#Mark-Andre ter Shtegen — yangiliklari

Fabrisio Romano xabariga ko'ra, Mark-Andre ter Shtegenning «Ayaks»ga o'tishi rasman dam olish kunlari e'lon qilinishi kutilmoqda.

Bugun ter Shtegen Amsterdamga yo'l oladi. Tibbiy ko'rik va shartnoma imzolash jarayoni shanba kuniga belgilangan.

Matteo Moretto xabariga ko'ra, Mark-Andre ter Shtegen «Ayaks»ga o'tmoqda. Soliq masalalari hal etilgan, «Barselona» esa ushbu transferga o'z roziligini bergan.

Matteo Moretto xabariga ko'ra, Mark-Andre ter Shtegenning «Ayaks»ga o'tishi bo'yicha muzokaralar berk ko'chaga kirib qoldi.

Tomonlar murosaga kela olmayapti. Muammo endi faqat soliq masalalari bilan bog'liq emas: so'nggi soatlarda darvozabonning maoshini taqsimlash borasida kelishmovchilik yuzaga keldi.

«Barselona» moliyaviy feyr-pley qoidalariga amal qilgan holda yon berishni istamayapti. «Ayaks» esa o'z navbatida keyingi qadamlarni tashlay olmaydi. Vaziyat yana berk ko'chaga kirib qoldi va yechim topish oson bo'lmaydi. Hozircha aniq bo'lgan narsa shuki, barchasi yaqin kunlarda hal bo'ladi. Hozircha esa Mark «Barselona»da qolmoqda.

Mundo Deportivo xabariga ko'ra, «Ayaks» kiyim almashtirish xonasida Mark-Andre ter Shtegenni intiqlik bilan kutishmoqda.

Nemis darvozaboni niderlandiyaliklar klubiga ijara asosida o'tishga yaqin turibdi. Bitimning so'nggi detallari hal qilinishi qolgan, shundan so'ng u avvalroq «Jirona»da birga ishlagan Mishel bilan yana birga faoliyat olib boradi.

RAC1 xabariga ko'ra, «Barselona» Mark-Andre ter Shtegenning «Ayaks»dagi ijara muddati davomida uning maoshining 90 foizini to'lab beradi. 💦

Nil Sola xabariga ko'ra, Mark-Andre ter Shtegen bugun yoki ertaga Amsterdamga yo'l oladi.

RAC1 ma'lumotiga ko'ra, darvozabonning maoshi bilan bog'liq soliq masalalari hal etildi va uning «Ayaks»ga ijaraga o'tishi rasmiylashtiriladi.

Uning bugun Angliyadagi mashg'ulotlar bazasini tark etishi kutilmoqda. «Barselona» futbolchining maoshini 90 foiz miqdorida to'lab beradi.

Viktor Navarro xabariga ko'ra, «Barsa»da Ter Shtegenning «Ayaks»ga o'tishi bilan bog'liq soliq muammolari yaqin kunlarda hal bo'lishiga umid qilishmoqda.

Ferran Torresga kelsak, na jamoadoshlari, na klub uning kelajakdagi rejalari haqida hech narsa bilishmaydi. U ta'tildan zavqlanmoqda va barcha uning o'z fikrini bildirishini kutmoqda.

Matteo Moretto xabariga ko'ra, Mark-Andre ter Shtegenning «Ayaks»ga o'tishi kechikmoqda.

«Barselona» allaqachon transferni ma'qullagan, biroq muzokaralar maosh va soliqlar bilan bog'liq masalalar tufayli sekinlashgan.

Bitim yaqin kunlar ichida yakunlanishi kutilmoqda.

Xavi Migel xabariga ko'ra, Xansi Flik Ter Shtegenni Angliyaga yo'l oladigan futbolchilar ro'yxatiga kiritdi. Shuningdek, tarkibdan Fermin, Arauxo, Balde va ta'tildan qaytadigan Rafinya ham o'rin olgan.

Har qanday holatda ham, barchasi Ter Shtegen va Flikning Angliyaga jo'nab ketishdan oldingi uchrashuviga bog'liq.

Nemis murabbiyi, agar darvozabon o'z vaziyatini uzil-kesil hal qilib olish uchun Barselonada qolishni afzal ko'rsa, bunga qarshilik qilmaydi.

Ter Shtegenni "Ayaks"ga o'tishidan faqatgina ayrim soliq byurokratik masalalari ajratib turibdi. Klub yaqin kunlar ichida ushbu vaziyatni tartibga solishga umid qilmoqda, ular futbolchining maoshi borasida qo'shimcha sa'y-harakatlar qilishlari kerakligini tushunib turishibdi.

Mundo Deportivo xabariga ko'ra, «Ayaks» Mark-Andre ter Shtegenning transferi atrofidagi vaziyatni hayronlik bilan kuzatmoqda. 😀

Soliq bilan bog'liq tafsilotlar, aniq mohiyati noma'lum bo'lib qolayotgani sababli, 34 yoshli nemis darvozaboni hali ham «Ayaks» futbolchisiga aylanmadi va Amsterdamda sabr kosasi to'lib bormoqda.

«Barselona»da muammo aynan ter Shtegenning o'zi bilan bog'liqligini ta'kidlashmoqda, biroq vaziyat yakunda ijobiy yakunlanishiga hech kim shubha qilmayapti.

😀 Tomonlar Mark-Andre ter Shtegenni «Ayaks»ga ijaraga berish bo'yicha prinsipial kelishuvga erishdi, biroq bitim hali yakuniga yetmagan. Kechikishga soliq masalalari va maosh to'lashdagi tafsilotlar sabab bo'lmoqda.

«Barselona» darvozabon shartnomasining katta qismini qoplashga tayyor, ammo «Ayaks»dan o'yin vaqti, sovrinlar va Chempionlar ligasiga chiqish uchun bonuslar olishni istamoqda.

Amsterdamliklar transferni hafta oxirigacha yakunlashni rejalashtirmoqda, aks holda boshqa variantlarga o'tishadi. Hozirda ter Shtegen «Barselona»da uchinchi darvozabon hisoblanadi.