FIFA yangiliklari Transfer

📻 Pereyro (Onda Cero jurnalisti):

Mendi ko'pchilik kutganidan ham oldinroq "Real Madrid"ni tark etishi mumkin. Biroq uning klubdan ketishi hali kafolatlanmagan.

📰 L'Équipe:

Mendi jismoniy holatini to'liq tiklab olsa, Fransiya terma jamoasiga qaytishi mumkin. "Uch ranglilar"ning yangi ustozi Zidan 31 yoshli himoyachini juda qadrlaydi va hurmat qiladi.

ESPN muxbiri Rodra xabariga ko'ra: "Real Madrid" tarkibida ispan futbolchilari sonini ko'paytirishni maqsad qilgan.

AS jurnalisti R. Martin yozishicha: "Rodrining "Real Madrid"ga ehtimoliy transferi haqida gap ketganda, bir muhim jihatni ta'kidlash kerak: u boshidanoq "Real Madrid"ga o'tishni istayotganini aniq bildirgan.

Natijada, "qirollik klubi" qisqa vaqt ichida JCH-2026da Ispaniya terma jamoasida o'z o'yinchilari yo'qligi uchun bildirilgan kinoyalardan, terma jamoa sardori, "Oltin to'p"ga asosiy da'vogar va Kukurelyani sotib olish darajasiga yetib kelishi mumkin".

Daily Mail xabariga ko'ra, Jeyms Trafford "Lids"da o'z kelajagini qurish va Angliya terma jamoasi darvozasida Jordan Pikfordning asosiy raqobatchisiga aylanish imkoniyatini ko'rmoqda.

🎙 Loik Tanzi Ferran Torresning PSJga o'tishi mumkinligi haqida fikr bildirdi:

Ferran — aynan Luis Enrike hujum markazida ko'rishni istaydigan futbolchi.

Ammo kechagi gol va chempionlikdan so'ng, uning narxi albatta oshdi. Jahon chempionatiga qadar gap 10–20 million yevro haqida ketayotgan edi… hozir esa bu summani bemalol uch barobarga ko'paytirish mumkin!

📰 AS xabariga ko'ra, Olise haqiqatan ham «Bavariya»ni tark etishni istamoqda. Biroq uning Fransiya terma jamoasi kiyinish xonasida «Real»ga o'tish istagi haqida ochiq gapirgani «qirollik klubi» uchun kutilmagan holat bo'ldi.

«Real» «Bavariya» bilan munosabatlarga putur yetkazmaslik uchun bu mish-mishlardan o'zini uzoq tutishga harakat qilmoqda.

🚨 L'Equipe xabariga ko'ra, Maykl Olise o'zining yaqin atrofidagilar va Fransiya terma jamoasidagi jamoadoshlariga «Real»ga o'tish istagi borligini ma'lum qilgan.

Jahon chempionatidan so'ng, Madrid klubi futbolchini qo'lga kiritish uchun bor kuchini ishga soladi. Peres Olisening muxlisi hisoblanadi va klub rekord darajadagi summa evaziga bo'lsa ham, ushbu transferni amalga oshirishga jiddiy bel bog'lagan.

Onda Cero jurnalisti Serrano xabariga ko'ra, Florentino Peres Vinisius Junior bilan shartnomani uzaytirishni zarur deb hisoblamoqda. Madrid klubi prezidenti braziliyalik futbolchini katta mablag' evaziga sotib yuborish uchun emas, balki uni jamoaning asosiy o'yinchisi sifatida saqlab qolish maqsadida yangi bitim imzolamoqchi.

Joze Mourinyu vinger bilan suhbatda muvaffaqiyatsiz yakunlangan JCHdan so'ng yangi sahifa ochish vaqti kelganini ta'kidladi. Madridning yangi ustozi Vinisiusga Braziliya terma jamoasidagi omadsizlikda o'zini aybdor his qilmasligi kerakligini, chunki aynan u jamoaning haqiqiy saviyasiga mos o'yin ko'rsatganini aytdi.

Mourinyu Vinisiusni Madridda uni yangi ajoyib chaqiriqlar kutayotganiga ishontirdi. Murabbiy ham, futbolchi ham bo'lib o'tgan suhbatdan mamnun qolishdi.

Madridliklar futbolchining vakillari bilan bo'lgan so'nggi telefon suhbatlaridan so'ng shartnomani uzaytirish imkoniyatlariga nisbatan juda optimistik qarashmoqda. Klubda Vinisius jamoada qolishni istayotganiga ishonishadi. Shuningdek, futbolchining agenti va unga yaqin shaxslar Madrid rahbariyatini tinchlantirishgan.

Shu bois, hozirda Madridda Vinisius ta'tildan qaytishi bilanoq yangi shartnomaga imzo chekishi kutilmoqda.

Roma klubining Manu Kone borasidagi pozitsiyasi vaqt o'tishi bilan yanada qat'iylashib bormoqchi. Toni D'Amiko allaqachon futbolchining yaqinlariga iyul oyidan boshlab 50 million yevrodan past takliflar ko'rib chiqilmasligini ma'lum qilgan. Endilikda, jahon chempionatidagi ishtirokidan so'ng, so'ralayotgan narx kamida 10 million yevroga oshishi mumkin. Fridkin tamoyili boshqa vaziyatlardagi kabi o'zgarishsiz qolmoqda: hech kim sotilmaydi, hech qanday chegirmalar yo'q.

O'z navbatida, Kone Parijga qaytishni istayotgani aytilmoqda, ammo PSJ hech qachon aniq taklif bilan chiqmagan, bunga qisman uning xususiyatlari Luis Enrike uslubi uchun eng yaxshi variant deb hisoblanmagani sabab bo'lgan. Biroq, Italiyada hech bir klub Roma belgilagan bahoga yaqinlasha olmaydi. Shu sababli, katta taklif bo'lgan taqdirda Premer-liga eng istiqbolli bozor bo'lib qolmoqda.

Keyin esa Gasperini bilan bog'liq texnik masala yuzaga keladi. O'tgan mavsum oxirida ayrim kelishmovchiliklar yuz bergan edi, bu qisman uning jarohatini davolash bilan bog'liq bo'lib, Roma bilan muzokaralarda shubhalar yetarli edi: u gol urmasligi, uni jahon chempionati uchun asrab qo'yishgani haqidagi fikrlar, uning xususiyatlari uni boshqalarga qaraganda o'rnini to'ldirish osonroq bo'lgan futbolchi qiladi, degan qarashlar mavjud. Kuchli futbolchini yo'qotishga psixologik tayyorgarlik ko'rayotganda tez-tez uchraydigan uzun "yo'q"lar ro'yxati. Biroq, mohiyat boshqacha. Kone hozirda jallorossi tarkibidagi shunchalik yuqori bozor qiymatini shakllantirish mumkin bo'lgan sanoqli futbolchilardan biri. U sotilmaydigan futbolchilar ro'yxatiga kirmaydi, lekin muhim o'yinchi hisoblanadi. Uning ehtimoliy ketishi faqat ulkan taklif olingan taqdirda va katta xaridni moliyalashtirish uchun dastak sifatida ko'rib chiqiladi.

Shu bilan birga, jahon chempionati uning qiymatini yanada o'zgartirishi mumkin. Agar Fransiya finalga chiqsa, ehtimol Kone asosiy o'yinchi sifatida, uni Trigoriyadan olib ketish qiyinroq va qimmatroq bo'ladi. Roma qo'lida eng nufuzli darajada o'z nomini yaratayotgan yarim himoyachi borligini biladi: bundan buyon uni qo'lga kiritmoqchi bo'lgan har qanday tomon moliyaviy jihatdan juda jiddiy dalillarni taqdim etishi kerak bo'ladi.

Manbalar: Corriere della Sera, Il Messaggero, Il Tempo.

Shon Steur rasman Nyukasl Yunayted futbolchisiga aylandi.

Ayaks ushbu transferdan 27 million yevrogacha bo'lgan mablag'ni qo'lga kiritishi mumkin.

«Beshiktosh» Leandro Trossard transferini imkon qadar tezroq yakunlamoqchi. Biroq futbolchining agenti ertangi Ispaniya — Belgiya uchrashuvini kutishni ma’qul ko‘rmoqda.

Tomonlar o‘rtasidagi muzokaralar davom etmoqda.

The Athletic xabariga ko'ra, "Inter" Curtis Jones uchun taklifini 35 million yevrogacha oshirishga tayyor. "Liverpool" futbolchini taxminan 40 million yevroga baholayotganini hisobga olsak, tomonlar kelishuvga erishishi ehtimoli ortib bormoqda.

Futbolchining shartnomasi yakuniga yetishiga bir yil qoldi va uni uzaytirish bo'yicha hech qanday qadam tashlanmadi. Shu sababli, tomonlar uchun xayrlashuv eng mantiqiy yechim bo'lishi mumkin.

O'tgan yilning noyabrida Thomas Tuchel uni chaqirishni to'xtatgunga qadar Angliya terma jamoasi tarkibida bo'lgan Jones rotatsiya elementi emas, balki jamoaning asosiy o'yinchilaridan biri bo'lishni istaydi. Bu esa "Liverpool"da ro'y berishi qiyin.

Radio Marca jurnalisti Valentin xabariga ko'ra, Mourinyu "Real Madrid" rahbariyatiga yozgi transferlar vaqtida Rodrini sotib olish bo'yicha murojaat qilmagan. Murabbiy klubdan jamoa yarim himoyachilaridan uslubi bilan farq qiladigan tayanch yarim himoyachisini so'ragan.

Mourinyu "Real Madrid" rahbariyatiga Rodrini sotib olish bo'yicha murojaat qilmagan. Murabbiy klubdan jamoa yarim himoyachilaridan uslubi bilan farq qiladigan tayanch yarim himoyachisini so'ragan. Aynan "Real Madrid" rahbarlari Mourinyuga Ispaniya terma jamoasi sardori nomzodini taklif qilishgan. U klubga "sifat", "ehtiyoj" va "narx" mezonlari bo'yicha mos keladi. Mourinyuga Rodrining o'yin uslubi yoqadi. Portugaliyalik mutaxassis dastlab boshqa futbolchilarni so'ragan bo'lsa-da, uning transferiga rozi bo'lgan. Shu sababli "Real Madrid" allaqachon Rodri bilan uchrashuvlar o'tkazgan.

Sky Sport CH xabariga ko'ra, Saudiya Arabistoni klubi «Roma» bilan bog'lanib, futbolchining transfer shartlari va narxi bilan qiziqdi. Bu qiziqish Kone Fransiya terma jamoasi safida ko'rsatgan o'yinlaridan so'ng paydo bo'ldi.

Biroq raqobat juda yuqori. «Manchester Yunayted» hamon yarim himoyachi uchun kurashmoqda. Ayni damda Kone Premer-liga loyihasini afzal ko'rmoqda, ammo Saudiya Arabistoniga o'tish variantini ham butunlay inkor etmayapti. Shu bois, vaziyat ochiq qolmoqda va tez orada o'zgarishi mumkin. «Al-Ahli» dastlabki aloqalarni o'rnatdi, «Roma» esa takliflarni ko'rib chiqishga tayyor.

📻 Cadena SER xabariga ko'ra, "Real Madrid" rahbariyati joriy yozda Rodrini sotib olmoqchi. Ular madridlik futbolchi, jahon chempioni va Ispaniya terma jamoasi sardorini jamoaga qo'shib olish klub uchun foydali bo'lishiga ishonishmoqda.

"Qirollik klubi" direktorlar kengashi tarkibda ispaniyalik futbolchilar ko'proq bo'lishini istaydi, chunki Ispaniya terma jamoasi mundialda eng dominant futbolni namoyish etdi. Klubdagilar milliy jamoada "Real" vakillari ko'proq bo'lishi kerak deb hisoblashadi.

Biroq, Florentino Peres hamon 30 yoshli tayanch yarim himoyachisining transferiga to'sqinlik qilmoqda.

📝 Fabrisio Romano xabariga ko'ra: "Rodrining transferi "Real"ga unchalik katta mablag'ga tushmasdi. Yarim himoyachi hamon madridliklardan qo'ng'iroq kutmoqda, ammo Peres u bilan shartnoma imzolashni istamayapti. Shunga qaramay, agar boshqa rahbarlar Peresni ushbu bitim zarurligiga ishontira olsa, "Real Madrid" Rodrini xarid qilishi mumkin".

Sport xabariga ko'ra, «Barselona» Jyul Kunde ketgan taqdirda, uning o'rniga Pedro Porroni asosiy nomzod sifatida ko'rmoqda.

Biroq, ispan futbolchisi yaqinda «Tottenxem» bilan shartnomasini uzaytirgan va jahon chempionatidagi muvaffaqiyatli o'yinlaridan so'ng uning transfer qiymati oshgan. Shu sababli, ushbu transferni amalga oshirish juda qiyin bo'lishi kutilmoqda.

🗣️ Rio Ferdinand Youri Tielemans haqida:

Aytishim kerakki, Premer-liga va yevrokuboklardagi tajriba hamda aqlli yondashuv. "Yunayted" tovon puli shartidan foydalandi. Bilasizmi, menga bu nima uchun yoqadi? Bu puxta tekshiruv. Bu bozorni tushunish.

Agar ushbu tovon puli sharti bo'lmaganida, uning Premer-ligadagi tajribasi va jahon chempionatida Belgiya terma jamoasi sardori ekanligini hisobga olsak, u 70 million funtdan qimmatroq turardi.

Keling, bir narsani aniqlashtirib olaylik. "Aston Villa" uni sotishni istamasdi. Ular uni aynan shu tovon puli evaziga sotishni xohlashmasdi.

Shu bois, "Manchester Yunayted" ajoyib ish bajardi deb hisoblayman. Bunday darajadagi o'yinchi uchun 35 million funt — bu shunchaki ajoyib.

Juma kuni Germaniya futbol ittifoqi prezidenti va vitse-prezidenti Yurgen Klopp hamda uning agenti bilan uchrashuv o'tkazdi.

Uchrashuv 4 soatdan ortiq davom etdi.

Potensial hamkorlikning asosiy shartlari uchrashuvgacha kelishib olingan edi, biroq terma jamoa rahbarlari masofadan turib muhim qaror qabul qilmaslik uchun AQShga uchib borib, Klopp bilan shaxsan uchrashishga qaror qilishdi.

Klopp endi Germaniya terma jamoasining yangi bosh murabbiyi sifatida 2030-yilgacha mo'ljallangan shartnomani imzolashi kerak. Biroq kelishuv hali to'liq rasmiylashtirilmagan.

Kloppning «Red Bull» bilan shartnomasini Oliver Minslaff bilan maslahatlashgan holda bekor qilish talab etiladi. Minslaff muzokaralar uchun yaqin kunlarda Nyu-Yorkda kutmoqda.

Bild xabariga ko'ra.

«Arsenal» yarim himoya chizig'ini kuchaytirish niyatida va Bruno Gimaraes bo'yicha muzokaralar jadal davom etmoqda. L'Équipe xabariga ko'ra, futbolchi Braziliya terma jamoasining JCh 1/8 finalida Norvegiyaga qarshi kechgan va penaltini aniq amalga oshira olmagan og'ir mag'lubiyatidan so'ng, 28 yoshli yarim himoyachi London klubi bilan besh yillik shartnoma borasida kelishuvga erishgan.

Bundan tashqari, Gimaraes «Nyukasl» rahbariyati va jamoa bosh murabbiyi Eddi Xauga Chempionlar ligasida qayta ishtirok etish uchun Londonga ko'chib o'tish istagi borligini ma'lum qilgan.

«Arsenal» allaqachon 70 million yevrolik rasmiy taklif yuborgan, biroq «Nyukasl» buni rad etgan.

Shunga qaramay, ingliz klubi futbolchining shartnomasi yakunlanishiga ikki yil qolganini va uni foydali sotish uchun ayni muddao ekanligini tushunib turibdi. Ayniqsa, Gimaraes jahon chempionatida 4 ta golli uzatma bilan o'zini ko'rsatganidan keyin. Kutilishicha, yaqin kunlarda «Arsenal» «Nyukasl» talab qilayotgan 90 million yevro summasiga yaqinroq bo'lgan yangi taklifni taqdim etadi.

«Lion» rahbariyati ushbu bitim jarayonini diqqat bilan kuzatmoqda, chunki u klubga qo'shimcha mablag' keltirishi mumkin.

2022-yil yanvar oyida Gimaraes 50 million yevro evaziga «Nyukasl»ga sotilgandi, bunda fransuz klubi kelgusidagi sotuvdan 20 foiz ulush olish huquqini saqlab qolgan. Agar transfer kutilganidek 80 million yevro atrofida amalga oshsa, «Lion» taxminan 6 million yevro ishlab oladi.

🚨DFB (Germaniya futbol ittifoqi) prezidenti Bernd Noyendorf va vitse-prezident Xans-Yoaxim Vatske Yurgen Kloppni Germaniya terma jamoasiga yangi bosh murabbiy etib tayinlash bo‘yicha kelishuvni yakunlash uchun dam olish kunlari Nyu-Yorkka uchib ketishadi

📊 Kelishuv tafsilotlari:

🔴 Shartnoma muddati: 2030-yilgi jahon chempionatini o‘z ichiga olgan holda 2030-yilgacha mo‘ljallangan 4 yillik shartnoma

🔴 Maosh: Klopp Nagelsmann (uning yillik maoshi 7 mln yevroni tashkil etadi) oladiganidan biroz ko‘proq maosh oladi

🔴 Murabbiylar shtabi: Kloppning ko‘p yillik yordamchilari Peter Kravits va Pepeyn Leynders deyarli aniq uning shtabidan o‘rin olishadi. So‘nggi kunlarda Kloppga boshqa potensial yordamchilardan ham ko‘plab takliflar kelib tushgan

🔴 Kompensatsiya: DFB shartnomani muddatidan oldin bekor qilgani uchun Red Bull'ga kompensatsiya to‘lamaydi. Buning o‘rniga Klopp Red Bull brendi elchisi bo‘lib qoladi, bu kompaniya uchun bir martalik millionlik kompensatsiyadan ko‘ra qimmatliroqdir

📰 BILD