Darvozabon Adrian San Migel faoliyatini yakunlagach, «Real Betis» sport rahbariyatida ish boshlaydi.
Jose Manuel Rodriguez xabariga ko'ra, Adrian San Migel «Real Betis» sport rahbariyatidan joy oladi.
U 2025/26-yilgi mavsum yakunida faoliyatini yakunlagan edi va uning klubda qolishi deyarli aniq bo'lib turgandi.
Adrian klubda sport va institutsional faoliyatni muvofiqlashtirish vazifalarini bajaradi.
Xavi Migel xabariga ko'ra, Frenki de Yongning jarohati «Barselona»ning Mark Kasado borasidagi rejalarini o'zgartirmadi. Ispaniyalik futbolchi klubni tark etishi kerak.
Xavi Migel xabariga ko'ra, Frenki de Yongning jarohati «Barselona»ning Mark Kasado borasidagi rejalarini o'zgartirmadi. Ispaniyalik futbolchi klubni tark etishi kerak.
Frenki de Yong tizza jarohatini operatsiyasiz davolashga urinib ko'rmoqchi, ammo klub jarrohlik amaliyoti zarur deb hisoblamoqda.
Xavi Migel xabariga ko'ra, Frenki de Yong o'ng tizzasidagi ichki kollateral bog'lam shikastlanishini barqarorlashtirish va tiklash uchun o'z qonidan olingan trombotsitlarga boy plazma yordamida davolanadi.
Agar davolanish muvaffaqiyatli o'tsa, Frenki operatsiyadan qochib, tiklanish muddatini taxminan 3 oygacha qisqartirishi mumkin. Biroq, agar davolash kutilgan natijani bermasa, jarrohlik amaliyoti muqarrar bo'ladi va uning maydonga qaytishi 6 oygacha cho'zilishi mumkin.
Hozircha tomonlarning fikri turlicha. Futbolchining o'zi optimistik kayfiyatda va operatsiyasiz tuzalib ketishiga umid qilmoqda. Klubdagilar esa jarrohlik amaliyoti to'liq tiklanishning yagona kafolati deb hisoblashadi.
Shifokorlar Frenkiga Ansu Fati va Samuel Umtiti bilan bog'liq holatlarni eslatishdi. Frenki bu ikki o'yinchichalik operatsiyadan bosh tortish masalasida keskin emas, shuning uchun u jarohatning rivojlanishini kuzatish uchun biroz vaqt so'ragan. Klub esa operatsiyani talab qilmoqda, chunki konservativ usul kelajakda qaytalanish xavfini keltirib chiqarishi mumkin.
Frenki de Yong jarohati bo'yicha operatsiya variantini hozircha rad etmoqda. Klub 3 haftadan so'ng yakuniy qarorga keladi.
Xavi Migel (🌖): Frenki «hozircha» operatsiya variantini rad etmoqda. Hammasi uning jarohati qanday kechishiga bog'liq bo'ladi.
Klub Ansu va Umtiti bilan bog'liq holatlardagi kabi «muvaffaqiyatsizliklar»dan qochmoqchi. Ular operatsiyadan bosh tortishgan va bu tiklanish jarayonining cho'zilib ketishiga olib kelgan edi. 3 haftadan so'ng unga operatsiya kerakmi yoki yo'q, shu borada qaror qabul qilinadi.
Xavi Migel xabariga ko'ra, Frenki de Yong 5-6 oyga safdan chiqdi. U 2027-yilgacha maydonga qaytmaydi.
🚨 Xavi Migel xabariga ko'ra, Frenki de Yong 5-6 oyga safdan chiqdi. U 2027-yilgacha maydonga qaytmaydi.
Frenki de Yongning tizzasidagi jarohat jiddiy bo'lib chiqdi. Futbolchi 4-6 oyga safdan chiqishi mumkin.
Xavi Migel (🌖): Dushanba kuni Frenki de Yong mashg'ulotlar bazasiga yetib kelganida, hech kim, hatto eng pessimist odam ham bunchalik xavotirli holatni kutmagandi. Yarim himoyachining tizzasida kuchli shish kuzatilgan.
Dastlab Frenki Xansi Flik bilan uchrashib, muddatidan avval qaytish sabablarini tushuntirdi. Shundan so'ng shifokorlar birlamchi ko'rik o'tkazishdi va tizza holati mutlaqo beqaror ekanligini, ehtimol, pay shikastlangan bo'lishi mumkinligini aniqlashdi. Biroq,
ichki qon quyilish tufayli MRT tekshiruvini o'tkazib bo'lmayapti, shu bois tekshiruvlar uchun bir necha kun kutish kerak.
Klubdagilar Niderlandiya terma jamoasi rahbariyati tomonidan aldangandek his qilishmoqda. Ular o'yinchiga ukol qilinganini bilishgan, biroq vaziyat bunchalik jiddiy deb o'ylashmagan. Klubdagilar Frenki Marokashga qarshi jarohat bilan o'ynaganidan shubhalanishmoqda va o'yin qo'shimcha bo'limlarga qadar davom etgani sababli, muammo yanada jiddiylashgan.
«Barsa»da Kuman, terma jamoa shifokorlari va Frenkining o'zi mutlaqo yo'l qo'yib bo'lmaydigan tavakkalchilikka qo'l urishgan deb hisoblashadi, chunki o'yinchining sog'lig'i hamma narsadan ustun turishi kerak. «Kuman va Frenki bu ulkan muammoni qanday izohlashlarini ko'ramiz», — deya bayonot berishmoqda «Barselona»da.
Frenkiga jarrohlik aralashuvi talab etilishi mumkin. Agar bu tasdiqlansa, gap 4-6 oylik tanaffus haqida ketadi.
Ayaks Dani Sebalyosni o'z safiga qo'shib olish uchun bor imkoniyatlarini ishga solmoqda. Bosh murabbiy Michel futbolchi bilan bog'lanmoqda.
😀 "Ayaks" Dani Sebalyosni o'z safiga qo'shib olish uchun bor imkoniyatlarini ishga solmoqda.
Matteo Moretto xabariga ko'ra, bosh murabbiy Michel ispaniyalik yarim himoyachiga har kuni qo'ng'iroq qilib, uni Amsterdam klubiga o'tishga ko'ndirishga urinmoqda.
Xansi Flik Ter Shtegenni Angliyaga yo'l oladigan tarkibga kiritdi. Darvozabonning "Ayaks"ga o'tishi bilan bog'liq vaziyat esa hal qilinmoqda.
Xavi Migel xabariga ko'ra, Xansi Flik Ter Shtegenni Angliyaga yo'l oladigan futbolchilar ro'yxatiga kiritdi. Shuningdek, tarkibdan Fermin, Arauxo, Balde va ta'tildan qaytadigan Rafinya ham o'rin olgan.
Har qanday holatda ham, barchasi Ter Shtegen va Flikning Angliyaga jo'nab ketishdan oldingi uchrashuviga bog'liq.
Nemis murabbiyi, agar darvozabon o'z vaziyatini uzil-kesil hal qilib olish uchun Barselonada qolishni afzal ko'rsa, bunga qarshilik qilmaydi.Biroq, agar u jamoa bilan yig'inga borishni istasa, Flik uni quchoq ochib kutib oladi.
Ter Shtegenni "Ayaks"ga o'tishidan faqatgina ayrim soliq byurokratik masalalari ajratib turibdi. Klub yaqin kunlar ichida ushbu vaziyatni tartibga solishga umid qilmoqda, ular futbolchining maoshi borasida qo'shimcha sa'y-harakatlar qilishlari kerakligini tushunib turishibdi.
Ronald Arauxo jarohatidan tiklanishda davom etmoqda. Himoyachi «Barselona» bilan Angliyaga yo'l oladi, ammo uning safga qaytish muddati hozircha noma'lum.
💦 Xavi Migel xabariga ko'ra, Ronald Arauxo jahon chempionatida olgan o'ng boldir mushagidagi jarohatidan tiklanishda davom etmoqda.
Markaziy himoyachi «Barselona» bilan birga Angliyaga yo'l oladi, biroq uning umumiy guruh mashg'ulotlariga qaytish muddati hozircha noma'lumligicha qolmoqda.
Xavi Migel xabariga ko'ra, Rafinya Jahon chempionatida olgan jarohatidan so'ng, dushanba kuni "Barselona" mashg'ulotlariga qaytadi.
Xavi Migel xabariga ko'ra, Rafinya Jahon chempionatida olgan o'ng son mushaklaridagi jarohatidan so'ng, dushanba kuni "Barselona" mashg'ulotlariga qaytadi.
Braziliyalik futbolchining tiklanishi kutilmoqda, biroq klub takroriy jarohatlar yoki boshqa asoratlarning oldini olish uchun uning qaytish jarayonini diqqat bilan nazorat qiladi.
Alehandro Balde qov sohasidagi og'riqlar sababli yakka tartibda shug'ullanmoqda. Futbolchi La Liga startiga qadar safga qaytishi kutilmoqda.
Xavi Migel xabariga ko'ra, Alehandro Balde pubalgiya (qov sohasidagi og'riq) bilan kurashmoqda.
Himoyachi jamoa bilan mashg'ulotlardan chetlatilgan va qov sohasidagi og'riqlar sababli trenajyor zalida maxsus mashqlarni bajarishga majbur bo'lmoqda. U deyarli bir haftadan buyon jamoadoshlari bilan birga shug'ullanishiga xalaqit berayotgan noqulaylikni bartaraf etish uchun davolanish kursini o'tamoqda.
Ayni damda klubda xavotir uchun asos yo'q: u La Liga startiga 100 foiz tayyor bo'lishi uchun ish olib borilmoqda. Dushanba kuni Balde Angliyaga yo'l olishi va imkoniyat bo'lsa, Birmingemga qarshi o'rtoqlik uchrashuvida maydonga tushishi rejalashtirilgan.
Frenki de Yongning jarohati kutilganidan ham jiddiyroq bo'lishi mumkin. Xavi Migel xabariga ko'ra, futbolchi uzoq muddatga safdan chiqishi ehtimoli yuqori.
Xavi Migel xabariga ko'ra, Frenki de Yongning jarohati bo'yicha klub ichkarisi va tashqarisidan kelayotgan xabarlar ancha pessimistik tus olgan. Bu uning kutilganidan ham uzoqroq muddatga safdan chiqishi mumkinligini anglatadi (avvalroq 4 oylik tanaffus haqida so'z borgandi).
Futbolchining 20-iyulga belgilangan kunga qaramay, hali ham mashg'ulotlar bazasiga yetib kelmagani va rasmiy bayonotning kechikayotgani jarohat jiddiyligidan dalolat beradi.
Bayonotning kechikishiga gollandiyalik futbolchini operatsiya qiladigan mutaxassis qidirilayotgani sabab bo'lishi mumkin. Hozirgi kunda operatsiya yagona yechim bo'lib ko'rinmoqda.
Frenkining jarohati borasidagi salbiy prognozlarning yana bir belgisi shundaki, Xans-Diter Flik o'z murabbiylar shtabi bilan o'tkazgan barcha yig'ilishlarda Frenkining nomi yaqin oylar uchun tuzilgan rejalarda umuman tilga olinmagan.
Xavi Migel xabariga ko'ra, Fermin Lopes tiklanish jarayonining yakuniy bosqichida. U 31 iyul kuni «Birmingem»ga qarshi o'rtoqlik o'yinida maydonga tushishi mumkin.
Xavi Migel xabariga ko'ra, Fermin Lopes o'z tiklanish jarayonining yakuniy bosqichiga yaqinlashmoqda. U allaqachon bir haftadan buyon fizioterapevt Xose Kortes nazorati ostida maydonda maxsus mashqlarni bajarmoqda.
Ikki haftadan so'ng u jamoa bilan mashg'ulotlarga kirishishi mumkinligiga ishonch katta.
Bundan tashqari, futbolchining Angliyadagi mavsumoldi yig'iniga borishi va 31 iyul kuni «Birmingem»ga qarshi o'rtoqlik uchrashuvida bir necha daqiqa maydonda harakat qilishi rejalashtirilgan. Klubdagilar Fermin La Liga startiga to'liq tayyor bo'lishiga ishonch bildirmoqda.
Fikr qoldirish va reaksiya uchun Telegram orqali kiring.