimiz kerak. Agar hamma narsani to'g'ri qilsak, katta muvaffaqiyatlarga erisha olamiz».

❓Mourinyuning qaytishi va yangi xaridlar bilan bu «Real» qo'rquv uyg'otyaptimi?

🗣 Balde: «Biz ulardan qo'rqmaymiz. Bu sport, unda o'n birga o'n bir o'ynaladi. Maydonga tushganimizda, nomlarning hech qanday ahamiyati yo'q, ular muhim emas. Chempionat juda uzun, ular bilan esa atigi ikki marta o'ynaymiz. Chempionat taqdiri bizga bog'liq».

🎙 Karim Adeyemi bilan intervyu:

❓Flik seni "Barsa"ga o'tishga qanday ko'ndirdi?

🗣 Adeyemi: "Ko'ndirish" — bu unchalik to'g'ri so'z emas. U shunchaki menga qo'ng'iroq qilib, o'tishni xohlaysanmi, deb so'radi. Men albatta, dedim, chunki bu dunyodagi eng buyuk klub va bunday imkoniyatlar hayotda bir marta bo'ladi. Uni meni ishontirishi shart emasdi. Men unga anchadan beri ishonaman va uni juda hurmat qilaman.

❓Flik sendan nimalarni kutmoqda deb o'ylaysan?

🗣 Adeyemi: Umid qilamanki, u mendagi maydonda jamoaga bera oladigan narsalarni ko'rmoqda. U meni terma jamoadan juda yaxshi biladi va biz yaqinmiz.

❓O'tmishda "Barsa"ga o'tish imkoniyati bo'lganmi?

🗣 Adeyemi: Kichik aloqalar bo'lgandi, lekin aniq hech narsa yo'q edi.

❓2025-yilgi Chempionlar ligasida "Barsa"ga qarshi o'ynagansan. Bu jamoaga qarshi o'ynash qanday tuyg'u?

🗣 Adeyemi: Uf. Bu o'ynash mumkin bo'lgan eng yaxshi o'yinlardan biri. Buyuk jamoa, buyuk klubga qarshi turasan va eng yaxshilarga qarshi o'ynaganingda doim motivatsiya yuqori bo'ladi. O'sha ikki o'yin haqiqatan ham qiyin bo'lgan, lekin biz ulardan zavq olgandik.

❓Javob o'yinida deyarli hisobni tenglashtirib qo'yayozdinglar.

🗣 Adeyemi: Sal qoldi, ha. Biroz omad kulib boqqanida yutib ketishimiz ham mumkin edi.

❓Sen hech qachon "Kamp Nou"da o'ynamagansan. Bu tajriba qanday bo'ladi deb o'ylaysan?

🗣 Adeyemi: O'ylashimcha, bu ajoyib bo'ladi. Nazarimda, u hali to'liq qurib bitkazilmagan, lekin do'stim, bu boy tarixga ega stadion va uning bir qismi bo'lish yoqimli bo'ladi.

❓Terma jamoaga qaytish istaging bor deb o'ylayman. "Barsa"dagi o'yin bunga yordam beradimi?

🗣 Adeyemi: O'ylashimcha, ha, lekin yakunda buni maydonda isbotlashim kerak. Terma jamoaga qaytamanmi yoki yo'q, buni faqat o'zim hal qila olaman. Ishonchim komilki, agar yaxshi o'ynasam, terma jamoaga chaqiruv olaman.

❓Hayoting davomida ko'rgan "Barsa" o'yinlari orasida o'ziga xos xotiralaring bormi?

🗣 Adeyemi: Ha, albatta. Eng buyuk va tarixiy o'yinlardan biri PSJga qarshi bo'lgan. O'ylashimcha, bu tarixdagi eng aqldan ozdiradigan o'yinlardan biri. Bundaylari bir nechta edi, lekin aynan shuni tanlagan bo'lardim.

❓O'zingni futbolchi sifatida qanday ta'riflagan bo'larding?

🗣 Adeyemi: Menda tezlik bor, albatta, lekin o'yinga boshqa sifatlarni ham qo'sha olaman: tezlik, yakkama-yakka vaziyatlarda o'ynash, qanotlarda harakat qilish, hujumchi pozitsiyasida o'ynash... Men o'zimni universal futbolchi deb bilaman va o'ylashimcha, aynan shu narsa meni biroz o'ziga xos qiladi.

❓Futbolni qanday boshlaganingni eslaysanmi?

🗣 Adeyemi: Ha, men Myunxenda, kichik bir klubda o'ynaganman. Eng boshidan kattaroq yigitlar bilan o'ynaganman. Ko'chada o'ynaganimda ham o'zimdan kattalar bilan to'p surardim.

❓Bir jamoada o'ynagan eng yaxshi futbolching kim?

🗣 Adeyemi: O'ylashimcha, Marko Roys eng yaxshilaridan biri edi. Tomas Myuller ham.

❓Qarshi o'ynagan eng yaxshi futbolching-chi?

🗣 Adeyemi: O'sha o'yinda u eng yaxshi sport formasida emasdi, lekin bir marta Krishtianuga qarshi o'ynaganman va u eng yaxshilardan biri.

❓Sen uchun eng yaxshisi — Messi?

🗣 Adeyemi: Albatta.

❓Futboldagi eng yaqin do'sting kim?

🗣 Adeyemi: Aytish qiyin, lekin Marko Roysni aytgan bo'lardim, bizning munosabatlarimiz yaxshi.

❓Bu mavsumdan nimalar kutyapsan?

🗣 Adeyemi: Menda bu juda yaxshi mavsum bo'lishi haqida oldindan sezgi bor, umid qilamanki, ko'plab sovrinlar bilan. Bizni buyuk ishlar kutmoqda, biz hamma narsaga erishmoqchimiz va bunga qodirmiz — buning uchun har kuni mashg'ulot qilamiz va bor kuchimizni beramiz.

❓Chempionlar ligasi finalchisi bo'lgansan. "Barsa"da revansh olishing mumkin deb o'ylaysanmi?

🗣 Adeyemi: Albatta, mening orzuim — Chempionlar ligasini yutish. Men bunga juda yaqin kelgandim, lekin afsuski, yutqazdik va bu mening orzuimligicha qolmoqda. Buning uchun har kuni mehnat qilyapman.

O'tgan mavsumni asosiy tarkib o'yinchisi sifatida yakunlamading. Eng yaxshi formalaringga qaytish uchun nima qilishing kerak?

Balde: «O'ziga bo'lgan ishonchni qaytarish. Agar ideal jismoniy holatda bo'lsam va o'z kuchimga ishonsam, o'z pozitsiyamda juda yaxshi o'ynay olaman deb o'ylayman. «Barsa»da ekanligimni bilaman. 22 yoshdaman va 16 yildan buyon shu klubdaman. Uni yaxshi bilaman va bu yerda raqobat katta ekanligini tushunaman. Bu futbolning bir qismi. Raqobat — bu yaxshi narsa, agar u seni rivojlanishga majbur qilsa, yanada yaxshi».

Sening raqobatching Kanselu bo'ladi.

Balde: «U juda yaxshi o'yinchi. Hujumda ajoyib sifatlarga ega. Bu menga ham yordam beradi. U mendan katta, tajribasi ko'proq va bu menga yordam beradi, chunki men uni namuna sifatida olaman. O'z vaqtida Jordi Albadan ko'p narsalarni o'rganganman. Bu «Barsa» va bu yerda raqobat bor».

Yana bir chap qanot himoyachisi — Jerar Martin. Uning rivojlanishi ajoyib!

Balde: «U ajoyib mavsum o'tkazdi. U bilan juda yaxshi munosabatdaman. Futbolning go'zalligi shundaki, o'yinchi rivojlanishi mumkin va u bizga juda ko'p yordam bermoqda va buni davom ettiradi».

Hozir qanot himoyachisi sifatida o'ynayapsan, lekin hujumchi sifatida boshlagansan.

Balde: «Mini-futbolda ham hujumchi, ham himoyachi pozitsiyalarida o'ynaganman. Pozitsiyalarni o'zgartirib turardim. Katta futbolga o'tganimda vinger sifatida boshlagandim, ammo yarim yildan so'ng meni himoyaga o'tkazishdi. Vinger sifatidagi tajribam hozir hujumkor himoyachi sifatida o'ynayotganimda yordam berayotgani rost. Bunday ko'nikmalar bolalikdan qoladi».

Xansi Flik sendan nimani talab qilmoqda?

Balde: «Barchadan talab qiladigan narsani: diqqatli bo'lishimizni, bor kuchimizni berishimizni. Birinchi navbatda — diqqatni jamlashimni. Biz unga to'liq ishonamiz, u ajoyib murabbiy ekanligini isbotladi».

Jordi Albani eslading. Undan nimani o'rganding?

Balde: «Ko'p narsani. Asosiy jamoaga kelganimda 17 yoshda edim va u men uchun namuna bo'ldi. U «Barsa» tarixidagi eng yaxshi qanot himoyachisi va undan yaxshiroq o'rganadigan inson yo'q edi. U menga maslahatlar berardi, uning mashg'ulotlarda va o'yinlarda o'zini tutishi menga juda katta yordam berdi».