Ayman Hussayn «Paxtakor» futbolchisiga aylandi
Iroqlik hujumchi Ayman Hussayn rasman «Paxtakor» futbolchisiga aylandi.
«Paxtakor» klubi iroqlik hujumchi Ayman Hussaynni o'z safiga qo'shib olganini e'lon qildi. 🟡
Super Liga yangiliklari
Super Liga
Anvar G'ofurov: G'alaba muxlislar mehnati evaziga qo'lga kiritildi
Surxon bosh murabbiyi Anvar G'ofurov Qo'qon-1912 jamoasiga qarshi o'yindan so'ng o'z fikrlari bilan o'rtoqlashdi.
— Uchrashuv haqida fikrlaringiz?
— Avvalo, bugungi g‘alaba bilan barcha muxlislarimizni tabriklayman. Har ikki jamoa uchun ham bu uchrashuv juda muhim edi, chunki ikkala jamoaga ham ochkolar zarur edi. Shu sababli maydonda kurashlarga boy va shiddatli o‘yin kechdi. Raqibimiz ham uchrashuvga puxta tayyorgarlik ko‘rganini namoyish etdi.
Futbolchilarimiz bugun bor kuch va imkoniyatlarini ishga solishdi. Ularning mehnati evaziga muhim uch ochkoni qo‘lga kiritdik. Albatta, hali ustida ishlashimiz kerak bo‘lgan jihatlar ko‘p. Oldinda yanada yaxshiroq o‘yin ko‘rsatish uchun mehnat qilishda davom etamiz. Fursatdan foydalanib, jamoamizni qo‘llab-quvvatlash uchun uzoq yo‘l bosib kelgan barcha muxlislarimizga samimiy minnatdorchilik bildiraman.
— O‘yindagi yagona gol muallifi Richard Fridayni almashtirishga nima sabab bo‘ldi? U yaxshi o‘yin namoyish etayotgan edi.
— Uchrashuv davomida maydondagi har bir futbolchining jismoniy holatini muntazam kuzatib boramiz. Richard ham o‘z vazifasini yaxshi bajardi, biroq o‘yinning o‘sha pallasida biroz charchagani sezildi.
Gol o‘tkazib yuborganidan keyin Qo‘qon jamoasi hujumkor o‘yinga o‘tdi va barcha kuchini oldinga tashladi. Biz esa qarshi hujumlardan unumli foydalanish va o‘yin tempini saqlab qolish maqsadida yangi kuchlarni maydonga tushirdik. Shu sababli Richardni almashtirishga qaror qildik. Bu individual qarordan ko‘ra, jamoaviy taktika va uchrashuvning borishidan kelib chiqqan qaror edi.
Yovan Jokich jarrohlik amaliyotini muvaffaqiyatli o'tkazdi
Neftchi yarim himoyachisi Yovan Jokich Finlandiyada muvaffaqiyatli jarrohlik amaliyotini o'tkazdi. Futbolchi 2-3 oydan so'ng safga qaytishi kutilmoqda.
Jamoamiz yarim himoyachisi Yovan Jokich “Navbahor”ga qarshi uchrashuv oldidan o’tkazilgan chigalyozdi mashg’ulotlari vaqtida avvalgi o’ng oyog’idagi Axill payi jarohatini qayta his qildi.
Batafsil tibbiy tekshiruvlar natijasiga ko’ra, jarohatni jarrohlik yo’li bilan davolash tavsiya etildi. Shu maqsadda futbolchimiz Finlandiyaning Turku shahriga yo’l oldi va bugun muvaffaqiyatli jarrohlik amaliyotini boshdan kechirdi.
Operatsiya reja asosida muvaffaqiyatli yakunlandi. Shifokorlar tavsiyasiga ko’ra, Yovan endilikda reabilitatsiya jarayonini boshlaydi. Rejaga muvofiq, u 2-3 oy davom etadigan tiklanish dasturidan so’ng jamoa mashg’ulotlariga qaytishi kutilmoqda.
Yovan Jokichga tezroq sog’ayib, maydonlarga yanada kuchliroq holatda qaytishini tilab qolamiz! 🟢
Nasaf Abbos G'ulomov va Paata Gudushaurini o'z safiga qo'shib oldi
Nasaf klubi Superliga-2025 kashfiyoti Abbos G'ulomov hamda gruziyalik vinger Paata Gudushaurini o'z safiga qo'shib oldi.
⚽ Nasaf klubi Superliga-2025 kashfiyoti — Abbos G'ulomov hamda gruziyalik vinger Paata Gudushaurini o'z safiga qo'shib oldi.
Murabbiy "Mash'al"ga qarshi o'yin va Doriyevning shartnomasi haqida
Murabbiy "Mash'al"ga qarshi o'yin, hakamlar bilan bog'liq vaziyat va Doriyevning klub bilan shartnomasini uzaytirgani haqida gapirib o'tdi.
O'yin haqida fikringiz?
Uchrashuvni yaxshi boshladik, tezkor vaziyat sodir etib gol urdik. Ikkinchi taym boshida ham tezkor to'p kiritdik, uchinchi golni urganimizdan so'ng yengil o'yinga o'tdik. Shundan so'ng "Mash'al" ham o'z imkoniyatidan foydalandi. Raqib qanotlar orqali qarshi hujumda o'ynashini bilardik va shunga ko'ra hozirlik ko'rgandik. Ikkita ketma-ket mag'lubiyatdan so'ng yutib olganimiz yaxshi bo'ldi. Futbolchilarimiz ruhi ko'tarildi, turnir jadvalida o'z mavqeimizni yaxshilab oldik. Jamoamiz muxlislarini g'alaba bilan tabriklayman.
"Mash'al"ning hisobga olinmagan golida yon hakamga ko'p e'tiroz bildirdingiz va natijada sariq kartochka oldingiz. Nima uchun aynan qanot hakamiga ko'p e'tirozlar bo'ldi?
Menga holat shunday ko'rindiki, "Mash'al"ning hujumi paytida raqib o'yinchisi to'pni qo'li bilan o'ynadi. Bu vaziyatda o'yinni to'xtatish kerak bo'ladi, lekin bahs davom ettirildi va "Mash'al" gol urdi. Shu bois men hakamga o'z fikrimni aytdim.
Maydonga yoshlarni o'yin tugashiga kam vaqt qolganida tushirdingiz. O'yin amaliyoti uchun bu kamlik qilmaydimi?
Superligada o'ynash uchun avvalo buni isbotlash kerak. Biz murabbiylar futbolchilarni kuzatib boramiz va shunga qarab ularning maydonda harakat qilishini belgilaymiz. Kim nimaga loyiq bo'lsa, shuni oladi. Shuning uchun bugun ba'zilarga dam berdik, ba'zilar ko'p o'ynadi, ba'zilar kam. Bu borada ish ketyapti. To'g'ri, hamma ko'proq o'ynashni xohlaydi, lekin har bir xato golga olib kelishi mumkin. Shu bois har qanday raqibni hurmat qilgan holda o'yin ko'rsatamiz. Shuningdek, tavakkal qilishni xohlamayman.
Doriyevning klub bilan qancha muddat shartnomasi bor va kelasi yil ham jamoada qoladimi?
Doriyev yaqinda klub bilan shartnomasini uzaytirdi. Adashmasam, uch-to'rt yilga uzaytirdi. Uning o'yinga o'zini bag'ishlashi, mahorati bizga qo'l kelyapti. Doriyev ko'zi yonib futbol o'ynaydi. Shu qatorda yoshlarga o'rnak bo'lib kelyapti va legioner sifatida maydonda o'zini namunali tuta olyapti.
Sergey Lushchan: G'alaba biz uchun olti ochkoga teng bo'lardi
Superliga 15-turidan o'rin olgan "Mash'al" – "So'g'diyona" uchrashuvidan so'ng "Mash'al" bosh murabbiyi Sergey Lushchan o'z fikrlari bilan o'rtoqlashdi.
Superliga 15-turidan o'rin olgan "Mash'al" – "So'g'diyona" (1:3) uchrashuvidan keyin "Mash'al" bosh murabbiyi Sergey Lushchan matbuot anjumanida ishtirok etdi.
Sergey Lushchan: "Agar g'alaba qozonganimizda bu biz uchun olti ochkoga teng bo'lardi".
Timur Kapadze Navbahor - Xorazm o'yini haqida fikr bildirdi
Navbahor bosh murabbiyi Timur Kapadze jamoasining Xorazm ustidan qozongan yirik g'alabasi (5:1) haqida o'z fikrlari bilan o'rtoqlashdi.
Jamoamiz bosh murabbiyi Timur Kapadzening "Navbahor" - "Xorazm" (5:1) o'yinidan keyingi matbuot anjumanidagi fikrlari.
Aleksandr Xomyakov: Futbolchilar robot emas
Buxoro bosh murabbiyi Aleksandr Xomyakov o‘tgan uchrashuvdan so‘ng jamoaning jismoniy holati, tarkibdagi o‘zgarishlar va o‘yin uslubi haqida gapirdi.
Jamoamiz bosh murabbiy Aleksandr Xomyakovning uchrashuv haqida fikrlari:
Kutganimizdek, o‘yin juda og‘ir kechdi. Ayniqsa, bahsning so‘nggi daqiqalari juda keskin o‘tdi. Bu oson o‘yin bo‘lmasligini avvaldan bilardik. Yigitlarga rahmat aytaman. Ular uzoq vaqtdan keyin o‘z maydonimizda o‘ynashdi va muxlislarimizni xursand qilishni istashdi. Birinchi bo‘limda, ayniqsa uning boshlanishi va o‘rtalarida rejalashtirgan ishlarimizning ko‘pi amalga oshdi, yaxshi imkoniyatlar yaratdik. Ammo ikkinchi bo‘limda, ayniqsa o‘yin oxirida, son jihatidan ustun bo‘lishimizga qaramay, kelishilgan rejadan chetga chiqib ketdik. Hujum qilish o‘rniga hisobni saqlab qolishga harakat qilib, past blokda himoyalanishga o‘tib oldik. Yaxshiyamki, hisobni saqlab qolishga erishdik. Eng muhimi, bugun uch ochkoni qo‘lga kiritganimizdan xursandman.
— Bugungi g‘alaba bilan tabriklaymiz. Raqib bir kishi kam bo‘lib qolganidan keyin nega qarshi hujumlar kamayib ketdi? Bu hisobni saqlab qolish uchun qilingan taktika edimi yoki futbolchilar berilgan vazifani bajara olishmadimi? Qarshi hujumlarda tezlik yetishmadi, ko‘p holatlarda to‘pni ushlab qolish bilan cheklanishdi.
Ikkinchi bo‘lim boshlarida raqib darvozasi oldida imkoniyatlarimiz bo‘lmadi, deb aytolmayman. Lekin 60-daqiqalardan keyin jismoniy jihatdan kuch yetishmay qoldi. Raqibning zaxiradan tushgan futbolchilari o‘yinga yaxshi kirishdi va himoyamizga katta bosim o‘tkazishdi. Bizda esa zaxiradan tushgan futbolchilar o‘yin ritmiga to‘liq moslasha olishmadi va jamoaga kutilgan darajada yordam bera olishmadi. Shuning uchun ham aytamanki, bu juda og‘ir o‘yin bo‘ldi, oxirgi daqiqalari esa haqiqiy asab sinoviga aylandi. Afsuski, ikkinchi bo‘limda asosan himoyalanishga majbur bo‘ldik. Ammo eng muhimi — natijani saqlab qoldik. Hozirgi vaziyatda uch ochko olganimizdan mamnunman. Balki ayrim vaziyatlarda mahorat yetishmadi, ayrim paytlarda esa sabr kamlik qildi. Lekin futbolchilarning fidoyiligi har doimgidek yuqori darajada bo‘ldi. Ular bor kuchini maydonda qoldirishdi.
— Filipovichni qachon maydonda ko‘rishimiz mumkin? Uning jarohati haqida ham ma’lumot bersangiz.
Filipovich tiklanish jarayonini deyarli yakunladi. Ma’lumotlarga ko‘ra, u to‘liq sog‘ayish arafasida va yaqin kunlarda jamoa mashg‘ulotlariga qaytadi. U tezroq safga qaytib, avvalgidek jamoaga yordam berishini umid qilyapmiz.
— Yaqinda Bashelaishvili jamoani tark etdi. Uning o‘rniga akademiyadan yana futbolchi jalb qilish imkoniyati bormi? Iqtidorli o‘yinchilar ko‘p, ammo hozircha faqat ikki nafar yosh futbolchiga imkoniyat berilmoqda. Buning sababi nimada?
Biz Bashelaishvili bilan shartnomani bekor qildik. Uning o‘rniga boshqa futbolchini jalb qilish masalasini hozircha ko‘rib chiqmayapmiz. Albatta, jamoani kuchaytirish uchun kamida yana bir-ikki nafar futbolchi kerakligini yaxshi tushunaman. Hozircha vaziyat shu.
— Jamoa nega 90 daqiqa davomida bir xil sur’atda o‘ynay olmayapti? Buning asosiy sababi nima, deb o‘ylaysiz?
O‘zi qaysi jamoa 90 daqiqa davomida bir xil tempda o‘ynay oladi? Buning iloji yo‘q. Biz kuchga asoslangan futbol o‘ynaymiz. Hozirgi iqlim va ob-havo sharoiti butun o‘yin davomida doimiy pressing va bosim o‘tkazish imkonini bermaydi. Qolaversa, «Lokomotiv»ga qarshi tinimsiz bosim bilan o‘ynash ham xavfli. Ular pressingdan yaxshi chiqib keta oladi va himoya ortida katta bo‘shliqlar qoldirishimizga sabab bo‘ladi. Bu esa katta tavakkalchilik. Faqat chiroyli futbol ko‘rsatish uchun ochilib o‘ynab, keyin o‘z darvozamiz oldida muammoga duch kelishning hech qanday ma’nosi yo‘q. Ayni paytda taqvim juda zich, ob-havo ham og‘ir. Futbolchilarni to‘liq tiklab olishga ulgurmayapmiz. Jarohatlar, charchoq — bularning hammasi to‘planib bormoqda. Amalda deyarli bir xil tarkib bilan o‘ynayapmiz. Futbolchilar robot emas, ular ham inson. Shuning uchun ulardan har doim bir xil darajadagi tempni talab qilish qiyin. Shu bois yana bir bor yigitlarga bugungi maydonda ko‘rsatgan fidoyiligi uchun minnatdorchilik bildiraman.
Kamoliddin Tojiev: «Andijon» bilan o'yin qiyin kechdi
«Paxtakor» bosh murabbiyi Kamoliddin Tojiev «Andijon»ga qarshi o'yindan so'ng o'z fikrlari bilan o'rtoqlashdi.
«Andijon» hamda «Paxtakor» (0:0) bahsidan so'ng «Paxtakor» ustozi Kamoliddin Tojiev matbuot anjumanida qatnashdi.
O'yinni qiyin bo'lishini bilardik. Yigitlarga tushuntirgandik. Futbolchilar o'z saviyasida o'yin ko'rsatishdi. Butun bahs davomida yaxshi o'yin ko'rsatdik. Gol urdik, hisoblanmadi. G'alaba qozonishga berishmadi, «Andijon» jamoasi emas, bunaqa o'ynash qiyin.
- «Andijon» jamoasi emas, deb aytib o'tdingiz. To'liqroq izoh bera olasizmi?
O'zlari bilishadi, ko'rganlar ham bilishadi. «Andijon» yaxshi jamoa. Lekin bugun biz ochko yo'qotdik. Bizga har bir ochko juda muhim.
- Matbuot anjumanlarida doimo o'yinchilar to'g'risida to'liq ma'lumot berib kelgansiz. Rustam Turdimurodovni «Andijon»ga o'tishi qanchalik haqiqat?
Bilmayman, bu haqida eshitmaganman. Bu gap qaerdan chiqdi, bilmayman!
- Qaydnomadan o'rin olishmagan Xojimat Erkinov va Hojiakbar Alijonovda jarohat bormidi?
Hojimat shu yerda edi, tiklana olmadi. Kichik jarohati bor. Alijonovda ham biroz jarohat bor.
- Qizil kartochka ko'rsatilgan vaziyatga izoh bera olasizmi?
Ko'rib chiqishimiz kerak. Ko'rmasdan turib gapira olmaymiz. Ko'rganimizdan keyin aytsa bo'ladi.
- «Paxtakor» chempionlik uchun kurashyapti. Bugungi durang jamoangizni chempionlik yo'lidagi imkoniyatlariga qanchalik ta'sir qiladi?
Hali chempionatni yarmi oldinda. Oldinda ikkinchi davra turibdi, ko'p o'yinlar bor. Hozir hamma ochko yo'qotyapti. Barcha jamoalar kuchli, yengil bo'lmaydi. Baribir biz oxirigacha kurashamiz. Oldimizda maqsadimiz bor. Faqat keyingi o'yinlarni yutishga harakat qilamiz.
Abbos G‘ulomov «Nasaf» futbolchisiga aylandi
Tajribali yarim himoyachi Abbos G‘ulomov faoliyatini «Nasaf» safida davom ettiradigan bo‘ldi. Tomonlar mavsum yakuniga qadar mo‘ljallangan shartnoma imzolashdi.
Vodiy klublaridagi ishonchli va sermahsul o‘yinlari bilan tanilgan tajribali yarim himoyachi Abbos G‘ulomov faoliyatini «Nasaf» safida davom ettiradi. 🔥
Tomonlar o‘rtasida erishilgan kelishuvga ko‘ra, futbolchi mavsum yakuniga qadar jamoa sharafini himoya qiladi. Shuningdek, shartnomani uzaytirish bandi ham bitimdan o‘rin olgan.
🐲 «Ajdarlar» oilasiga xush kelibsan, Abbos!
Abbosjon G‘ulomov «Navbahor»ni tark etdi
28 yoshli yarim himoyachi Abbosjon G‘ulomov «Navbahor» bilan xayrlashdi. Futbolchi jamoa safida 1,5 mavsum davomida 48 ta o‘yinda maydonga tushgan.
Ayni paytda milliy chempionatimizda davom etayotgan yozgi transfer oynasida jamoamiz tarkibida bir qator o‘zgarishlar yuz bermoqda. Jumladan, 28 yoshli mahoratli yarim himoyachi Abbosjon G‘ulomov «Navbahor» safini tark etdi.
«Lochinlar» tarkibiga 2025 yilgi mavsumda qo‘shilgan G‘ulomov ortda qolgan 1,5 mavsum davomida Superliga va O‘zbekiston kubogi bahslarida jami 48 ta o‘yinda maydonga tushib, 15 ta golga mualliflik qilgan holda, 4 ta golga assistentlik qildi.
Bundan tashqari, Abbosjon G‘ulomov o‘tgan mavsumda O‘zbekiston Professional futbol ligasi tomonidan «Yil kashfiyoti» mukofotini qo‘lga kiritgan.
Biz jamoamiz safida o‘tkazgan yorqin o‘yinlari uchun Abbosjon G‘ulomovga minnatdorchilik bildirib, uning kelgusi faoliyatida omad hamda zafarlar tilab qolamiz. Barchasi uchun rahmat, Abbosjon!
Paata Gudushauri — «Nasaf» futbolchisi
Gruziyalik futbolchi Paata Gudushauri «Nasaf» jamoasi tarkibiga kelib qo'shildi.
Paata Gudushauri — yangi «ajdar»! 🐲
Andijon uch nafar futbolchini Liga ro‘yxatidan o‘tkazdi
Andijon klubi Shohmalik Komilov, Artyom Potapov va Nodirxon Ne'matxonovni Liga ro‘yxatidan o‘tkazdi.
Andijon klubi Shohmalik Komilov, Artyom Potapov va Nodirxon Ne'matxonovni Liga ro‘yxatidan o‘tkazdi. 🔵
Artyom Potapov: «Andijon»da maksimal darajada g'alaba qozonish va o'yinlarni quruq o'tkazishni istayman»
«Andijon»ning yangi darvozaboni Artyom Potapov jamoaga moslashuvi, maqsadlari va muxlislar haqida intervyu berdi.
«Andijon» klubi transfer qilgan yangi futbolchilari orasida rossiyalik darvozabon Artyom Potapov ham borligini bilasiz. U jamoaga moslashib ketdi va mashg'ulotlarda ham astoydil ishlamoqda.
Bilasiz, Potapov yurtimizda hozirga qadar «Surxon» bilan «Xorazm»da faoliyat olib borgan. Endilikda «Andijon» sharafini himoya qiladi.
Darvozabon bu boradagi dastlabki intervyusini berdi.
Artyom, «Andijon»ga ko'chib o'tishingizning asosiy sababi nima?
«Andijon»ga kelib qo'shilish varianti paydo bo'lganidayoq o'ylab o'tirmasdan qaror qabul qildim. Chunki uni o'ziga xos tarix va katta ishqibozlar armiyasiga boy klub sifatida bilaman. Murabbiylar shtabi ham kuchli ijrochilardan. Futbolchilarni hammasi ham qobiliyatli.
Bungacha siz O'zbekistonda «Surxon» va «Xorazm» uchun o'ynagansiz. Faoliyatingizning «Andijon»dagi yangi bosqichida nimalarni kutyapsiz?
Yuqori talabga mos tushishga harakat qilaman. Kerakli natijalar qo'lga kiritilishi uchun o'zimdagi bor kuchni sarflashga tayyorman va bu bilan muxlislarni quvontirish maqsadim bor.
Yangi jamoada himoyachilar bilan darvozabonning bir-birlarini tushunishlari qay darajada muhim?
Bunday futbolchilar jamlangan jamoada kirishib ketish hech qanday qiyinchilik tug'dirmaydi. Shunday muhitda futbol maydonida ham, uning tashqarisida ham bir-biringiz bilan osongina til topishish mumkin.
«Andijon» ishtirokidagi uchrashuvlarda stadiondagi muhit haqida eshitgan bo'lsangiz kerak. Klub ishqibozlariga nima degan bo'laridingiz?
Nafaqat eshitganman, balki ilgari bu stadionda o'zim ham o'ynab muhitni qandayligini sezganman. Ajoyib qo'llab-quvvatlash! Bu yerda har bir uy o'yini haqiqiy bayramga aylanib ketadi.
Hozirgacha qaysi o'yin yoki qaysi seyvingizni faoliyatingizdagi eng esda qolarlisi deb hisoblaysiz?
Siz sanab o'tgan jihatlar juda ham ko'p. Qaysi birini esga olishni ham bilaman. Ammo umid qilamanki, eng yaxshilari hali oldinda!
«Andijon» tarkibida mavsumning ikkinchi qismi uchun o'zingizga shaxsiy maqsad sifatida nimani qo'ymoqchisiz?
Maksimal darajada g'alaba qozonish va o'yinlarni quruq o'tkazishni istayman.
«Andijon» muxlislariga uchta so'z bilan ta'rif bera olsangiz qaysi xususiyatlarini sanab o'tgan bo'lardingiz?
Ishonchli, tajribali va umidli!
Super Liga
Nemanya Chalasan: «Qizil kartochka olganimdan so'ng juda xavotirlandim»
Andijon himoyachisi Nemanya Chalasan Paxtakorga qarshi o'yindagi qizil kartochka va jamoaning durang natijasi haqida gapirdi.
«Andijon»ning o'z maydonida «Paxtakor»ga qarshi o'tgan uchrashuvi shiddatli va keskin kurashlar ostida o'tdi, faqat gol yetishmadi. Qolaversa, qizil kartochkalar bilan ham yodda qoladigan bo'ldi. Mezbonlardan ikkita, mehmonlardan bir nafar o'yinchi maydondan chetlatildi.
Uchrashuvdagi dastlabki qizil kartochka «Andijon»ning serbiyalik himoyachisi Nemanya Chalasanga ko'rsatildi.
Futbolchi esa «Paxtakor»ga qarshi o'yin, qizil kartochka va stadiondagi muhit haqida intervyu berdi.
- Nemanya, o'yin sizda qanday taassurot qoldirdi?
- O'ylaymanki, agar biz maydonda 11 ga 11 bo'lib qolganimizda g'alaba qozonishimiz mumkin edi. Menda shunday ichki tuyg'u bor edi. Qolavresa, ishqibozlarimiz bizni faqat oldinga undashdi va ularning daldasi, ko'magida albatta gol kiritgan bo'lardik.
- O'yin chog'ida uch marta qizil kartochka ko'rsatildi, shulardan biri sizga. O'sha holatni qanday izohlab bergan bo'lardingiz?
- Men olgan qizil kartochkaga kelsak, to'pni maydon markazidagi Cheranga uzatmoqchi bo'ldim. Lekin raqib mening bu rejamni oldindan o'qidi va to'pni egallab oldi. Qo'limdan keladigan yagona ish – qoidani buzishdan iborat edi. Bu mening xatoim va jamoaga pand berib qo'yganimni yaxshi tushunib turibman. Martinga kelsak, u qizil kartochkaga munosib ish qilmagandi.
- Maydonda yuz bergan voqealardan kelib chiqib, xulosa qilsak, 0:0 natijasi o'yinga mos keladimi?
- Rostini aytsam, o'yin oxirida deyarli tengma-teng tarkib bilan to'p surganimizda bemalol bellashuvni yutgan bo'lardik. Boya aytganimdek, muxlislarimiz bizga g'alaba qozonishimizga yordam berishardi. Kamchilik bo'lib o'ynab, 0:0 hisobidagi durangga kelsak, buni yomon natija deb hisoblab bo'lmaydi. Natijadan ko'nglim to'ldi.
- Olgan qizil kartochkangiz faoliyatingizdagi nechanchisi?
- Men tez-tez qizil kartochka oladigan o'yinchilar sirasiga kirmayman. O'ylaymanki, agar xotiram pand bermayotgan bo'lsa, bu faoliyatimdagi uchinchi qizil kartochkadir.
- Stadiondagi muhit sizga yoqdimi?
- Stadiondagi muhit har doim ham qoyilmaqom darajada. Bu borada ishqibozlarimizga teng keladigani yo'q. Ularning bizga ko'rsatayotgan beqiyos darajadagi qo'llab-quvvatlashlari uchun katta rahmat aytaman.
- Birinchi davra nihoyasiga yetdi. Jamoaning ishtirokini qanday baholaysiz?
- Futbolda har doim o'sish va rivojlanish uchun joy qoladi. Mavsumning ikkinchi qismida xatolarimizni to'g'rilashimizga va yanada kuchliroq o'yin namoyish qilishga harakat qilamiz.
- Qizil kartochka olgan paytingizda ishqibozlar sizni qarsaklar bilan kuzatib qo'yishdi. Shundan so'ng kiyim xonaga yo'l oldingiz. Jamoani ozchilik bo'lib qoldirganingizdan va gol o'tkazib yuborish ehtimoli borligini o'ylab, bundan qay darajada qayg'urdingiz?
- Yashirmayman, men juda ham bundan qayg'urdim. Albatta, muxlislarning meni maydondan olqishlar bilan kuzatib qo'yishgani yuragimni to'lqinlantirib yubordi. Ularga buning uchun katta rahmat aytmoqchiman. Tabiiyki, jamoaga pand berib qo'yar ekansan, albatta bundan iztirobga tushasan. Ishqilib, durang natijani ushlab qolaylik, yutqazib qo'ymasak bo'ldi, degan fikr xayolimdan ketmadi.
- Qizil kartochka olganingizdan so'ng Boake ham ortingizdan kiyimxonaga qizil kartochka olgan holda yo'l oldi. Uni kiyimxonada ko'rganingizdan hayron qolgandirsiz?
- Martinning ham kiyimxonaga tushganini ko'rib to'g'risi hayron qoldim. Ammo bu futbol va ushbu o'yinda istalgan voqea yuz berishi mumkin. Maydonda doim katta bosim hukmronlik qiladi. Ba'zi-ba'zida ehtiroslar ustunlik qilib, qoida buzganingni ham bilmay qolar ekansan.
Ayman Hussayn «Paxtakor» futbolchisiga aylandi
Iroqlik hujumchi Ayman Hussayn «Paxtakor» safiga qo'shildi. Bu haqda klub matbuot xizmati ma'lum qildi.
Ayman Hussayn «Paxtakor» futbolchisi!
«Paxtakor» matbuot xizmati xabariga ko'ra, «AKFA» bilan «Paxtakor» yanada kuchli!
Surxon yangi futbolchilarni ro'yxatdan o'tkazdi
Surxon klubi AQShlik hujumchi hamda Oqtepa safida o'ynagan ikki futbolchini o'z tarkibiga qo'shib oldi.
🟡 Surxon klubi AQShlik hujumchini o'z safiga qo'shib oldi. Shuningdek, termizliklar birinchi davrani Oqtepa klubida o'tkazgan ikki futbolchini ham Liga ro'yxatidan o'tkazdi.
Jamoa «Markaziy» stadionga yetib keldi
Jamoa o'yin oldidan «Markaziy» stadionga yetib keldi.
Jamoamiz «Markaziy» stadionga yetib keldi.
Andijon Nodirxon Ne'matxonov bilan shartnomani bekor qildi
Andijon himoyachi Nodirxon Ne'matxonov bilan tuzilgan shartnoma o'zaro kelishuvga ko'ra bekor qilinganini e'lon qildi.
Ma'lumki, bir necha kun muqaddam jamoamiz uch nafar yangi futbolchi bilan shartnoma imzolagan edi. Ularning orasida himoyachi Nodirxon Ne'matxonov ham bor edi.
Biroq keyinchalik o'yinchining shaxsiy masalalari tufayli tomonlarning o'zaro kelishuvi asosida u bilan tuzilgan mehnat shartnomasi bekor qilinganligini ma'lum qilamiz.
Futbolchining keyingi faoliyatiga omad tilaymiz!
Ulug'bek Baqoyev: "Doriyev ko'zi yonib futbol o'ynaydi"
Superliga 15-turidan o'rin olgan "Mash'al" – "So'g'diyona" uchrashuvidan so'ng jamoa bosh murabbiyi Ulug'bek Baqoyev matbuot anjumanida ishtirok etdi.
Superliga 15-turidan o'rin olgan "Mash'al" – "So'g'diyona" (1:3) uchrashuvidan keyin "So'g'diyona" bosh murabbiyi Ulug'bek Baqoyev matbuot anjumanida ishtirok etdi.
Murabbiy mag'lubiyat sabablari va klubdagi moliyaviy muammolar haqida gapirdi
Murabbiy mag'lubiyat sabablari, jamoa himoyasidagi muammolar hamda klubdagi moliyaviy qiyinchiliklar haqida o'z fikrlari bilan o'rtoqlashdi.
— O'yin haqidagi fikringiz?
— Fikr aytmasdan ketsa ham bo'ladi-ya (kuladi). Xo'sh, nimadir aytishning o'zi mushkul. 1:3 hisobida imkoniyatni boy berdik. Haqli mag'lubiyat bo'ldi, himoyada bunaqa o'yin ko'rsatmasligimiz kerak edi. Hozir nimadir orzu qila olmaymiz, ishlashda davom etamiz, oldimizda boshqa variant yo'q. Raqibni g'alaba bilan tabriklayman. Bugun g'alaba qozonganimizda bu biz uchun olti ochkoga teng bo'lardi. Lekin afsus...
— Bugun asosiy gollarni Lyupcho Doriyev urdi.
— Nega shunday bo'lganini Doriyevning o'zidan so'rash kerak. U yaxshi futbolchi. Agar unga jarima maydonchasi yaqinida zarba yo'llash imkonini bersangiz, odatda gol bilan tugaydi. Boshqalar ura olmadi, lekin Doriyev urdi.
— Azizbek Choriyevning o'yini haqidagi fikringiz?
— Markaziy himoyada muammolar borligi sabab shu futbolchini o'ynatdik. O'rinbosarlarimizdan to'rt nafari muntazam asosiy tarkib bilan shug'ullanib kelyapti. Xolmatovni, Choriyevni ko'rdingiz. Tez orada boshqa o'yinchilarni ham ko'rasiz. Choriyev himoyada zo'r o'ynadimi? Yo'q. Lekin birinchi o'yini bo'lgani uchun yomon emas.
— Ibrohimovning jarohati haqida?
— U tizzasidan jarohat oldi va tez orada sog'ayib safimizga qaytadi deb umid qilib qolamiz.
— "Bunyodkor" mablag' yo'qligi sabab safar o'yiniga bora olmadi. "Mash'al"da ham moliyaviy qiyinchiliklar bor. Klubning boshiga "Bunyodkor" holati tushmasmikin?
— "Bunyodkor"dagi vaziyatni to'liq bilmayman. Bizda esa holat boshqalar kabi, qariyb yarim yildan beri maosh olmayapmiz. "Bunyodkor" o'yinini boshqa kunga qoldirish imkoniyati ko'rib chiqilsa bo'lardi, yanayam aniqini bilmadim. Hammamiz vaziyat o'nglanishiga umid qilyapmiz. Superliganing yarim jamoasida qiyinchilik bor deb o'ylayman. Tez orada hammasi joyiga tushsa kerak.
Murabbiy "Mash'al"ga qarshi o'yin va Doriyevning shartnomasi haqida
Murabbiy Mash'al ustidan qozonilgan g'alaba, hakamlar bilan bahs va legioner Doriyevning shartnomasi haqida fikr bildirdi.
— O‘yin biz uchun juda yaxshi boshlandi. Darhol gol urdik. Birinchi bo‘limda o‘yinni to‘liq nazorat qildik, ikkinchi bo‘limda ham vaziyatlar yaratishda davom etdik. Yana tezkor gol urildi, undan keyin uchinchi gol ham keldi va o‘ynash ancha yengillashdi.
Biz "Mash'al" jamoasini yaxshi o‘rgangan edik. O‘yindan oldin ularni tahlil qilganmiz. Ular qarshi hujumlarda, ayniqsa qanotlardan juda tez harakat qiladigan jamoa.
Ketma-ket ikkita mag‘lubiyatdan keyin bugungi g‘alaba futbolchilarga, avvalo, ruhiy jihatdan katta ishonch berdi. Bu natija turnir jadvalidagi holatimiz uchun ham muhim edi.
Shu sababli yigitlarni g‘alaba bilan tabriklayman va endi O‘zbekiston chempionati navbatdagi uchrashuviga tayyorgarlikni davom ettiramiz.
— Birinchi bo‘limda "Mash'al"ning ilk goli urilganda siz yon hakamga qattiq e'tiroz bildirdingiz. Hatto ogohlantirish ham oldingiz. Nima sababdan aynan yon hakamga bunchalik e'tiroz qildingiz?
Men vaziyatni shunday ko‘rdimki, "Mash'al"ning hujumi vaqtida ularning futbolchisi to‘pni qo‘li bilan o‘ynadi. Shu sababli o‘yin to‘xtatilishi kerak edi.
Ammo hakam o‘yinni davom ettirdi va natijada "Mash'al" gol urdi. Men hakamlarga aynan shuni aytdim: mening fikrimcha, to‘p futbolchining qo‘liga tekkan edi. Bu qoida buzilishi hisoblanadi, shuning uchun gol hisobga olinmasligi kerak edi. E'tirozimning sababi shu.
Yosh futbolchilarga imkoniyat berish masalasida, bugun ikki nafar yosh futbolchini maydonga so‘nggi 7–8 daqiqalarda tushirdingiz. Bu ularning o‘yin amaliyoti uchun kam emasmi?
Maydonga tushish uchun avvalo futbolchi bunga loyiq ekanini isbotlashi kerak. Kimning saviyasi qanday bo‘lsa, shunga yarasha imkoniyat oladi.
Bugun ayrim futbolchilarga dam berdik, ayrimlari ko‘proq vaqt o‘ynadi. Yosh futbolchilar esa kecha yoshlar jamoasi safida ham maydonga tushishgandi. Bu odatiy jarayon.
Albatta, har bir futbolchi ko‘proq vaqt o‘ynashni xohlaydi. Lekin vaziyat shundayki, har qanday xato golga sabab bo‘lishi mumkin. Futbolda esa bitta gol ham o‘yin taqdirini o‘zgartirib yuboradi.
Biz raqibni hurmat qilamiz, futbolni hurmat qilamiz. Shu sababli ortiqcha tavakkal qilmaymiz va futbolchilarga zarur bo‘lgan vaqtni beramiz.
— Doriyev bilan shartnoma qancha muddatga tuzilgan? U yangi mavsumda ham jamoada qoladimi?
Yaqinda uning shartnomasi uzaytirildi. Nazarimda, uch yoki to‘rt yilga. Aniq muddatini rahbariyat yaxshi biladi.
Bugungi o‘yinini o‘zingiz ham ko‘rdingiz. Uning mahorati, fidoyiligi, maydondagi ishtiyoqi juda yuqori.
U yosh futbolchilarimiz uchun haqiqiy o‘rnak. Legioner futbolchi qanday harakat qilishi kerakligini amalda ko‘rsatmoqda.
U gol uradi, jamoaga foyda keltiradi, samarali o‘ynaydi. Nafaqat o‘yini, balki ruhiy tomondan ham yosh futbolchilarga yordam beradi va ularning rivojlanishiga hissa qo‘shadi.
Shu sababli unga alohida minnatdorchilik bildiraman.
Umidjon Ergashev «Xorazm» safiga o'tdi
«Xorazm» jamoasi OKMK darvozaboni Umidjon Ergashevni ijaraga oldi.
«Xorazm» jamoasi OKMK darvozaboni Umidjon Ergashevni ijaraga oldi.
Islom Ahmedov: «O'z falsafamizdan kechmagan holda o'yin ko'rsatishga harakat qildik»
«Andijon» bosh murabbiyi Islom Ahmedov «Paxtakor»ga qarshi o'yin (0:0) hamda jamoasidagi qizil kartochkalar va o'zgarishlar haqida fikr bildirdi.
«Andijon» - «Paxtakor» (0:0) uchrashuvidan so'ng mezbonlar ustozi Islom Ahmedov matbuot anjumanida savollarga javob berdi.
O'yinni qiyin o'tishini bilardik. «Paxtakor» grand jamoa, tarkibida kuchli futbolchilar borligini bilamiz. Kuchli murabbiyga ega. Shuning uchun og'ir kechishini sezgandik, shunga qarab tayyorgarlik ko'rdik. O'z falsafamizdan kechmagan holda iloji boricha to'pni nazorat qilish, hujumkor o'yin ko'rsatishga harakat qildik. Baribir «Paxtakor» bunga qarshilik ko'rsatdi va biz xohlagandek o'yin ko'rsata olmadik. Raqib kuchli edi. O'z maydonimizda muxlislarimizni g'alaba bilan xursand qilishni istagandik. Lekin durang bo'lib qoldi.
- Bitta uchrashuvda ikkita qizil kartochka – bu tartib-intizom masalasida o'ylantiradigan holat. Bu bo'yicha qanday izoh berasiz?
Birinchi vaziyatga keladigan bo'lsak, himoyachimiz pas orqali vaziyatdan chiqib ketmoqchi edi. Buni o'zimiz o'yinchilarimizga tushuntiramiz. Ha, xato bo'ldi. Oxirgi folni qo'lladi. Bu yerda tajovuzkorlik yo'q edi. Bu vaziyatda o'zini to'xtata olmasligi ham mumkin, chunki u oxirgi himoyachi. Darvozaga to'p kirib ketishi mumkinligini o'ylagan holda o'z-o'zidan raqibni ushlab qolish holati bo'ladi. Ikkinchi vaziyatni oqlamagan bo'lardim. To'g'ri aytyapsiz, ko'rib chiqib tegishli chora ko'ramiz.
- Ko'pchilik yana Xamidullo Karimovdan gol kutgandi. Bu futbolchi belgilangan vaqtda tushmagandek tuyuldi. U haqida fikr bildirsangiz.
Avvalgi o'yinlarda Karimov o'yin oxirlarida maydonga tushayotgandi. Bugun esa biroz ertaroq maydonga tushirdim. Ko'proq vaqt bermoqchi bo'ldik. Lekin majburiy o'zgarishlar ham bo'ldi, jarohati sababli o'yinchimiz o'yinni oxirigacha davom ettira olmadi. Xohlaysizmi-yo'qmi, Xamidullo Karimovga qarshi milliy jamoa o'yinchisi o'ynadi. O'zini imkoniyatini ko'rsatish qiyin bo'ladi.
- Maydon markazini kuchaytirish maqsadida Shoxmalik Komilovni maydonga tushirsangiz bo'lmasmidi?
Bo'lardi. Ammo Shoxmalik jamoamizga yaqindagina qo'shildi. O'yin falsafamizni tushuntirib boryapmiz. Vaqti kelib, uni ham maydonga tushiramiz.
- Qanot himoyachisi Mahmud Maxamadjonov o'zini yaxshi tomondan ko'rsatayotgandi. Almashtirilishiga nima sabab bo'ldi?
Majburiy o'zgarish bo'ldi. Uning o'zi jarohati sababli zaxiraga olishimizni so'radi. Natijada almashtirishga majbur bo'ldik.
Tojiyev: Andijondagi o'yinda ochko yo'qotdik
Andijondagi bellashuvdan so'ng "Paxtakor" bosh murabbiyi matbuot anjumanida o'z fikrlari bilan o'rtoqlashdi.
Andijondagi bellashuvdan so'ng "Paxtakor" bosh murabbiyi matbuot anjumanida qatnashdi.
Tojiyev: - O'yin qiyin bo'lishi aniq edi. Yigitlarga buni tushuntirdik va jamoa yaxshi o'yin namoyish qildi deb o'ylayman. Bugun g'alaba qozonishimizga yo'l qo'yishmadi, lekin sabab "Andijon" jamoasi emas. Ularda yaxshi jamoa bor, lekin bugun biz ochko yo'qotdik.
Alijonov va Erkinov kichik jarohati tufayli o'ynay olishmadi. Qizil kartochkalar berilgan vaziyatlarni hali ko'rib chiqmadim.
Mavsumning rosa yarmi oldinda. Hamma ochko yo'qotmoqda va yo'qotadi. Keyingi o'yinlarni yutishga harakat qilamiz.
Mirko Yelichich: "Buxoro"ga qarshi o'yin oson bo'lmadi"
Mirko Yelichich "Buxoro"ga qarshi kechgan bahs va qizil kartochka borasidagi fikrlari bilan o'rtoqlashdi.
Mirko Yelichich: "Buxoro"ni g'alaba bilan tabriklayman. Bu jamoa turnir jadvalida 3-o'rinda turishi bejiz emas. Ularga qarshi o'ynash oson bo'lmagan. O'z navbatida futbolchilarimga ham rahmat aytaman. Bugun ikkala jamoa uch ochko uchun o'ynadi. Jamoamning kurashuvchanligidan mamnunman.
- Qizil kartochka haqida fikringiz.
Hozir kichik xatolar kechirilmayapti. Vaziyatni oldindan his qilish kerak edi. Bu vaziyat, ha, balki qizil kartochkadir. Lekin o'yinning bir qismi ekansan, barchasini his qilib turish kerak. Bugun ikkala jamoada ham e'tibor ko'proq hakamlarga qaratildi. Biroq bu narsa hech kimga yordam bermaydi.
U21 chempionati: Bunyodkorga texnik mag'lubiyat yozildi
U21 chempionati 15-turida Bunyodkor jamoasi uchrashuvga kelmagani uchun texnik mag'lubiyat qayd etildi.
U21 chempionati 15-tur o'yinlari davom ettirildi.
Bunyodkor U21 klubi Qizilqum bilan uchrashuvga kelmagani uchun o'yin bekor qilindi va Qizilqum U21 jamoasiga 3:0 hisobidagi texnik g'alaba, Bunyodkor U21 jamoasiga esa 0:3 hisobidagi texnik mag'lubiyat yozildi.
Paata Gudushauri «Nasaf» futbolchisiga aylandi
Gruziyalik vinger Paata Gudushauri «Nasaf» safiga kelib qo‘shildi. Futbolchi mavsum yakuniga qadar Qarshi klubi sharafini himoya qiladi.
OChL 2 hamda Superliga bahslariga jiddiy tayyorgarlik ko‘rayotgan «Nasaf» transfer oynasidagi ilk muhim qadamini tashladi.
Gruziyalik vinger Paata Gudushauri «Nasaf» bilan kelishuvga erishdi. Tomonlar o‘rtasidagi bitimga ko‘ra, futbolchi mavsum yakuniga qadar jamoa sharafini himoya qiladi.
Oilamizga xush kelibsan, Paata! 🔥
Bunyodkor klubiga 5 milliard so‘m ajratildi
O‘zbekiston Respublikasi Prezidentining qarori asosida Bunyodkor futbol klubiga 5 milliard so‘m miqdorida mablag‘ ajratildi.
Bunyodkor jamoasining ashaddiy ishqibozlarini xotirjam qilgan holda shuni ma’lum qilamizki, klubimizga hukumatimiz tomonidan amaliy yordam berila boshlandi. Xususan, kecha O‘zbekiston Respublikasi Prezidentining 2026 yil 24 martdagi PQ-107-son “Sport sohasini moliyalashtirish mexanizmlarini takomillashtirish va sohaga tadbirkorlik sub’yektlarini jalb qilishni kengaytirish chora-tadbirlari to‘g‘risida”gi qarori asosida Bunyodkor futbol klubiga 5 milliard so‘m ajratildi.
Buning uchun yurtimizda futbolni yanada rivojlantirish yo‘lida katta islohotlar olib borayotgan davlatimiz rahbariga va hukumatimiz rasmiylariga o‘z minnatdorchiligimizni bildiramiz! Bunyodkor Superliganing navbatdagi uchrashuvlariga reja asosida tayyorgarlik ko‘rishda davom etadi.