#Daily Mail — yangiliklari

Daily Mail nashri jurnalisti Kiran Gill "Chelsi"ning Avstraliyadagi mavsumoldi yig'ini jarayonidan qiziqarli ma'lumotlarni bo'lishdi:

🔹Avstraliyaga uchib ketishdan oldin Xabi Alonso Kobbemdagi mashg'ulot bazasida klub xodimlari uchun o'yin tashkil qildi. Bir jamoada u bilan birga kelgan mutaxassislar, ikkinchisida esa asosiy jamoa bilan ishlagan xodimlar maydonga tushdi. 7x7 formatidagi bahsda Alonso jamoasi g'alaba qozondi. Manbalarga ko'ra, ispaniyalik murabbiy bir necha bor golli uzatmalarni amalga oshirgan.

🔹Alonso "Chelsi" futbolchilarida katta taassurot qoldirmoqda. O'yinchilarning so'zlariga ko'ra, u mashg'ulotlarda hamon yuqori texnikani namoyish etmoqda va mashqlarni mayda xatolar uchun to'xtatmay, ularni o'yin sharoitiga maksimal darajada yaqinlashtirishga harakat qilmoqda.

🔹Alonso mashg'ulot jarayonidagi detallarga qattiq e'tibor qaratadi. Masalan, mashg'ulotlardan birida u Romeo Laviaga to'pni qabul qilishdan oldin atrofni tez-tez kuzatib borishni maslahat berdi.

🔹"Chelsi" Avstraliya vaqt mintaqasiga moslashishga jiddiy yondashdi. O'yinchilarni mahalliy vaqtga o'tkazish Londondan parvoz paytidayoq boshlangan, yo'lda esa jamoa qisqa mashqlar uchun Shri-Lankada to'xtagan.

🔹Alonso haftasiga uch marta 10 kilometr masofaga yugurishni odat qilgan. Sidneyda ham u o'z odatiga sodiq qolib, hatto golf o'ynashga ham vaqt topdi.

🔹"Chelsi"ning ochiq mashg'ulotiga 5 mingdan ortiq muxlis tashrif buyurdi. Muxlislardan biri Robert Sanchesga bag'ishlangan plakat ko'tarib chiqqan: "Robert Sanches Titanikni qutqara olardi".

🔹Mashg'ulotning asosiy qahramoni Alonso bo'ldi. Yakuniy hushtakdan so'ng u 25 metrlar masofadan to'pni darvozaga yo'llab, muxlislarning olqishiga sazovor bo'ldi.

🔹Sidney bazasidagi Wi-Fi paroli "Football Is Coming Home" iborasidan iborat edi. Aynan shu yozuv yonida Levi Kolvill va Koul Palmer Angliya terma jamoasining JCh qaydnomasiga kirmaganliklari haqida intervyu berishdi.

🔹Koul Palmer jurnalistlar bilan muloqot qilish uchun o'zi tashabbus ko'rsatgan. U o'zining yaqin do'sti Rojers haqida ham gapirib o'tdi. Klubda 2026/27 yilgi mavsum Palmer uchun avvalgisidan ko'ra muvaffaqiyatliroq o'tishiga umid qilishmoqda.

🔹Birinchi jamoa bilan birga akademiyaning yosh tarbiyalanuvchilari, jumladan 16 yoshli Reji Uotson va Mahdi Nikoll-Jazuli ham Avstraliyaga yo'l olishdi. Murabbiylar shtabi o'smirlar bo'sh vaqtini telefonda o'tkazmasligi uchun qayiqda sayr kabi turli tadbirlar tashkil etdi.

🔹Tajribali futbolchilar esa homiylar oldidagi majburiyatlarni bajarishdi. Levi Kolvill, Aaron Anselmino va Tosin Adarabioyo Bondi-Bich plyajiga tashrif buyurishdi. Koul Palmer, Joao Pedro, Dariu Essugu va Liam Delap esa TMGM shtab-kvartirasida savol-javob sessiyasida qatnashishdi.

🔹Klub ichida Mixail Mudrikning qaytishi ijobiy qabul qilindi. Futbolchilar uning diskvalifikatsiyasi bekor qilinganini muhokama qilishmoqda va vingerning ikki yillik tanaffusdan so'ng yana maydonga qaytishidan xursand.

⚽️ Daily Mail xabariga ko'ra, Yoshko Gvardiol "Manchester Siti" bilan 2031-yilga qadar mo'ljallangan yangi shartnoma imzoladi.

🔵 Yangi kelishuv besh yilga mo'ljallangan bo'lib, u yana bir mavsumga uzaytirish imkoniyatini ham o'z ichiga oladi. Ushbu bandni klubning o'zi faollashtirishi mumkin.

Daily Mail xabariga ko'ra, Jeyms Trafford "Lids"da o'z kelajagini qurish va Angliya terma jamoasi darvozasida Jordan Pikfordning asosiy raqobatchisiga aylanish imkoniyatini ko'rmoqda.

Daily Mail xabariga ko'ra, Abduqodir Husanov va Jeremi Doku "Manchester Siti" bilan 2031-yilga qadar mo'ljallangan yangi shartnoma shartlarini kelishib olishga yaqin turibdi.

«Manchester Siti» FIFA'ning Club Benefits Programme dasturi doirasidagi to'lovlar reytingida yetakchilik qilmoqda. Klub jami 3,08 million yevro miqdorida kompensatsiya oldi, bu boshqa barcha klublarga qaraganda ko'proq.

🚨 Daily Mail xabariga ko'ra, "Real Madrid" shu yozda Rodri ismining doimiy ravishda klub bilan bog'lanayotganidan norozi.

🔵 Shunga qaramay, jamoaning ba'zi yetakchilariga yaqin manbalarning ta'kidlashicha, kiyinish xonasida uning transferi ideal kuchaytirish bo'lishi mumkinligiga ishonishadi.

🗞️ Daily Mail xabariga ko'ra:

«Raysda muammolar boshlangach, Kobbi Maynu mashg'ulotlarda Anderson bilan birga markazda sinab ko'rildi. U o'z imkoniyatiga ega bo'lishi kutilgandi, ammo Tuxel ko'rganlaridan mutlaqo qoniqmadi. Natijada, deyarli har bir o'yindan so'ng Maynu stadionni birinchi bo'lib, yolg'iz holda va quloqchin taqqancha tark etdi».

BBC, Daily Mail va The Athletic nashrlariga bergan intervyusining birinchi qismida Xabi Alonso murabbiylik faoliyati, Gvardiola ta'siri va «Chelsi»ga o'tishi haqida gapirdi.

Murabbiylik faoliyatining boshlanishi haqida:

«Buni taqdir deb ayta olmayman, lekin men urinib ko'rishim kerak edi. Biroq darhol eng yuqori darajada emas. Men 14 yoshgacha bo'lganlar jamoasidan boshladim – aynan shunday bo'lishini xohlagandim. Bu shoshilmasdan, tabiiy jarayondek tuyuldi.

Faoliyatimning so'nggi yillarida, Germaniyaga ko'chib o'tganimda, o'zim qanday ishlashim va to'plangan tajribani shaxsiy uslubim orqali qanday yetkazib berish haqida o'ylashim muhim edi».

Boshqa murabbiylarning ta'siri haqida:

«Bu «nusxalab ko'chirish» emas. Aslo.

[Bavariyadagi faoliyatim yakunida] Gvardiola bilan juda yaqin edik. Men doim qiziquvchan bo'lganman. Faoliyatimning o'sha bosqichida uning kabinetiga kirib: «Pep, nega aynan shunday bo'lyapti? O'yin rejasi qanday?» deb so'ray olardim.

Balki yigirma yoshimda murabbiyning kabinetiga kirib, bunday savollarni berishga yetarlicha ishonchim bo'lmasdi. Ammo o'shanda o'rtamizda ishonch bor edi va bu menga kerak edi. Men buni o'zim xohlagandim.

Men faoliyatimning dastlabki yillariga qaraganda jamoa uchun ko'proq mas'uliyat his qilardim. Men faqat o'zim haqimda emas, balki jamoadoshlarim, qanday o'ynashimiz va yosh futbolchilarga qanday yordam berish haqida o'ylashni xohlardim».

«Real»dagi omadsizlik haqida:

«Yaxshiyamki, faoliyatimda chandiqlar ko'p emas. Bir chandiq olgandim, lekin u bitib ketdi. Hozir «Real»dagi ish boshlanishidan qanday zavqlangan bo'lsam, bu yangi bosqichdan ham shunday zavqlanishga tayyorman.

O'xshamagan ishlar uchun birinchi navbatda o'zimga nisbatan juda talabchan bo'ldim. Nimalarni yaxshiroq qila olishim mumkinligi haqida ko'p o'yladim. Aynan hafsalasi pir bo'lish orqali eng muhim saboqlarni olasan.

Ijobiy jihatlar haqida gapiradigan bo'lsak, ular kam emasdi. Men qimmatli tajriba orttirdim, moslashishga to'g'ri keldi. Nimadir o'xshadi, nimadir yo'q va bu faqat o'yin haqida emas, balki jamoani boshqarish haqida ham. Bularning barchasi yagona tajribani tashkil qiladi».

Murabbiy sifatida yaxshiroq bo'ldimmi? Shubhasiz. Chunki aynan muvaffaqiyatsizliklar seni ko'proq narsaga o'rgatadi. Nima o'xshamaganidan saboq olib, keyingi safar hammasini yaxshiroq qilishga intilasan».

Ishdan bo'shatilgandan keyingi vaqt haqida:

«Menga tiklanish kerak edi. Murabbiy to'liq energiya bilan to'lgan bo'lishi shart, chunki u buni boshqalarga uzatadi.

Futbolga bo'lgan ishtiyoq va g'ayratni har bir mashg'ulotda hamda har bir o'yinga tayyorgarlikda ulashish juda muhim. Men aynan shug'ullandim.

Rostini aytsam, deyarli futbol ko'rmadim. Bu vaqtni o'zimga bag'ishladim».

Nega «Chelsi»ni tanlagani haqida:

«Men «Chelsi»ga chetdan qaradim.

Klubning kuchli tomonlarini ham, savol tug'diradigan jihatlarini ham ko'rdim, shuning uchun ularni darhol muhokama qildik. G'oyalarimiz va vaziyat tahlili mos tushdi. Aynan shuning uchun biz hozir birgamiz va kuchli jamoa qurish uchun qarorlar qabul qilyapmiz.

Bunday qarorlar ichki sezgi bilan qabul qilinadi. Men bu lahza ham klub, ham o'zim uchun ideal ekanligini his qildim. Bu ajoyib imkoniyat edi va bosh murabbiy sifatidagi ishdan zavq ola olishimni tushundim.

Transfer bozoridagi ishlar? Biz allaqachon bir nechta muhim qadam tashladik, lekin yana bir nechta ish qila olamiz deb o'ylayman».

📰 Daily Mail xabariga ko'ra:

Manchester United Lyuis Xollni yuqori baholashda davom etmoqda, biroq klubdagilar ushbu transferni amalga oshirish juda qiyin bo'lishini tushunib turishibdi.

Hozirda mankunianliklar transfer bozoridagi vaziyatni tahlil qilishmoqda: tarkibni kuchaytirish uchun navbatdagi ustuvor pozitsiyani aniqlashdan avval, qaysi futbolchilar maqbul narxda mavjudligini o'rganishmoqda.

Daily Mail nashri jurnalisti Saymon Jonsning xabar berishicha, Jeyms Trafford transferi 40 million funt sterlingni tashkil qiladi. Shuningdek, shartnomada 5 million funt miqdoridagi bonuslar va "Manchester Siti" foydasiga sotuvdan foizlar ham ko'zda tutilgan.

Daily Mail jurnalisti Kris Uilerning xabariga ko'ra:

Tayler Adams yozgi transferlar oynasida Manchester United tarkibini kuchaytirishi mumkin bo'lgan yarim himoyachilar ro'yxatida qolmoqda.

Amerikalik futbolchining transferi klubga taxminan 35 million funt sterlingga tushishi mumkin. Bu esa uni klub nishonidagi eng arzon variantlardan biriga aylantiradi.

Daily Mail jurnalisti Lyuis Stilning xabar berishicha, FSG kompaniyasi Liverpul klubi aksiyalarining bir qismini sotish bo'yicha muzokaralar olib bormoqda.

🛑 FSG klub aksiyalarining bir qismini Amit Bhatiya boshchiligidagi konsorsiumga sotish bo'yicha muzokaralar o'tkazmoqda. Mazkur konsorsium qisman Mittal oilasi tomonidan moliyalashtiriladi. Jeff Bezos ham ushbu konsorsiumda ishtirok etishdan manfaatdor, shuningdek, boshqa kompaniyalar ham bitimga qiziqish bildirmoqda.

🛑 Bitim hajmi klub aksiyalarining 30 foizini tashkil etishi mumkin, bu esa 1,8 milliard dollarga baholanmoqda.

🛑 Bhatiya arizani topshirish jarayoniga mas'ul bo'ladi. U avvalroq yigirma yil davomida Kuins Park Reynjers klubida hammuallif va direktor sifatida ishlagan.

🛑 FSG ushbu imkoniyatni klub muvaffaqiyatini ta'minlash yo'li deb biladi. Jon Genri nazorat paketini o'z qo'lida saqlab qolgan holda, loyihaga qo'shimcha investitsiyalar jalb etishni maqsad qilgan.

🛑 Futbol moliyasi bo'yicha ekspert Kiran Maguayrning Mail nashriga bergan intervyusida ta'kidlashicha, qaror klub va FSG uchun juda foydali. Potensial bitim FSG'ga 60 foizdan ortiq ulushni saqlab qolish imkonini beradi, bu esa uzoq muddatli barqarorlik va boshqaruv mexanizmlariga ta'sir qiladi.

🛑 Shu bilan birga, Maguayr muhim jihatni qayd etadi: 30 foizlik ulushni sotishdan tushgan mablag' Liverpulga emas, balki FSG'ga yo'naltiriladi. Biroq, kelajakda klub kredit olishni istasa, Mittal va Bezos foizsiz qarz taqdim etishi mumkin.

🛑 Bezosning qiziqishiga kelsak, bu yerda ham Amazon xizmatlarini ilgari surish, ham Jeffning futbol olamiga ko'proq jalb etilishi imkoniyatlari mavjud.

🛑 Klub xodimlarining ta'kidlashicha, bu yangiliklar FSG'ning Liverpulni yaqin vaqt ichida to'liq sotish niyatida ekanligini anglatmaydi. Bu klubning o'rta va uzoq muddatli istiqbolini ta'minlash bo'yicha strategik rejaning bir qismidir.

🛑 Stilning yozishicha, konsorsiumning qiziqishi juda jiddiy. Bitim tasdiqlangan taqdirda, klubning kundalik boshqaruvida katta o'zgarishlar kutilmaydi, biroq bunday boy investorlarning qo'llab-quvvatlashi ortiqchalik qilmaydi.

Daily Mail xabariga ko'ra, Alehandro Garnachoning "Chelsi"dan ketishi bo'yicha qaror ikki tomonlama kelishuv asosida qabul qilingan.

Argentinalik futbolchi jamoaga kerak emasligini his qilgan va mavsumoldi tayyorgarligiga kelmagan. Unga klub transfer ustida ishlayotgan vaqtda uyda qolishi mumkinligi aytilgan.

Muvaffaqiyatsiz mavsumga qaramay, "Chelsi"da vingerlarga bozor talabi yuqori ekanligiga ishonch bildirishmoqda. "Aston Villa" futbolchining salohiyatini ko'rib, tavakkal qilishga tayyor, Unai Emeri esa unga o'ziga bo'lgan ishonchni qaytarishda yordam berishi mumkin.

"Chelsi" butun mavsum davomida Garnachoni qo'llab-quvvatladi, ammo yakunda har ikki tomon ham hamkorlik o'z nihoyasiga yetgani va ular bir-biriga mos emasligi xulosasiga keldi.

Daily Mail xabariga ko'ra, «Lion» Pavel Shults uchun belgilangan transfer narxini ma'lum qildi. Klub hujumkor yarim himoyachini 25 million funt sterling evaziga qo'yib yuborishga tayyor.

Shultsga «Lids» va «Everton» klublari qiziqish bildirmoqda.

Daily Mail nashri jurnalisti Kiran Gillning xabar berishicha, «Chelsi» Morgan Rojers transferi ustida ishlamoqda:

Morgan Rojersning 117 million funt sterlingga baholanishi bahsli masala. Ammo bunday transferning o'zi «Chelsi» tomonidan tashlangan katta bayonotdir. Gap faqat Rojersning Koul Palmer kabi gollarni nishonlashda o'ziga xos «sovuqqon» imo-ishorani ishlatishida emas. Yevrokuboklardan chetda qolgan klub bitta transfer bilan bir yo'la bir nechta zarba bermoqda.

Birinchidan, 23 yoshli futbolchiga da'vogarlik qilgan «Arsenal»ga. Bu transfer ayniqsa Mikel Arteta uchun og'riqli bo'lishi mumkin, chunki u Rojersni transfer oynasi ochilishidan ancha oldin kuzatib kelayotgan edi.

Ikkinchidan, «Chelsi»ning yozgi xaridlar uchun mablag'i yo'q deb hisoblaganlarga. Londonliklar 117 million funt to'lashga tayyor — bu «Manchester Siti» Elliot Anderson uchun to'lagan rekord darajadagi 116 million funtdan ham ko'proq.

Uchinchidan, Chempionlar ligasining yo'qligi klubni transfer bozorida jozibador qilmaydi degan fikrga. Aksincha, «Chelsi» amaldagi Angliya chempioni «Arsenal»ning deyarli yakunlangan transferini ilib ketishga muvaffaq bo'ldi.

«Chelsi» uchun bu jiddiy bayonot. O'tgan mavsum muvaffaqiyatsiz chiqdi: klub nafaqat yevrokuboklarsiz qoldi, balki Premer-ligada 10-o'rinni egalladi. Endi esa ular klub rahbariyati tomonidan tayyor futbolchilarga urg'u berish va'dasiga to'liq mos keladigan o'yinchi bilan shartnoma imzolashga yaqin turibdi.

Shanba kuni «Chelsi» Xabi Alonso qo'l ostida Kobbemdagi bazada ilk o'rtoqlik uchrashuvini o'tkazdi. Manba ma'lumotiga ko'ra, jamoa 4-2-3-1 sxemasidan foydalangan. Bu «Bayer»da Alonso 3-4-2-1 sxemasi bilan katta muvaffaqiyatlarga erishganini hisobga olsak, muhim o'zgarish bo'lishi mumkin.

Agar Alonso 4-2-3-1 sxemasida davom etsa, u Rojers va Palmer o'rtasida tanlov qilishi shart emas. Ikkala futbolchi ham universal va hujumning turli pozitsiyalarida bir vaqtning o'zida maydonga tusha oladi.

«Chelsi»ning Rojersga qiziqishi yangilik emas. O'tgan yili londonliklar yarim himoyachini Jeymi Gittens bo'yicha muzokaralar bilan bir vaqtda sotib olmoqchi bo'lishgan. Biroq o'shanda «Aston Villa» futbolchini sotishdan qat'iy bosh tortgan edi.

Alonso muzokaralarda shaxsan ishtirok etib, futbolchi bilan gaplashgan. Uzoq vaqt davomida «Arsenal» favorit sanalgan bo'lsa, «Chelsi» futbolchini o'z loyihasiga ishontira oldi. «Kanonirlar»ning sekin harakat qilishi «ko'klar»ga vaziyatni o'z foydasiga hal qilish imkonini berdi.

Koul Palmer ham bu transferda muhim rol o'ynagan bo'lishi mumkin, chunki u Rojersning yaqin do'sti hisoblanadi. Bundan tashqari, «Chelsi» sardori Ris Jeyms ham so'nggi oyni Angliya terma jamoasi safida u bilan birga o'tkazdi.

Yozda «Chelsi» futbolchilarni sotishi kerak va nomzodlar yetarli. Muzokaralar davomida «Aston Villa» vakillari Nikolas Jekson bilan qiziqishgan. Unai Emeri uzoq vaqtdan beri hujumchining muxlisi, ammo o'shanda muhokama jiddiy davom etmagan.

«Chelsi»da Jeksonning kelajagi borasida hali yakuniy qaror qabul qilinmagan. Xabi Alonso hujumchini mavsumoldi tayyorgarlik davrida baholamoqchi. Agar klub rad eta olmaydigan taklif tushmasa, senegallik futbolchi Avstraliya va Osiyo bo'ylab turne davomida jamoaga qo'shilishi kutilmoqda.

Rojers Angliya terma jamoasi safida jahon chempionatidagi ishtirokini yakunlagani va uchinchi o'rin uchun Fransiyaga qarshi bahsda qatnashgani sababli, unga ta'til beriladi. Odatda bu uch hafta davom etadi, garchi futbolchi o'z xohishiga ko'ra uni qisqartirish huquqiga ega bo'lsa ham.

Shunday qilib, kelishuv yakunlangan taqdirda ham, «Chelsi» Rojersning jamoaga qo'shilishini biroz kutishiga to'g'ri keladi. Klubda bu kutish 117 million funtlik summani to'liq oqlashiga umid qilishmoqda.

🛑 Daily Mail xabariga ko'ra, Barselona Harri Keynning vakillari bilan uchrashuv o'tkazdi.

Angliyalik hujumchi Bavariya bilan shartnomasini uzaytirishga yaqin turganini ma'lum qilgan. Shunga qaramay, kataloniyaliklar klubi jahon chempionati yakunlanganidan so'ng futbolchi bilan bog'lanishga qaytadan urinib ko'rmoqchi.

Daily Mail xabariga ko'ra, Nyukasl Manchester Siti darvozaboni Jeyms Trafford transferi bo'yicha muzokaralarni davom ettirmoqda.