AC Milan — yangiliklari

"Milan" va "Inter" o'rtasidagi bahs oldidan o'tkazilgan matbuot anjumanida Federiko Dimarko quyidagilarni ta'kidladi:

"Men Franko Barezining oilasiga o'z hamdardligimni bildirmoqchiman. U futbol tarixini yaratgan, "Milan" va boshqa barcha jamoalar muxlislari tomonidan qadrlanadigan afsonaviy inson edi".

Fikayo Tomori kelajagi yana savol ostida qolmoqda.

Italiya matbuoti xabariga ko'ra, "Liverpul" ingliz himoyachisini transfer qilish bo'yicha "Milan" bilan dastlabki muzokaralarni boshladi.

Mersisaydliklarning yangi bosh murabbiyi Andoni Iraola himoya chizig'ini tajribali markaziy himoyachi bilan kuchaytirmoqchi va Tomori asosiy nomzodlardan biri sifatida qaralmoqda.

Shu bilan birga, "Yuventus" ham vaziyatni kuzatishda davom etmoqda.

Tomorining shartnomasi 2027-yilga qadar mo'ljallangan. Agar yangi kelishuv imzolanmasa, kelasi yozda "Milan" uchun futbolchining transfer qiymatini saqlab qolish qiyinroq bo'lishi mumkin.

«Inter»ning iqtidorli hujumchisi shartnomani uzaytirish, Aleksandar Stankovich va mavsumdagi maqsadlari haqida gapirdi.

Sky Sport xabariga ko'ra, futbolchi quyidagicha fikr bildirdi:

- «Inter» asosiy jamoasidagi ikkinchi mavsumim oldinda. O'tgan mavsumda 48 ta o'yinda 10 ta gol urdingiz.

- O'tgan mavsumda kutganimizdan ham yaxshiroq natijaga erishdik. B seriyadan kelganimni hisobga olsak, o'tgan o'yin yilidan juda mamnunman. Maqsad – to'xtab qolmaslik va ishlashda davom etish. Shu bois bu mavsumda nafaqat statistika, balki futbolchi sifatida ham o'sishga intilaman.

- «Milan»ga qarshi o'yin yaqinlashmoqda – garchi o'rtoqlik uchrashuvi bo'lsa ham.

- Derbi – har doim o'zgacha voqea. Bolaligimdan beri ko'plab derbilarda qatnashganman, bu har doim ajoyib. O'rtoqlik o'yini bo'lsa-da, biz unga jiddiy yondashamiz.

- «Inter»ning maqsadlari? Jamoadoshlaringiz buni yashirishmayapti.

- Men ular bilan roziman, yashiradigan narsa yo'q: biz kuchli jamoamiz va bu mavsumda ham sovrinlar uchun kurashamiz.

- Aleksandar Stankovich haqida bir necha so'z.

- Uning biz bilan ekanligi ajoyib. Ale «Inter»ga 11 yoshida kelgan, men esa jamoada bir necha mavsum o'ynab bo'lgandim. Yana bir jamoada ekanligimizdan xursandman. Bu yozda unga doimiy ravishda yozib, qaytadimi yoki yo'q, deb so'rab turdim. Axir bolalikdan «Inter» asosiy tarkibida birga o'ynashni orzu qilgan do'sting bilan bir jamoada bo'lish juda yoqimli. U mashg'ulotlar va o'yinlarda yaxshi ko'rinmoqda, lekin men uchun bu kutilmagan hol emas. Endi uning kuchini boshqalar ham tushunib yetishdi.

- Muxlislar shartnomangizni uzaytirish bo'yicha yangiliklarni kutishmoqda.

- Men mutlaqo xotirjamman. «Inter»da o'zimni juda yaxshi his qilyapman. Shartnoma bilan agentim va klub shug'ullanmoqda, hech qanday muammo yo'q.

🚑 Milan lazareti hali ham to'lmoqda.

❌ Mario Gila yakka tartibda shug'ullanishda davom etmoqda va Avstraliyada Interga qarshi o'yinda maydonga tushmaydi. Klub tavakkal qilmaslikka va himoyachiga to'liq tiklanish uchun vaqt berishga qaror qildi.

🏥 Kristian Pulishich va Santyago Ximenes Milanelloda qolishdi:

Pulishich boldir suyagining stress sinishidan so'ng tiklanish jarayonini o'tkazmoqda.

Ximenes to'piq paylaridagi cho'zilishni davolamoqda.

⏳ Jamoa Avstraliyadan qaytgach, shifokorlar ularning holatini baholashadi. Asosiy maqsad — har ikkisini ham A Seriya startiga tayyorlash. Milan 23-avgust kuni chempionat doirasida Torino bilan bahs olib boradi.

🔴 O'yinchilarning salomatligi har qanday o'rtoqlik o'yinidan muhimroq. Asosiysi — mavsum boshiga yangi asoratlarsiz yetib kelish.

🔴 «Oltinchi raqam abadiy»...

Seshanba kuni Curva Sud minglab muxlislar bilan birgalikda Franko Barezi bilan xayrlashadi.

📍 Yig'ilish soat 10:00 da Milandagi Avliyo Ambrozio bazilikasi oldida belgilangan.

Muxlislardan quyidagilar so'raldi:

❤️ shaxsiy banner va bayroqlarni olib kelmaslik;

🖤 faqat sardorga bag'ishlangan Curva Sud bayroqlaridan foydalanish;

👕 oxirgi vidolashuv vaqtida osmonga ko'tarish uchun 6-raqamli futbolka yoki qizil-qora sharf bilan kelish.

«Bu kun faqat bizning abadiy sardorimizga bag'ishlanishi kerak», — deyiladi Curva Sud murojaatida.

🕊️ Xayr, Sardor. Siz abadiy «Milan» yuragi bo'lib qolasiz.

"Fenerbaxche" Ismaila Sarrni o'z safiga qo'shib olishga juda yaqin turibdi. 🤯

Turkiya klubi "Kristal Pelas" bilan kelishuvga erishish ustida ishlamoqda. Futbolchining o'zi "sariq-to'q-ko'klar" safiga o'tishga rozi bo'lgan. Endi barchasi "burgutlar"ga bog'liq. 😳

"Sariq kanareykalar" Rafael Leau transferi amalga oshmagach, ushbu kelishuv bo'yicha ishlarni tezlashtirishdi. ❌

Marko Konterio xabariga ko'ra.

Italiya manbalari xabariga ko'ra, "Real" yarim himoyachisi o'yin amaliyoti kamligidan norozi va yozda Madridni tark etishi mumkin.

Agar Dias ketishga majbur bo'lsa, uning ustuvor maqsadi aynan "Milan" bo'ladi. Futbolchi tanlov borasida ikkilanmasligi aytilmoqda.

"Rossoneri"ning yangi murabbiyi Ruben Amorim ham marokashlik futbolchining nomzodiga ijobiy qaraydi va u o'z o'yin uslubiga ideal mos tushishiga ishonadi.

Eslatib o'tamiz, aynan "Milan" tarkibida Dias 2021/22-yilgi mavsumda Italiya chempioni bo'lgan va jamoada yaxshi taassurot qoldirgan.

👐 Randal Kolo Muani transferi borasida yaxshi yangiliklar: kelishuv shartlari o'zgardi. Randal PSJni ijarasiz va to'liq transfer asosida tark etmoqda. Bulma yozishicha, bu ishga Nosir al-Xelayfi aralashib, rossonerilarni ko'ndirgan.

Fabrisio Romano va Di Marzio ma'lumotiga ko'ra, transfer qiymati 38 million yevro va 12 million yevro bonuslarni tashkil qiladi.

Kuarezning ta'kidlashicha, summa taxminan 40 million yevro va 10 million yevro bonus atrofida.

Randal Kolo Muani tibbiy ko'rikdan o'tish uchun ruxsat oldi.

🎤 Moretto (sobiq Relevo jurnalisti):

Mastantuono ijaraga o'tishga yaqin. "Fiorentina" - argentinalik futbolchi uchun kurashda A Seriyaning eng faol klubi. "Milan" esa faqatgina futbolchining holati bo'yicha ma'lumot so'radi, "Roma" esa poygada ortda qolmoqda.

📰 AS:

"Fiorentina" Mastantuononi ijaraga olish ustida faol ishlamoqda. "Fiolki" sport direktori va bosh direktori argentinalik futbolchi bo'yicha muzokaralarni jadallashtirish uchun "Madrid" bilan o'rtoqlik o'yiniga yo'l olishdi.

"Madrid"da Mastantuononing kelajagi borasida tezroq qaror qabul qilishni istashmoqda.

📰 Valensiya OAV:

"Valensiya" rasman "Madrid"dan Mastantuono bo'yicha ma'lumot so'radi. "Ko'rshapalaklar" vingeri ijaraga olish juda qiyin bo'lishini tushunishsa-da, "Valensiya" futbolchining faoliyatini davom ettirishi mumkin bo'lgan variantlardan biri hisoblanadi.

Xabi Alonso Kaysedo va Jeksonning jismoniy holati haqida gapirdi:

Bugun ular uchun hali erta edi. Biz ularning «Milan» va «Yuventus»ga qarshi o'yinlarda ishtirok etishini rejalashtirmoqdamiz.

Corriere della Sera xabariga ko'ra, «Milan» klubi yangi hujumkor yarim himoyachi izlamoqda. «Rossoneri» bir nechta qiziqarli variantlarni kuzatib bormoqda:

Franko Mastantuono («Real»)

Itan Nvaneri («Arsenal»)

Mastantuono bilan bog'liq g'oya Braim Dias tarixini eslatadi: «Real»ning yosh iqtidorli futbolchisi muntazam o'yin amaliyotiga ega bo'lish uchun Yevropaga ijaraga berilishi mumkin.

Shuningdek, Braim Dias hamon «Milan» nishonida qolmoqda. Ispaniyalik futbolchining Madridda o'z o'rnini topish istagiga qaramay, klub uning vaziyatini kuzatishda davom etmoqda.

Il Messaggero, La Gazzetta dello Sport, Corriere della Sera va La Repubblica xabariga ko'ra, so'nggi haftalarda Endrik va Franko Mastantuono nomlari muhokama qilinmoqda. Biroq bugungi kunda braziliyalik futbolchi Roma rahbariyati uchun ustuvor variantga aylangan. Rimliklar uni Jan Pero Gasperini hujum chizig'i uchun ideal nomzod deb hisoblashmoqda.

Toni D'Amiko Madridga har ikki iqtidorli futbolchi haqida ma'lumot to'plash uchun borgan edi, ammo yetakchi nashrlar Roma Endrik bo'yicha taklif bilan chiqishga tayyorligini ta'kidlashmoqda. Biroq muzokaralar avgust oyining ikkinchi yarmiga qadar kechiktirilgan, chunki Real Madrid futbolchini o'zida olib qolish yoki boshqa jamoaga ijaraga berish masalasini hal qilishi kerak.

Roma quruq ijaraga rozi emas. Klub futbolchi kelajagini nazorat qilish imkonini beradigan, ya'ni sotib olish va qayta sotib olish huquqini o'z ichiga olgan bitim tuzishni maqsad qilgan. Bu xuddi Niko Pas bilan amalga oshirilgan kelishuvga o'xshash. Faqat shu shartlar asosidagina D'Amiko muzokaralarni davom ettirishga tayyor.

Roma strategiyasiga ta'sir qilishi mumkin bo'lgan yana bir omil – Matias Sule. Argentinalik futbolchi hali ham transfer bozorida. Milan unga jiddiy qiziqish bildirmoqda va Rafael Leao sotilishini kutmoqda. Agar Sule avgust oyining so'nggi haftalarida Trigoniya bazasini tark etsa, Roma Endrikni transfer qilish uchun zarur texnik va moliyaviy imkoniyatga ega bo'ladi.

🙏 Yuventus bugun Franko Barezi xotirasini yodga oladi.

Nitssa jamoasiga qarshi o'yin oldidan Milan va Italiya afsonasi sharafiga bir daqiqalik sukut saqlanadi.

🕊️❤️🖤 Franko Barezi bilan vidolashuv sanasi ma'lum bo'ldi.

«Milan»ning afsonaviy sardorini so'nggi yo'lga kuzatish marosimi quyidagi vaqtda bo'lib o'tadi:

📅 4-avgust (seshanba)
🕚 11:00
📍 Avliyo Ambroziy bazilikasi, Milan

Ommaviy vidolashuv marosimi haqida hozircha ma'lumot yo'q. Marosim oila davrasida o'tkazilishi ham istisno qilinmayapti.

Yaqin kunlarda butun futbol olami bir butun davr ramziga aylangan inson bilan xayrlashishda davom etadi.

Oxiratingiz obod bo'lsin, Sardor. ❤️🖤🕊️

Afsonaviy himoyachi Franko Barezi 67 yoshida olamdan o'tdi 🕊

«O'z iste'dodi bilan tarixga kirgan insonlar bor. Insoniyligi bilan u yerda abadiy qoladiganlar ham bor. Franko Barezi har ikkisiga ham ega edi.

Sinf, uslub, yetakchilik va maydonda ham, undan tashqarida ham hurmat. Futbol ishqibozlari va o'yinchi avlodlari uchun namuna, futbolga qiziqqan barcha tomonidan sevilgan va hurmat qilingan inson.

Uning xotirasi abadiy yashaydi. «Yuventus» futbol klubi Barezi oilasiga va «Milan»ga ushbu chuqur qayg'u lahzalarida hamdardlik bildiradi».

Xavyer Zanetti:

Bayroq. Sardor. Afsona. Abadiy 6-raqam.

Ko'plab avlodlar uchun afsona. Yotgan joyingiz yorug' bo'lsin, Franko.

Kardinale Argentina – Angliya o'yinidan so'ng Messi tufayli Amorimga yozdi...

"Milan" egasi o'yinning so'nggi daqiqalaridan hayratda qoldi va murabbiyga shunday savol berdi:

"Biz o'z futbolchilarimizni Messi qilgan ishlarni bajarishga o'rgata olamizmi?"

Amorimning javobi kutilmagan bo'ldi:

"Siz xato qilyapsiz. Bizning futbolchilar buni allaqachon uddalashadi. Ularni shunchaki urinib ko'rishdan qo'rqmaslikka o'rgatish kerak".

Kardinalening so'zlariga ko'ra, aynan shu javob uni murabbiy tanlovida adashmaganiga yanada ko'proq ishontirdi.

Matias Sule "Roma"ni tark etishi mumkin bo'lgan futbolchilar ro'yxatida qolmoqda, garchi argentinalik futbolchi poytaxtni tark etishni istamasa ham.

Eleonora Trotta xabariga ko'ra, "Milan" Sulega qiziqish bildirmoqda, ammo 30 million yevrodan ortiq to'lashga tayyor emas.

Biroq, bunday shartlar ostida futbolchi "Roma"da qoladi: klub uni "rossonerilar" taklif qilayotgan summaga sotish niyatida emas.

75 million yevro. «Milan» tarixidagi eng qimmat transfer.

Avstraliyada «rossoneri» uchun yangi davr boshlanmoqda va uning asosiy ramzi — Gonsalu Ramush.

Statistikasi kishini hayratga soladi:

⚽ 86 ta gol
🅰️ 22 ta assist
🏟️ 237 ta o'yin (kattalar darajasida)

Hatto yulduzli «PSJ»da ham Ramush o'rtacha har 120 daqiqada gol urgan.

Ammo Amorim undan faqat gollar kutmayapti.

💪 Portugaliyalik futbolchi to'p yo'qotilganda jamoaning birinchi himoyachisiga aylanishi, pressingda faol ishtirok etishi va «Milan»ning yangi hujum modelidagi markaziy figura bo'lishi kerak.

«Rossoneri»ning yangi loyihasi aynan Ramush atrofida quriladigan ko'rinadi.

Sizningcha, Gonsalu klub tarixidagi eng qimmat xarid maqomini oqlay oladimi?

⚽️ Infantino Jahon chempionati ulushlarini xususiy investorlarga sotishni rejalashtirmoqda. Bu qanday amalga oshishi mumkin?

The Times xabariga ko'ra, FIFA erkaklar va ayollar o'rtasidagi asosiy turnirlar, xususan, Jahon chempionati va Klublar o'rtasidagi jahon chempionatini boshqaradigan kompaniya tuzmoqchi. FIFA investitsion guruhni Joshua Kushner (Donald Trampning kuyovi Jared Kushnerning ukasi) tomonidan asos solingan Thrive Capital kompaniyasi boshqarishi kutilayotganini tasdiqladi.

Bu yuridik jihatdan qanchalik imkonli?

● FIFA Shveytsariyada notijorat assotsiatsiya (Verein) sifatida ro'yxatdan o'tgan, ya'ni uning aksiyalari yoki egalari yo'q. Shveytsariya qonunchiligi bunday tashkilotlarga pul ishlashni taqiqlamaydi, faqat foydani a'zolar (211 ta milliy federatsiya) o'rtasida taqsimlashni man etadi. Mablag'lar rasman futbol rivojiga qayta investitsiya qilinishi kerak.

● Asosiy yuridik hiyla shundaki, FIFA o'zini sotmayapti. U 20 milliard dollarga baholanayotgan FIFA Forward Enterprise (FFE) nomli alohida tijorat tuzilmasini yaratmoqchi. Tashqi investorlar (shu jumladan Kushnerning Thrive Capital kompaniyasi) 4,2 milliard dollar sarmoya evaziga ozchilik ulushini oladi. FIFA esa futbolni tartibga solish, turnirlarga qo'yish, taqvim va sport qarorlari ustidan mutlaq vakolatni saqlab qolishini da'vo qilmoqda.

● Qizig'i shundaki, UEFA Infantinoning bu niyatini qoralab chiqdi. Biroq Yevropada o'n yildan ortiq vaqt davomida shunga o'xshash sxema mavjud: 2017 yildan buyon yevrokuboklarning tijorat huquqlari Yevropa klublari assotsiatsiyasi (ECA) bilan qo'shma korxona bo'lgan UC3 kompaniyasiga tegishli. Bunda UEFA notijorat tashkilot bo'lib qolmoqda. Ammo FIFAning yangi rejasi ancha keng ko'lamli va tajovuzkorroq: nazorat qilinadigan tuzilma hamda ulushlarni to'g'ridan-to'g'ri tashqi investorlarga sotish.

● Agar FIFA a'zolari bitimni ma'qullasa, har bir assotsiatsiya bir martalik to'lov sifatida 20 million dollargacha mablag' oladi. Bu jihat yuridik tomondan eng zaif nuqta hisoblanadi, chunki bu notijorat tashkilot a'zolariga foyda taqsimlashdek ko'rinadi. Bunday konstruksiya Shveytsariya qonunlari bo'yicha qanchalik tekshiruvdan o'tishi noma'lum.

● Asosiy yuridik xavf – manfaatlar to'qnashuvi va monopoliyaga qarshi qonunchilik. 2023 yil dekabrida Yevropa Ittifoqi sudi Superliga ishi bo'yicha FIFA va UEFAni dominant mavqeni suiiste'mol qilishda ayblagan edi. Agar FIFA turnir tijoratidagi ulushini xususiy investorlarga sotsa, lekin shu bilan birga barcha tartibga solish vakolatlarini saqlab qolsa, bu manfaatlar to'qnashuvi mantiqiga to'g'ri keladi.

● Nihoyat, protsessual muammolar ham bor: FIFA Kongressi (211 federatsiya) ma'qullashi va ustavga o'zgartirishlar kiritilishi kerak. UEFA allaqachon bu rejani futbol boshqaruv organlari o'tmasligi kerak bo'lgan chiziq deb atab, qarshilik ko'rsatmoqda.

🤔 Shveytsariya qonunchiligida bunday hiylaga to'g'ridan-to'g'ri taqiq yo'q. FIFA notijorat tashkilot maqomini tijorat sho''ba korxonasi orqali chiroyli tarzda chetlab o'tmoqda. Ammo bu yerda muammo maqomda emas, balki kapitalni taqsimlash, FIFAning tartibga solish monopoliyasi, Infantinoning siyosiy manfaatlari va Tramp atrofidagilar bilan aloqalarda. Aynan shu yerda kelajakdagi sud va regulyatorlik nizolarining asosiy xavflari yotibdi.

May oyi oxiridan beri Rafael Leao jamoasini o'zgartirmoqchi ekanini va Angliya yoki Ispaniyada o'ynashni orzu qilayotganini ochiq aytib kelmoqda. Biroq, bir oy o'tgan bo'lsa-da, aniq takliflar kelib tushgani yo'q 😕

Agentlar «Manchester Yunayted» va «Chelsi» bilan bog'lanishdi, ammo ular kutgan javobni olishmadi.

Transfer oynasi uchun belgilangan muddat — 29 iyul. Agar futbolchi shu vaqtgacha yangi klub topa olmasa, jamoa bilan Pertga yig'inga borishiga to'g'ri keladi va hozircha ish shu tomonga qarab ketmoqda.

Hozircha faqat quyidagi klublardan real qiziqish mavjud:

«Al-Hilol» (Saudiya Arabistoni) va Istanbulning top-klublari, xususan «Galatasaroy» — ular juda manfaatli shartnoma taklif qilishga tayyor.

Ammo bu variantlarning hech biri Rafael Leaoni Angliyada o'ynash orzusidan voz kechishga unday olmayapti.

Qiziq bir jihat: «Chelsi» Morgan Rojers uchun 100 million funtdan ortiq mablag' sarfladi. Bu esa vinger izlayotgan «Aston Villa» uchun yo'l ochishi mumkin. Agar Unai Emeri futbolchining iqtidoriga ishonsa, ular Leao variantini ko'rib chiqishi mumkin.

Daniele Longo xabariga ko'ra, Fenerbaxche Kristal Pelas bilan Sarr transferi bo'yicha muzokaralar olib bormoqda.

Klublar o'rtasida ijobiy va hurmatga asoslangan muloqot ketmoqda. O'z navbatida, Pelas Ostervoldega qiziqish bildirmoqda.

❌ Rafael Leau transferi bo'yicha muzokaralar to'xtatildi.

Futbolchi Turkiyaga ko'chib o'tishni istamayapti.

Gonsalu Ramush uchun ilk jiddiy sinov yaqinlashmoqda! 🔥

Chorshanba kuni «Milan»ning yangi futbolchisi Avstraliyada «Inter»ga qarshi derbida debyut qilishi mumkin.

70 million yevroga xarid qilingan hujumchi hali to'liq o'yin o'tkazishga tayyor emas — Ruben Amorim uni ko'pi bilan bir taym maydonda qoldirishi kutilmoqda.

⚽ Ammo gap daqiqalarda emas, balki uning roliga bog'liq.

Ramush — bu shunchaki jarima maydonchasida to'p kutib o'tiradigan klassik «to'qqizlik» emas. U chuqurroq harakat qilishni, kombinatsiyalarda qatnashishni, sheriklari uchun bo'sh hududlar yaratishni va hujumlarni aniq zarbalar bilan yakunlashni yoqtiradi.

👀 Aynan shunday hujumchi atrofida Amorim «Milan»ning butun hujumkor o'yinini qayta qurmoqda.

❤️ Yangi «Milan» qanday bo'lishi haqidagi savolga ilk javoblarni tez orada olishimiz mumkin.

Luka Modrich rasman "Milan"ning Avstraliyadagi yig'iniga kelib qo'shildi. 9-sentabr kuni 41 yoshga to'ladigan xorvatiyalik futbolchi jahon chempionatidagi ishtirokini yakunlagach, Pertda "rossonerilar" safiga kelib qo'shildi va dushanba kunidan mashg'ulotlarni boshlaydi. 💪

Luka Modrich bilan birga Avstraliyaga Ardon Yashari ham yetib keldi va u ham jamoa bilan ishlashni boshlaydi.

Kechga borib "Milan" tarkibi yanada to'liqroq ko'rinish oladi: Belgiya terma jamoasi safidagi o'yinlardan qaytgan Aleksis Salemakers va Koni De Vinter jamoaga kelib qo'shilishi kutilmoqda.

Shundan so'ng, faqat ikki fransiyalik futbolchi — Mayk Menyan va Adrien Rabyo umumiy guruhdan tashqarida qoladi. Ular "Milan" Milanelloga qaytganidan so'ng jamoaga kelib qo'shilishadi.

Yangi mavsum qizg'in pallaga kirmoqda, Ruben Amorim boshchiligidagi tarkib esa asta-sekin shakllanib bormoqda. Oldinda "Inter"ga qarshi derbi kutib turibdi va tez orada jamoaning deyarli barcha asosiy yulduzlarini maydonda ko'rish mumkin bo'ladi. 🔥

Avstraliyadan yaxshi yangiliklar! «Milan» yangi mavsumga tayyorgarlikni davom ettirmoqda.

Leau va Gonsalu Ramush ikkinchi kun ketma-ket umumiy guruhda mashg'ulot o'tkazishmoqda va «Inter»ga qarshi o'yinda maydonga tushishlari mumkin.

Kristofer Nkunku to'liq tiklanib oldi.

Mario Gila mushaklaridagi jarohatni davolashda davom etmoqda, Samuele Richchi esa bodomsimon bezlar shamollashidan so'ng tiklanish jarayonini o'tkazmoqda.

Ruben Amorim hamon taktik ishlarga asosiy e'tiborni qaratmoqda va jamoani «Inter» hamda «Chelsi»ga qarshi yaqinlashib kelayotgan o'yinlarga tayyorlamoqda.

Shu bilan birga, Leauning kelajagi ochiqligicha qolmoqda — «Fenerbaxche» yangi taklif tayyorlamoqda, «Galatasaroy» esa vaziyatni diqqat bilan kuzatishda davom etmoqda.

Rafael Leau o'z xohishi bilan ketishini ma'lum qilganidan so'ng, ko'pchilik Angliya Premyer ligasidan takliflar kutgandi. Ammo Angliyadan takliflar kelib tushmadi.

Hozirda haqiqiy da'vogarlar sifatida faqat ikki klub qolmoqda:

✔️ Fenerbaxche
✔️ Galatasaroy

Turkiya klublari Leauga yiliga 10 million yevro atrofida maosh to'lashga tayyor, biroq Milan so'rayotgan 50–60 million yevroni to'lashga shoshilmayapti. Hozircha taklif etilayotgan maksimal summa bonuslar bilan birga 40–45 million yevroni tashkil etmoqda.

Jerri Kardinale uchun haqiqat lahzasi yaqinlashmoqda: narxni yuqori ushlab qolish yoki xaridorlarsiz qolib ketmaslik uchun talablarni pasaytirish.

Kelgusi hafta Rafael Leauning taqdiri va Milan transfer rejalarining kelajagini belgilab berishi mumkin.

Pio Espozitoning agenti futbolchining kelajagi borasida o'z fikrlari bilan o'rtoqlashdi:

Pio "Inter"da qoladi. U qolishni istaydi, biz ham uning qolishini xohlaymiz, klub ham uni saqlab qolish niyatida. Shartnomani uzaytirish bo'yicha to'liq tayyorgarlik bor va biz buni xotirjam muhokama qilyapmiz. O'z vaqtida kelishuv rasmiylashtiriladi, bunga hech qanday shubha yo'q.

PSJ Randal Kolo Muanining transferiga ruxsat berdi.

Hujumchi "Yuventus"ga doimiy asosda o'tmoqda.

Bitim formulasi o'zgardi: ijara va sotib olish majburiyati o'rniga, bu 38 million yevro + 12 million yevro evaziga to'liq transfer bo'ladi. 💰

O'yinchi ertaga JMedical'da kutilmoqda, u yerda 2031-yilgacha mo'ljallangan shartnomani imzolaydi va mavsumiga 5 million yevro maosh oladi. ⏳

Fabrisio Romano xabariga ko'ra.

Yuventus Tomorini o'z safiga qo'shib olish g'oyasidan voz kechgani yo'q. ⚪⚫

Turinliklarning yangi sport direktori Rikki Massara, bir vaqtlar Tomorini Milanga olib kelgan mutaxassis, futbolchining atrofidagilar bilan muzokaralar o'tkazib ulgurdi. 👔

❗ Biroq muhim jihat bor:

Tomorining o'zi Milandan ketishni istamayapti va klubga juda bog'lanib qolgan. ❤️🖤

Ayni damda Ruben Amorim himoyachini mavsumoldi yig'inlarida kuzatmoqda va klub rahbariyati yakuniy qarorga kelishi kerak. 📋

Ingliz futbolchisining shartnomasi 2027-yilgacha amal qiladi, shuning uchun yaqin vaqt ichida bir qarorga kelish talab etiladi. ⏳

Italiya matbuoti xabariga ko'ra, vaziyatning atigi ikki xil ssenariysi qolgan:

✅ Milan bilan shartnomani uzaytirish.
⚪⚫ Yuventusga o'tish.

Fenerbaxche Rafael Leao uchun ikkinchi taklifni tayyorlamoqda.

💰 Birinchi urinish — 40 million yevro — rad etilgandi.

❗️ Milan pozitsiyasi qat'iy qolmoqda: muzokaralar faqat 60 million yevrodan boshlanishi mumkin.

⏳ Italiya matbuoti xabariga ko'ra, yangi taklif yaqin soatlarda yuboriladi va u hal qiluvchi bo'lishi mumkin.

⚽ Shu bilan birga, Leao jamoa bilan mashg'ulotlarga qaytdi va agar transfer amalga oshmasa, kelasi hafta Interga qarshi o'yinda maydonga tushishi mumkin.

❤️🖤 Yozning asosiy transfer sagalaridan biri o'z yakuniga yaqinlashmoqda.

Filippo Terraccianoning kelajagi hozircha ochiq qolmoqda.

La Gazzetta dello Sport xabariga ko'ra, «Monza» himoyachini o'z safiga qo'shib olmoqchi. Buni «Verona»da u bilan birga ishlagan Ivan Yurich so'ramoqda.

«Kremoneze»dagi yaxshi mavsumdan so'ng Terracciano quyidagi natijalarni qayd etdi:

✅ 36 ta o'yin
⚽ 2 ta gol

Ammo bir jihat bor 👇

✈️ Hozir u «Milan» bilan Avstraliyada. Ruben Amorim mashg'ulotlar va o'rtoqlik o'yinlarida futbolchini shaxsan kuzatmoqda.

⚽ Terraccianoning universal ekani (markaziy himoyachi, qanot himoyachisi, lateral va hatto yarim himoyachi) hamda Italiyada tarbiya topgan o'yinchi maqomi «Milan»ni uni tarkibda saqlab qolishga undashi mumkin.

⏳ Hozircha yakuniy qaror qabul qilinmagan — hammasi kelib tushadigan takliflar va Amorimning yakuniy bahosiga bog'liq.

FIFA prezidenti Janni Infantino FIFA Forward Enterprise loyihasidan rasman voz kechdi. Ushbu loyiha tashkilotning tijorat huquqlari va turnirlarini, shu jumladan Jahon chempionatini boshqarishda xususiy investorlarni jalb qilishni ko'zda tutgan edi.

UEFA, Osiyo va Shimoliy Amerika konfederatsiyalari, shuningdek, ko'plab milliy federatsiyalarning keskin tanqidlaridan so'ng, loyiha butunlay to'xtatildi.

Janni Infantino shunday dedi: Bizning maqsadimiz har doim bitta bo'lgan va shunday bo'lib qoladi — futbolni birlashtirish va rivojlantirish. Shu sababli, bu taklif amalga oshirilmaydi.

Endilikda FIFA rahbari jahon futbolini rivojlantirishning boshqa yo'llarini izlash uchun federatsiyalar va konfederatsiyalar bilan yangi maslahatlashuvlar o'tkazmoqchi.

Ko'rinishidan, bu safar futbol hamjamiyati o'z pozitsiyasini himoya qila oldi.

Ruben Amorim «Milan»da o'ziga xos «yumshoq inqilob»ni amalga oshirmoqda.

🤝 Har kuni ertalab u har bir futbolchini qo'l berib ko'rishib, quchoqlab kutib oladi.

⚽ Mashg'ulotlarda to'psiz mashqlar deyarli yo'q — asosiy e'tibor taktika, yuqori pressing va o'yin nazoratiga qaratilgan.

Shu bilan birga, Amorim hech qachon ovozini ko'tarmaydi. U baqirishdan ko'ra, tushuntirishni afzal ko'radi.

🏡 Yana bir muhim o'zgarish — uzoq davom etadigan yopiq yig'inlardan voz kechish. Mashg'ulotlardan so'ng futbolchilar vaqtlarini oilalari bilan o'tkazishlari mumkin, Avstraliyadagi turne vaqtida esa ularga hatto mehmonxonadan tashqarida birgalikda kechki ovqatlanishga ham ruxsat berilgan.

Klub ichida ishonch va insoniy munosabat «Milan»ning yangi poydevori bo'lishi kerakligiga ishonch komil.

Matias Sule baribir "Roma"ni tark etishi mumkin.

Argentinalik futbolchi "daxlsiz" o'yinchi hisoblanmaydi va o'z kelajagi borasida aniqlik kiritilishini kutmoqda. "Roma" munosib takliflarni kutmoqda va futbolchini past narxda sotish niyatida emas.

So'nggi kunlarda "Milan" Sulega qiziqish bildirmoqda. Calciomercato.com xabariga ko'ra, argentinalik futbolchining agenti ushbu variantni amalga oshirish ustida ish boshlab yuborgan.

Agent Sule nomzodini "rossonerilar"ga taklif qildi va 30 million yevro miqdoridagi qat'iy to'lov hamda 2 million yevro atrofidagi bonuslar evaziga muzokaralarni olg'a sura olishiga ishonmoqda. Futbolchining o'zi "Milan"dan aniq qadamlar kutmoqda, garchi klub uni sotib olish kerakmi yoki yo'qmi, degan masalada yakuniy qarorga kelmagan bo'lsa-da.

Italiya futboli og'ir judolikka uchradi: Franko Barezi hayotdan ko'z yumdi.

Aurelio De Laurentiis, Massimiliano Allegri va «Napoli» futbol klubi marhumning oila a'zolariga hamdardlik bildirdi.

Milan lageridan yaxshi yangiliklar!

Kristian Pulishich Milanelloga qaytdi va yangi mavsumga tayyorgarlikni boshladi. Hozircha u individual dastur asosida ishlamoqda va jarohatidan tiklanish jarayonini davom ettirmoqda.

Asosiy maqsad — A Seriyaning birinchi turida Torinoga qarshi bahsga tayyor bo'lish.

📻 Cope xabariga ko'ra, «Manchester Siti» Rodri uchun 70 million yevrogacha mablag' talab qilishi mumkin.

Shu bilan birga, Ispaniya terma jamoasi sardori va Diomande transferi uchun «Madrid» tarkibdagi ayrim o'yinchilar bilan xayrlashishi kerak. Ayni damda «qaymoqranglilar» ro'yxatida 25 ta o'rin to'liq band etilgan, Mastantuono esa «Kastilya» tarkibida ro'yxatdan o'tgan.

Argentinalik futbolchining kelajagiga kelsak, u «Madrid»dan ketsa, faqat «River Pleyt»ga o'tishni istaydi. Biroq madridliklar rahbariyatiga vinger faoliyatini davom ettirishi uchun bu variant ma'qul emas.

Nima bo'lganda ham, Mastantuono «Madrid»dan sotilishi yoki ijaraga berilishi ehtimoli eng yuqori bo'lgan 3 nafar o'yinchidan biri. Asensio va Gonsalo — qolgan ikki futbolchi. Biroq ularning hech biri klubni tark etishni istamayapti.

📰 AS (XFD) ma'lumotiga ko'ra, Rodrining «Real Madrid»ga o'tishi yozda jamoaning amaldagi yarim himoyachilaridan birini sotish uchun eshiklarni ochishi mumkin.

📝 Fabrisio Romano xabariga ko'ra: «Rodri «Real Madrid»ga o'tishni mutlaq ustuvor vazifa deb bilmoqda.

«Manchester Siti» esa kutishni ma'qul ko'rmoqda, chunki ular boshqa klublar ham 30 yoshli tayanch yarim himoyachisi uchun kurashga qo'shilishi mumkin deb hisoblashadi. Biroq «shaharliklar» uchun Rodrining «qaymoqranglilar» safiga o'tish qarorini o'zgartirish qiyin bo'ladi».

The Telegraph jurnalisti Jon Persi xabariga ko'ra, «Nottingem Forest» hujumchi Liam Delapga qiziqish bildirmoqda.

Bundan tashqari, futbolchi «Kristal Pelas» bosh murabbiyi Oliver Glasnerga ham juda yoqadi.