Galatasaray — yangiliklari

⚽️ Sport xabariga ko'ra, Viktor Osimxen transfer oynasining so'nggi haftalarida sotuvga qo'yilishi mumkin. «Galatasaroy» va futbolchining o'zi ham xayrlashishga qarshi emasligi aytilmoqda.

«Barselona» bir necha haftadan buyon Osimxen taxminan 75 million yevro evaziga transfer qilinishi mumkinligidan xabardor.

Biroq, futbolchining yuqori maoshi ushbu transferni amalga oshirishni juda qiyinlashtirmoqda.

Rafael Leau o'z xohishi bilan ketishini ma'lum qilganidan so'ng, ko'pchilik Angliya Premyer ligasidan takliflar kutgandi. Ammo Angliyadan takliflar kelib tushmadi.

Hozirda haqiqiy da'vogarlar sifatida faqat ikki klub qolmoqda:

✔️ Fenerbaxche
✔️ Galatasaroy

Turkiya klublari Leauga yiliga 10 million yevro atrofida maosh to'lashga tayyor, biroq Milan so'rayotgan 50–60 million yevroni to'lashga shoshilmayapti. Hozircha taklif etilayotgan maksimal summa bonuslar bilan birga 40–45 million yevroni tashkil etmoqda.

Jerri Kardinale uchun haqiqat lahzasi yaqinlashmoqda: narxni yuqori ushlab qolish yoki xaridorlarsiz qolib ketmaslik uchun talablarni pasaytirish.

Kelgusi hafta Rafael Leauning taqdiri va Milan transfer rejalarining kelajagini belgilab berishi mumkin.

🚨 Enzo Bukkioni xabariga ko'ra, Rafael Leauni 60 million yevro evaziga sotish juda qiyin bo'ladi.

Italiyalik jurnalistning ma'lumotiga ko'ra, Jerri Kardinale va Ruben Amorim o'rtasidagi uchrashuvdan so'ng, Milan rahbariyati transfer bozoridagi asosiy ustuvor vazifani belgilab oldi — hujum qanotlarini kuchaytirish.

Asosiy maqsadlar qatorida:

Savio (Manchester Siti) — rossonerilar uning uchun 50 million yevro atrofida taklif qilishga tayyor.

Rafael Gerreyru — Bavariyadan ketganidan so'ng erkin agent.

⚠️ Shu bilan birga, Leau bilan bog'liq vaziyat murakkabligicha qolmoqda.

Galatasaroy haqiqatan ham portugaliyalik futbolchiga qiziqish bildirgan, ammo uni faqat ijaraga olmoqchi bo'lgan. Milan darhol rad javobini bergan.

💰 Bukkioni fikricha, Leau uchun 60 million yevro to'lashga tayyor klub topish juda qiyin bo'ladi.

B. Fernandes xabariga ko'ra:

Brahim yozda "Real Madrid"ni tark etmaydi. "Yuventus", "Galatasaroy" va Saudiya Arabistoni klublari vingerga qiziqish bildirmoqda, ammo u "qaymoqranglilar" safidan ketishni rejalashtirmayapti.

Murinyu Brahimni "joker" sifatida ko'rmoqda va unga ishonch bildirmoqda. Murabbiy marokashlik futbolchi jamoaga ham "o'nlik" pozitsiyasida, ham hujumning o'ng qanotida foyda keltirishiga ishonadi.

📰 AS xabariga ko'ra: Brahim "Madrid" kelajagi borasida tez orada qaror qabul qilishi kerak bo'lgan futbolchilardan biri. Vingerning o'zi klubda qolishni istamoqda.

Fanatik xabariga ko'ra, «Galatasaroy» «Inter» klubining Vilfrid Singo uchun qilgan 35 million yevrolik taklifini rad etdi.

Turkiya klubi futbolchi uchun kamida 50 million yevro talab qilmoqda.

👋 "Galatasaroy" klubi Turkiya matbuotida tarqalgan so'nggi xabarlarga rasmiy munosabat bildirdi:

"Klubimizning Jamol Musiala va "Bavariya" bilan kelishuvga erishgani haqidagi ma'lumotlar haqiqatga to'g'ri kelmaydi. Buni jamoatchilik e'tiboriga havola etamiz."

Froynd Palinya va Boe haqida:

Ular biz bilan mashg'ulot o'tkazmoqda, ammo kelajakda asosiy tarkibda muhim rol o'ynamaydi — buni o'zlari ham tushunib turishibdi. Ikkalasi ham yaxshi futbolchilar. Endilikda ular biz bilan mashg'ulotlarda va o'yinlarda qatnashishda davom etishadi, ammo rejamiz bo'yicha ular faoliyatlarida keyingi qadamni boshqa joyda qo'yishlari kerak.

Siz ularning yana ijaraga berilishini istisno qila olasizmi?

Froynd:

Bu bizning rejalarimizga kirmaydi, lekin transfer bozorida hech narsani oldindan aytib bo'lmaydi. Menimcha, ikkalasi ham yaxshi futbolchilar va ularga talab bor. Joau «Tottenxem»ning Premer-ligada qolishida muhim omil bo'lgandi. Sasha esa Turkiyada yaxshi o'yinlar o'tkazdi. O'ylaymanki, ular ko'plab jamoalarga mos tushadigan sifatli o'yinchilar.

Filippo Biafora Manà Manà Sport radiostansiyasiga bergan intervyusida ma'lum qilishicha, "Roma" "Milan" klubidan Nkunku haqida ma'lumot so'ragan. Biroq, "rossonerilar" futbolchini sotilmaydigan o'yinchi deb hisoblashadi.

Roma vinger izlashda davom etmoqda.

Matteo Moretto xabariga ko'ra, jallorossilar Rafael Leao bilan qiziqishmoqda, biroq futbolchi bilan bog'liq vaziyat juda murakkab va klub e'tiborini boshqa maqsadlarga qaratmoqda.

Portugaliyalik futbolchi Milan bilan mavsumoldi yig'iniga qo'shilishi kerak, rossonerilar esa uni 50-60 million yevro atrofida baholamoqda. O'yinchiga Fenerbahche va Galatasaroy ham qiziqish bildirmoqda, garchi bu klublarning hech biri hozircha Milanga rasmiy taklif yubormagan bo'lsa ham.

Shu bilan birga, El-Mala transferi variantini istisno qilish mumkin. Romaga Kyoln futbolchisining o'yini yoqsa-da, hozirgi vaqtda hech qanday aniq muzokaralar olib borilmayapti va klub boshqa nomzodlarga e'tibor qaratishni ma'qul ko'rmoqda.

NTV Spor va Türkiye Gazetesi xabariga ko'ra, «Roma» hujum chizig'ini kuchaytirish uchun Kerem Aktürko'g'luni o'z safiga qo'shib olmoqchi.

Manbaga ko'ra, vingerning nomzodi Gasperini talabi bilan ko'rib chiqilmoqda va «jallorossi» rasmiy taklif tayyorlamoqda.

Istanbul klubi agar munosib taklif olinsa, transferni amalga oshirishga tayyor. Shuningdek, futbolchi uchun Saudiya Arabistoni klublari ham da'vogarlik qilmoqda.

Italiya matbuoti xabariga ko'ra, Turin klubi «Milan» himoyachisiga qiziqish bildirmoqda.

Ingliz futbolchisiga bo'lgan qiziqish Frederik Massara kelganidan so'ng qayta jonlandi. U «Milan»da birga ishlagan davridan Tomorini yaxshi taniydi.

Agar Bremer «Galatasaroy»ga o'tib ketsa, aynan Tomori «Yuventus» mudofaasini kuchaytirish uchun asosiy nomzodlardan biriga aylanishi mumkin.

Atakan Kurt xabariga ko'ra, Mauro Ikardi "Beshiktosh"ga quyidagi mazmunda xabar yuborgan:

Men "Beshiktosh"ga o'tmoqchiman. "Galatasaroy"dan yaxshi bo'lmagan vaziyatda ketgandim. O'z kuchimni isbotlamoqchiman.

"Beshiktosh" hozircha yakuniy javobni bermadi, chunki klub Dushan Vlaxovichdan javob kutmoqda.

Turk jurnalisti ma'lumotiga ko'ra, klub vakili taklifni bevosita futbolchiga yetkazgan, biroq Rafa hozircha pauza olishni ma'qul ko'rgan 🤔

Rafa Leaoning yoz boshida aytgan so'zlarini eslatib o'tamiz:

Milan uchun borimni berdim, endi yangi chaqiriq istayman

Qiziq tasodif: ayni damda Rafa aynan Turkiyada, Antaliyada dam olmoqda — bu holat mavzuga bo'lgan qiziqishni yanada oshirdi, garchi bu o'z-o'zidan hech narsani anglatmasa ham.

Asosiy masala — pul:

▪️ Milan 60 million yevrodan past narxga rozi emas
▪️ 50 million atrofidagi taklif vaziyatni o'zgartirishi mumkin edi
▪️ Tarixan turk klublari bunday summalarga kamdan-kam hollarda yetib borishadi (istisno — Osimhen bilan bog'liq yaqindagi holat)

Milan shuningdek, ijaraga berish va sotib olish huquqi/majburiyati bilan bog'liq variantlarga ham ochiq, biroq bunda yakuniy xarid kafolatlari talab etiladi.

Endi asosiy savol — Galatasaroy o'z niyatlarining jiddiyligini aniq summa bilan tasdiqlay oladimi 💼

Ertan Syuzgyun xabariga ko'ra, Mauro Ikardi "Beshiktosh"ga taklif qilingan.

Strasbourg klubi bo'yicha eng ishonchli manba Siril Oliv-Bert tasdiqlashicha, Galatasaroyning Ensiso bilan qiziqishi, shuningdek, Roma klubining Moreyra bo'yicha olib borayotgan muzokaralari haqiqatga yaqin. Uning so'zlariga ko'ra, har ikki futbolchining narxi qariyb 35 million yevroni tashkil etadi.

Ma'lumotlarga ko'ra, Moreyra jamoani tark etish uchun ruxsat olgan va maoshi ikki baravar oshadigan to'rt yillik shartnoma shartlarini kelishib olgan. Muzokaralar ijobiy davom etmoqda va kelishuv yaqin vaqt ichida yakunlanishi mumkin.

Ensiso masalasiga kelsak, Paragvay matbuoti xabariga ko'ra, u Galatasaroyning yozgi transfer oynasidagi asosiy maqsadi hisoblanadi. Klub uni Dris Mertensga o'rinbosar sifatida ko'rmoqda.

📰 Fanatik xabariga ko'ra, «Komo» va «Galatasaroy» o'rtasida Davinson Sanches transferi bo'yicha muzokaralar davom etmoqda.

«Komo» yaqinda 20 million yevro va bonuslar taklif qildi, «Galatasaroy» rahbariyati esa 30 million yevro va bonuslar talab qilmoqda. Bundan tashqari, «Galatasaroy» rahbariyati bilan Gardi muzokaralar olib bormoqda.

🚨 "Galatasaroy" rahbariyati Viktor Osimhenni 75 million yevro evaziga sotish bo'yicha takliflarni ko'rib chiqishga tayyor. Futbolchining o'zi ham klubni tark etishni istamoqda va Angliya Premyer-ligasida o'ynashni orzu qilmoqda.

Alasder Gold xabariga ko'ra:

"Galatasaroy" rahbariyati Viktor Osimhenni 75 million yevro evaziga sotish bo'yicha takliflarni ko'rib chiqishga tayyor. Futbolchining o'zi ham klubni tark etishni istamoqda va Angliya Premyer-ligasida o'ynashni orzu qilmoqda.

Ekrem Konur xabariga ko'ra, «Tottenhem» «Galatasaroy»ga Viktor Osimxen uchun 60 million funt sterlinglik taklif yubordi.

«Shporlar» uchun transfer bozoridagi ustuvor vazifalar chap qanot vingeri va markaziy hujumchini tarkibga qo'shib olish bo'lib qolmoqda.

Kessler Philipp xabariga ko'ra, Jamol Musiala bugun yakuniy tibbiy ko'rikdan o'tdi va shundan so'ng maydonda uzoq vaqt ishladi.

Yarim himoyachi metall plastinani olib tashlash bo'yicha operatsiyadan so'ng sport formasini tiklashda davom etmoqda.

🚨 Galatasaroy Sasha Boeni 10-15 million yevro evaziga sotib olishga tayyor edi.

Turkiyadagi qoidalar sababli ularda legionerlar uchun faqat bitta o'rin qolgan va u boshqa pozitsiya uchun kerak. Shu bois ular Boeni sotib olish fikridan qaytishdi.

📰 Christian Falk

"Bavariya" Jamal Musiala bilan tavakkal qilmoqchi emas va unga ortiqcha bosim o'tkazishni istamayapti.

Vensan Kompani hamda reabilitatsiya va jismoniy tayyorgarlik bo'yicha murabbiylar bilan kelishilgan holda maxsus reja ishlab chiqildi.

Musiala jamoa bilan Osiyoga bormaydi. Bu unga qo'shimcha yuklama beradigan uzoq parvoz va PR-tadbirlardan qochish uchun qilingan.

U Myunxenda qolib, individual tarzda shug'ullanadi. Jamoa Osiyodan qaytgach, Musiala asta-sekin umumiy mashg'ulotlarga qo'shiladi.

Maqsad — uni "Dortmund"ga qarshi Superkubok bahsiga tayyor holatga keltirish. Shundan so'ng, o'tgan mavsumdagi jahon chempionati bosimisiz, uni bosqichma-bosqich optimal sport formasiga qaytarish rejalashtirilgan.

Mas'ullar optimistik kayfiyatda va Musiala bu mavsumda o'zining eng yaxshi o'yin darajasiga qaytishiga ishonishmoqda.

Stefan Kumberger

❌ Jamol Musiala 1-avgust kuni jamoa bilan Osiyoga uchmaydi.

✔️ Buning o'rniga u Myuniga u Myunxenda qolib, Zebenerstrasse bazasida yakka tartibda shug'ullanadi. Jamoa turdan qaytishi bilan Musiala umumiy guruh mashg'ulotlariga qo'shilishi kutilmoqda.

👀 Agar barchasi reja bo'yicha ketsa, futbolchi Frans Bekkenbauer superkubogi doirasida Dortmundga qarshi o'yinda (22-avgust) maydonga tushishga tayyor bo'ladi.

📈 Chap oyog'idagi metall plastinka olib tashlanganidan so'ng, Musiala nihoyat erkinroq harakat qila olishiga katta umidlar bog'lanmoqda.

📰 Manuel Bonke

🗣 Lotar Matteus Jamol Musiala haqida:

«Bundan ortiq bahona bo'lishi mumkin emas. Qachondir bir yil avval olingan og'ir jarohat bilan bog'liq sahifani yopish kerak. U buni butunlay ortda qoldirishi zarur. Bu juda muhim, chunki tarkibdagi yuqori raqobat sharoitida u o'yinlarning ko'p qismini zaxira o'rindig'ida o'tkazib yuborish xavfi ostida qolmoqda».

"Bavariya" agar futbolchilarni sotish orqali kerakli mablag'ni to'play olsa, yangi o'yinchi sotib olishni rejalashtirmoqda.

👀 O'ng qanot himoyachisi pozitsiyasi ko'zdan kechirilishi kutilmoqda.

📰 Bild xabariga ko'ra.

Fabrisio Romano xabariga ko'ra, "Inter" direktori Piero Auzilio Kristian Romero transferi borasidagi ma'lumotlarni tasdiqladi:

Biz qiziqish bildirayotganimiz rost. Bu haqiqat. Biz futbolchining agenti va "Tottenxem" bilan gaplashib oldik. Keyin nima bo'lishini ko'ramiz.

📻 RMC Sport xabariga ko'ra, Leyptsig klubi Diomande uchun 130 million yevro talab qilmoqda.

📻 Cope ma'lumotiga ko'ra, Real Madrid Diomande transferi bo'yicha faol muzokaralar olib bormoqda. PSJ futbolchi uchun kurashda yetakchi bo'lib turgandi, ammo endi madridliklar uni qo'lga kiritishiga to'liq ishonch bildirmoqda. Bundan tashqari, Madrid klubi yozda nafaqat Diomande, balki Rodrini ham sotib olishni istaydi.

📝 Fabrisio Romano xabariga ko'ra: "Arsenal va Manchester Siti Diomande transferi bo'yicha vaziyatni o'rganib ko'rishdi, ammo vinger bu jamoalarda o'ynash niyatida emas. PSJ bilan raqobatlashayotgan yagona klub bu - Real Madrid. Madridliklar Leyptsigga ivuarlik futbolchi uchun yangi taklif bilan chiqishlarini ma'lum qilishdi. Mourinyu jamoa hujumiga tezlik qo'shmoqchi, shu bois Diomande transferi Madrid uchun ustuvor vazifa hisoblanadi".

🖥 The Athletic (Kortegana) xabariga ko'ra, Madrid murabbiylar shtabi Diomandening JChdagi o'yinidan qoyil qolgan.

«Roma» Doniyell Malenga raqobatdosh bo'la oladigan markaziy hujumchini qidirmoqda. Klub shunchaki zaxira o'yinchisini emas, balki kelajakka sarmoya sifatida qaraladigan yosh va tayyor hujumchini izlayapti. Gazzetta dello Sport xabariga ko'ra, bu tanlov murabbiy Artyom Dovbik va yosh Robinio Vazega ishonch bildirmayotganidan dalolat beradi, ularning ikkisi ham tez orada klubni tark etishi mumkin.

Nomzodlar ro'yxatida birinchi o'rinda Nikolo Tresoldi turibdi. Il Romanista yozishicha, «Roma» va Gasperini uni jismoniy va texnik xususiyatlari tufayli ideal nomzod deb hisoblashadi. 21 yoshli «Bryugge» hujumchisi tezkor, dinamik va chuqurlikdan hujum qilish qobiliyatiga ega. «Bryugge» futbolchini taxminan 40 million yevroga baholamoqda, «Roma» esa bonuslar bilan birga 35 million yevro atrofida taklif qilishni rejalashtirmoqda.

alfredopedulla.com ma'lumotiga ko'ra, asosiy muqobil variant — «Bolonya» hujumchisi Santyago Kastro. U 30-35 million yevroga baholanmoqda. Kastro Tresoldidan farqli o'laroq, ko'proq harakatchan va o'yin qurishda faol ishtirok etadigan hujumchi hisoblanadi.

«Roma» har ikki tomon bilan ishlashda davom etmoqda, ammo hozircha Tresoldi ustuvor variant sifatida ko'rilmoqda.

Sky Sport DE xabariga ko'ra, «Roma» «Milan»dan ketishni istayotgan portugaliyalik hujumchi Rafael Leaoni o'z safiga qo'shib olishni jiddiy ko'rib chiqmoqda. Bu futbolchi Jan Pero Gasperini uchun qiziq variant bo'lib, murabbiy uning iqtidorini qayta kashf etish ustida ishlashni istamoqda.

«Milan»dagi faoliyati davomida Leao yuqori saviyadagi iqtidorini ko'rsatgan bo'lsa-da, barqarorlik masalasida muammolarga duch keldi. Aynan shu jihat «Roma» murabbiyi uchun qiziqarli texnik vazifa bo'lishi mumkin. Xabarlarga ko'ra, «Roma» uzoq muddatli bitim, masalan, sotib olish majburiyati bilan ijaraga olish variantini ko'rib chiqmoqda. Biroq asosiy muammo nafaqat futbolchining narxida.

Transfer yo'lidagi asosiy to'siq — futbolchining maoshi. Ayni damda Leao «Milan»da yiliga 5 million yevro atrofida maosh oladi, bu esa «Roma»ning yangi futbolchilar uchun belgilagan maosh chegarasidan yuqoriroq. «Jallorossi» maksimal 4-4,5 million yevro atrofida to'lamoqchi, bu esa futbolchidan maoshini kamaytirishni talab qiladi. Bu esa eng murakkab masala. Ma'lumotlarga ko'ra, Leao «Galatasaroy»ga o'tish imkoniyatini ko'rib chiqish uchun hozirgi «Milan»dagidan ham yuqoriroq maosh so'ragan. Bu holat hozircha «Roma»ning rejalariga mos kelmaydi.

La Gazzetta dello Sport xabariga ko'ra, "Fiorentina" hujumchisi Moise Kin ketgan taqdirda, uning o'rniga "Roma" futbolchisi Artem Dovbikni olib kelishni rejalashtirmoqda. Florensiyaliklar dastlab futbolchini ijaraga olish variantini ko'rib chiqishgan edi.

Vaziyat "Komo" bosh murabbiyi Sesk Fabregasning Kin bilan jiddiy qiziqayotgani sababli o'zgarishi mumkin. Agar Kin jamoani tark etsa, "Fiorentina" bor e'tiborini Dovbik transferiga qaratadi.

Bitim shartlari ham o'zgarishi kutilmoqda. "Roma" moliyaviy barqarorlikni ta'minlash uchun futbolchini to'liq sotib yuborishni afzal ko'radi. "Jallorossi" ushbu transferdan taxminan 20 million yevro ishlab olishni maqsad qilgan.

🚨 «Komo» «Fiorentina» hujumchisi Moize Kinni yozgi transfer oynasidagi asosiy nishonlardan biri sifatida ko'rmoqda. Klub futbolchining agenti bilan dastlabki aloqalarni o'rnatib, transfer imkoniyatlarini baholashga kirishdi.

Tuttomercato xabariga ko'ra, «Fiorentina» faqatgina 40 million yevrodan kam bo'lmagan taklif tushgan taqdirdagina muzokaralarni boshlashga tayyor. Shu bilan birga, «Komo» Kinni o'z safiga qo'shib olishdan jiddiy manfaatdor va ushbu transferni amalga oshirish uchun yetarli moliyaviy imkoniyatlarga ega.

May oyi oxiridan beri Rafael Leao jamoasini o'zgartirmoqchi ekanini va Angliya yoki Ispaniyada o'ynashni orzu qilayotganini ochiq aytib kelmoqda. Biroq, bir oy o'tgan bo'lsa-da, aniq takliflar kelib tushgani yo'q 😕

Agentlar «Manchester Yunayted» va «Chelsi» bilan bog'lanishdi, ammo ular kutgan javobni olishmadi.

Transfer oynasi uchun belgilangan muddat — 29 iyul. Agar futbolchi shu vaqtgacha yangi klub topa olmasa, jamoa bilan Pertga yig'inga borishiga to'g'ri keladi va hozircha ish shu tomonga qarab ketmoqda.

Hozircha faqat quyidagi klublardan real qiziqish mavjud:

«Al-Hilol» (Saudiya Arabistoni) va Istanbulning top-klublari, xususan «Galatasaroy» — ular juda manfaatli shartnoma taklif qilishga tayyor.

Ammo bu variantlarning hech biri Rafael Leaoni Angliyada o'ynash orzusidan voz kechishga unday olmayapti.

Qiziq bir jihat: «Chelsi» Morgan Rojers uchun 100 million funtdan ortiq mablag' sarfladi. Bu esa vinger izlayotgan «Aston Villa» uchun yo'l ochishi mumkin. Agar Unai Emeri futbolchining iqtidoriga ishonsa, ular Leao variantini ko'rib chiqishi mumkin.

Serjan Dikme xabariga ko'ra, "Besiktas" Muhammad Saloh bilan "1+1" sxemasi bo'yicha shartnoma imzolashga yaqin turibdi. 💥

"Besiktas" rahbariyati 34 yoshli misrlik vingerning transferini muhokama qilish uchun Vinchenso Italyano bilan uchrashadi, shundan so'ng futbolchi bilan yakuniy muzokaralar o'tkaziladi.

Luis Jirardi:

Al-Hilol Milan himoyachisi Tomori uchun 16 million yevrolik taklif bilan chiqdi.

Komo Davinson Sanches transferi ustida ishlashda davom etmoqda.

Fanatik xabariga ko'ra, klub uzoq davom etgan muzokaralardan so'ng futbolchining tomoni bilan kelishuvga erishgan. Biroq, hozircha Galatasaroy bilan kelishib olishning imkoni bo'lmayapti.

Turkiya klubi rahbariyati 35 million yevrodan kam bo'lgan takliflarni ko'rib chiqishga tayyor emasligini ma'lum qildi. Davinson Sanchesning Galatasaroy bilan amaldagi shartnomasi yana 3 yilga mo'ljallangan.

Roma Diego Moreyrani qo'lga kiritish uchun faol harakatlarni boshladi.

Rimliklar Xorxe Mendes bilan muzokaralarni boshlab yuborishdi va jiddiy qadam tashlashga tayyor. Fabrisio Romano xabariga ko'ra, dastlabki taklif 30 million yevrodan oshgan, biroq Roma fransuz klubini ko'ndirish uchun 35 million yevrodan ko'proq to'lashga tayyor. Strasbur esa hozircha ko'proq mablag' talab qilmoqda. Talab va taklif o'rtasida katta farq borligi sababli, transfer hali yakunidan yiroq. Jallorossi Moreyrani sotib olishni istamoqda, biroq tomonlar kelishuvga erishishi uchun o'zaro murosaga kelishlari kerak.