Hoffenheim — yangiliklari

Sport xabariga ko'ra, Fisnik Aslani «Xoffenxaym»dan «RB Leypsig»ga o'tishga yaqin turgan bo'lsa-da, «Barselona»dan taklif kutishga qaror qildi.

Hujumchi qo'shimcha vaqt so'radi, chunki «Barsa»ga o'tish uning uchun asosiy ustuvor maqsad bo'lib qolmoqda.

Ushbu iqtidorli forvard uchun kurashda «Xoffenxaym» boshqa da’vogarlar qatori «Verder» va «Portu»ni ortda qoldirishga muvaffaq bo‘ldi.

«Xoffenxaym» 16 yoshli markaziy hujumchi Yakov Dedich bilan shartnoma imzoladi. Forvard klubga Xorvatiyaning «Osiyek» jamoasidan o‘tdi. U Krayxgau jamoasining ikkinchi tarkibida o‘ynaydi va u yerda o‘z o‘sishini davom ettirib, sekin-asta yuqoriroq darajadagi o‘yinlarga tayyorlab boriladi.

🗣 Klub sport direktori Frank Kramer transferga shunday munosabat bildirdi:

«Yakov — bunday yosh bo‘lishiga qaramay, ajoyib sifatlarga ega bo‘lgan va jamoamizga har tomonlama mos keladigan ulkan iqtidor egasidir. Uning hujumchi sifatidagi o‘yini hozirning o‘zidayoq juda yuqori darajada. U juda baquvvat, dinamik va texnik jihatdan kuchli forvard bo‘lib, shu bilan birga kelajakda yanada o‘sishi uchun ulkan salohiyatga ega. Biz uning aynan bizning klubda o‘z imkoniyatlarini to‘liq namoyon eta olishiga ishonamiz».

📊 O‘tgan mavsumda Dedich 16 yoshida Xorvatiya chempionatida «Osiyek» safida debyut qildi va shundan so‘ng asosiy jamoada yana ikkita uchrashuvda maydonga tushdi.

🔝Xorvatiya U-17 terma jamoasining amaldagi a’zosi (15 ta o‘yin, 13 ta gol) 17 yoshgacha bo‘lgan futbolchilar o‘rtasidagi Yevropa chempionatida keng ommaga tanildi. Xorvatiya termasi turnirdan erta chiqib ketganiga qaramay, u o‘zini har tomonlama ko‘rsata oldi, jumladan, Ispaniyaga qarshi bahsda xet-trik qayd etib, turnir to‘purariga aylandi.

«Hoffenxaym» Daniya terma jamoasi futbolchisi Adam Dagimni o'z safiga qo'shib olganini rasman e'lon qildi. 20 yoshli o'yinchi «Red Bull Zalsburg»dan transfer qilindi va klub bilan 2031-yilga qadar mo'ljallangan uzoq muddatli shartnoma imzoladi. OAV xabarlariga ko'ra, klub vinger uchun 13–14 million yevro atrofida tovon puli va bonuslar to'lagan.

Dagim chap oyoqda o'ynaydi va hujum chizig'ining bir nechta pozitsiyalarida harakat qila oladi.

Klub sport direktori Andreas Shiker shunday dedi:

«Adam — yosh va iqtidorli futbolchi. O'zining sifatlari va yuqori tezligi evaziga u ushbu pozitsiya uchun asosiy nomzodimiz edi. Atigi 20 yoshda bo'lishiga qaramay, u katta rivojlanish salohiyatiga ega va ham klub darajasida, ham milliy terma jamoa safida xalqaro tajribaga ega. Qolaversa, o'tgan mavsumda u «Volfsburg» safida to'p surib, Bundesligada o'zini sinab ko'rgan».

Dagimning o'zi shunday deydi:

«Hoffenxaym»ga o'tganimdan juda xursandman. Bu klub yosh o'yinchilarga rivojlanish uchun qanday imkoniyatlar taqdim etishini bilaman. Shu bois ongli ravishda TSGni tanladim va imkon qadar tezroq jamoaning bir qismiga aylanishni intiqlik bilan kutyapman. Birgalikda muvaffaqiyatga erishish uchun bor kuchimni ishga solaman».

Hujumchining bo'yi 189 sm. U «Kopengagen» va «Orxus» akademiyalari tarbiyalanuvchisi hisoblanadi.

2023-yil yozida Dagim «Red Bull Zalsburg»ga o'tdi, shundan so'ng bir mavsumga «Lifering»ga ijaraga berildi. 2024/25-yilgi mavsumda u «Red Bull Zalsburg» safida 47 ta o'yin o'tkazdi: 29 tasi Avstriya chempionatida, 11 tasi Chempionlar ligasida (saralash bosqichini qo'shganda), 4 tasi Avstriya kubogida va 3 tasi FIFA klublar o'rtasidagi jahon chempionatida. U 6 ta gol va 5 ta golli uzatmaga mualliflik qilgan.

O'tgan mavsumni daniyalik futbolchi «Volfsburg»da ijara asosida o'tkazib, 30 ta rasmiy o'yinda maydonga tushdi (2 ta gol, 3 ta assist).

2026-yil iyun oyi boshida Dagim Daniya milliy terma jamoasida debyut qildi. DR Kongo terma jamoasiga qarshi o'rtoqlik uchrashuvida (0:0) u 90 daqiqa davomida maydonda bo'ldi. Bungacha Kopengagenlik futbolchi Daniyaning o'smirlar va yoshlar terma jamoalarida 17 ta o'yin o'tkazgan.

Kristof Froynd Tom Bishof haqida fikr bildirdi:

Uning jamoadagi roli yanada muhimroq bo'ladi. Biz undan katta umidlar kutmoqdamiz va unga to'liq ishonamiz. U haqiqatan ham iqtidorli futbolchi. U ko'proq o'yin amaliyotiga ega bo'lib, zimmasiga yanada ko'proq mas'uliyat oladi. Ishonchim komilki, u bunga tayyor.

Kodai Sano PSV diqqat markazida qolmoqda. NEC yarimhimoyachisi avvalroq «Xoffenxaym»ga o'tishga yaqin turgandi, ammo bu transfer barbod bo'ldi. Shu tariqa, PSV uchun eshiklar yana ochildi. Eyndxovenliklar Sano o'z kelajagi borasida yakuniy qarorga kelguniga qadar kutishga tayyor.