#Yan Diomande — yangiliklari

Leypsig bosh direktori Shefer Diomandening Real Madridga o'tishi haqidagi xabarlarga izoh berdi:

Diomandening Real Madridga o'tishi haqidagi mish-mishlarmi? Ayrim "transfer ekspertlari" bir necha kun oldin bitim yakunlangani yoki "Here we go" deb e'lon qilgani aniq. Ammo aslida bunday emas. Hozircha biz muzokaralarning bunday bosqichida emasmiz.

🚨 Diario AS xabariga ko'ra, Yan Diomande'ning "Real Madrid"ga o'tishi sobiq agenti bilan bog'liq nizo tufayli kechikmoqda.

Maks Gradel FIFAga murojaat qilib, futbolchi ular o'rtasidagi shartnoma shartlarini buzganini da'vo qildi.

"Real Madrid" Roc Nation bilan muzokaralar olib borgan va futbolchining sobiq agenti bilan bog'liq muammolardan xabardor bo'lmagan.

FIFA Diomande'ga bitimni yakunlash uchun vaqtinchalik litsenziya berishi, uni kechiktirishi yoki transferni butunlay to'xtatib qo'yishi mumkin.

"Real" va "RB Leyptsig" o'rtasida barcha masalalar hal qilingan edi, ammo hozirda barcha tomonlar ushbu muammo yechimini kutmoqda.

👀 Roc Nation Sports International (Diomande, Vinisius va Endrik kabi futbolchilarning agentligi) prezidentining bayonoti:

Roc Nation Sports International va butun jamoamiz professional bo'lmagan hamda vaziyatdan bexabar OAV e'tiborni qozonish uchun yolg'on va obro'sizlantiruvchi ma'lumotlarni tarqatganda chetda qarab tura olmaydi.

Bu, ayniqsa, mijozlarimizga nisbatan asossiz ravishda qaratilganida mutlaqo qabul qilinishi mumkin emas. Bu buzg'unchi, zararli va tuhmat hisoblanadi. OAV va jurnalistlar o'z so'zlari uchun javobgarlikni his qilishlari kerak.

Yan Diomande ushbu bayonot aks etgan postga layk bosgan ilk shaxslardan biri bo'ldi.

📺 Florian Plettenberg (Sky Sport jurnalisti) xabariga ko'ra, «Leyptsig» «Madrid»ning Diomande bo'yicha so'nggi taklifiga hali javob bermadi. Shu sababli «qaymoqranglilar» qarshi taklif bilan chiqa olmayapti.

19 yoshli vinger transferi bo'yicha tomonlar hali kelishuvga erishgani yo'q. Shu bois, ushbu saga ertaga ham davom etadi.

Fabrisio Romano xabariga ko'ra, Yan Diomande «Leypsig» bilan Avstriyadagi mavsumoldi yig'iniga yo'l olmaydi.

Rasmiy e'lon «Leypsig» futbolchining o'rnini bosadigan o'yinchi masalasini hal qilganidan so'ng amalga oshiriladi.

Ishonchli jurnalist Rodra so'nggi yangiliklar bilan bo'lishdi. Vinisius bo'yicha vaziyat hamon ochiq qolmoqda.

Diomande haqida: Menga aytilgan so'nggi ma'lumotlarga ko'ra, 122 million sobit to'lov + 10 million bonus ko'rinishida.

Rodri haqida: Taxminan 65 millionlik kelishuvga erishildi. Shuningdek, «Siti»ning Buaddi bilan bitimni yopishini kutmoqdamiz.

Vini haqida: Hammasi to'liq ochiq holatda.

Sky Sport jurnalisti Plettenberg xabariga ko'ra, «Leyptsig» ayni damda «Ferl» klubiga qarshi o'rtoqlik uchrashuvini o'tkazmoqda. Ushbu bahsda Diomande ishtirok etmayapti. U potensial transfer oldidan jarohat olish xavfidan saqlanish uchun o'yinda qatnashmayapti.

«Leyptsig» Avstriyaga o'quv-mashg'ulot yig'iniga yo'l oladi. «Real Madrid» ivuarlik futbolchining jamoa bilan birga yig'inga ketmasligi uchun barcha choralarni ko'rmoqda. Hozir hal qiluvchi soatlar o'tmoqda.

Fabrisio Romano xabariga ko'ra, Diomande «Real Madrid»ga o'tayotgani uchun «Ferl»ga qarshi o'ynamadi. Transfer bo'yicha kelishuvga bir hafta avval erishilgan. Futbolchi Madridga uchib ketish uchun «Leyptsig»dan ruxsat kutmoqda.

🖥 BILD xabariga ko'ra, «Leypsig» «Madrid»ning Diomande bo'yicha 100 mln yevro va 115 mln yevrolik ikkita taklifini rad etdi. Nemis klubi 19 yoshli vinger uchun 120 mln yevro hamda 15 mln yevro bonus talab qilmoqda.

📺 Plettenberg (Sky Sport jurnalisti) ma'lumotiga ko'ra, «Leypsig» «Madrid»ning so'nggi taklifiga javob bermadi. Shu sababli, so'nggi bir sutka ichida tomonlar o'rtasidagi muzokaralar boshi berk ko'chaga kirib qoldi, bu esa «qirollik klubi»da ajablanish uyg'otdi.

Favqulodda holat yuz bermasa, «qizil buqalar»ning rejasi bo'yicha futbolchi ertaga jamoa bilan birga Avstriyadagi yig'inga yo'l olishi kerak. Diomande bu haqda ogohlantirilgan. Biroq, u hali ham safardan qochishga umid qilmoqda. Masalaning yakuniy yechimi ertaga ertalab ma'lum bo'ladi.

Ivoriyalik futbolchi «Leypsig» bilan to'liq mavsumoldi tayyorgarligida ishtirok etishni istamayapti. U «Madrid»ga o'tish niyatida, shu bois xayolan nemis klubi bilan xayrlashib bo'lgan va klublar tezroq kelishuvga erishishiga umid qilmoqda. Oldinda turgan dam olish kunlari ushbu transfer sagasida hal qiluvchi ahamiyat kasb etadi.

📰 AS xabariga ko'ra, Rodri hamon Madrid klubi uchun ustuvor maqsad hisoblanadi. Biroq, klub 30 yoshli ispaniyalik futbolchini transfer qilish bo'yicha ishlarni bir necha kunga kechiktirdi.

Hozirda Real Madrid butun e'tiborini Diomande transferini yakunlashga qaratgan. Madridliklar 19 yoshli vinger shu hafta oxirigacha jamoa mashg'ulotlariga qo'shilishi ustida ishlamoqda.

Yangi futbolchilarning taqdimoti kechikayotganiga kelsak, bu Florentino Peresning ayni damda Ispaniya poytaxtida yo'qligi bilan bog'liq. Shunga qaramay, Madridda yaqin haftalar ichida yangi o'yinchilarni tanishtirish rejalashtirilgan.

📻 Pereyro (Onda Cero jurnalisti):

Endrik yozda "Real Madrid"dan ketishiga to'g'ri keladi, shekilli.

📰 R. Martin (AS jurnalisti):

Endrikning "Madrid"dagi holati murakkablashdi. Avvalroq braziliyalik futbolchi hujum chizig'idagi raqobat sabab kam o'yin amaliyotiga ega bo'layotganidan norozi edi. Espi jamoaga kelib qo'shilgach, uning ahvoli yanada yomonlashdi.

📻 Cope xabariga ko'ra, "Madrid"ning yangi mavsum uchun qaydnomasida atigi 1 ta bo'sh o'rin qolgan va u Diomande uchun ajratilgan. Rodri transferini amalga oshirish uchun "qaymoqranglilar" kamida yana bir futbolchi bilan xayrlashishlari kerak.

Fabrisio Romano xabariga ko'ra, Real Madrid Leyptsig bilan Diomande transferi bo'yicha kelishuvga erishdi. Nemis klubi 19 yoshli vingerga o'rinbosar izlamoqda, shundan so'ng tomonlar bitimni rasman e'lon qilishadi.

Bugun madridliklar Rodri transferi bo'yicha Manchester Siti bilan muzokaralarni davom ettiradi. Klublar o'rtasidagi munosabatlar juda yaxshi. Peres 30 yoshli tayanch yarim himoyachisini sotib olishga rozilik berdi, shu bois Real Madrid uni o'z safiga qo'shib olmoqchi. Madrid Rodri uchun 50 million yevrodan ortiq mablag' to'lashga tayyor.

📰 Marca xabariga ko'ra, kecha Diomande atrofidagilar uning Leyptsigdagi barcha buyumlarini yig'ishtirib olishgan.

19 yoshli vingerga yaqin bo'lgan shaxslar uning baribir "Real Madrid"ga o'tishiga ishonch bildirishmoqda. Bundan tashqari, ular quyidagilarni qo'shimcha qilishdi:

Diomande La Ligani zabt etishga tayyor.

📺 Sky Sport jurnalisti Plettenberg xabariga ko'ra, bugun Diomande jarohat olib qo'ymaslik uchun «Leyptsig» bilan yengillashtirilgan rejimda mashg'ulot o'tkazdi. «Madrid» 19 yoshli vinger bo'yicha nemis klubi bilan muzokaralarni davom ettirmoqda.

«Leyptsig» Diomande uchun kamida 120 million yevro ishlab olmoqchi (juda yuqori belgilangan summa va oson amalga oshiriladigan bonuslar). Hozirgi vaqtda tomonlar transfer bo'yicha hali kelishuvga erishgani yo'q. Shu sababli ular bu borada ishlashda davom etishmoqda.

📰 Florian Plettenberg xabariga ko'ra: «RB Leypsig» kamida 120 million yevro talab qilmoqda, bunda summaning katta qismi kafolatlangan bo'lishi kerak.

Bugungi muzokaralardagi asosiy muammo «Real» taklif qilgan murakkab bonuslar tizimi bo'ldi, bu esa kelishuvga erishishni qiyinlashtirmoqda.

🗼 L'Équipe xabariga ko'ra, PSJ Diomande transferi borasida "Real Madrid"ga munosabat bildirdi:

"Leyptsig" o'zida salohiyatga ega, ammo bir yil avval Ispaniya ikkinchi divizionida o'ynagan futbolchi uchun juda katta mablag' so'radi. Biz faqat bir klub sun'iy shov-shuv ko'targani uchun bunchalik katta pul sarflamoqchi emasmiz. Bu "Real Madrid" hozir qanday darajada ekanligini ko'rsatib beradi.

📺 Florian Plettenberg (Sky Sport jurnalisti) xabariga ko'ra, bugun Leypsig vakillari Madrid bilan Diomande transferi bo'yicha kelishuvga erishilmaganini rasman tasdiqlashdi. Bugunning o'zida muzokaralarda ijobiy o'zgarish kutilmayapti.

Shu bilan birga, qirollik klubi va Leypsig o'rtasidagi 19 yoshli vinger transferi bo'yicha muzokaralar Leypsigning Xoffenxaym hujumchisi Aslani bilan olib borayotgan transferiga hech qanday aloqasi yo'q.

Fabrisio Romano xabariga ko'ra, "Real Madrid" Diomande transferini yakunladi. 19 yoshli vinger yozda "Liverpul", "Manchester Siti" va "Arsenal" takliflarini rad etdi. Futbolchi klublarga shunday javob bergan:

Yo'q, rahmat. Men faqat "Real Madrid"ga o'tishni xohlayman.

Murinyu Diomandeni har qanday yo'l bilan qo'lga kiritishga qaror qilgan. Shu bois murabbiy klub rahbariyatiga shunday degan:

Menga tezkor, gol uradigan va raqib darvozasi oldida xavfli vaziyatlar yaratadigan hujumchi kerak. Yuqori darajada raqobatlasha olishimiz uchun yana bir o'yinchi zarur.

Cope ma'lumotiga ko'ra, "Madrid" Diomande transferini shu hafta yakunlashiga ishonchi komil. Yuridik masalalar va "Leypsig"ning o'yinchiga o'rinbosar qidirayotgani transferning rasman e'lon qilinishini biroz kechiktirmoqda.

📰 AS xabariga ko'ra, "Real Madrid"ning Diomande transferini rasman e'lon qilmayotganiga sabab – vingerning sobiq agenti Gradel uni shartnomani buzganlikda ayblamoqda.

"Qirollik klubi" futbolchining hozirgi agentligi Roc Nation bilan muzokaralar olib borgan. "Madrid"da ivuarlik futbolchining sobiq agenti bilan bog'liq muammolar haqida ma'lumot bo'lmagan. Bu kelishuvni yakunlash yo'lidagi jiddiy to'siqqa aylandi.

Diomande'ning sobiq agenti allaqachon FIFAga Roc Nation ustidan shikoyat kiritgan. FIFA yo Diomande'ning o'tishi uchun vaqtinchalik litsenziya berishi, yo bitimni vaqtincha to'xtatib turishi, yoki umuman transferni bekor qilishi mumkin.

"Real Madrid" hujumchining transferi bo'yicha "Leyptsig" bilan kelishuvga erishgan. Ammo hozirda barcha tomonlar ushbu muammo yechilishini kutmoqda.

"Leganes" sobiq sardori va Yan Diomande bilan birga to'p tepgan Serxio Gonsales yosh futbolchining salohiyati haqida o'z fikrlari bilan o'rtoqlashdi:

Diomande Lamin Yamal darajasiga chiqa oladimi? Rostini aytsam, ha. Bu g'alati eshitilishi mumkin, ammo Yanning salohiyatiga qarab, u aynan shu darajada o'ynay oladi deb o'ylayman.

Lamin ancha vaqtdan beri barqaror va yuqori saviyada o'ynamoqda. Ammo Diomande o'zini ko'rsatish uchun imkoniyat olsa, u Yamal darajasiga yetib boradi va hatto undan ham o'zib ketishi mumkin. Yan aqlbovar qilmas salohiyatga ega, u fenomen va buni isbotlaydi.

Diomande faoliyatida ulkan qadamlar tashladi, endi uni yana bir katta o'tish kutmoqda ["Real Madrid"ga]. Menda faqat bitta katta savol bor: u ruhiy bosimga qanday bardosh beradi?

Fabrisio Romano xabariga ko'ra: 📝 «Diomande «Leyptsig» bilan Avstriyadagi mavsumoldi yig'iniga jo'nab ketmadi, chunki klub ma'lumotiga ko'ra, u kasal bo'lib qolgan. Ammo, har ikki jamoaga hurmat saqlagan holda, vingerda, ko'rinishidan, «Real Madrid» degan kasallik bor (kuladi).

«Qirollik klubi» allaqachon Diomande transferini yakunlab bo'lgan. Agar bunga avvalroq ishonmagan bo'lsangiz, umid qilamanki, bugun ishonasiz. Dunyoning eng yaxshi o'yinchilaridan biri maydonga tushmayaptimi, demak, klublar va futbolchi o'rtasida barchasi kelishib olingan».

📺 Plettenberg (Sky Sport jurnalisti): Diomande bugun «Leypsig» bilan birga Avstriyadagi mavsumoldi yig'iniga jo'nab ketmaydi. «Madrid» ham, vingerning o'zi ham aynan shuni rejalashtirgandi.

«Qirollik klubi» nemis jamoasi bilan Diomande transferi bo'yicha muzokaralarni davom ettiradi. «Madrid» ivuarlik futbolchining transferini bugun yoki eng kechi bilan ertaga yakunlashni maqsad qilgan.

📝 Fabrisio Romano (insayder): «Real Madrid» Diomande transferini o'tgan shanba kuniyoq yakunlab qo'ygan. Hozir klub bitimni e'lon qilish uchun «Leypsig»dan «yashil chiroq» kutmoqda.

📺 Plettenberg (Sky Sport jurnalisti): Bugun ertalab Diomande "Leypsig"ni o'zining kasalligi haqida rasman xabardor qildi. Shu sababli, vinger jamoa bilan birga Avstriyadagi mavsumoldi yig'iniga yo'l olmasligi kutilmoqda.

Diomande "Real Madrid"ga o'tishni istamoqda. U xayolan "Leypsig"ni tark etib bo'lgan. "Qirollik klubi" ivuarlik futbolchi bo'yicha "buqalar" bilan yaqin soatlar ichida yakuniy kelishuvga erishishga urinmoqda, shunda u tibbiy ko'rikdan o'tish uchun Ispaniya poytaxtiga yo'l olishi mumkin.

"Leypsig" — ijtimoiy tarmoqlarda: "Diomande infeksiya sababli safdan chiqdi"

Jurnalist Romen Molina Yan Diomande transferi atrofidagi vaziyat bo'yicha yangi ma'lumotlarni taqdim etdi:

🛑 Roc Nation Sports agentlari Yan Diomande uchun taxminan 20 million yevro miqdorida shaxsiy bonus va komissiya talab qilishgan (bu summa klub talab qilgan mablag'dan tashqari).

🛑 Diomande «Liverpul» yoki «Manchester Siti»ni rad etmagan. Muammo, katta ehtimol bilan, uning agentlar bilan bo'lgan yuridik nizolari, muzlatilgan aktivlar va sud jarayonlari xavfi sababli Premer-ligaga o'tish imkoniyatining yo'qligida edi.

🛑 «Real» ushbu transfer bilan bog'liq barcha yuridik va moliyaviy xatarlarni o'rganib chiqmoqda. Futbolchining faoliyatidan ko'proq daromad ko'rgan «ma'naviy ota» va uning atrofidagi turli manfaatdor «agentlar» hamda «vositchilar» tufayli yuzaga kelgan murakkab tarix klubni ehtiyotkorlikka chaqirmoqda.

🛑 Futbolchining atrof-muhiti juda yomon. Bu uning turli agentliklar bilan ko'plab shartnomalar imzolashiga olib kelgan va hozirda uning o'ziga zarar yetkazmoqda.

🛑 «Leganes»ga o'tishdan oldin Diomande Gretsiyada bo'lgan va «Olimpiakos»ga o'tishni rejalashtirgan, biroq so'nggi daqiqada qarorini o'zgartirib, «Leganes» bilan shartnoma imzolagan.

🛑 «PSJ» futbolchining sobiq vakillari atrofidagi tartibsizliklar sababli muzokaralardan chiqib ketgan.

📺 Sky Sport jurnalisti Plettenberg xabariga ko'ra, "Real Madrid" hali ham "Leyptsig" bilan Diomande transferi bo'yicha kelishuvga erishgani yo'q. Tomonlar muzokaralarni davom ettirmoqda.

Bugun vinger individual tarzda shug'ullandi. Shu bilan birga, ertaga "Leyptsig" Avstriyadagi mavsumoldi yig'inlariga yo'l oladi.

Arancha Rodriges xabariga ko'ra, «Real» tarkibida ro'yxatdan o'tish uchun faqat bitta bo'sh o'rin qolgan.

Bu o'rin Yan Diomande uchun mo'ljallangan.

Rodri jamoaga qo'shilishi uchun «Real»ning hozirgi tarkibidagi futbolchilardan biri klubni tark etishi kerak.

Sky Sport jurnalisti Plettenberg xabariga ko'ra, Real Madrid "Leyptsig" Avstriyadagi mavsumoldi yig'iniga jo'nab ketguniga qadar, ya'ni shanba kuniga qadar Diomande transferini yakunlamoqchi. Bugun "qirollik klubi" nemis jamoasi bilan vingerning transferi bo'yicha yangi muzokaralar o'tkazdi.

19 yoshli ivuarlik futbolchi Real Madrid "Leyptsig" bilan uning o'tishi bo'yicha kelishuvga erishishini sabr bilan kutmoqda.

AS xabariga ko'ra, Mourinyu kelasi mavsumda «Real» boshqaruvida juda tezkor va to'g'ridan-to'g'ri hujumkor o'yin uslubini shakllantirmoqchi. Aynan shu sababli portugaliyalik mutaxassis jamoada tezkor futbolchilarni ko'rishni istamoqda.

A. Esteban ma'lumotiga ko'ra, Mourinyu «Real» tezkor va vertikal futbol o'ynashini xohlaydi. Diomande murabbiyning g'oyalariga juda mos keladi.

📺 Sky Sport jurnalisti Plettenberg xabariga ko'ra, «Real Madrid» hamon «Leyptsig» bilan Diomande transferi bo'yicha yakuniy kelishuvga erishgani yo'q. Ushbu transfer sagasiga aloqador barcha tomonlar buni tasdiqlamoqda.

Agar yaqin 15 daqiqa ichida favqulodda hech narsa yuz bermasa, ertaga ertalab «qirollik klubi» nemis jamoasi bilan muzokaralarni davom ettiradi.

«Leyptsig» vinger uchun deyarli 120 million yevro qat'iy to'lov va bonuslar talab qilmoqda. Shu sababli, katta ehtimol bilan Diomande transferi «Madrid»ga 120 million yevrodan qimmatroqqa tushadi.

Shu bilan birga, 19 yoshli ivuarlik futbolchi hamon faqat «Madrid»ga o'tishni istamoqda. Hozirgi vaqtda «PSJ»ning futbolchi uchun kurashga qaytishi kutilmayapti.

Radio Marca jurnalisti Valentin xabariga ko'ra, Real Madrid ham Diomande, ham Rodri bilan shaxsiy shartnoma shartlarini to'liq kelishib olgan.

Real Madridning 19 yoshli vinger bo'yicha Leyptsig bilan muzokaralari yakuniy bosqichda. Diomande transferi yopilgandan so'ng, klub Rodri bo'yicha Manchester Siti bilan muzokaralarni boshlaydi va bitimni maksimal 60 million yevro evaziga yakunlashni rejalashtirmoqda.

AS (XFD) ma'lumotiga ko'ra, PSJ prezidenti Al-Xelayfi Rodri agentlari bilan bog'lanishni topshirgan. Bu harakat Madrid klubidan Diomande transferi uchun o'ch olish maqsadi bilan bog'liq.

Madridliklar ispaniyalik futbolchini transfer oynasi yopilgunga qadar xarid qilish imkoniyatini istisno etmayapti. Biroq klub uni jamoaga olib kelishga kafolat bermaydi. Real Madrid yarim himoyachilardan biri ketgan taqdirda Rodri transferini ko'rib chiqishi mumkin.

The Athletic (Kortegana) xabariga ko'ra, Real Madrid va Leypsig hali ham Diomande transferi bo'yicha kelishuvga erishgani yo'q. Tomonlar bitim summasi va to'lovlar strukturasi bo'yicha yakuniy kelishuvga kelishlari kerak.

Shunga qaramay, klublar transfer amalga oshishiga ishonch bildirmoqda. Futbolchining o'zi Madrid bilan shaxsiy shartnoma shartlarini kelishib olgan. Qolaversa, muzokaralar davomida Diomande bevosita Mourinyu bilan muloqot qilgan.

Leypsig ivuarlik futbolchini taxminan 130 million yevroga baholamoqda. Madrid esa 100 millioni kafolatlangan to'lov, qolgani esa bonuslar ko'rinishida bo'lgan 120 million yevro atrofida taklif qilgan.

Hozircha nemis klubi ushbu taklifga javob bermadi.