#Curtis Jones — yangiliklari

Sky Sport xabariga ko'ra, «Inter» Curtis Jonesni qo'lga kiritish borasidagi urinishlarini to'xtatmayapti. Milan klubi yarim himoyachini har qanday yo'l bilan o'z safiga qo'shib olmoqchi.

Tomonlar o'rtasida faol muzokaralar ketmoqda. Futbolchining o'zi ham «Inter»ga o'tishga tayyor, klub esa uni barcha jihatdan ideal variant deb hisoblamoqda.

The Athletic xabariga ko'ra, "Inter" Curtis Jones uchun taklifini 35 million yevrogacha oshirishga tayyor. "Liverpool" futbolchini taxminan 40 million yevroga baholayotganini hisobga olsak, tomonlar kelishuvga erishishi ehtimoli ortib bormoqda.

Futbolchining shartnomasi yakuniga yetishiga bir yil qoldi va uni uzaytirish bo'yicha hech qanday qadam tashlanmadi. Shu sababli, tomonlar uchun xayrlashuv eng mantiqiy yechim bo'lishi mumkin.

O'tgan yilning noyabrida Thomas Tuchel uni chaqirishni to'xtatgunga qadar Angliya terma jamoasi tarkibida bo'lgan Jones rotatsiya elementi emas, balki jamoaning asosiy o'yinchilaridan biri bo'lishni istaydi. Bu esa "Liverpool"da ro'y berishi qiyin.