#Pedro Porro — yangiliklari

🚨 Roberto De Zerbi «Tottenxem»ga yangi vingerlar tanlash jarayoni haqida fikr bildirdi:

«Bir-biriga o'xshash futbolchilar bo'lmaydi. Bir vinger qanotda kengroq harakat qilsa, boshqasi markazga intiladi. Kimdir qanot himoyachisi bilan yaxshiroq til topishsa, kimdir yakka tartibda harakat qilishga qodir.

Hozir bizda to'rtta ajoyib qanot himoyachisi bor. O'ylaymanki, Pedro Porro dunyodagi eng yaxshi o'ng qanot himoyachisi. Shuningdek, bizda Udoji, Robertson va har ikki qanotda o'ynay oladigan Jed Spens bor.

Shu sababli, yangi vinger bilan shartnoma imzolashdan avval, u qaysi qanot himoyachisi bilan birga o'ynashini hisobga olishimiz kerak. Biz jamoada bor futbolchilardan kelib chiqib ish tutamiz».

Manba: Alasder Gold

Mateush Fernandes "Tottenxem"ni tanlagani sabablari haqida:

"Bu katta klubda o'ynash, g'alaba qozonish va Premer-ligada birinchi o'rin uchun kurashish istagi edi. U [De Dzerbi] men va oilam bilan suhbatlashgan tarz juda muhim bo'ldi".

"U menga har kuni qo'ng'iroq qildi! Shuning uchun u bilan ishlashdan juda xursandman va katta muvaffaqiyatlarga erishishimizga umid qilaman".

"Hammasi o'zaro tushunishga bog'liq edi. U menga g'amxo'rlik qilishini, Angliyada men uchun ikkinchi ota bo'lishini aytdi!"

"Hozir men u va uning shtabi bilan har kuni gaplashib turibman. U futbol bilan yashaydigan inson va u bilan har kuni birga bo'lganingizda, nega u o'z ishida bunchalik kuchli ekanligini tushunasiz".

"Nafaqat murabbiy, balki inson sifatida ham. Uning g'alaba qozonish istagi, yaxshi o'ynashga, raqibni mag'lub etishga intilishi — u top murabbiy".

Mateush Fernandes to'liq tayyor va sog'lom ekanligini tasdiqladi:

"Do'stlarim buni ko'rib, menga qo'ng'iroq qila boshlashdi. Ular: 'Nima bo'ldi? Jarohat oldingmi?' deb so'rashdi. Yo'q, men shunchaki biroz charchagan edim, jiddiy narsa emas. Hozir to'liq tayyorman".

Pedro Porroning qo'ng'irog'i haqida:

"Bir kuni u menga qo'ng'iroq qildi. Men uxlayotganim uchun javob bermadim. Keyin u: 'Qani, Mateush, biz bilan o'ynashing kerak, sening o'tishingni istaymiz. Seni sotib olishni murabbiyga men aytdim!', dedi".

Sandro Tonali bilan birga o'ynash haqida:

"Ha, ko'ramiz. O'ylaymanki, men chuqurroq o'ynay olaman, lekin u ham chuqurroq o'ynashi mumkin. O'yinga bog'liq: ba'zan u 'oltinchi raqam', men esa 'sakkizinchi raqam'da o'ynashimiz mumkin. U ajoyib inson va fantastik futbolchi".

Mateush Fernandes:

"Premer-ligada har narsa bo'lishi mumkinligini bilamiz. Har bir o'yin juda og'ir. Biz o'z tamoyillarimizga amal qilib, qadam-baqadam, o'yindan o'yinga harakat qilishga intilamiz. Albatta, tarkibimizni kuchaytiradigan o'yinchilarimiz ham bor. Ko'ramiz".

Premer-ligadan ketma-ket ikki marta chiqib ketish haqida:

"Bu futbol. Bu hayot. Hammasidan saboq olish kerak. 'Sautgempton'dagi birinchi mavsumim men uchun eng og'iri bo'ldi, chunki men begona yurtda yolg'iz yashardim va u yerda hamma narsa, jumladan til ham yangi edi. Men ingliz tilida gapirmasdim va yonimda portugal yoki ispan tilida gaplashadigan hech kim yo'q edi. Biroz qiyin bo'ldi, shuning uchun 'Vest Xem'ga o'tib, yaxshi tayyorgarlik ko'rishim muhim edi. Bu ikki mavsum davomida maydon tashqarisida ko'p narsani o'rgandim: o'yinlardan keyin o'zimga vaqt ajratishni, boshqa ishlar bilan shug'ullanishni boshladim. Hozir ikki yil avvalgiga qaraganda ancha yaxshi tayyorman. Bu men uchun juda muhim edi".

«Tottenhem» yaqin haftalarda Savio transferini yakunlashi kutilmoqda, biroq Roberto De Zerbi yana bir yirik transfer amalga oshishi mumkinligiga ishora qildi.

Transfer bozorida menga qaysidir futbolchi kerak bo'lsa, men akulaga aylanaman. «Yo'q» deyishga imkon yo'q! Transfer oynasi hali yakunlangani yo'q, lekin biz bozordagi rejamizning 60 foizini bajardik. Hozir bizda yana bir bomba bo'ladi!

De Zerbi yangi xarid hujumchi bo'lishini tasdiqladi. Bitim yakunlanishiga yaqinmi, degan savolga u shunday javob berdi:

Umid qilaman, lekin bu hali aniq yakuniga yetgani yo'q.

Football.London xabariga ko'ra, De Zerbi Umar Marmushning muxlisi hisoblanadi.

De Zerbi transfer maqsadlari ro'yxati sport direktori Yohan Lange bilan muzokaralar vaqtida, ya'ni jamoani boshqarishga rozi bo'lishidan oldin tuzilganini aytdi:

Ko'plab futbolchilarni hozir ko'rayotgan bo'lsangiz, ular bizning rejalarimizga mart oyining o'rtalaridan kirgan. Reja boshidanoq tushunarli edi. Asosiy muammo Premer-ligada qolish va u yerda chiqish qilishni davom ettirish edi.

De Zerbi Romero va Gulyelmo Vikarioning Londonni tark etish istagini hurmat qilishini bildirdi:

Mening yo'lim boshida, aprel oyida, millionlab individual uchrashuvlar o'tkazdim! Futbolchilar menga o'z rejalarini aytib berishdi. Men esa: «Ha, menga ligada qolishga yordam bering, keyin men sizga ketishingizga yordam beraman. Agar qolishimga yordam bermasangiz, men bilan birga cho'kib ketasiz!», deb javob berdim.

Lekin Romero men bilan ishlashda ajoyib edi. Yuqori saviya. Xulq-atvori, hurmati bo'yicha u oxirgi o'yinda maydonga tushmaganida xavotirda edi. Uning Argentina terma jamoasiga jahon chempionatiga tayyorgarlik ko'rish uchun ketmoqchi bo'lgani haqidagi gaplar yolg'on. Bu haqiqat emas.

Yarim finaldan keyin biz xabarlar almashdik, lekin uni qolishga ko'ndirish uchun hech qachon qo'ng'iroq qilmaganman. U menga nima degan bo'lsa, o'shani hurmat qildim. Vikario va har bir futbolchi bilan bo'lgani kabi. Romero futbolchi sifatida dunyodagi eng yaxshi markaziy himoyachilardan biri, lekin yakunda men futbolchilarning tanlovini hurmat qilishimni aytdim.

De Zerbi Pedro Porroni dunyodagi eng yaxshi o'ng qanot himoyachisi deb hisoblaydi va Spens hamda Lukas Bergvall boshqa jamoada doimiy o'yin amaliyotini izlashi mumkinligiga ishora qildi, biroq ularni saqlab qolishni istaydi.

Jed va Lukasga nima degan bo'lsam, sizga ham shuni aytaman: «Qolishingizni istardim. Qolishingizni xohlayman. Agar o'zingiz xohlasangiz, qolishingizni istardim».

Agar qolishni istamasangiz, ketmoqchi bo'lsangiz, buni Vinay va Yohan bilan muhokama qiling, chunki men narx va sotuvlar bilan shug'ullanmayman. Vinay va Yohan bilan eng yaxshi strategiyani muhokama qilishim mumkin, lekin 30 yoki 40 million funtlik masalalarni men hal qilmayman — bu mening vazifam emas va buni o'zgartirishni istamayman. Murabbiy bo'lishning o'zi yetarlicha qiyin va men murabbiy bo'lib qolishni istayman.

Lekin men futbolchilarning g'oyalari, fikrlari va rejalarini hurmat qildim. Biroq, agar ular qolsalar, mening qoidalarimga va maydondagi qarorlarimga amal qilishlari kerak.

Agar ikki-uch o'yindan keyin kimdir tarkibga kirmay qolsa va xafa bo'lsa yoki boshqa futbolchilar, murabbiylar, shtab yoki klubga nisbatan noto'g'ri munosabatda bo'lsa, biz katta xatoga yo'l qo'ygan bo'lamiz, chunki o'tgan mavsum saboqlarini o'rganmagan bo'lamiz.

Vinger bilan shartnoma imzolashdan oldin biz qanot himoyachilarimizni hisobga olishimiz kerak, chunki biz aynan ulardan, tarkibda bor futbolchilardan boshlaymiz, to'g'rimi?

Bir xil futbolchilar yo'q. Vinger keng o'ynashi, markazga o'tishi, qanot himoyachisi yordamisiz o'ynashi yoki u bilan hamkorlik qiladigan futbolchi bo'lishi mumkin. Hozir bizda to'rtta ajoyib qanot himoyachisi bor, balki dunyodagi eng muhim to'rtta qanot himoyachisi, chunki men Pedro Porroni dunyodagi eng yaxshi o'ng qanot himoyachisi deb bilaman, shuningdek, bizda Udoji, Robbo va o'ng hamda chapda o'ynay oladigan Spens bor.

Shuningdek, gollar sonini ham hisobga olishimiz kerak. O'yin uslubi, futbol sifati, yarim himoyachilar va hujumchilar hisobiga urilgan to'plar sonini oshirishimiz kerak, lekin gol ura oladigan futbolchilarni olib kelishimiz zarur. Biz standart vaziyatlar haqida o'ylashimiz, jamoaning bo'yi va jismoniy kuchini ham oshirishimiz kerak.

Lekin transfer bozorining g'oyasi shunday: sutkasiga 24 soat jamoa uchun qaysi futbolchi eng yaxshi variant bo'lishi haqida o'ylaysan. Men uchun bu bosim emas, balki ishimning eng yoqimli qismlaridan biri.