#Kristof Froynd — yangiliklari

Fabrisio Romano xabariga ko'ra:

Peres Oliseni juda qadrlaydi, shu bois uni tarkibga qo'shib olishni istamoqda. Biroq bir necha kun avval Real Madrid Bavariyaga fransiyalik futbolchi sabab klublar o'rtasidagi yaxshi munosabatlarga putur yetkazmoqchi emasligini ma'lum qildi. Madridliklar prezidenti Oliseni faqat nemis klubi uni sotishga rozi bo'lgan taqdirdagina xarid qilishga tayyor, ammo bu yozda bunday holat yuz bermaydi. Hozirda Madrid klubi Diomande transferiga to'liq e'tibor qaratgan.

Bavariya sport direktori Froynd:

Olisening Real Madridga o'tishi haqidagi mish-mishlarmi? Bu biz uchun muhokama mavzusi emas. Maykl kelgusi mavsumda Bavariyada muhim rol o'ynaydi.

🗣 Kristof Froynd transferlar oynasi haqida:

«Biz ishni deyarli yakunladik. Tarkibning juda katta bo'lishini istamaymiz — biz uchun sifat va butun mavsum davomida safda bo'la oladigan futbolchilar muhim. Transfer bozorida boshqa jiddiy o'zgarishlar kutilmayapti. Jamoaning hozirgi tarkibidan mamnunmiz».

Kristof Froynd («Bavariya» sport direktori):

Biz Olisening ta'tildan qaytishini intiqlik bilan kutmoqdamiz. 💭

Bu mavsumda u yana «Bavariya»da muhim rol o'ynaydi.

Florian Plettenberg xabariga ko'ra, Bavariya hozirgi tarkib va yangi futbolchilar (Saybari va Braun) bilan to'liq qanoatlangan. Jamoa ko'pi bilan yana bitta transferni amalga oshirishi mumkin.

Bavariya kuzatuv kengashi Maks Eberl va Kristof Froynd oldiga aniq vazifa qo'ydi — avval keraksiz futbolchilarni sotish kerak.

Froynd Palinya va Boe haqida:

Ular biz bilan mashg'ulot o'tkazmoqda, ammo kelajakda asosiy tarkibda muhim rol o'ynamaydi — buni o'zlari ham tushunib turishibdi. Ikkalasi ham yaxshi futbolchilar. Endilikda ular biz bilan mashg'ulotlarda va o'yinlarda qatnashishda davom etishadi, ammo rejamiz bo'yicha ular faoliyatlarida keyingi qadamni boshqa joyda qo'yishlari kerak.

Siz ularning yana ijaraga berilishini istisno qila olasizmi?

Froynd:

Bu bizning rejalarimizga kirmaydi, lekin transfer bozorida hech narsani oldindan aytib bo'lmaydi. Menimcha, ikkalasi ham yaxshi futbolchilar va ularga talab bor. Joau «Tottenxem»ning Premer-ligada qolishida muhim omil bo'lgandi. Sasha esa Turkiyada yaxshi o'yinlar o'tkazdi. O'ylaymanki, ular ko'plab jamoalarga mos tushadigan sifatli o'yinchilar.

🚨 Kristof Froynd o'yindan so'ng Joau Palinya va Sacha Boey klubning kelajakdagi rejalariga kirmasligini ma'lum qildi.

✨ Bir necha daqiqa o'tgach, Palinyadan uning kelajagi haqida so'rashdi va u quyidagicha javob berdi:

✔️ «Rejam — o'z o'rnimni shu yerda saqlab qolish»

📰 Maximilian Koch

Kristof Froynd Maykl Olise atrofidagi mish-mishlar haqida fikr bildirdi:

Biz uchun bu umuman mavzu emas. Biz Mayklning ta'tildan qaytishini intiqlik bilan kutmoqdamiz. Bu mavsumda u o'tgan yilgidek yana Bavariya safida muhim rol o'ynaydi.