#Xulian Alvarez — yangiliklari

🚨 Marca xabariga ko'ra, «Atletiko Madrid» ichida Xulian Alvaresning munosabati va professionalligi klubga kelgan ilk kunidagidek qolishiga hech kim shubha qilmaydi.

Nima bo'lishidan qat'i nazar, futbolchi va Diyego Simeone o'rtasidagi munosabatlar hurmat asosida qolgan.

Argentina terma jamoasi va klub murabbiyi doimo Alvaresni omma oldida himoya qilib kelgan.

🎙 Joan Garsiya bilan intervyu:

❓Siz jahon chempioni bo'ldingiz. Hammasi juda tez sodir bo'lmoqda, shunday emasmi?

🗣 Joan Garsiya: «Juda tez. Lekin eshit, menda buni anglab yetish, zavqlanish va nishonlash uchun vaqt bo'ldi. Hozir esa oldinda meni nimalar kutayotgani haqida o'ylayapman».

❓Oxirgi ikki yil ichida boshingizdan o'tgan voqealarni tushunish uchun psixologga murojaat qilish kerak, bu shunchaki hayratlanarli...

🗣 Joan Garsiya: «Ha, bu vaqt ichida hayotim keskin o'zgardi, lekin bilasizmi, men buni katta g'urur bilan qabul qilyapman, chunki boshimdan o'tgan barcha narsa yaxshilikka bo'ldi va albatta, bu yo'lni bosib o'tganimdan juda xursandman».

❓Rostini ayting, Jahon chempionatida bir daqiqa ham maydonga tushmaganingizni qanday qabul qildingiz?

🗣 Joan Garsiya: «Juda yaxshi, albatta. Shunday bo'lishi kerak edi. O'ylaymanki, buning aksi ham men uchun, ham jamoa uchun xato bo'lardi. Rostini aytaman, bu juda oson qabul qilinadi, ayniqsa g'alaba qozonayotgan bo'lsangiz, ustiga-ustak Jahon chempionligini qo'lga kiritsangiz — tasavvur qiling. Hammasi mukammal».

❓Rostdanmi? Maydonga tushmasdan va asosiy qahramon bo'lmasdan ham bu Jahon chempionatini o'ziniki deb his qilasizmi?

🗣 Joan Garsiya: «Biz, zaxira o'yinchilari, xuddi barcha o'yinlarda maydonga tushgandek chempionlikni his qilamiz. Bir o'ylab ko'ring: oxir-oqibat, jamoadoshlaringiz bilan ko'p vaqt o'tkazasiz, biz ellik kunga yaqin birga bo'ldik va barchamiz birga kechinmalarni boshdan o'tkazdik. O'ylaymanki, zaxira o'rindig'ida maydondagidan ham ko'proq hayajonlanasan va o'zingni xuddi ishtirokchi va chempiondek his qilasan».

❓Jahon chempionatidan oldin asosiy darvozabon kim bo'lishi kerakligi haqida qizg'in bahslar bo'lgandi. Ko'pchilik sizga ishonch bildirgan, axir gap La Liganing eng yaxshi darvozaboni haqida ketmoqda...

🗣 Joan Garsiya: «Xo'sh, bunday bahslar doim bo'ladi. Tashqarida shov-shuv ko'tarilishi men uchun normal holat, lekin asosiysi — jamoa ichida barchamiz bunga xotirjam va tabiiy qaraymiz. Hech qachon muammo bo'lmagan».

❓Eshitishimcha, ko'plab «Barsa» muxlislari, agar jamoa oltinchi bor Chempionlar ligasini yutsa, sizni ham Kukurelya singari «Xansi» deb tatuirovka qilishingizni ko'rishni istashadi...

🗣 Joan Garsiya: «Xa-xa-xa... Bilaman, bilaman. Lekin yo'q, aytishim kerakki, hozircha buni rejalashtirmayapman. Menda tatuirovkalar yo'q va hech narsani o'ylamayapman. Garchi Chempionlar ligasida g'olib chiqsak, boshqa narsa haqida o'ylashga to'g'ri kelishini bilsam ham».

❓Kukurelya haqida — bu shunchaki ajoyib, to'g'rimi...

🗣 Joan Garsiya: «Ha, u haqiqatan ham zo'r yigit».

❓Yig'in paytida uning azaliy raqibga o'tib ketgani haqidagi xabar sizni ajablantirdimi?

🗣 Joan Garsiya: «Yo'q, chunki har kim o'zi va kelajagi uchun nima yaxshiroq ekanini o'zi hal qiladi. Rostini aytsam, menimcha, bu u uchun yaxshi qadam. Bu sodir bo'lganida, ustidan biroz hazil qilishdi, lekin ich-ichimdan Mark uchun juda xursandman».

❓Xulian Alvares haqida tafsilotlarni oshkor qila olmasligingizni bilaman, chunki bu sizning vazifangizga kirmaydi. Lekin bu o'yinchi haqida gapirib bering, u bilan to'qnash kelganmisiz?

🗣 Joan Garsiya: «Men Xulianni juda yaxshi o'yinchi deb hisoblayman. Futbolni sevadigan va uni ko'rgan har qanday odam, u yuqori saviyadagi mahoratga ega ajoyib futbolchi ekanini darrov tushunadi».

❓U jamoaga juda mos tushadigandek taassurot qoldirmoqda...

🗣 Joan Garsiya: «Xo'sh, printsipial jihatdan, bularning hammasini baholash mening vazifam emas. Shaxsan men klubning sport rahbariyatiga va murabbiyga juda ishonaman; ular o'zaro ko'p muloqot qilishlarini bilaman va barcha sovrinlar uchun kurashish maqsadida eng yaxshi tarkibni shakllantirishlariga ishonchim komil. Xulian uchun 150 million to'larmidim? Yaxshiyamki, bu savolni o'zimga berishga ham, unga javob berishga ham majbur emasman».

❓Ferran Torres bilan vaziyat murakkabroq. Ikki mavsumda qirqdan ortiq gol, ammo uning kelajagi butunlay noaniq...

🗣 Joan Garsiya: «Har bir vaziyat individual. O'ylaymanki, ko'pincha odamlar nima bo'layotganini bilmay turib gapirishadi. Uning xayolida nima borligini aniq biladigan yagona odam — bu o'zining o'yinchisi va menimcha, uning qarorini hurmat qilish kerak. Biz u biz bilan ekanidan juda xursandmiz va keyingi mavsumda ham hammasi shunday qolishiga umid qilamiz».

Xulian Alvaresda faqat ikki xil variant qolmoqda:

• «Atletiko Madrid»da qolish. Garchi muxlislar uning ketish istagidan norozi bo'lib, g'azabda bo'lishsa-da, futbolchi jamoada qolishi mumkin.

• Xorijdan keladigan taklifni qabul qilish. Bu taklif klubning futbolchini sotmaslik borasidagi qat'iy qarorini o'zgartirishga majbur qilishi mumkin.

Angliyadan keladigan yirik taklif «Atletiko»ni o'z yulduzini saqlab qolish borasidagi pozitsiyasini qayta ko'rib chiqishga undashi mumkin. Ayniqsa, agar Alvares transfer uning kelajagi uchun eng yaxshi yo'l deb hisoblashda davom etsa.

✔️ Bir narsa aniq: u «Atletiko Madrid» boshqaruvidagi mashg'ulotlarga qaytdi.

Mikel Arteta:

• Xulian Alvares? — «Men bizning tarkibimizda bo'lmagan o'yinchi haqida gapirmayman».

• Dyokeres qoladimi? — «Ha».

🚨 "Barselona" RFEF va FIFA'dan Madridning "Atletiko" klubi tomonidan berilgan shikoyat yuzasidan xabarnoma oldi. Unda kataloniyaliklar Xulian Alvaresni o'z tomoniga og'dirishga urinishda ayblanmoqda.

🔴 Kataloniyaliklar apellyatsiya berishga tayyorgarlik ko'rmoqda va ayni damda vaziyatni hamda muddatlarni o'rganib chiqmoqda.

👔 Xil Marin shikoyatni imzoladi va quyidagi asoslarni keltirdi:

1. "Klubning futbolchi bilan taxminiy muzokaralari".

2. Shuningdek, u Xulian Alvaresning jahon chempionati vaqtida aytgan ommaviy bayonotlaridan noroziligini bildirgan. U futbolchining Argentina terma jamoasi safida bo'lgan vaqtida aytgan bu so'zlari ortida "Barselona" turgan deb hisoblaydi.

📝 JijantesFC & COPE

Gonsalo Garsiya 70 million yevro evaziga «Fulxem»ga o'tmoqda. 🤔

Hozirgi transfer bozoridagi narxlarni inobatga olgan holda, Xulian Alvares qancha turadi deb o'ylaysiz?

Hand of Arsenal xabariga ko'ra, "Arsenal" Vinisius vakillari bilan muzokaralar o'tkazdi, potentsial bitim uchun zarur moliyaviy ma'lumotlarni to'pladi va xabar qilinishicha, klub ichida uning shartlarini ma'qulladi.

"Arsenal" Vinisiusning "Real" bilan shartnomasini uzaytirish bo'yicha muzokaralar barbod bo'lgan taqdirda, jiddiy taklif bilan chiqishga tayyor ekanligi haqida uning vakillari xabardor qilingan.

Shuningdek, klub hujum chizig'ini kuchaytirish uchun muqobil variantlar, jumladan Xulian Alvares ustida ishlashda davom etmoqda.

Mundo Deportivo xabariga ko'ra, «Barselona» Xulian Alvares atrofidagi vaziyatni kuzatishda davom etmoqda va hujumchi 10-avgust kuni mashg'ulotlarga qaytishdan oldin «Atletiko»dan uni qo'yib yuborishni yana so'rashini kutmoqda.

U markaziy hujumchi pozitsiyasi uchun asosiy nomzod bo'lib qolmoqda, biroq «Barsa» 100 million yevrolik taklifini oshirish niyatida emas.

Xansi Flik xotirjamlikni saqlamoqda, chunki uning ixtiyorida allaqachon Entoni Gordon, Karim Adeyemi, Ferran Torres, Dani Olmo va Rafinya bor, ular jamoaga hujum chizig'ida keng tanlov imkoniyatini taqdim etadi.

🚨 Marcos Duran (AS) xabariga ko'ra:

So'nggi kunlarda Mikel Arteta Andrea Bertadan Xulian Alvares transferi uchun bor kuchini ishga solishni so'radi.

Jerar Romero xabariga ko'ra, «Barselona»ning transfer rejasi allaqachon yakunlangan shartnomalardan tashqari yana to'rtta yangi futbolchini tarkibga qo'shib olishni ko'zda tutadi. Bisivu esa ushbu to'rtlikka kiritilmagan.

Biz Xulian va Kanselu haqida bilamiz. Kanselu yangi xarid sifatida qaraladimi yoki qaytishmi, buni vaqt ko'rsatadi. Ammo hozircha bizda ushbu variantlar haqida ma'lumot bor.

🚨 Achraf Ben Ayad xabariga ko'ra, ayrim shaxslar shaxsiy suhbatlarda Xulian Alvaresga «Atletiko»dan uzr so'rashni maslahat berishmoqda.

Ashraf Ben Ayad xabariga ko'ra, ayrim kishilar Xulian Alvaresga Madridning «Atletiko» klubidan uzr so'rashni maslahat berishmoqda.

Jerar Romero xabariga ko'ra, Xulian Alvares «Barsa» uchun ustuvor maqsad bo'lib qolmoqda. Bu Xansi Flikning asosiy maqsadi. Ammo biz bu haqda allaqachon 20 marta gaplashdik.

Xulian qayerdadir — ijtimoiy tarmoqlarda, intervyuda yoki boshqa joyda — o'z xohishini avvalgidan ko'ra qat'iyroq tarzda ochiq aytishi kerak. Bu «Atletiko»ni biroz burchakka taqab, yakunda futbolchini qo'yib yuborishga majbur qilish uchun kerak.

O'yinchi «Atletiko»da o'zini noqulay his qilmoqda va ketishni istayotganini ko'rsatib bo'ldi, ammo uning tomonidan yana bir qadam tashlanishi talab etiladi.

Bu yerda Ferran Torres ham muhim rol o'ynashi mumkin: agar Ferran «Atletiko»ga o'tishga rozi bo'lsa, bu vaziyatni yengillashtirishi mumkin. Yaqin kunlarda Ferran Ibitsadagi ta'tildan qaytadi va biz uning niyatini bilib olamiz: ketish niyatidami yoki «Barsa» bilan shartnomani uzaytirishni xohlaydimi.

❌ Jerar Romero xabariga ko'ra, Xulian Alvares klub rahbariyati bilan uchrashuv o'tkazishni so'ragan. Biroq, «Atletiko» tomoni 10-avgustga qadar u bilan uchrashishni istamay, rad javobini bergan.

🚨 Xavi Gomara xabariga ko'ra, Xulian Alvares transferni tezlashtirish uchun mavsumoldi tayyorgarligiga kelmasligi mumkinligi haqida mish-mishlar tarqalgan bo'lsa-da, «Atletiko Madrid»da buning sodir bo'lmasligiga ishonch komil.

Atrofdagilardan olingan maslahatlarni inobatga olgan holda, klubda hech narsani to'liq istisno qilib bo'lmasligini ta'kidlashmoqda.

Biroq, futbolchining «Atletiko» mashg'ulot dasturini bajarishni boshlagani ijobiy holat sifatida qaralmoqda.

Sport xabariga ko'ra, «Barselona» Xulian Alvares klubga o'tmasa, xotirjamlik saqlamoqda. Klub uning transferi uchun ortiqcha mablag' sarflash niyatida emas.

«Barsa» boshqa hujumchini sotib olishni ham rejalashtirmayapti, chunki klubda Karim Adeyemi va Entoni Gordon hujum chizig'idagi barcha pozitsiyalarni yopa oladi deb hisoblashadi.

Marca xabariga ko'ra, klubda Alvaresning professionalligiga hech qanday shubha yo'q va tomonlar o'rtasidagi hamkorlik yaxshi darajada qolishiga ishonch bildirilmoqda.

Nima bo'lishidan qat'i nazar, futbolchi va Diyego Simeone o'rtasidagi munosabatlar hurmat asosida qurilgan.

El Cholo har doim Alvaresni transfer jarayoni davomida ham, undan oldin ham ommaviy tarzda himoya qilib kelgan.

Viktor Navarro xabariga ko'ra, Barselonaning Xulian Alvares bo'yicha taklifi hamon o'z kuchida qolmoqda. Klub uni qaytarib olgani yo'q.

Barselonada skeptiklar soni kundan-kunga ortib bormoqda, ammo ba'zilar hali ham nimadir sodir bo'lishiga ishonishadi.

Ular o'yinchidan qandaydir ommaviy bayonot kutishmayapti; ular ta'tildan qaytgach, Xulian Atletikoni ishontira olishiga va Madrid klubi o'z qarorini o'zgartirishiga umid qilishmoqda.

Barsa taklif summasini oshirmoqchi ham, uni bekor qilmoqchi ham emas. 100 million yevrolik taklif o'z kuchida qolmoqda.

Klubda hujumchi pozitsiyasi uchun boshqa nomzodlar ko'rib chiqilmayapti. Ha, Xoland yoki Harri Keyn kabi variantlar bor, ammo klub ularga erisha olmaydi va ular ayni damda Barsa uchun eng yaxshi to'qqizinchi raqam Xulian Alvares deb hisoblashadi. Klubdagi manbalar tushuntirishicha, hujumchi pozitsiyasi uchun boshqa nomzodlar yo'q, hech qanday ro'yxat mavjud emas.

🗣 Mikel Arteta Dyokereshning Alvaresga almashtirilishi haqidagi mish-mishlarga javob qaytarib, shved futbolchisi «Arsenal»da qolishini ma'lum qildi.

EFE Deportes xabariga ko'ra, Ispaniya qirollik futbol federatsiyasi (RFEF) «Barselona»ga nisbatan navbatdan tashqari intizomiy ish ochishga qaror qildi. Bunga kataloniyaliklarning «Atletiko Madrid» futbolchisi Xulian Alvares bilan noqonuniy aloqaga chiqqani gumon qilinayotgani sabab bo'lgan.

Qo'mita ushbu jarayonni nazorat qilish uchun tergovchi tayinladi va «Barselona»ni xabardor qildi. Endilikda klub o'z himoyasini taqdim etish imkoniyatiga ega.

Kataloniya klubi allaqachon shikoyatni qabul qilib olgan va hozirda RFEFdan javob qaytarish muddatini aniqlashtirishni kutmoqda.

🚨 Xil Marin Atletiko Madridning Barselonaga qarshi shikoyatiga imzo chekdi. Unda quyidagi qoidabuzarliklar keltirib o'tilgan:

1. Klubning o'yinchi bilan noqonuniy muzokaralar olib borgani taxmin qilinmoqda.

2. Xulian Alvaresning Jahon chempionati vaqtida bergan ommaviy bayonotlari Barselona tomonidan uyushtirilgan bo'lishi mumkinligi gumon qilinmoqda. Klub Argentina terma jamoasi safida bo'lgan futbolchiga ta'sir o'tkazganlikda ayblanmoqda.

Juli Klaramunt xabariga ko'ra, «Barselona» Ispaniya futbol federatsiyasi va FIFA tomonidan xabarnoma oldi. Unga ko'ra, «Atletiko» klubi Xulian Alvares bilan bog'liq vaziyat yuzasidan «ko'k-anorranglilar»ni o'yinchini o'z safiga og'dirishga urinishda ayblab, shikoyat kiritgan.

🚨 «Arsenal» Vinisiusning vakillari bilan bog'lanib, moliyaviy talablarni o'rgandi va klub ichida ushbu transfer imkoniyatini ma'qulladi.

Vinisiusning atrofidagilar «Real» bilan yangi shartnoma bo'yicha muzokaralar muvaffaqiyatsiz yakunlansa, London klubi katta taklif bilan chiqishga tayyor ekanligini yaxshi tushunishadi.

Vinisiusning yaqinlari futbolchining kelajagi borasida turli variantlarni o'rganib chiqishgan. Bunda yetakchi tahliliy kompaniyalar va mutaxassislar jalb etilib, uning turli taktik tizimlarga moslashuvi tahlil qilingan. Xabarlarga ko'ra, «Arsenal» ushbu prognozlarda futbolchi uchun eng mos variantlardan biri sifatida ko'rilmoqda. «Arsenal» ayni damda Xulian Alvares kabi boshqa futbolchilar transferi ustida ham ishlamoqda.

Vinisius — «Real Madrid»

Yangi shartnoma bo'yicha muzokaralar bir yil davomida natijasiz ketmoqda. Tomonlarning moliyaviy talablari o'rtasidagi farq millionlab yevroni tashkil etadi. Roc Nation agentligida hisoblashlaricha, «Real» hozirda Vinisiusni mutlaqo daxlsiz aktiv sifatida ko'rmayapti va taklif etilayotgan maosh ham shunga mos.

«Real Madrid» Vinisiusga istalgancha pul to'lashga tayyor emas — klubning o'z chegaralari bor va u hech kim uchun bu qoidalarni buzmoqchi emas.

Yaqin kunlarda futbolchi qaytgach, tomonlar o'rtasidagi muzokaralar qayta boshlanishi kerak. Tomonlar muzokaralar cho'zilib ketayotgani uchun bir-birini ayblamoqda. «Real Madrid» Vinisiusning kelasi yozda tekinga ketib qolishini istamaydi.

«Arsenal» futbolchi uchun kurashga kirishishga tayyor, Roc Nation esa vaziyatni nazoratda tutmoqda.

⚽ Mundo Deportivo xabariga ko'ra, «Barselona» «Bornmut» talab qilayotgan 100 million yevro evaziga Eli Junior Krupi bilan shartnoma imzolashdan voz kechdi.

Klub 20 yoshli hujumchini yuqori baholaydi va uning rivojlanishini diqqat bilan kuzatib borgan, biroq Xulian Alvares uchun taklif qilingan summa bilan solishtirganda, bunday miqyosdagi investitsiyalarni oqlangan deb hisoblamaydi.

«Barsa»ning pozitsiyasi o'zgarishsiz qolmoqda: klub 100 million yevroni faqat allaqachon shakllangan superyulduz uchun to'lashga tayyor.

❓ Mundo Deportivo xabariga ko'ra, Xulian Alvares «Barselona»ga Xil Marin fevral oyida unga ketishga ruxsat berishini va'da qilganini aytgan.

Xil Marin esa Joan Laportaga bu gaplar haqiqat emasligini ma'lum qilgan.

🛑 Jerar Romero xabariga ko'ra:

Agar Ferran Torres "Atletiko"ga o'tishga rozi bo'lsa, bu Xulian Alvares transferini osonlashtiradi.

🚨 Jerar Romero xabariga ko'ra, Ferran Torresning «Atletiko Madrid»ga o'tishga rozi bo'lishi Xulian Alvares transferini sezilarli darajada osonlashtirishi mumkin.

🗣 Spidy Atlético «Atletiko»ning transfer siyosati haqida o'z fikrlari bilan o'rtoqlashdi:

Agar rahbariyat va texnik shtab Xulian, Syorlot, Lukman hamda Grizmann o'rniga Kan In Li bilan nimagadir erishamiz deb o'ylasa, ular qattiq yanglishmoqda va haqiqatdan yiroq. Umid qilamanki, ular buni tezroq anglab yetishadi.

Yo yaxshi formada bo'lgan to'laqonli hujumchini olib kelinglar, yo bo'lmasa uchinchi o'rin uchun kurashib, taqdirga shukr qilib yuraveramiz.

Bu yerda hamma aybdor, jumladan Simeone ham. U hujum chizig'ini kuchaytirish o'rniga Niko uchun pul sarflashni istadi, endi esa uning qat'iyati tufayli kamida 25 million yevro havoga uchadi.

Bu yil Chempionlar ligasi finali «Metropolitano»da bo'lib o'tadi. Agar bu klub tarixidagi eng kuchli jamoani yig'ish uchun yetarli sabab bo'lmasa, unda chiroqni o'chiringlar-da, ketaveringlar. Final o'z uyingda o'tayotgan ekan, g'alaba qozonish imkoniyating yuqori. Jamoani to'liq tarkib bilan shakllantirish kerak edi. Ammo bunday tuyg'u yo'q...

Jamoa kuchaymoqdami? Hozircha ha. Lekin mavsum davomida ko'p gapirilgan sifat o'zgarishini amalga oshirish uchun bu yetarli emas.

🚨 AS xabariga ko'ra, «Barselona» Xulian Alvaresga ultimatum qo'ydi.

Klubning amaldagi taklifi iyul oyi oxiri yoki avgust oyining boshiga qadar kuchda qoladi.

Xansi Flik hujum chizig'ini tezroq kuchaytirmoqchi va u allaqachon muqobil variantni ham belgilab olgan.