#AS — yangiliklari

📰 AS xabariga ko'ra, Vinisius Junior va "Real Madrid" o'rtasidagi shartnomani uzaytirish bo'yicha muzokaralarda imij huquqlarini taqsimlash masalasi muhim rol o'ynaydi. Braziliyalik futbolchi Kilian Mbappe singari o'z obraziga bo'lgan huquqlarning deyarli 100 foiziga egalik qilishni istamoqda. Bundan tashqari, Vinisius mavsumiga 20 million yevro atrofida maosh va ehtimoliy imzolash bonusini talab qilmoqda.

Har qanday holatda ham, Vinisiusning kelajagi katta ehtimol bilan Ousmane Diomande "Real Madrid"ga o'tguniga qadar hal qilinadi.

📻 Valentin (Radio Marca jurnalisti): "Vinisius so'nggi ikki yil davomida majbur bo'lgan ishni qilmoqda — bor kuchi bilan "Real Madrid"dan imkon qadar foydaliroq shartnoma "yulib olishga" urinmoqda. Shu sababli, ba'zilar Vinisiusni "Real Madrid"ni telbalarcha sevuvchi haqiqiy madridista deb da'vo qilmasligi kerak... Vinisius ham 99 foiz futbolchilar kabi imkon qadar ko'proq pul ishlashga intilmoqda".

📰 AS xabariga ko'ra, Mikel Arteta Vinisius Junior bilan shaxsan suhbatlashgan va braziliyalik futbolchini "Arsenal"dagi loyihasining markaziy qismiga aylantirmoqchi ekanini bildirgan. "Kanonirlar" bosh murabbiyi ushbu transfer bo'yicha ishlarni shaxsan o'z nazoratiga olgan. London klubi vinger bilan shartnoma imzolash uchun bor imkoniyatini ishga solmoqchi.

Shu bilan birga, na "Arsenal", na Vinisiusning o'zi aloqalar borligini tasdiqlashdi. Qolaversa, 26 yoshli futbolchi "Real Madrid"da qolish istagida ekanini aniq bildirgan.

Shunga qaramay, Arteta Vinisiusni o'z jamoasida ko'rishni istayotganini yashirmayapti va bu qiziqish shunchaki transfer mish-mishi emasligini ta'kidlamoqda.

Agar Vinisius shartnomasi yakunlanishiga bir yil qolganida uni uzaytirmasa, "Real Madrid" "Arsenal"dan futbolchi uchun 150 million yevrodan ortiq mablag' talab qiladi.

📰 A. Esteban xabariga ko'ra: "Vinisius "Real Madrid" bazasiga mavsumoldi tayyorgarligini boshlash uchun soat 9:27 da yetib keldi, garchi mashg'ulotlar 11:00 da boshlanishi kerak bo'lsa ham".

📰 AS xabariga ko'ra, "Real Madrid"ning Diomande transferini rasman e'lon qilmayotganiga sabab – vingerning sobiq agenti Gradel uni shartnomani buzganlikda ayblamoqda.

"Qirollik klubi" futbolchining hozirgi agentligi Roc Nation bilan muzokaralar olib borgan. "Madrid"da ivuarlik futbolchining sobiq agenti bilan bog'liq muammolar haqida ma'lumot bo'lmagan. Bu kelishuvni yakunlash yo'lidagi jiddiy to'siqqa aylandi.

Diomande'ning sobiq agenti allaqachon FIFAga Roc Nation ustidan shikoyat kiritgan. FIFA yo Diomande'ning o'tishi uchun vaqtinchalik litsenziya berishi, yo bitimni vaqtincha to'xtatib turishi, yoki umuman transferni bekor qilishi mumkin.

"Real Madrid" hujumchining transferi bo'yicha "Leyptsig" bilan kelishuvga erishgan. Ammo hozirda barcha tomonlar ushbu muammo yechilishini kutmoqda.

📰 AS gazetasi direktor o'rinbosari Ronsero «Fiorentina»ga qarshi o'rtoqlik uchrashuvi yakunlari bo'yicha o'z fikrlari bilan o'rtoqlashdi:

Gulerning «Madrid» o'yiniga ta'siri – o'rtoqlik uchrashuvi yakunlari bo'yicha eng ijobiy jihat. 21 yoshli turkiyalik futbolchi nihoyat o'zining eng yuqori sport formasiga chiqdi, shuning uchun kecha u o'zi istagandek o'ynadi. Guler Mourinyu qo'l ostida «yangi Ozil»ga aylanadi.

🎤 Moretto (sobiq Relevo jurnalisti):

Mastantuono ijaraga o'tishga yaqin. "Fiorentina" - argentinalik futbolchi uchun kurashda A Seriyaning eng faol klubi. "Milan" esa faqatgina futbolchining holati bo'yicha ma'lumot so'radi, "Roma" esa poygada ortda qolmoqda.

📰 AS:

"Fiorentina" Mastantuononi ijaraga olish ustida faol ishlamoqda. "Fiolki" sport direktori va bosh direktori argentinalik futbolchi bo'yicha muzokaralarni jadallashtirish uchun "Madrid" bilan o'rtoqlik o'yiniga yo'l olishdi.

"Madrid"da Mastantuononing kelajagi borasida tezroq qaror qabul qilishni istashmoqda.

📰 Valensiya OAV:

"Valensiya" rasman "Madrid"dan Mastantuono bo'yicha ma'lumot so'radi. "Ko'rshapalaklar" vingeri ijaraga olish juda qiyin bo'lishini tushunishsa-da, "Valensiya" futbolchining faoliyatini davom ettirishi mumkin bo'lgan variantlardan biri hisoblanadi.

📰 AS xabariga ko'ra, Trent Aleksander-Arnold «Real»da asosiy o'ng qanot himoyachisi o'rni uchun Denzel Dumfries bilan raqobatlashishga tayyor.

27 yoshli britaniyalik futbolchi «Qirollik klubi»da o'zining eng yaxshi o'yin darajasini ko'rsatishi kerakligini yaxshi tushunib turibdi.

📰 AS xabariga ko'ra, Mourino «Real» akademiyasidan 16 nafar futbolchini asosiy jamoaning mavsumoldi yig'iniga chaqirdi.

Portugaliyalik mutaxassis «qirollik klubi»dagi ilk faoliyati davrida 20 nafar yosh tarbiyalanuvchiga asosiy tarkibda debyut qilish imkoniyatini taqdim etgan edi.

📰 AS xabariga ko'ra, "Real Madrid" Joze Mourinyuning shaxsiy iltimosiga binoan sof "to'qqiz raqam" pozitsiyasida o'ynaydigan hujumchini sotib olishga qaror qildi. Klub yulduz futbolchi emas, balki gol urish qobiliyatiga ega va raqib jarima maydonchasida yaxshi harakatlana oladigan ishonchli zaxira hujumchisini qidirmoqda.

Shu sababli, "Real Madrid" "Levante" hujumchisi Karlos Espini tarkibga qo'shib olish imkoniyatini jiddiy ko'rib chiqmoqda. 21 yoshli futbolchi "Xall Siti"ga o'tish arafasida edi, ammo "qaymoqranglilar"ning qiziqishi haqida bilganidan so'ng muzokaralarni to'xtatdi. "Real Madrid" allaqachon Espi va valensiyaliklar klubi vakillari bilan bog'langan. 194 santimetr bo'yli ispaniyalik futbolchining shartnomasida 25 million yevro miqdoridagi tovon puli ko'rsatilgan.

📰 Rubiano: "Gonsaloni 40 millionga sotib, keyin Espini 25 millionga sotib olish ahmoqlik".

📰 Superdeporte ma'lumotiga ko'ra, hozirda erkin agent maqomida bo'lgan Xoselu La Ligadan o'ziga yangi jamoa topmoqchi.

📰 B. Fernandes xabariga ko'ra, "Real Madrid" hujumchi sotib olishni ko'rib chiqayotgan bo'lsa-da, Mourinyu Endrikning o'yin darajasini kuzatmoqchi. 20 yoshli braziliyalik futbolchi murabbiyning ishonchini qozonish uchun ta'tilini 2 kunga qisqartirdi. U "Real Madrid"da qolishni istamoqda.

📰 AS xabariga ko'ra, Federiko Valverde o'tgan mavsumdagi qiyinchiliklarni unutishi kerak. U uchun o'tgan yil Xabi Alonso bilan bo'lgan mojaro, Orelen Tchuameni bilan janjal hamda Urugvay terma jamoasi safida 2026-yilgi Jahon chempionatidagi muvaffaqiyatsiz ishtirok tufayli og'ir kechdi.

28 yoshli urugvaylik futbolchi "Real" sardoriga aylandi va Joze Mourinyo uchun asosiy yarim himoyachi hisoblanadi. Shu bois, yaqinlashib kelayotgan mavsum Valverde uchun "qirollik klubi" safidagi hal qiluvchi pallaga aylanadi.

❌ «PSJ» Rodri bilan to'g'ridan-to'g'ri bog'landi, ammo futbolchining javobi: «Yo'q, rahmat» bo'ldi (As).

U hatto taklifni eshitib ham o'tirmadi.

📰 AS xabariga ko'ra, «Strasbur» «Kastilya»ning 20 yoshli hujumchisi Xose Ortegani o'z safiga qo'shib olishga yaqin turibdi.

«Real Madrid» futbolchining 50 foiz transfer huquqini sotish evaziga 8 million yevro ishlab oladi va shuningdek, o'yinchini qaytarib sotib olish huquqini o'zida saqlab qoladi.

🖥 Ray (The Athletic jurnalisti): "Gonsalo «Fulxem»ga o'tish imkoniyatini jiddiy ko'rib chiqmoqda".

Ammo Mourinyu 22 yoshli hujumchini "Madrid"da saqlab qolmoqchi.

📰 R. Martin (AS jurnalisti):

"Gonsalo mavsumoldi tayyorgarligida o'tkazayotgan har bir daqiqa Mourinyuga og'riq bermoqda [hujumchining kelajagi borasida], chunki u qancha ko'p o'ynasa, uni boshqa jamoaga qo'yib yuborish shunchalik qiyinlashadi".

Qayd etish joizki, Gonsalo portugaliyalik murabbiy qo'l ostida 2 ta o'yin o'tkazib, bitta gol urishga erishdi.

📰 AS xabariga ko'ra, Vinisius Junior «Real» ixtiyoriga a'lo darajadagi jismoniy holatda qaytib keldi.

Braziliyalik futbolchi yozgi ta'tilda jamoaning boshqa o'yinchilariga nisbatan eng uzoq muddatli dam olish huquqiga ega bo'ldi — 4 hafta. Klub rahbariyati shunday qarorga keldi, chunki o'tgan mavsumda u maydonda eng ko'p daqiqa harakat qilgan futbolchi bo'ldi (mumkin bo'lgan 5040 daqiqadan 4249 daqiqasi). Vinger jami 56 ta o'yindan 53 tasida ishtirok etib, ularning 48 tasini asosiy tarkibda boshlagan.

📻 Cope xabariga ko'ra, joriy hafta Vinisiusning kelajagi borasida hal qiluvchi pallaga aylanadi. "Real Madrid" vinger bilan shartnomani uzaytirish bo'yicha muzokaralarni qayta boshlaydi. Tomonlar hamkorlikni davom ettirishdan manfaatdor bo'lgani sababli, klub 26 yoshli braziliyalik futbolchi bilan yangi bitim imzolashi kutilmoqda.

📰 AS direktori:

Yaqin orada "Madrid" bo'yicha yangi xabarlar chiqadi. Kutib qoling

📰 AS gazetasi direktor o'rinbosari Ronsero Eduardo Kamavinganing o'yini borasida tanqidiy fikr bildirdi:

Kamavinganing o'yin darajasi xavotir uyg'otmoqda. «Fiorentina»ga qarshi o'rtoqlik uchrashuvida u o'tgan mavsumdagidek beqaror, ishonchsiz va tarqoq ko'rindi. Eduardo potensial yulduzdan muvaffaqiyatsiz futbolchiga aylanib qoldi. U o'smayapti va «Madrid» o'yiniga hech qanday ta'sir o'tkazmayapti. Shu bois, APLdan yaxshi taklif tushsa, men uni bajonidil sotgan bo'lardim.

📰 AS xabariga ko'ra, Arda Guler Mourinoning «Real»dagi sevimli futbolchilaridan biriga aylanmoqda.

Murabbiy kelayotgan mavsumda 21 yoshli yarim himoyachiga imkon qadar ko'proq o'yin amaliyotini taqdim etishni rejalashtirmoqda.

📻 Onda Cero jurnalisti Serrano xabariga ko'ra:

Endrik «Real Madrid»ni transfer oynasi yopilgunga qadar tark etmoqchi. 20 yoshli hujumchi «qaymoqranglilar»ning hozirgi tarkibini inobatga olgan holda, kelgusi mavsumda juda kam o'yin amaliyotiga ega bo'lishini his qilmoqda. Diomande transferi Endrikning bu qarorga kelishida muhim rol o'ynadi. Ammo asosiy omil Espining jamoaga o'tishi bo'ldi.

📰 AS ma'lumotiga ko'ra:

Ayni damda Endrikning kelajagi aniq emas. Futbolchi yana bir bor ijaraga ketishi mumkin.

📻 Cope xabariga ko'ra, Madrid klubi Mastantuono bo'yicha A Seriya jamoalaridan bir nechta ijara takliflarini qabul qilib olgan. 18 yoshli vingerga qiziqish bildirayotgan Italiya klublari orasida Roma ham bor.

📰 R. Martin (AS jurnalisti) ma'lumotiga ko'ra, A Seriya klublari Mastantuononi o'z safiga qo'shib olishni juda istamoqda. Fulxem ham argentinalik futbolchiga qiziqish bildirmoqda.

📺 El Chiringuito xabariga ko'ra, Mastantuono ijara asosida ketishga juda yaqin. Futbolchi faoliyatini Yevropada davom ettiradi.

📰 AS xabariga ko'ra, Joze Mourinyo "Real Madrid" safida sof "to'qqizlik" pozitsiyasida o'ynaydigan hujumchi bo'lishini istamoqda. Shu sababli klub transfer bozorida yangi forvard qidirmoqda.

Shunga qaramay, markaziy hujumchini tarkibga qo'shib olish "Madrid" uchun ustuvor vazifa hisoblanmaydi.

AS xabariga ko'ra, Mourinyu kelasi mavsumda «Real» boshqaruvida juda tezkor va to'g'ridan-to'g'ri hujumkor o'yin uslubini shakllantirmoqchi. Aynan shu sababli portugaliyalik mutaxassis jamoada tezkor futbolchilarni ko'rishni istamoqda.

A. Esteban ma'lumotiga ko'ra, Mourinyu «Real» tezkor va vertikal futbol o'ynashini xohlaydi. Diomande murabbiyning g'oyalariga juda mos keladi.

🚨 AS xabariga ko'ra, «Fulxem» Gonsalo Garsiyani to'liq sotib olish uchun 60 million yevro to'lashga tayyor.

Biroq, «Real» futbolchining 50 foiz huquqlarini saqlab qolish evaziga uni 30 million yevroga sotishni afzal ko'rmoqda.

Klublar o'rtasidagi muzokaralar davom etmoqda. Yakuniy qaror qabul qilinishi qoldi.

AS xabariga ko'ra, klub rahbariyati Mateu Alemanga joriy transfer oynasining qolgan qismi uchun 50 million yevrogacha mablag' ajratishga qaror qildi.

📰 Marca nashrining bugungi soni muqovasi:

"Yashil chiroq [Rodri uchun]"

"Real Madrid" Rodrini tarkibga qo'shib olish jarayonini boshladi. Yarim himoyachi Diomande transferidan keyin jamoaning navbatdagi yangi futbolchisiga aylanadi. Kecha u bel qismidagi kichik jarohat sabab operatsiya qilindi.

📰 AS ma'lumotiga ko'ra, Rodri "PSJ"ga o'tishni rejalashtirmayapti, garchi parijliklar u bilan bog'langan bo'lsa ham.

30 yoshli tayanch yarim himoyachisi "PSJ"ning qiziqishiga "Yo'q, rahmat" deb javob bergan. Rodri hatto Fransiya klubining taklifini eshitishni ham istamadi.

📻 Cadena SER xabariga ko'ra, Rodrining "Real Madrid"ga o'tish ehtimoli ortib bormoqda. Klub uning transferi bo'yicha operatsiyani faollashtirdi, bu esa JChga qadar imkonsiz deb hisoblanar edi.

📻 M. Riko (Cope jurnalisti): "Madrid" yozgi transfer bozorida aqlli harakat qilmoqda. Ammo aynan Rodri jamoa uchun yetishmayotgan bo'g'in. U jamoaga impuls bera oladigan sanoqli yarim himoyachilardan biri. Shu sababli, "Madrid"ning Rodrini qo'lga kiritishni istashi tabiiy hol".