#Fernando Polo — yangiliklari

Fernando Polo xabariga ko'ra, «Barselona» Mark Kasado uchun 30-40 million yevro atrofida mablag' talab qilmoqchi. Kataloniyaliklar ushbu yarim himoyachining salohiyati yuqori ekanligini inobatga olib, dastlabki muzokaralarni aynan shu narxdan boshlamoqchi.

Jorje Mendesh futbolchi uchun ham sport, ham moliyaviy jihatdan eng maqbul variantni topish maqsadida bir qancha klublar bilan muzokaralar olib bormoqda. Kasado uchun Saudiya Arabistonining bir nechta klublari faol kurash olib bormoqda.

Fernando Polo xabariga ko'ra, Emerik Laport «Barselona» sport rahbariyati rejalariga kirmaydi.

Xansi Flikda himoyani kuchaytirishga o'tkir ehtiyoj yo'q, chunki tarkibda futbolchilar yetarli. Murabbiy hech kim ketmasa, himoya chizig'iga ishonch bildirmoqda va Jerar Martinni chap markaziy himoyachi sifatida ko'rmoqda. Shuningdek, jamoada Erik Garsiya, Andreas Kristensen, Ronald Arauxo, Jyul Kunde va Alvaro Kortes kabi futbolchilar bor.

Barselona ma'lumotiga ko'ra, Laportning shartnomasida avval xabar qilinganidek tovon puli mavjud emas. Klub «Atletik» bilan muzokara olib borishga majbur bo'lar edi, «Barsa» esa ular bilan yangi muammolarga duch kelishni istamaydi.