Matteo Moretto xabariga ko'ra, «Atalanta» «Deportivo La-Korunya» futbolchisi Yeremay hamda «Lion» vakili Malik Fofanani transfer qilish imkoniyatlari bo'yicha ma'lumot so'radi.
📞 Matteo Moretto xabariga ko'ra, «Atalanta» «Deportivo La-Korunya» futbolchisi Yeremay hamda «Lion» vakili Malik Fofanani transfer qilish imkoniyatlari bo'yicha ma'lumot so'radi.
Paulo Fonseka Malik Fofananing sog'lig'i bilan bog'liq vaziyat yuzasidan izoh berdi. Futbolchi hali ham jamoaga qo'shila olmayapti.
Paulo Fonseka «Lion» va «Servett» o'rtasidagi o'yindan so'ng Malik Fofana haqidagi savolga javob berar ekan, quyidagilarni ta'kidladi:
Men u bugun bir necha daqiqa o'ynashi kerakligini aytgandim va har doim imkon qadar haqiqatni gapirishga harakat qilaman.
Portugaliyalik murabbiyning va'dalariga qaramay, belgiylik vinger chorshanba oqshomida Burguen-Jalye shahrida o'tkazilgan o'yin qaydnomasiga kiritilmadi. Bu holat muxlislarning noroziligiga sabab bo'lmoqda, ular olti oydan beri futbolchining maydonga qaytishini kutishmoqda.
Dastlab Fofana yanvarda, keyin fevral va mart oylarida safga qaytishi kutilgandi. Yozgi tanaffus va to'liq tayyorgarlikdan so'ng Malik Fofanani maydonda ko'rishga umid qilingan edi. Biroq, futbolchi dastlabki uchta o'rtoqlik uchrashuvini o'tkazib yubordi va yaqin vaqt ichida maydonga tushishi dargumon.
Biz Malik bugun oqshom biz bilan bo'lishini rejalashtirgandik. Ammo so'nggi kunlarda shubhalar paydo bo'ldi. Biz tavakkal qila olmaymiz.
Fofana uchun qisqartirilgan yozgi tayyorgarlik klub ichida ko'plab savollarni keltirib chiqarmoqda. Fonsekaning so'zlariga ko'ra, belgiylik futbolchi Angliyadagi jarrohlarga ham murojaat qilgan.
O'ylaymanki, so'nggi kunlarda Malikni Angliyada ko'zdan kechirgan jarrohlar Lionda uni operatsiya qilgan shifokorlar bilan uchrashuv o'tkazishadi. Hammasi yaxshi bo'lishiga umid qilaman.
Fonseka futbolchining mashg'ulotlardagi munosabatini ijobiy baholadi, ammo vaziyatning murakkabligini tan oldi:
Haqiqat shundaki, u mavsumni og'riqlar bilan boshladi va jarrohlar keyingi qarorni qabul qilish uchun vaziyatni tushunib olishlari kerak.
Malik Fofana «Olimpik Lion» uchun «ichki kuchaytirish» vazifasini o'tashi kutilgan edi, ammo hozirda uning holati klub uchun katta noaniqlik bo'lib qolmoqda. Shunga qaramay, Paulo Fonseka futbolchi tezroq safga qaytib, jamoa bilan birga normal ishlashini umid qilmoqda.
Fabrisio Romanoning xabar berishicha, "Atalanta" "Lion" vingeri Malik Fofanani o'z safiga qo'shib olishni rejalashtirmoqda.
"Atalanta" "Lion" vingeri Malik Fofanaga e'tibor qaratdi. Futbolchi bilan so'nggi haftalarda "Roma" ham qiziqayotgani haqida xabarlar chiqqandi.
Fabrisio Romano xabariga ko'ra, Bergamo klubi belgiyalik futbolchini Sarri talab qilgan hujum chizig'ini kuchaytirish uchun nomzod sifatida ko'rib chiqmoqda.
«Roma» «Lion» vingeri Malik Fofanani o'z safiga qo'shib olmoqchi. Rimliklar futbolchi uchun muzokaralarni boshlab yuborgan.
Hujumkor vinger pozitsiyasi uchun nomzodlar ro'yxatida yangi futbolchi paydo bo'ldi. 📰
Giallorossi.net xabariga ko'ra, «Roma» «Lion» klubi vingeri Malik Fofanani sotib olish ustida ishlamoqda. Fofana o'zining texnik qobiliyatlari, yoshi va o'sish salohiyati tufayli juda istiqbolli o'yinchi hisoblanadi.
Fofana o'ng oyoqda harakatlanuvchi vinger bo'lib, hujumning har ikki qanotida o'ynay oladi, ammo ko'proq chap qanotda samaraliroq. U tezkor, texnikasi kuchli va birga-bir vaziyatlarda raqibni ortda qoldira oladigan futbolchi. Uning xususiyatlari «Roma»ning sobiq nishoni bo'lgan Krisensio Sammervillga juda o'xshash.
«Roma» futbolchi bo'yicha so'rovlar yuborgan va muzokaralarni boshlagan. Fofananing maoshi «Roma» uchun maqbul (soliqlargacha 2,7 million yevro), klub unga 4 million yevro maosh taklif qilishga tayyor. Asosiy to'siq — uning transfer narxi. «Lion» futbolchi uchun 40 million yevro atrofida mablag' talab qilmoqda, «Roma» esa bu summani pasaytirishga urinmoqda.
O'tgan mavsumda Fofana «Barselona» kabi klublarning e'tiborida bo'lgan, biroq jiddiy to'piq jarohati uning barqaror o'yin ko'rsatishiga xalaqit bergan. Hozirda u jarohatdan forig' bo'lib, mashg'ulotlarga qaytgan. «Roma» futbolchining sifatiga va uning Gasperini taktik dasturiga mos kelishiga ishonchi komil.
Ayni damda bu variant diqqat markazida qolmoqda. Agar Nusa bilan bog'liq muzokaralar ijobiy yakunlanmasa, Malik Fofana «Roma» uchun asosiy maqsadga aylanishi mumkin. D'Amiko transferni iyul oyi oxirigacha yakunlash ustida ishlamoqda.
Fikr qoldirish va reaksiya uchun Telegram orqali kiring.