#Cadena SER — yangiliklari

Cadena SER xabariga ko'ra, "Barselona" yozgi transfer oynasida Rodrini o'z safiga qo'shib olishga urinib ko'rishi mumkin. Kataloniyaliklar 30 yoshli futbolchiga jiddiy qiziqish bildirmoqda. 📻

Biroq, hozircha Rodri "Barselona"ga o'tishga rozi bo'lmagan. Shu sababli, "Real Madrid" tayanch yarim himoyachisi uchun kurashda kataloniyaliklardan oldinda bormoqda.

Corriere della Sera xabariga ko'ra, «Milan» klubi yangi hujumkor yarim himoyachi izlamoqda. «Rossoneri» bir nechta qiziqarli variantlarni kuzatib bormoqda:

Franko Mastantuono («Real»)

Itan Nvaneri («Arsenal»)

Mastantuono bilan bog'liq g'oya Braim Dias tarixini eslatadi: «Real»ning yosh iqtidorli futbolchisi muntazam o'yin amaliyotiga ega bo'lish uchun Yevropaga ijaraga berilishi mumkin.

Shuningdek, Braim Dias hamon «Milan» nishonida qolmoqda. Ispaniyalik futbolchining Madridda o'z o'rnini topish istagiga qaramay, klub uning vaziyatini kuzatishda davom etmoqda.

📰 AS gazetasi muqovasi: Rodri: hal qiluvchi kun.

Bugun Madridda JCH-2026ning eng yaxshi futbolchisini sotib olish bo'yicha taklif bilan chiqish kerakmi yoki yo'q, shuni hal qilishadi. Klubdagi ko'pchilik buni amalga oshirish kerak deb hisoblamoqda. Transfer narxi 40–50 million yevroni tashkil qilishi mumkin.

📻 Cadena SER: Real Madrid allaqachon Manchester Cityga Rodri uchun 50 million yevrolik og'zaki taklif bilan chiqqan. Hozirda qirollik klubi shaharliklardan javob kutmoqda.

Real Madrid 30 yoshli tayanch yarim himoyachisining transferini xuddi Kukurelya va Diomande transferlarida bo'lgani kabi bir necha soat ichida rasmiylashtirishi mumkin.

📻 Cope: Ayni damda Real Madrid Rodri transferi ustidagi ishlarni tezlashtirmoqda. Klub rahbarlarida ushbu yarim himoyachini sotib olish zarurati bo'yicha hech qanday shubha qolmagan.

📻 Meana (Cadena SER jurnalisti): Madridda Rodri ham samaradorlik, ham narx bo'yicha jamoani kuchaytirish uchun eng yaxshi variant ekanligini yaxshi tushunishadi, ayniqsa uning shartnomasi yakunlanayotganini hisobga olsak. Uning sport formasiga nisbatan shubhalar esa [JCHda] to'liq tarqalib ketdi. Yakunda u yozda Madridda bo'lmasligini tasavvur qila olmayapman.

📻 E. Peres (Cope jurnalisti): Madrid rahbariyati, shu jumladan Peres, so'nggi ikki yil davomida Rodri uslubidagi futbolchini sotib olmay, o'zlarini kulgili ahvolga solib qo'yishdi. Shu sababli klub u uchun istalgan pulni to'lashi kerak. Va bilasizmi, men nima deb o'ylayman?! Madrid uni allaqachon sotib bo'ldi.

📻 Cadena SER xabariga ko'ra, "Manchester Yunayted" yozgi transferlar oynasida Orelien Tchuameni uchun harakat qilib ko'rishi istisno qilinmayapti.

Eslatib o'tamiz, matbuotda tarqalgan ma'lumotlarga ko'ra, "Real Madrid" 26 yoshli tayanch yarim himoyachisi bilan shartnomani 2031-yilga qadar uzaytirgan.

📻 Cadena SER xabariga ko'ra, Diomandening «Real Madrid»ga o'tishi faqat vaqt masalasi. Madridliklar 19 yoshli vinger bilan shaxsiy shartnoma shartlarini kelishib bo'lishdi. Endilikda «qaymoqranglilar» «Leyptsig» bilan ayrim detallarni hal qilishlari qoldi.

Ivuarli futbolchining transferi «Madrid»ga 115-120 million yevroga tushishi kutilmoqda.

Cadena SER xabariga ko'ra, Arsenal Vinisiusni qo'lga kiritish uchun bor imkoniyatini ishga soladi. Agar transfer uchun yashil chiroq yonsa, londonliklar braziliyalik futbolchini Yevropadagi eng ko'p maosh oluvchi o'yinchilardan biriga aylantirishga tayyor.

Kelasi hafta 26 yoshli vinger mavsumoldi tayyorgarligini boshlash uchun Madridga qaytadi. Shu bilan birga, uning vakillari klub bilan shartnomani uzaytirish bo'yicha muzokaralarni davom ettiradi. Mourinyu Vinisiusning jamoada qolishini istamoqda. Ammo Arsenal vaziyatni diqqat bilan kuzatmoqda.

AS ma'lumotiga ko'ra, ham Real Madrid, ham Vinisius shartnomani uzaytirishni istaydi. Futbolchi yiliga 18 million yevro atrofida maosh olishi mumkin edi, ammo u 20 million yevro talab qilmoqda. Shu sababli muzokaralar to'xtab qolgan, tomonlar yon berishni istashmayapti. Bundan tashqari, so'nggi oylarda Vinisius klubning Xulian Alvares va Maykl Olise kabi futbolchilarga bo'lgan qiziqishi sabab o'zini qadrsizlangandek his qilgan. Shunga qaramay, yakunda braziliyalik futbolchi Madrid bilan shartnomasini uzaytirishi kutilmoqda.

Pikon (sobiq Relevo jurnalisti) xabariga ko'ra:

Vinisius Madridda qolishni istaydi. Futbolchiga yaqin manbalarning ta'kidlashicha, hozircha hech qanday klub u bilan bog'lanmagan.

Real Madrid esa vinger bilan shartnoma muddati tugashiga bir yil qolgan holda yangi mavsumga kirishishdan boshqa variant yo'q deb hisoblamoqda. Madridliklar futbolchi bilan mavsum davomida yangi bitim imzolanishini istisno etmayapti, biroq klub o'z taklifini yaxshilashni rejalashtirmayapti. Shu bois, Real Madrid Vinisiusning vakillariga, agar futbolchi jamoani o'zgartirishni istasa, klub uni yozda sotishga tayyorligini ma'lum qilgan.

Ronsero (AS gazetasi direktor o'rinbosari) fikricha:

Umid qilamanki, Diomande transfer qilingan taqdirda ham Vinisius Madridda qoladi. Ammo men sodda emasman. O'ylashimcha, Diomandening kelishi Vinisiusning ketishini anglatadi.

📻 Cadena SER jurnalisti Pulido Rodri haqida o'z fikrlarini bildirib o'tdi:

Rodri "Madrid" tarkibiga juda mos tushadi. Toni Kroos ketganidan keyin jamoaga aynan shunday futbolchi yetishmayotgandi.

Corriere della Sera xabariga ko'ra, Pellegrinining agenti Pochetta va D'Amiko o'rtasidagi so'nggi uchrashuv o'tgan juma kuni bo'lib o'tdi.

Tomonlar o'rtasidagi kelishmovchiliklar saqlanib qolmoqda. Gap shartnoma muddati haqida ketmoqda: klub ikki yillik shartnoma taklif qilayotgan bo'lsa, futbolchi uch yillik bitim imzolashni istamoqda. Moliyaviy shartlar bo'yicha 2,5 million yevro va bonuslar evaziga kelishuvga erishish mumkin. Vaziyat rivoji kuzatilmoqda.

📻 Cadena SER xabariga ko'ra, «Real Madrid» futbolchilari klub yozgi transfer oynasida Rodrini tarkibga qo'shib olishini istashmoqda.

«Qirollik klubi» o'yinchilari 30 yoshli tayanch yarim himoyachisining transferi jamoaga juda ijobiy ta'sir ko'rsatishiga ishonishadi.

Cadena SER xabariga ko'ra, ispaniyalik futbolchi «Real Madrid»ga o'tish uchun har qanday shartlarga rozi bo'lishga tayyor. 🚨

Biroq, futbolchining katta istagiga qaramay, Florentino Peres uni tarkibga qo'shib olishdan manfaatdor emas.

📻 Valentin (Radio Marca jurnalisti): "Yarim himoya - futboldagi eng muhim bo'g'in. Klublar va terma jamoalarni boshqarayotgan odamlar buni qanday tushunmasligini sira tushuna olmayapman... Nega "Real Madrid" Rodrini sotib olishdan manfaatdor emas?!🤷🏻‍♂️"

📰 B. Fernandes (jurnalist): "Madrid" Rodriga joy bo'shatish uchun amaldagi yarim himoyachilaridan biri bilan xayrlashishi kerak. Klub uni sotib olishi shart. [Jahon chempionatidagi o'yini bilan] Rodri meni gapimni qaytib olishga majbur qildi"

📻 Cadena SER: "Madrid" rahbariyatining ayrim vakillari hamon Rodri transferiga qiziqish bildirmoqda

📻 Cadena SER xabariga ko'ra, agar Mourinyu qarorini o'zgartirmasa, Mastantuono yozda "Real Madrid"ni ijara asosida tark etadi.

18 yoshli argentinalik futbolchining yangi klub borasida aniq bir tanlovi yo'q. Biroq, "qaymoqranglilar" vingerning faqat Yevropa jamoalaridan biriga o'tish imkoniyatini ko'rib chiqmoqda, shu sababli uning "River Pleyt"ga qaytishi istisno etilgan.

Cadena SER xabariga ko'ra, "Barselona" hamon Rodrini o'z safiga qo'shib olishdan juda manfaatdor, biroq futbolchi hali transferga rozilik bermagan.

Ayni damda "Real Madrid" yarim himoyachi uchun kurashda "Barselona"dan oldinda bormoqda.

📻 Cadena SER xabariga ko'ra, Mourinyu hamon «Real Madrid» rahbariyatidan yana bir markaziy himoyachini sotib olishni talab qilmoqda.

Bunda yangi himoyachini tarkibga qo'shib olish uchun «qaymoqranglilar» amaldagi futbolchilardan biri bilan xayrlashishlari kerak bo'ladi. Asensio «Real Madrid»ni tark etish uchun eng katta imkoniyatga ega nomzod hisoblanadi.

📰 Marca nashrining bugungi soni muqovasi:

"Yashil chiroq [Rodri uchun]"

"Real Madrid" Rodrini tarkibga qo'shib olish jarayonini boshladi. Yarim himoyachi Diomande transferidan keyin jamoaning navbatdagi yangi futbolchisiga aylanadi. Kecha u bel qismidagi kichik jarohat sabab operatsiya qilindi.

📰 AS ma'lumotiga ko'ra, Rodri "PSJ"ga o'tishni rejalashtirmayapti, garchi parijliklar u bilan bog'langan bo'lsa ham.

30 yoshli tayanch yarim himoyachisi "PSJ"ning qiziqishiga "Yo'q, rahmat" deb javob bergan. Rodri hatto Fransiya klubining taklifini eshitishni ham istamadi.

📻 Cadena SER xabariga ko'ra, Rodrining "Real Madrid"ga o'tish ehtimoli ortib bormoqda. Klub uning transferi bo'yicha operatsiyani faollashtirdi, bu esa JChga qadar imkonsiz deb hisoblanar edi.

📻 M. Riko (Cope jurnalisti): "Madrid" yozgi transfer bozorida aqlli harakat qilmoqda. Ammo aynan Rodri jamoa uchun yetishmayotgan bo'g'in. U jamoaga impuls bera oladigan sanoqli yarim himoyachilardan biri. Shu sababli, "Madrid"ning Rodrini qo'lga kiritishni istashi tabiiy hol".

⚪️ Globo Brasil xabariga ko'ra, Arsenal Vinisius transferi bo'yicha muzokaralarni boshlashga tayyor.

Ushbu qaror bitimni amalga oshirish imkoniyati haqida ijobiy signallar olingandan so'ng qabul qilingan.

⚪️ Cadena SER ma'lumotiga ko'ra, Arsenalning Vinisiusga bo'lgan qiziqishi juda jiddiy va real.

Real futbolchiga yangi shartnoma taklif qildi. Agar u shartnomani uzaytirishdan bosh tortsa, klub allaqachon uning o'rnini bosadigan nomzodni aniqlab qo'ygan.

📰 AS xabariga ko'ra, Madrid klubi Vinisius Juniorning kelajagi borasida imkon qadar tezroq aniqlik kiritmoqchi. Madridliklar kelasi mavsumda ushbu mavzu atrofidagi mish-mishlar bilan shug'ullanishni istashmayapti.

Shu bois, 26 yoshli futbolchi kelasi yili yakuniga yetadigan shartnomasini uzaytirishi yoki sotuvga qo'yilishi kerak.

📻 Cadena SER ma'lumotiga ko'ra, Madrid klubida Vinisiusning kelajagi aynan uning o'ziga bog'liq deb hisoblashmoqda. Madridliklar allaqachon vitse-sardorga o'rinbosar sifatida Diomandeni imzolab qo'yishgan, bu esa futbolchi shartnomani uzaytirmagan taqdirda qo'llaniladi.

Arsenal rostdan ham Vinisiusga qiziqish bildirmoqda. Shu sababli, Diomandening transferi yakunda braziliyalik futbolchining Madridni tark etishiga olib kelishi istisno qilinmayapti.

Cadena SER xabariga ko'ra, «Atletiko Madrid» Xulian Alvaresni «Barselona»ga sotish niyati yo'qligini ma'lum qildi.

Klub to'g'ridan-to'g'ri raqibini kuchaytirishni istamaydi va «Barselona»ning bu boradagi harakatlaridan norozi.

Shu bilan birga, «Atletiko» agar munosib taklif tushsa, Xulianni «Arsenal»ga sotish variantini ko'rib chiqishga tayyor.

Cadena SER xabariga ko'ra, Madrid klubining texnik hisobotlari Rodri jamoa yarim himoyasini kuchaytirish uchun bozordagi eng yaxshi variant ekanligini ko'rsatmoqda. Biroq, hozircha tomonlar o'zaro aloqaga chiqishmagan.

Marca ma'lumotiga ko'ra, Rodri yaqin orada bel qismida ambulator operatsiyani boshdan kechiradi.

Shunga qaramay, ushbu jarayon 30 yoshli yarim himoyachiga kelgusi mavsumda qaysi jamoada to'p surishidan qat'i nazar, yozgi mavsumoldi tayyorgarlikni boshlashiga xalaqit bermaydi.

OkDiario xabariga ko'ra, barchasi Florentino Peresning yakuniy qaroriga bog'liq.

Cadena SER ma'lumotiga ko'ra, futbolchining o'zi "Real Madrid"ga o'tishni istamoqda va buning uchun klub taklif qiladigan har qanday shartlarga rozi bo'lishga tayyor.

📻 Cadena SER xabariga ko'ra, "Real Madrid" rahbariyati joriy yozda Rodrini sotib olmoqchi. Ular madridlik futbolchi, jahon chempioni va Ispaniya terma jamoasi sardorini jamoaga qo'shib olish klub uchun foydali bo'lishiga ishonishmoqda.

"Qirollik klubi" direktorlar kengashi tarkibda ispaniyalik futbolchilar ko'proq bo'lishini istaydi, chunki Ispaniya terma jamoasi mundialda eng dominant futbolni namoyish etdi. Klubdagilar milliy jamoada "Real" vakillari ko'proq bo'lishi kerak deb hisoblashadi.

Biroq, Florentino Peres hamon 30 yoshli tayanch yarim himoyachisining transferiga to'sqinlik qilmoqda.

📝 Fabrisio Romano xabariga ko'ra: "Rodrining transferi "Real"ga unchalik katta mablag'ga tushmasdi. Yarim himoyachi hamon madridliklardan qo'ng'iroq kutmoqda, ammo Peres u bilan shartnoma imzolashni istamayapti. Shunga qaramay, agar boshqa rahbarlar Peresni ushbu bitim zarurligiga ishontira olsa, "Real Madrid" Rodrini xarid qilishi mumkin".

📻 Cadena SER xabariga ko'ra, Rodri joriy yozda «Real Madrid»ga o'tish ehtimoli 0 foizni tashkil etadi.

Klub 30 yoshli tayanch yarim himoyachisini sotib olishdan bosh tortmoqda. «Qirollik klubi» bu qarorni jahon chempionati boshlanishidan oldin qabul qilgan va u o'zgarmaydi.

Lorenso Pellegrini «Roma» bilan shartnomasini uzaytirish imkoniyatini ko'rib chiqmoqda. La Gazzetta dello Sport xabariga ko'ra, yarim himoyachi «Yuventus» takliflarini rad etgan va faoliyatini poytaxt klubida davom ettirishga umid qilmoqda.

Il Messaggero nashri qo'shimcha qilishicha, Pellegrini «Yuventus» va «Beshiktosh»dan tushgan moliyaviy jihatdan foydaliroq takliflarga qaramay, «Roma» bilan shartnomani uzaytirish bo'yicha muzokaralarni davom ettirmoqda.

Corriere della Sera ma'lumotiga ko'ra, yangi shartnoma muddati bo'yicha masala hali ochiq qolmoqda. Tomonlarning yakuniy uchrashuvi yaqin kunlarda bo'lib o'tishi kutilmoqda.