«Roma» yarim himoyachisi Nikkkolo Pizilli Uelsdagi yig'in davomida o'z kelajagi va orzulari haqida gapirib berdi.
«Roma»ning Uelsdagi o'quv-mashg'ulot yig'inida bo'lib turgan Nikkkolo Pizilli LAROMA24.IT portaliga eksklyuziv intervyu berdi. Yarim himoyachi o'z ambitsiyalari, allaqachon amalga oshgan orzulari va hali oldinda turgan maqsadlari haqida so'zlab berdi.
«Roma» «Fulxem» vingeri Kevin uchun 50 million yevro taklif qildi, biroq ingliz klubi bu taklifni rad etdi.
GeGlobo portali xabariga ko'ra, «Roma» ayni damda «Fulxem» sharafini himoya qilayotgan braziliyalik vinger Kevinni o'z safiga qo'shib olishni maqsad qilgan va uni poytaxtga olib kelish uchun dastlabki taklifni yuborgan.
Biroq urinish muvaffaqiyatsiz yakunlandi. Ma'lum qilinishicha, «Fulxem» «Roma»ning 50 million yevro atrofidagi (bonuslar bilan birga) taklifini rad etgan. Angliya klubi Kevinning transfer qiymati kelajakda yanada oshishiga ishonmoqda. Shunga qaramay, ingliz klubining rad javobi muzokaralar yakunlanganini anglatmaydi: «Roma» hujum chizig'ini kuchaytirish variantlarini ko'rib chiqishda davom etayotgani sababli, tomonlar o'rtasida kelgusida yangi aloqalar va muzokaralar qayta tiklanishi istisno qilinmayapti.
Malen "Il Messaggero" nashriga bergan intervyusida "Roma"ning Chempionlar ligasiga qaytishi shaxsiy gollaridan muhimroq ekanligini ta'kidladi.
Malen "Il Messaggero" gazetasiga bergan intervyusida jamoaviy muvaffaqiyatni shaxsiy ko'rsatkichlaridan ustun qo'yishini ta'kidladi:
Hujumchi uchun ko'p gol urish va jamoaga g'alaba qozonishda yordam berish har doim yoqimli. Oxir-oqibat, o'tgan yilgi katta muvaffaqiyat mening natijamda emas, balki Chempionlar ligasiga yo'llanma olganimizda edi. "Roma" u yerda ko'p yillar davomida o'ynamagan. O'tgan yili erishgan yutuqlarimizni takrorlash orzu bo'lardi.
Shu sababli, niderlandiyalik futbolchi uchun haqiqiy yutuq 14 ta gol emas, balki "Roma"ning Yevropaning nufuzli klublar turniriga qaytishi bo'lgan.
Shunga qaramay, hujumchi yangi mavsumda o'z o'yinini yaxshilash va jamoaga ta'sir o'tkazish istagini yashirmaydi. Eng yaxshi to'purar bo'lish imkoniyati haqidagi savolga Malen shunday javob berdi:
Yuqori saviyada o'ynash muhim. Gap faqat gol urishda emas, balki ko'plab vaziyatlar yaratish va golli uzatmalar berishda ham. Men hujumni yakunlash bo'yicha o'z mahoratimni bilaman va agar haftadan haftaga o'sib borsam, nimaga erishishimni kim biladi deysiz.
Malen bilan to'liq intervyu ertaga e'lon qilinadi.
ESPN Brasil xabariga ko'ra, «Roma» Endrikni sotib olish huquqi bilan ijaraga olmoqchi. «Real Madrid» hali bunga rozi bo'lgani yo'q.
ESPN Brasil xabariga ko'ra, «Roma» Endrikni sotib olish huquqi bilan ijaraga olmoqchi.
Ammo «Real Madrid» hali 20 yoshli hujumchining Italiya klubiga o'tishiga ruxsat bermagan.
Matteo Moretto xabariga ko'ra, «Atalanta» «Deportivo La-Korunya» futbolchisi Yeremay hamda «Lion» vakili Malik Fofanani transfer qilish imkoniyatlari bo'yicha ma'lumot so'radi.
📞 Matteo Moretto xabariga ko'ra, «Atalanta» «Deportivo La-Korunya» futbolchisi Yeremay hamda «Lion» vakili Malik Fofanani transfer qilish imkoniyatlari bo'yicha ma'lumot so'radi.
«Roma» futbolchisi Mohamed Bax og'ir jarohat oldi. Uning safga qaytishi uchun taxminan to'qqiz oy vaqt ketishi kutilmoqda.
Uesli va Pizilli bugungi tonggi mashg'ulotlarda ishtirok etishmadi, Bax esa jarohati sabab uzoq muddatga safdan chiqdi.
LaRoma24 eksklyuziv xabariga ko'ra, Pizilli MRT tekshiruvidan o'tishi kerak, ammo uning bir haftadan so'ng safga qaytishi kutilmoqda.
Bugun ertalab o'tkazilgan MRT tekshiruvi «Roma»ning xavotirlarini tasdiqladi: yosh futbolchida o'ng tizza bo'g'imi oldingi xochsimon paylarining uzilishi aniqlandi. Jarohat «Kardiff»ga qarshi o'yinning birinchi bo'limida olingan.
Yaqin vaqt ichida futbolchi jarrohlik amaliyotini o'tkazadi, operatsiyani doktor Georg Albaumer bajaradi. Tiklanish muddati taxminan to'qqiz oyni tashkil etishi kutilmoqda.
Marash Kumbulla "Rayo Valyekano"ga o'tishga yaqin. Futbolchi transferga rozi bo'ldi, klublar muzokaralarni davom ettirmoqda.
Marash Kumbulla ketma-ket uchinchi marta Ispaniya chempionatiga ijaraga o'tish arafasida turibdi.
Matteo Moretto Fabrisio Romanoning YouTube kanalida xabar berishicha, albaniyalik futbolchi "Rayo Valyekano"ga o'tishga rozi bo'lgan. Bugun klublar o'rtasida bitimni rasmiylashtirish bo'yicha yakuniy muzokaralar o'tkazilishi rejalashtirilgan. Kumbulla Ispaniya klubiga ijara asosida o'tadi, biroq shartnomada sotib olish huquqi yoki majburiyati bor-yo'qligi hozircha noma'lum.
«Roma» hujum chizig'ini kuchaytirish uchun Niko Gonsales nomzodini ko'rib chiqmoqda. La Gazzetta dello Sport xabariga ko'ra, futbolchi Gasperini e'tiborida.
«Roma» hujum chizig'ini kuchaytirish uchun ko'rib chiqayotgan nomzodlar qatorida Niko Gonsales ham bor.
«Atletiko Madrid»dagi ijaradan «Yuventus»ga qaytgan argentinalik futbolchi Ispaniyaga qaytishni istamoqda, ammo klublar hozircha kelishuvga erishgani yo'q. Agar transfer amalga oshmasa, o'yinchi «Roma» uchun real variantga aylanishi mumkin: La Gazzetta dello Sport xabariga ko'ra, Gasperini uni yuqori baholaydi va «Atalanta»da bo'lgan vaqtidayoq kuzatib borgan.
Roma chap qanot vingeri izlamoqda. Antonio Nusa asosiy maqsad, biroq klub Jeymi Leveling variantini ham ko'rib chiqmoqda.
Oldindagi hafta Roma uchun transfer oynasidagi hal qiluvchi pallaga aylanadi. Klub ayniqsa chap qanot vingeri pozitsiyasini kuchaytirish ustida ishlamoqda.
Corsera xabariga ko'ra, bu hafta Antonio Nusa transferi bo'yicha yakuniy qaror qabul qilinadi. Toni D'Amiko va Jan Pero Gasperini norvegiyalik futbolchini asosiy nishon sifatida ko'rmoqda. Nusa poytaxt klubiga o'tishga moyillik bildirgan bo'lsa-da, Leyptsig o'z futbolchisi uchun 60 million yevro talab qilmoqda. Roma nemis klubi talablarini qondira oladimi yoki yo'q, buni aniqlash uchun bir necha soat vaqt ajratgan.
Shu sababli, Jallorossilar rahbariyati muqobil variantlar ustida ham ishlamoqda. Corriere della Sera ma'lumotiga ko'ra, Shtutgart hujumchisi Jeymi Leveling nomzodi jiddiy ko'rib chiqilmoqda. 25 yoshli futbolchi har ikki qanotda birdek harakat qila oladi va tezligi hamda universalligi bilan ajralib turadi. Biroq, bu transfer ham qimmatga tushishi mumkin: Shtutgart o'z o'yinchisini taxminan 50 million yevroga baholamoqda.
Agar Roma Leyptsig bilan kelishuvga erisha olmasa, Bundesligadagi boshqa variantlarga, xususan Levelingga e'tibor qaratishi mumkin. Brentfordin Kevin Shade ham nomzodlar qatorida, ammo Nusa hanuzgacha asosiy maqsad bo'lib qolmoqda. D'Amiko shu hafta ichida yakuniy qarorga kelishi kutilmoqda.
Fabrisio Romano xabariga ko'ra, Marash Kumbulla ijara asosida «Rayo Valyekano» safiga o'tishga yaqin turibdi.
Fabrisio Romano xabariga ko'ra, Marash Kumbulla ijara asosida «Rayo Valyekano» safiga o'tishga yaqin turibdi. Himoyachi kelasi mavsumni Ispaniyada o'tkazadi: kelishuv yakunlanish arafasida.
Konstantinos Kulierakis «Roma»ga o'tishi va jamoaga moslashuvi haqida gapirdi.
Konstantinos Kulierakis «Roma» futbolchisi sifatidagi ilk taassurotlari bilan o'rtoqlashdi. Yangi markaziy himoyachi poytaxtga kelganidan keyingi his-tuyg'ulari haqida gapirdi:
«Avvalo, bu yerda ekanligimdan juda xursandman. Meni juda iliq kutib olishdi. Rostini aytsam, shaharni ko'rishga hali vaqtim bo'lmadi, lekin bu yerda bo'lishning o'zi yoqimli».
«Agentim «Roma» menga qiziqayotganini aytganida, darhol «Yaxshi, ketdik», dedim. Unga Italiyaning ushbu muhim klubi safida to'p surishim uchun qo'lidan kelganini qilishini aytdim. Ikkilanishlar bo'lmadi, shunchaki «Roma» bilan shartnoma imzolashga tayyorlanish haqida o'yladim».
Kulierakis murabbiy va o'zining sifatlari haqida ham to'xtaldi:
«Tsimikas va Mele menga murabbiy haqida gapirib berishdi. U Italiyadagi eng yaxshi mutaxassislardan biri, shuning uchun u bilan ishlashdan juda xursandman. Jamoadoshlarim bilan hali tanishmadim, lekin ular bilan uchrashishni va jamoaga qo'shilishni intiqlik bilan kutyapman».
«Yoshligimda kumirim Serxio Ramos bo'lgan — uning mentaliteti, kuchi va xarakteri uchun. Ammo o'yin uslubi bo'yicha men Laportga o'xshayman, deb o'ylayman, bizda o'xshash jihatlar bor. U ham chap oyoqda o'ynaydi va uning o'yin uslubi menga juda yoqadi. Men yoshman, ko'p narsalarni yaxshilashim kerak va hech qachon to'xtab qolmayman. Doim o'rganish va rivojlanishni istayman. Kuchli tomonlarim — chap oyog'im va ruhiy barqarorligim: men hech qachon taslim bo'lmayman va g'alaba qozonishda davom etishni istayman».
Grek himoyachisi «Olimpiko»da hali o'ynamagan bo'lsa-da, «Roma» muxlislarining ishtiyoqidan xabardor:
«Olimpiko»da bo'lmaganman, lekin televizor orqali ko'rganlarimga qaraganda, u yerdagi atmosfera g'ayritabiiy. Buni videolarda ham payqadim, o'sha stadionda o'ynashni sabrsizlik bilan kutyapman, chunki atmosfera juda jo'shqin bo'lishini bilaman. Shahardan ham katta umidlarim bor, uni kashf etishga tayyorman».
Kostas Manolas ham uning «Roma»ga o'tishida muhim rol o'ynagan:
«Uni bilaman va yozda telefon orqali gaplashganmiz. Jamoa va «Roma» haqida gaplashdik, men unga bu buyuk klub bilan shartnoma imzolash men uchun juda muhim qadam bo'lishini aytdim. Bu shunchaki suhbatdek tuyulgandi, lekin endi men shu yerdaman. Manolas «Roma» tarixidagi eng muhim o'yinchilardan biri, ayniqsa «Barselona»ga qarshi o'sha oqshom. O'sha o'yinni ko'rganman, adashmasam 3:0 hisobida yakunlangandi: bu ajoyib o'yin bo'lgandi va uni ko'rganimdan xursandman».
Yakunda Kulierakis «Jallorossi» klubi va muxlislariga murojaat qildi:
«Muxlislar qarshisida o'ynashni intiqlik bilan kutyapman, chunki ular qanchalik ajoyib ekanini va qanday aqlbovar qilmas atmosfera yarata olishini bilaman. Nihoyat, menga bildirgan ishonchi uchun klub egalariga minnatdorchilik bildirmoqchiman. Endi men shu yerdaman va ulardan juda minnatdorman. Forza Roma!».
«Marsel» «Volfsburg» himoyachisi Sael Kumbedini o'z safiga qo'shib olmoqchi. Futbolchiga yana bir qator Yevropa klublari ham ko'z tikkan.
Foot Mercato xabariga ko'ra, «Marsel» «Volfsburg» o'ng qanot himoyachisi Sael Kumbediga jiddiy qiziqish bildirmoqda. Fransiya klubi futbolchini ijara asosida tarkibga qo'shib olmoqchi, biroq nemislar uni to'liq sotib yuborishni maqsad qilgan.
Shuningdek, futbolchiga «Latsio», «Feyenoord», «Roma» va «Portu» klublari ham qiziqish bildirmoqda.
Konstantinos Kulierakis «Volfsburg»dan «Roma» safiga o'tdi. Himoyachi Rim klubida 33-raqam ostida harakat qiladi.
Konstantinos Kulierakis «Roma» futbolchisiga aylandi. Klub bu haqda o'zining rasmiy sayti orqali ma'lum qildi:
«Roma» Konstantinos Kulierakisning «Volfsburg»dan o'tganini e'lon qilishdan mamnun. Kelishuv yakunlandi, transfer doimiy asosda amalga oshirildi. 2003-yilda tug'ilgan himoyachi faoliyati davomida PAOK va «Volfsburg» safida to'p surgan. U 18 yoshida Gretsiya terma jamoasida debyut qilgan va hozirgacha milliy jamoa safida 22 ta o'yin o'tkazgan. U 33-raqamli libosni tanladi. Rimga xush kelibsiz, Konstantinos!
Konstantinos Kulierakis Rimga yetib keldi. Evan Ndika va Mario Ermoso raqobatga tayyor turishlari kerak.
Evan Ndika va Mario Ermoso bugungi o'yindan keyin xavotirga tushishlari kerak... Konstantinos Kulierakis allaqachon yetib keldi! 🤝
Endrik «Real Madrid»ni tark etishi mumkinligi haqida xabarlar tarqaldi. Futbolchi o'yin amaliyoti kamligidan xavotirda.
📻 Onda Cero jurnalisti Serrano xabariga ko'ra:
Endrik «Real Madrid»ni transfer oynasi yopilgunga qadar tark etmoqchi. 20 yoshli hujumchi «qaymoqranglilar»ning hozirgi tarkibini inobatga olgan holda, kelgusi mavsumda juda kam o'yin amaliyotiga ega bo'lishini his qilmoqda. Diomande transferi Endrikning bu qarorga kelishida muhim rol o'ynadi. Ammo asosiy omil Espining jamoaga o'tishi bo'ldi.
📰 AS ma'lumotiga ko'ra:
Ayni damda Endrikning kelajagi aniq emas. Futbolchi yana bir bor ijaraga ketishi mumkin.
«Roma» moliyaviy feyr-pley shartlari uchun yetakchi futbolchilarini sotmadi. Klub noyabr oyida UEFA qarorini kutmoqda.
31 iyul sanasi ortda qoldi, ammo ko‘pchilik kutgan yirik transferlar amalga oshmadi.
«Roma» klubi UEFA bilan tuzilgan moliyaviy feyr-pley kelishuvi shartlarini bajarish uchun o‘z yulduz futbolchilaridan hech birini sotmaslikka qaror qildi. La Gazzetta dello Sport xabariga ko‘ra, Gasperini jamoa raqobatbardoshligini saqlab qolish maqsadida ushbu qarorni qo‘llab-quvvatlagan.
So‘nggi haftalarda «Roma» bir nechta jiddiy takliflarni rad etdi. «Inter»dan Janluka Manchini va Evan Ndika bo‘yicha, «Yuventus»dan Mile Svilar uchun 42 million yevrolik, «Portu»dan esa 22 million yevroga baholangan Nikkolo Pizilli bo‘yicha tushgan takliflar qabul qilinmadi. Endilikda barcha e’tibor noyabr oyida kutilayotgan UEFA qaroriga qaratilgan. Gazeta ma’lumotlariga ko‘ra, «Roma» 10-12 million yevro miqdorida jarimaga tortilishi hamda 2027/28 yilgi mavsum uchun UEFA turnirlariga ro‘yxatdan o‘tkaziladigan futbolchilar soni 25 nafardan 22 nafargacha qisqartirilishi mumkin.
Biroq, bundan ham jiddiyroq ssenariylarni tasavvur qilish qiyin. La Gazzetta dello Sport yozishicha, yangi futbolchilarni Yevropa musobaqalariga ro‘yxatdan o‘tkazishga taqiq qo‘yilishi yoki kubok turnirlaridan chetlatilish ehtimoli kam. Niondan esa «Roma»ning moliyaviy holatini tiklash jarayoni bo‘yicha ijobiy xabarlar kelmoqda.
Roma Endrikni o'z safiga qo'shib olishni rejalashtirmoqda. Rimliklar futbolchi uchun sotib olish va qayta sotib olish huquqi bilan bitim tuzmoqchi.
Il Messaggero, La Gazzetta dello Sport, Corriere della Sera va La Repubblica xabariga ko'ra, so'nggi haftalarda Endrik va Franko Mastantuono nomlari muhokama qilinmoqda. Biroq bugungi kunda braziliyalik futbolchi Roma rahbariyati uchun ustuvor variantga aylangan. Rimliklar uni Jan Pero Gasperini hujum chizig'i uchun ideal nomzod deb hisoblashmoqda.
Toni D'Amiko Madridga har ikki iqtidorli futbolchi haqida ma'lumot to'plash uchun borgan edi, ammo yetakchi nashrlar Roma Endrik bo'yicha taklif bilan chiqishga tayyorligini ta'kidlashmoqda. Biroq muzokaralar avgust oyining ikkinchi yarmiga qadar kechiktirilgan, chunki Real Madrid futbolchini o'zida olib qolish yoki boshqa jamoaga ijaraga berish masalasini hal qilishi kerak.
Roma quruq ijaraga rozi emas. Klub futbolchi kelajagini nazorat qilish imkonini beradigan, ya'ni sotib olish va qayta sotib olish huquqini o'z ichiga olgan bitim tuzishni maqsad qilgan. Bu xuddi Niko Pas bilan amalga oshirilgan kelishuvga o'xshash. Faqat shu shartlar asosidagina D'Amiko muzokaralarni davom ettirishga tayyor.
Roma strategiyasiga ta'sir qilishi mumkin bo'lgan yana bir omil – Matias Sule. Argentinalik futbolchi hali ham transfer bozorida. Milan unga jiddiy qiziqish bildirmoqda va Rafael Leao sotilishini kutmoqda. Agar Sule avgust oyining so'nggi haftalarida Trigoniya bazasini tark etsa, Roma Endrikni transfer qilish uchun zarur texnik va moliyaviy imkoniyatga ega bo'ladi.
Fabrisio Romano xabariga ko'ra, PSJ Ayaksning 21 yoshli vingeri Mika Godt transferi bo'yicha muzokaralarni boshladi.
Fabrisio Romano xabariga ko'ra, PSJ Ayaksning 21 yoshli vingeri Mika Godt transferi bo'yicha muzokaralarni boshladi. ↔️
Givayro Rid transferi uchun "Roma" va "Nottingem Forest" kurash olib bormoqda. Futbolchi yiliga 4 million yevro maosh talab qilmoqda.
"Roma" va "Feyenoord" o'rtasida Givayro Rid bo'yicha muzokaralar davom etmoqda.
Fabrisio Romano xabariga ko'ra, "Roma" tomonidan taklif qilingan taxminan 25 million yevrolik taklif Niderlandiya klubi tomonidan rad etilmagan.
Biroq, bugun ertalab Rete Sport saytida paydo bo'lgan xabarlar vaziyatni o'zgartirib yubordi. David Rossi ma'lumotiga ko'ra, "Nottingem Forest" "Feyenoord" himoyachisini qo'lga kiritish uchun jiddiy urinish qildi va "Roma"ning 25 million yevrolik taklifini tenglashtirdi. Angliya klubi avvalgi ikki taklifi rad etilganidan so'ng, futbolchi uchun kurashga qaytishga qaror qildi.
Muzokaralardagi asosiy to'siq esa futbolchining maoshi bo'lishi mumkin. Hozirda mavsumiga 1 million yevro atrofida maosh olayotgan Rid Rotterdami tark etish uchun yiliga 4 million yevrolik shartnoma talab qilmoqda. "Nottingem Forest" ushbu summani hech ikkilanmay kafolatlashga tayyor, "Roma" esa bu sarmoyaning maqsadga muvofiqligini ko'rib chiqmoqda.
Roma klubi Betis vingeri Abde Ezzalzuli bilan qiziqmoqda, biroq ispan klubi futbolchi uchun yuqori narx talab qilmoqda.
Fabrisio Romano xabariga ko'ra, Roma klubi Betis vingeri Abde Ezzalzuli bilan qiziqib qoldi. Futbolchining o'yin uslubi murabbiy talablariga mos kelishi mumkin.
Ezzalzuli asosan chap qanotda harakat qiladi, ammo o'ng qanotda ham bemalol o'ynay oladi. Ushbu universallik hujum chizig'ini kuchaytirishni maqsad qilgan Roma uchun uni jozibador variantga aylantirmoqda.
Futbolchining Betis bilan shartnomasi 2029-yilga qadar mo'ljallangan. Transfermarkt ma'lumotlariga ko'ra, uning bozor qiymati 40 million yevro atrofida. Biroq, Ispaniya klubi talab qilayotgan narx ancha yuqori bo'lishi mumkin — taxminan 60 million yevro. Bu esa Roma uchun transferni murakkablashtiradi.
Foot Mercato xabariga ko'ra, Lois Openda "Lion"ga o'tishga qiziqish bildirmoqda, biroq "Yuventus" bilan muzokaralar moliyaviy sabablarga ko'ra qiyin kechmoqda.
Foot Mercato xabariga ko'ra, belgiyalik hujumchi Fransiya chempionatiga qaytishga qarshi emas. 26 yoshli forvard "Lion" rahbariyatiga juda ijobiy signallar yuborgan. U o'zi uchun tanish bo'lgan ligada yana o'ynash, hujum chizig'ida asosiy figuraga aylanish hamda avgust oyi boshida Chempionlar ligasining uchinchi saralash bosqichida ishtirok etish imkoniyatidan foydalanib, 2026-yilgi jahon chempionatini o'tkazib yuborganidan so'ng faoliyatini qayta tiklamoqchi.
Agar sport nuqtai nazaridan "Lion" o'yinchini qiziqtira olgan bo'lsa, "Yuventus"ni ko'ndirish ancha qiyinroq bo'ladi.
Turin klubi ko'plab takliflar olmoqda, birinchi navbatda Angliyadan. Ular o'z hujumchisini aynan o'sha yerga jo'natishni afzal ko'rishadi va futbolchini 42,5 million yevroga baholamoqda. Sababi oddiy: "Yuventus" ingliz klubi (masalan, "Koventri") 2030-yilgacha mo'ljallangan shartnomaga ega Opendaning katta maoshini to'liq o'z zimmasiga olishini yoki uni darhol sotib olishini kutmoqda. Aynan moliyaviy tomon ushbu futbolchiga da'vogarlik qilayotgan "Lans" uchun ham bitimni jiddiy murakkablashtirmoqda.
Artuadagi klub hali ham mo'jizadan umidvor, biroq "Yuventus" moliyaviy majburiyatlarning katta qismini o'z zimmasiga olmasa, bunday operatsiyani amalga oshira olmaydi. Shu sababli, Fransiya kubogi sohibi allaqachon muqobil variantlar ustida ishlamoqda.
"Lans"ga qaraganda biroz ko'proq moliyaviy imkoniyatlarga ega "Lion" bitim qanchalik murakkab bo'lishini tushunib turibdi. Biroq Lois Openda Rona sohilidagi klubga o'tishdan juda manfaatdor ekanligi va transferga o'zi yordam berishga tayyorligi "Lion"ning "Yuventus" bilan muzokaralardagi asosiy yutug'i bo'lishi mumkin.
Gianluca Di Marzio xabariga ko'ra, «Inter» Niko Gonsalesga qiziqish bildirmoqda. Tomonlar o'rtasida dastlabki muzokaralar boshlangan.
Gianluca Di Marzio xabariga ko'ra, «Inter» Niko Gonsalesga qiziqish bildirmoqda. Tomonlar o'rtasida dastlabki muzokaralar boshlangan.
Fabrisio Romanoning xabar berishicha, "Atalanta" "Lion" vingeri Malik Fofanani o'z safiga qo'shib olishni rejalashtirmoqda.
"Atalanta" "Lion" vingeri Malik Fofanaga e'tibor qaratdi. Futbolchi bilan so'nggi haftalarda "Roma" ham qiziqayotgani haqida xabarlar chiqqandi.
Fabrisio Romano xabariga ko'ra, Bergamo klubi belgiyalik futbolchini Sarri talab qilgan hujum chizig'ini kuchaytirish uchun nomzod sifatida ko'rib chiqmoqda.
Niko Gonsales jamoaviy mashg'ulotlarga hali qo'shilmadi va individual dastur asosida shug'ullanmoqda.
✔️ Niko hozircha mashg'ulotlarni yakka tartibda olib bormoqda.
Roma va Feyenoord Rid transferi bo'yicha muzokaralarni davom ettirmoqda. Futbolchi allaqachon Rim klubi bilan kelishuvga erishgan.
Matteo Moretto, Fabrisio Romanoning YouTube kanalida xabar berishicha, Rid Roma safiga o'tishga rozi bo'lgan va futbolchi bilan klub o'rtasida prinsipial kelishuvga erishilgan: endi faqat ikki klub o'rtasidagi shartlarni kelishib olish qoldi.
Dastlabki 25 million yevro atrofidagi taklif Feyenoordni qoniqtirmadi, ammo klublar o'rtasidagi muzokaralar davom etmoqda. Bugun va ertaga yangi muhokamalar rejalashtirilgan bo'lib, unda yakuniy qadam tashlash va niderlandiyaliklar klubini ishontira oladigan taklifni taqdim etishga urinib ko'riladi. Ridning Romaga o'tishi juda yaqin deb baholanmoqda va yaqin bir necha soat ichida bitim yakuniga yetadimi yoki yo'q, bunga aniqlik kiritilishi mumkin.
Roma Feyenoord futbolchisi Jivayro Ridni o'z safiga qo'shib olishga yaqin turibdi. Alfredo Pedulla tafsilotlarni ochiqladi.
Roma klubi o'ng qanotni kuchaytirish uchun asosiy maqsad sifatida Jivayro Ridni belgilab oldi.
Rimliklar Feyenoordga tegishli bo'lgan futbolchini sotib olish uchun jiddiy moliyaviy xarajatlarga tayyor. Ayni paytda muzokaralar davom etmoqda, klub esa futbolchi bilan shaxsiy shartlar bo'yicha bir necha kun avval kelishuvga erishgan.
Alfredo Pedulla xabariga ko'ra, yaqin soatlarda klublar o'rtasida navbatdagi muloqot rejalashtirilgan: Roma bitimni 25 million yevro hamda 2-3 million yevro bonuslar evaziga yakunlamoqchi.
La Gazzetta dello Sport xabariga ko'ra, «Roma» Endrikni sotib olish huquqi bilan ijaraga olmoqchi.
💀 La Gazzetta dello Sport xabariga ko'ra, «Roma» Endrikni sotib olish huquqi bilan ijaraga olmoqchi.
«Roma» sport direktori Toni D'Amiko bitimning imkoniyatlarini o'rganish uchun shaxsan Madridga yo'l oldi.
Hozircha «Real» muzokaralarga tayyor emas, ammo «Roma» so'nggi daqiqagacha umidini uzmayapti.
Roma Feyenoord himoyachisi Givayro Ridni sotib olishga yaqin turibdi. Transfer qiymati qariyb 30 million yevroni tashkil qilishi mumkin.
Roma klubi Givayro Rid transferi ustida faol ishlamoqda va himoyachi bilan kelishuvni yakunlash uchun Rotterdamga yetib borgan.
Feyenoord Transfermarkt xabariga ko'ra, ushbu transfer qiymati qariyb 30 million yevroni tashkil etishi kutilmoqda.
La Gazzetta dello Sport xabariga ko'ra, "Roma" Endrikni ijaraga olmoqchi, ammo "Real Madrid" hozircha futbolchini qo'yib yuborish niyatida emas.
📰 La Gazzetta dello Sport xabariga ko'ra, "Roma" Endrikni sotib olish huquqi bilan ijaraga olmoqchi. Bunda "Real Madrid" futbolchini qaytarib sotib olish bandini saqlab qolishi ko'zda tutilgan.
"Roma" sport direktori bitim imkoniyatlarini o'rganish uchun Ispaniya poytaxtiga yo'l oldi.
Hozircha "qirollik klubi" 20 yoshli hujumchining ketishiga rozi emas. Biroq "Roma" Endrikni o'z safiga qo'shib olishdan juda manfaatdor va muzokaralarni oxirigacha davom ettirmoqchi.
Marokashlik himoyachi Salah-Eddin «Roma»ni tark etishi mumkin. Unga «Antverpen» va Erediviziya klublari qiziqish bildirmoqda.
AfricaFoot xabariga ko'ra, marokashlik qanot himoyachisi «Olimpiakos» taklifini rad etganidan so'ng, unga «Antverpen» qiziqish bildirmoqda. Gretsiya klubi «jallorossi» rahbariyati bilan kelishuvga erishgan bo'lsa-da, futbolchi o'z qarorini o'zgartirdi.
Belgiya klubi futbolchini sotib olish huquqi bilan ijaraga olish bo'yicha aniq taklif bilan chiqdi. Marokash terma jamoasidagi o'rnini saqlab qolish uchun raqobatbardosh chempionatda o'ynashni istayotgan Salah-Eddin ushbu variantni ko'rib chiqmoqda.
«Roma» uchun ustuvor vazifa futbolchini to'liq sotib yuborish hisoblanadi, chunki Gasperini uni kelgusi mavsumdagi taktik rejalariga kiritmagan. «Antverpen»dan tashqari, Erediviziya klublari ham vaziyatni kuzatmoqda. Ular PSV safidagi muvaffaqiyatli o'yinlari orqali Niderlandiya chempionatiga yaxshi tanish bo'lgan himoyachini qaytarish niyatida. Ayni damda «Roma» va Belgiya klubi kelishuvni yakunlash bo'yicha muzokaralar olib bormoqda.
Fabrisio Romano xabariga ko'ra, Jivayro Rid «Roma» loyihasiga qiziqish bildirmoqda. Klublar futbolchining transfer narxi bo'yicha muzokaralarni davom ettirmoqda.
Yakshanba kuni ham Jivayro Rid bo'yicha muzokaralar to'xtab qolgani yo'q.
Fabrisio Romano xabariga ko'ra, futbolchi «Roma» va Jan Pero Gasperini tomonidan taqdim etilgan loyihaning istiqbolli ekanligiga ishonch hosil qilgan. Shu tariqa, Ridning roziligi muzokaralardagi muhim pallaga aylandi, ayni vaqtda klublar futbolchining transfer narxi bo'yicha kelishuvga erishishga harakat qilmoqda.
Muzokaralar juda qizg'in davom etmoqda va yaqin soatlarda aloqalar davom ettiriladi. «Roma» bitimni yakunlab, kecha muhim pozitsiyalarga yangi kuchaytirishni so'ragan murabbiyga kerakli futbolchini taqdim etishni maqsad qilgan: yaqin soatlarda yangi voqealar kutilmoqda.
Maks Aarons "Roma" nishonida. "Bornmut" himoyachisiga "Lids" ham qiziqish bildirmoqda.
Maks Aarons "Roma" klubi tomonidan o'ng qanot himoyachisi Chelikka o'rinbosar sifatida ko'rib chiqilayotgan nomzodlardan biri hisoblanadi.
Ekrem Konur xabariga ko'ra, "Bornmut" himoyachisining ingliz klubi bilan amaldagi shartnomasi yana uch yilga mo'ljallangan. Futbolchi bilan "Lids" ham qiziqmoqda, ular o'yinchini nafaqat ijaraga olish, balki to'liq transfer huquqini sotib olish variantini ham ko'rib chiqmoqda.
Jian Pero Gasperini «Roma» safiga Jivayro Ridni qo'shib olish uchun kurashga kirishdi. Tomonlar transfer summasi bo'yicha kelishuvga erishishga harakat qilmoqda.
Jian Pero Gasperini Jivayro Ridni «Roma» safiga qo'shib olish uchun kurashga kirishdi.
Corriere dello Sport xabariga ko'ra, «Roma» bosh murabbiyi Uelsdagi yig'in vaqtida «Feyenoord» himoyachisi bilan shaxsan bog'lanib, unga o'zining murabbiylik loyihasi va yangi jamoada unga ajratilgan asosiy rolni tushuntirgan. Bu harakat futbolchi o'ng qanot yarim himoyachisi pozitsiyasi uchun asosiy nomzod deb qaralayotganini tasdiqlaydi.
«Roma»ning 25 million yevrolik taklifidan so'ng, «Feyenoord» bazaviy narxni 28 million yevroga yaqinroq bo'lishini talab qildi. Il Tempo ma'lumotiga ko'ra, «jallorossi» ushbu raqamga yaqinroq yangi taklif tayyorlamoqda. La Gazzetta dello Sport esa bonuslar bilan birga taxminan 30 million yevrolik taklif bo'lishi mumkinligini, bunda qat'iy belgilangan summa kamroq bo'lib, qolgan qismi shartlarga bog'liq bo'lishini taxmin qilmoqda. Aslida, farq unchalik katta emas, ammo bitim tuzilmasi bo'yicha kelishuvga hali erishilgani yo'q.
Bir qator nashrlar muzokaralar tez orada yakunlanishi mumkinligini ta'kidlashmoqda. Futbolchi allaqachon poytaxt klubiga o'tish istagini bildirgan va «Roma» uning bu qarori hal qiluvchi ahamiyat kasb etishiga umid qilmoqda. Ivan Fresneda esa Ridni xarid qilish urinishi barbod bo'lgan taqdirda asosiy muqobil variant sifatida qolmoqda.
Kardiff va Roma o'rtasidagi o'rtoqlik o'yinida Paulo Dibala va Brayan Kristante o'rtasida janjal yuz berdi. Voqea tafsilotlari bilan tanishing.
Kardiffning Romaga qarshi o'yinida Paulo Dibala va Brayan Kristante o'rtasida keskin vaziyat yuzaga keldi. Voqea Tanner gol urib, hisobni 4:1 ko'rinishiga keltirganidan so'ng sodir bo'ldi va bu holat jallorossilarning g'azabini keltirdi.
Roma vakillari hujum rivojlanayotgan pallada Santyago Kastroga nisbatan qoida buzilgan deb hisoblashdi. Hakam o'yinni davom ettirishga ruxsat berdi va ko'p o'tmay Kardiff gol urdi. Ushbu qaror Rim klubi noroziligiga sabab bo'ldi, Matias Sule esa jamoadoshini himoya qilgan holda hakamga e'tiroz bildirdi va sariq kartochka oldi.
Ayni shu lahzada Dibala va Kristante o'rtasida nizo kelib chiqdi. DAZN kadrlari ularning qizg'in bahsini ko'rsatdi, vaziyatni yumshatish uchun boshqa futbolchilar aralashishiga to'g'ri keldi. Argentinalik futbolchi sardordan hakamga nisbatan qat'iyroq pozitsiya egallashni talab qilgandek ko'ringan bo'lsa, Kristante vaziyatni tinchlantirishga harakat qilgan.
O'rtoqlik uchrashuvi bo'lishiga qaramay, jamoa yetakchilari o'rtasidagi bu keskinlik e'tibordan chetda qolmadi.
Jan Pyero Gasperini "Roma"ning "Kardiff Siti"ga qarshi o'rtoqlik o'yini va jamoaning transfer rejalari haqida gapirdi.
Jan Pyero Gasperini "Roma"ning "Kardiff Siti"ga qarshi o'rtoqlik uchrashuvidagi 4:1 hisobidagi mag'lubiyatidan so'ng jurnalistlar savollariga javob berdi. U o'yin va transfer bozori borasidagi fikrlarini bildirdi:
💬 Og'ir mag'lubiyat: o'yin borasida nima noto'g'ri ketdi?
🗣 "O'ylaymanki, bizda ayrim o'yinchilar bilan bog'liq muammolar bor, ayniqsa himoyada. Bu natija bizga ba'zi yaxshi jihatlarni, xususan hujumdagi holatlarni ko'rsatib berdi, ammo chalg'ish va eng yaxshi formada bo'lmaslik qiyinchilik tug'dirishi aniq".
💬 Maydonda va transfer bozorida kechikishlar bormi?
🗣 "Ha, transfer bozori jahon chempionati tufayli noodatiy o'tdi, ammo jamoani shakllantirish uchun yana bir nechta yangi o'yinchilar kerakligi aniq. Tarkib raqobatbardosh bo'ladi: hozirda uch nafar yarim himoyachimiz safdan chiqqan va yangi o'yinchi keldi. Ammo yigitlar yaxshi ishlashmoqda".
💬 Kastroni qanday baholaysiz? Uni Malen bilan birga ko'ra olamizmi?
🗣 "Kastro — ajoyib xarid, jamoani kuchaytiradigan muhim kelishuv. Kastro ham, Malen ham markaziy hujumchilar, garchi ular birga o'ynashi mumkin bo'lgan vaziyatlar bo'lsa ham. Bizni juda tig'iz taqvim kutib turibdi; Malen mavsumning ikkinchi yarmida dam olish imkoniga ega bo'lmadi va agar bu takrorlansa, biz uning o'yin sifatini yo'qotish xavfiga duch kelamiz. Chempionlar ligasida ishtirok etish uchun zaxiradan tushgan o'yinchilar hisobiga sifatni yo'qotmaydigan, to'liq va raqobatbardosh tarkib zarur. Kastro — "Roma"ga har qanday yo'l bilan o'tishni istagan yosh futbolchi".
💬 Vinger kelishini kutyapsizmi?
🗣 "O'tgan yilgi tarkib borasida men kuchaytirish zarurligini ta'kidlagandim: bizga himoyachi, qanot o'yinchisi va ikki hujumchi kerak edi. Albatta, agar kimdir ketsa, uning o'rnini to'ldirish kerak. Bu mening vazifam edi va u unchalik qiyin tuyulmagandi. Tabiiyki, biz Kastro kabi sifatli futbolchilarni jalb qilishga intilamiz; endi himoyani mustahkamlash uchun yosh o'yinchi (Kulierakis) qo'shiladi — bu zarur qadam, chunki ixtiyorimizda atigi beshta himoyachi bor edi. Kubok turnirlarida qatnashadigan jamoa uchun har bir pozitsiyada ikkitadan o'yinchi bo'lishi juda muhim".
💬 Sule haqida nima deya olasiz?
🗣 "Sule yaxshiroq o'ynamoqda: bugun u hujumkor yarim himoyachi va chap qanot vingeri pozitsiyalarida harakat qildi".
Mika Godts "Roma" nishonida. Ekrem Konur xabariga ko'ra, "jallorossi" "Ayaks" vingerini sotib olish bo'yicha dastlabki muzokaralarni boshlagan.
Mika Godts yana "Roma" diqqat markaziga tushdi.
Ekrem Konur xabariga ko'ra, "jallorossi" "Ayaks" vingerini sotib olish bo'yicha dastlabki muzokaralarni boshlagan. Biroq, futbolchining yuqori narxi hamda "Arsenal" va "PSJ" klublarining qiziqishi transferni murakkablashtirmoqda. Niderlandiya klubi o'z futbolchisini taxminan 50 million funt sterling (60 million yevro atrofida)ga baholamoqda.
Ez Abdening agenti futbolchining "Betis"da qolishini tasdiqladi va "Roma" bilan muzokaralar haqidagi mish-mishlarni rad etdi.
📰 SPORT xabariga ko'ra:
Ez Abdening agenti futbolchi "Betis"da qolishini ma'lum qildi.
❌ U "Roma" bilan bo'lgan barcha muzokaralar haqidagi xabarlarni rad etdi.
"Roma" va "Feyenoord" Jivayro Rid transferi bo'yicha muzokaralarni davom ettirmoqda. Futbolchi bilan "Nottingem Forest" ham qiziqmoqda.
"Roma" va "Feyenoord" klublari o'rtasida Jivayro Rid transferi bo'yicha muzokaralar davom etmoqda.
"Roma" 25 million yevrolik taklif bilan chiqqanidan so'ng, niderlandiyaliklar kelishuvga erishish uchun zarur bo'lgan moliyaviy tuzilma va to'lov shartlarini o'z ichiga olgan javob taklifini yuborishdi. Klublar o'rtasidagi aloqalar davom etmoqda. "Nottingem Forest" esa futbolchining agentlariga kurashni davom ettirish istagida ekanligini bildirib, vaziyatni kuzatishda davom etmoqda.
Fabrisio Romano xabariga ko'ra, Rid va Jan Pyero Gasperini o'rtasida bevosita aloqa ham o'rnatilgan.
Konstantinos Kulierakis «Roma» bilan shartnoma imzoladi. Transfer tafsilotlari va kelishuv raqamlari ma'lum qilindi.
Konstantinos Kulierakisni «Roma»ning yangi futbolchisi deb hisoblash mumkin, faqat rasmiy e'lon qolgan xolos.
Fabrisio Romano xabariga ko'ra, gretsiyalik markaziy himoyachi «Roma» bilan shartnoma imzoladi va shu tariqa kelishuvning so'nggi rasmiy qismini yakunladi.
«Roma» va «Volfsburg» o'rtasida bir necha soat avval yakunlangan kelishuv endilikda futbolchi bilan imzolangan shartnoma bilan rasmiylashtirildi. 22 yoshli gretsiyalik markaziy himoyachi uchun Bundesligadagi tajribadan so'ng A Seriyada yangi sarguzasht boshlanmoqda. Hozircha faqat uning poytaxtga yetib kelish vaqtini kelishib olish qoldi.
Kulierakis yaqin kunlarda tibbiy ko'rikdan o'tish va klub tomonidan rasmiy e'lon qilinishidan oldingi so'nggi byurokratik jarayonlarni yakunlash uchun Rimga yetib kelishi kutilmoqda.
Jurnalist Filippo Biafora tomonidan oshkor etilgan kelishuv raqamlari quyidagicha: «Roma» «Volfsburg»ga 16,5 million yevro to'laydi, shuningdek, 1,5 million yevro bonuslar ko'rinishida taqdim etiladi. Nemislar futbolchining kelajakdagi sotuvidan 20 foiz ulush olishadi.
Rodri «Real Madrid»ga o'tishni ustuvor vazifa deb bilmoqda. «Manchester Siti» esa transfer uchun 70 million yevro talab qilishi mumkin.
📻 Cope xabariga ko'ra, «Manchester Siti» Rodri uchun 70 million yevrogacha mablag' talab qilishi mumkin.
Shu bilan birga, Ispaniya terma jamoasi sardori va Diomande transferi uchun «Madrid» tarkibdagi ayrim o'yinchilar bilan xayrlashishi kerak. Ayni damda «qaymoqranglilar» ro'yxatida 25 ta o'rin to'liq band etilgan, Mastantuono esa «Kastilya» tarkibida ro'yxatdan o'tgan.
Argentinalik futbolchining kelajagiga kelsak, u «Madrid»dan ketsa, faqat «River Pleyt»ga o'tishni istaydi. Biroq madridliklar rahbariyatiga vinger faoliyatini davom ettirishi uchun bu variant ma'qul emas.
Nima bo'lganda ham, Mastantuono «Madrid»dan sotilishi yoki ijaraga berilishi ehtimoli eng yuqori bo'lgan 3 nafar o'yinchidan biri. Asensio va Gonsalo — qolgan ikki futbolchi. Biroq ularning hech biri klubni tark etishni istamayapti.
📰 AS (XFD) ma'lumotiga ko'ra, Rodrining «Real Madrid»ga o'tishi yozda jamoaning amaldagi yarim himoyachilaridan birini sotish uchun eshiklarni ochishi mumkin.
📝 Fabrisio Romano xabariga ko'ra: «Rodri «Real Madrid»ga o'tishni mutlaq ustuvor vazifa deb bilmoqda.
«Manchester Siti» esa kutishni ma'qul ko'rmoqda, chunki ular boshqa klublar ham 30 yoshli tayanch yarim himoyachisi uchun kurashga qo'shilishi mumkin deb hisoblashadi. Biroq «shaharliklar» uchun Rodrining «qaymoqranglilar» safiga o'tish qarorini o'zgartirish qiyin bo'ladi».
«Roma» yarim himoyachisi Nikolo Pizilli jarohat oldi. Futbolchi taxminan 2-3 haftani o'tkazib yuboradi.
«Roma» klubi rasman Nikolo Pizillining jarohat olganini ma'lum qildi. Yarim himoyachida chap boldir mushagining 1-darajali yorilishi aniqlangan.
Jarohat jiddiy emas, ammo mushakdagi bu kabi holat futbolchini taxminan 2-3 haftaga safdan chiqaradi.
Fikr qoldirish va reaksiya uchun Telegram orqali kiring.