PSV bosh murabbiyi Peter Bosh "Ayaks"ning transfer siyosati haqidagi savolga kinoya bilan javob qaytardi.
🤭 Peter Bosh:
"Ayaks"ning transferlari tufayli asabiylashamanmi? Ha, har kecha yotoqda titrab yotaman. Uyquga ketishim juda qiyin. Hatto dori ichishimga ham to'g'ri keladi".
Marokashlik himoyachi Salah-Eddin «Roma»ni tark etishi mumkin. Unga «Antverpen» va Erediviziya klublari qiziqish bildirmoqda.
AfricaFoot xabariga ko'ra, marokashlik qanot himoyachisi «Olimpiakos» taklifini rad etganidan so'ng, unga «Antverpen» qiziqish bildirmoqda. Gretsiya klubi «jallorossi» rahbariyati bilan kelishuvga erishgan bo'lsa-da, futbolchi o'z qarorini o'zgartirdi.
Belgiya klubi futbolchini sotib olish huquqi bilan ijaraga olish bo'yicha aniq taklif bilan chiqdi. Marokash terma jamoasidagi o'rnini saqlab qolish uchun raqobatbardosh chempionatda o'ynashni istayotgan Salah-Eddin ushbu variantni ko'rib chiqmoqda.
«Roma» uchun ustuvor vazifa futbolchini to'liq sotib yuborish hisoblanadi, chunki Gasperini uni kelgusi mavsumdagi taktik rejalariga kiritmagan. «Antverpen»dan tashqari, Erediviziya klublari ham vaziyatni kuzatmoqda. Ular PSV safidagi muvaffaqiyatli o'yinlari orqali Niderlandiya chempionatiga yaxshi tanish bo'lgan himoyachini qaytarish niyatida. Ayni damda «Roma» va Belgiya klubi kelishuvni yakunlash bo'yicha muzokaralar olib bormoqda.
Ajax Mika Godts transferi bo'yicha PSJdan rasmiy taklif kutmoqda. De Telegraaf xabariga ko'ra, klub futbolchi uchun yuqori narx belgilagan.
Ajax Mika Godts transferi bo'yicha PSJdan rasmiy taklif kutmoqda.
De Telegraaf xabariga ko'ra, klub texnik direktori Jordi Kroyff futbolchi uchun PSV Ismael Saibari transferidan olganidan ancha yuqoriroq summa talab qilmoqda.
PSV klubi rasman Mayron Boadu jamoani tark etganini e'lon qildi. Niderlandiya klubi futbolchiga minnatdorchilik bildirdi.
PSV klubi rasman Mayron Boadu jamoani tark etganini e'lon qildi.
Barchasi uchun rahmat, Mayron!
PSV RB Leyptsig himoyachisi Lyutsarel Gertreydani o'z safiga qo'shib olishni rejalashtirmoqda, ammo transfer moliyaviy jihatdan murakkab bo'lishi mumkin.
PSV yaqinda Lyutsarel Gertreydani RB Leyptsigdan sotib olish imkoniyatiga qiziqish bildirdi. Klub dastlabki muzokaralarni o'tkazdi, ammo potentsial transfer murakkab jarayon bo'lishini tushunib turibdi. Leyptsig yuqori tovon puli talab qilmoqda, shu sababli PSV moliyaviy imkoniyatlarini baholab olishi kerak.
Shaxsiy shartnoma masalasi katta to'siq bo'lmaydi, shekilli. Gertreyda Eyndxoven klubiga o'tishga tayyor va o'z faoliyatini sovrinlar uchun kurashayotgan jamoada qayta tiklamoqchi. Biroq, hozircha aniq muzokaralar olib borilmayapti; PSV keyingi qadamlarni tashlashdan oldin vaziyatni o'rganmoqda.
PSV Kodai Sano bo'yicha muzokaralarni vaqtincha to'xtatdi. Tomonlar yevrokubok o'yinlaridan so'ng muzokaralarni qayta boshlashni rejalashtirmoqda.
PSV hamon Kodai Sanoni yarim himoya uchun ideal kuchaytirish varianti deb hisoblaydi, ammo muzokaralarni vaqtincha to'xtatib turishga qaror qildi. Eyndxovenliklar yaponiyalik futbolchiga NEC bilan Yevropa pley-off bahslariga to'liq diqqat qaratish imkonini bermoqchi, shundan so'ng muzokaralar qayta boshlanishi kutilmoqda.
PSV yevrokubok o'yinlaridan so'ng yarim himoyachi bo'yicha muzokaralarni davom ettirmoqchi. NEC klubi Sano uchun taxminan 18 million yevro talab qilayotgani, shaxsiy shartlar bo'yicha esa muammo yo'qligi aytilmoqda. Futbolchining o'zi chempionlar safiga o'tishga tayyor va Eyndxovenga ko'chib o'tishga qarshi emas. Shu tariqa, Sano Ernest Styuartning transfer oynasi yakuniy bosqichi uchun asosiy ustuvor maqsadlaridan biri bo'lib qolmoqda.
PSV darvozaboni Yoel Drommel "Tvente"ga o'tishi mumkin. Klublar transfer bo'yicha muzokaralarni boshlab yuborishdi.
"Tvente" klubi PSV darvozaboni Yoel Drommelni o'z safiga qo'shib olish bo'yicha rasmiy murojaat bilan chiqdi. Darvozabon bosh murabbiy Peter Bosning rejalariga kirmaydi va uning Ensxedega qaytishi jiddiy variant sifatida qaralmoqda. NEC klubida ham qiziqish bo'lgan, ammo ular futbolchini faqat ijaraga olmoqchi edi.
Drommel "Tvente"ga qaytishga qarshi emas, u yerda darvozabonlar murabbiyi Erik Vegxorst bilan qayta ishlash imkoniyatiga ega bo'ladi. PSV futbolchini to'liq transfer qilishga tayyor va bu orqali maoshlar fondini sezilarli darajada qisqartirishni hamda kichik bo'lsa-da, daromad olishni ko'zlamoqda.
Agar transfer amalga oshsa, Drommel Ensxede klubi bilan ko'p yillik shartnoma imzolashi va asosiy darvozabon bo'lish imkoniyatiga ega bo'lishi kutilmoqda.
Anass Salah-Eddin Gasperini rejalariga kirmadi va «Roma»ni tark etishi mumkin. Futbolchi Erediviziyaga qaytishga yaqin.
Anass Salah-Eddin Gasperini rejalariga kirmadi va «Roma» bilan Uelsdagi yig'inga bormaydi.
PSVdagi ijaradan qaytgan chap qanot himoyachisi Erediviziyaga qaytishga juda yaqin. Africafoot.com xabariga ko'ra, «jallorossi» rahbariyati futbolchiga yangi jamoa topish va uning transferidan foyda ko'rish ustida ishlamoqda.
PSV yarim himoyachisi Joey Veerman transferi borasidagi vaziyat va kelajagi haqida gapirdi.
Joey Veerman o'z transferi borasidagi vaziyatga munosabat bildirdi:
"Albatta, yaxshi transfer amalga oshirishni istayman, ammo hozirgi vaziyatdan kelib chiqib aytadigan bo'lsam, bu ro'y bermaydi."
"Chempionlik doimo o'zgacha ahamiyatga ega. Ammo atrofimdagi odamlardan: 'Qanday qilib hali ham hech qayerga o'tmading?' degan savollarni eshitish yoqimsiz. Bir nuqtada bu narsa odamni g'ashiga tegadi."
"Hozir 27 yoshdaman, ikki nafar farzandim bor va yaqinda oila quramiz. Bu boshqa joyda o'zini sinab ko'rish uchun ajoyib yosh. Ammo qanday bo'lmasin, hozircha bu amalga oshmayapti."
"Agar xorijdagi yaxshi klubga o'ta olmasam, karyeram to'liq bo'lmay qoladimi? Ha."
Italiyada Ivan Perishichning "Inter"ga qaytishi mumkinligi haqidagi gap-so'zlar ko'paymoqda. Futbolchi A Seriyaga qaytish variantini ko'rib chiqmoqda.
Italiyada Ivan Perishichning "Inter"ga qaytishi mumkinligi haqidagi gap-so'zlar ko'paymoqda.
Tuttosport xabariga ko'ra, PSV safida to'p surayotgan 37 yoshli futbolchi A Seriyaga qaytish variantini ko'rib chiqmoqda.
PSV himoyachisi Adamo Nagaloning Turkiyaga transferi barbod bo'lishi mumkin. Futbolchi hali shaxsiy shartnoma shartlarini kelishib olmagan.
PSVda navbatdagi transfer operasiyasi bilan bog'liq muammolar yuzaga kelmoqda.
Eindhovens Dagblad xabariga ko'ra, Adamo Nagaloning Turkiya klubiga o'tishi so'nggi pallada barbod bo'lishi mumkin.
PSV himoyachisi allaqachon Turkiyaga yetib kelgan bo'lishiga qaramay, u hamon shaxsiy shartnoma shartlarini kelishib olmagan.
PSV Salah-Eddin o'rniga Filip Kostichni olib kelmoqchi. Futbolchi ayni damda erkin agent maqomida.
Salah-Eddin jamoani tark etganidan so'ng, PSV rahbariyati chap qanot himoyasini kuchaytirish uchun yangi nomzodlarni ko'rib chiqmoqda. SoccerNews nashrining serb manbalariga tayanib xabar berishicha, klub nishonida Ugo Bueno va yosh Adam Aznu bilan bir qatorda Filip Kostich ham bor.
33 yoshli serbiyalik futbolchi avvalroq «Groningen» sharafini himoya qilgan, so'nggi yillarni esa «Yuventus»da o'tkazgan. Ayni damda erkin agent maqomida bo'lgan o'yinchi moliyaviy jihatdan PSV uchun qulay variant hisoblanadi. Biroq, futbolchiga qiziqish bildirayotgan boshqa klublar ham mavjud.
Mauro Juniorning PSVdagi kelajagi o'zgardi. Klub va futbolchi shartnomani uzaytirish bo'yicha muzokaralarni qayta boshlashdi.
Mauro Juniorning PSVdagi kelajagi kutilmaganda o'zgardi. Yozda futbolchining ketishi aniqdek ko'rinayotgan edi, bunga "Fenerbaxche"ning qiziqishi va shartnomadagi tovon puli sabab bo'layotgandi. Biroq, hozirda PSV va braziliyalik futbolchining vakillari shartnomani uzaytirish bo'yicha muzokaralarni qayta boshlashdi.
PSV shartnomadagi 12 million yevrolik tovon puli bandini olib tashlamoqchi, bu klubga kelajakdagi transfer narxini nazorat qilish imkonini beradi. Mauroning agenti yaqinda Eydxovenda klub vakillari bilan uchrashdi. Hozircha yakuniy kelishuvga erishilgani yo'q, ammo tomonlar yangi shartnoma imzolash borasida muzokaralarni davom ettirishmoqda.
Lutsharel Gertruidaning Niderlandiya top-klublariga qaytishi juda murakkab ko'rinmoqda. "RB Leyptsig" futbolchi uchun yuqori narx talab qilmoqda.
Lutsharel Gertruidaning Niderlandiya top-klublariga qaytishi juda murakkab ko'rinmoqda.
VoetbalPrimeur xabariga ko'ra, "Feyenoord" himoyachini o'z safiga qo'shib olish uchun deyarli imkoniyatga ega emas. PSV uchun ham ushbu transfer juda qiyinlashib bormoqda, bunga "RB Leyptsig" Niderlandiya terma jamoasi futbolchisi uchun talab qilayotgan narx sabab bo'lmoqda.
Eindhovens Dagblad xabariga ko'ra, PSV 26 yoshli himoyachi Lutsharel Gertreyda bilan og'zaki kelishuvga erishdi.
🙂 Eindhovens Dagblad xabariga ko'ra, PSV Lutsharel Gertreyda bilan og'zaki kelishuvga erishdi.
Niderlandiya amaldagi chempioni 26 yoshli himoyachini o'z safiga qo'shib olish ustida bir necha haftadan beri ishlamoqda.
ESPN xabariga ko'ra, erkin agent Yoel Veltman PSV, AZ va AIK klublari nishonida turibdi. Futbolchi Braytonni tark etganidan so'ng yangi jamoa izlamoqda.
ESPN bugun o'zining ESPN Vandaag dasturida PSV, AZ va AIK klublari erkin agent hisoblangan Yoel Veltmanga qiziqish bildirayotgani haqida xabar berdi. Tajribali himoyachi Brayton klubini tark etganidan so'ng erkin agent maqomida qolgan va shartnoma imzolash imkoniyatiga ega.
E'tiborli tomoni shundaki, hozircha ushbu qiziqish haqida faqat ESPN xabar bermoqda. PSVning Veltmanga bo'lgan qiziqishi qanchalik jiddiy ekani yaqin kunlarda ma'lum bo'ladi. Hozircha bu boshqa ishonchli manbalar tomonidan tasdiqlanmagan mish-mishga o'xshaydi.
Mauro Junior Yoxan Kroyf Superkubogi oldidan PSVdagi kelajagi borasidagi mish-mishlarga oydinlik kiritdi.
Mauro Junior Yoxan Kroyf Superkubogi oldidan o‘tkazilgan matbuot anjumanida o‘zining transferi borasidagi mish-mishlarga chek qo‘ydi.
Yozgi transfer oynasi vaqtida "Portu" va "Fenerbaxche" klublari braziliyalik futbolchiga jiddiy qiziqish bildirgandi, uning 12 million yevro atrofidagi tovon puli esa uni transfer bozoridagi qulay nishonga aylantirgandi.
Biroq, Mauro PSVda qolishga qaror qildi. Yerdi Sxautenning jarohatidan so‘ng sardorlik bog‘ichini qabul qilib olgan futbolchining jamoada qolishida aynan shu omil muhim rol o‘ynadi.
Eindhovens Dagblad xabariga ko'ra, erkin agent maqomidagi Filip Kostich PSV safiga o'tishga tayyor. Klub futbolchiga ikki yillik shartnoma taklif qildi.
Eindhovens Dagblad xabariga ko'ra, Filip Kostich PSVga o'tishga qarshi emas.
33 yoshli serbiyalik futbolchi "Yuventus"dan ketganidan so'ng erkin agent maqomida va faoliyatini Eyndxovenda davom ettirishi mumkin.
Endilikda o'yinchi Erediviziga ko'chib o'tishga tayyor ekan, transfer amalga oshish ehtimoli yanada ortdi.
Ma'lumotlarga ko'ra, PSV allaqachon Kostichga ikki yillik shartnoma taklif qilgan.
PSV nishonidagi Filip Kostichga AEK Afina klubi qiziqish bildirmoqda va futbolchiga ikki yillik shartnoma taklif qilgan.
Rik Elfrink xabariga ko'ra, PSV nishonidagi Filip Kostichga AEK Afina klubi ham qiziqish bildirmoqda. Gretsiya manbalariga tayanib berilgan ma'lumotlarga ko'ra, futbolchiga ushbu klub tomonidan ikki yillik shartnoma taklif qilingan. Ehtimol, transfer jarayoni cho'zilib ketayotganining sababi ham shundadir. Voqealar rivojini kuzatishda davom etamiz.
Feyenoord Transfermarkt xabariga ko'ra, «Feyenoord» Lutsharel Gertruida uchun kurashga qo'shildi. PSV ham himoyachiga qiziqish bildirmoqda.
Feyenoord Transfermarkt xabariga ko'ra, «Feyenoord» Lutsharel Gertruida uchun kurashga qo'shildi.
Manba ma'lumotiga ko'ra, rotterdamliklar PSV himoyachi bilan kelishuvga erishgani haqidagi xabarlardan so'ng darhol harakatni boshlashgan.
Eindhovens Dagblad xabariga ko'ra, PSV RB Leipzig himoyachisi Lutsharel Gertruida bilan qiziqmoqda.
🙂 Eindhovens Dagblad xabariga ko'ra, PSV Lutsharel Gertruida bilan qiziqib qoldi.
Niderlandiya amaldagi chempioni 26 yoshli himoyachi bo'yicha RB Leipzig klubidan ma'lumot so'radi.
Nashr ma'lumotlariga ko'ra, Gertruida "eng oson nishon" emas, shu sababli bu transfer amalda qanchalik real ekanligini aniqlash talab etiladi.
Yoel Drommel PSVni tark etishi mumkin. «Tvente» darvozabonni o'z safiga qo'shib olmoqchi.
Yoel Drommelning PSVdan ketishi tobora haqiqatga yaqinlashmoqda. «Tvente» darvozabon bilan rasman bog'landi. Futbolchi Peter Bos qo'l ostida asosiy tarkibdan joy olishiga ishonmayapti. Drommel Enschedega qaytishga tayyor, u yerda u darvozabonlar murabbiyi Erik Veghorst bilan yana ishlashi mumkin.
PSV futbolchining to'liq transferiga ko'maklashishga tayyor. Klub kichikroq summa ishlab olishni va uning ketishi orqali maoshlar byudjetini yengillatishni maqsad qilgan.
Filip Kostich PSVga o'tishi mumkin. 33 yoshli erkin agent Eyndxoven klubi bilan muzokaralar olib bormoqda.
PSV Filip Kostichni o'z safiga qo'shib olishga yaqin turibdi. 33 yoshli serbiyalik futbolchi Eyndxoven klubiga o'tishga tayyor va mamlakat chempionidan taklif olib ulgurgan. Uning agenti ayni damda PSV bilan shartnoma shartlari bo'yicha muzokaralar olib bormoqda.
Eindhovens Dagblad xabariga ko'ra, erkin agent maqomidagi Kostich PSV bilan ikki yillik shartnoma imzolashi mumkin. Garchi Italiya klublari ham qiziqish bildirayotgan bo'lsa-da, Niderlandiyaga qaytish «Groningen»ning sobiq futbolchisi uchun jozibador ko'rinmoqda. Hozircha yakuniy kelishuvga erishilmagan, biroq transfer ehtimoli ortib bormoqda.
PSV erkin agent maqomidagi Filip Kostichga qiziqish bildirmoqda. Niderlandiya klubi tajribali serbiyalik futbolchini tarkibga qo'shib olishni rejalashtirmoqda.
PSV Filip Kostichni chap qanotni kuchaytirish uchun nomzodlar ro'yxatiga kiritdi. 33 yoshli serbiyalik futbolchi «Yuventus»dan ketganidan so'ng erkin agent hisoblanadi va Eyndxoven klubi uni tajribasi, universalligi hamda sifati sababli qiziqarli variant sifatida ko'rmoqda. Qiziqish jiddiy, ammo hozircha aniq kelishuv mavjud emas.
Kostich avvalroq «Groningen» safida to'p surgan, keyinchalik «Frankfurt», «Yuventus» va «Fenerbaxche» klublarida ta'sirli faoliyat olib borgan. Serbiya terma jamoasi safida 72 ta o'yin o'tkazgan futbolchi ham chap qanot himoyachisi, ham vinger sifatida o'ynay oladi, bu esa PSV qidirayotgan profilga mos keladi.
Ruben van Bommel Niderlandiya chempionatidagi raqobat va jamoalar haqida o'z fikrlari bilan o'rtoqlashdi.
Ruben van Bommel Niderlandiya chempionatidagi raqobat va jamoalar haqida o'z fikrlari bilan o'rtoqlashdi:
Ruben van Bommel: "O'ylaymanki, bu mavsum chempionat o'tgan yilgiga qaraganda qiziqarliroq bo'ladi. "Ayaks" PSVga yetib olish uchun bor kuchini ishga solayotganga o'xshaydi, "Feyenoord"da ham ko'plab o'zgarishlar yuz berdi. Ammo biz faqat o'z o'yinimizga e'tibor qaratganmiz".
PSV bosh murabbiyi Peter Bosh "Ayaks"ning kelasi mavsumdagi imkoniyatlari va raqobat haqida gapirdi.
PSV bosh murabbiyi Peter Bosh "Ayaks"ning kelasi mavsumdagi imkoniyatlari haqida o'z fikrlari bilan o'rtoqlashdi:
"Qachonki siz birinchi marta chempion bo'la olmasangiz, tabiiyki, yanada qat'iyatliroq bo'lib qolasiz. "Ayaks"da nimalar bo'layotgani tushunarli: ular kelasi yili chempion bo'lish uchun qo'llaridan kelgan barcha ishni qilishadi. Shunday ekan, ha, "Ayaks" bizga biz 28 ochko farq bilan ortda qoldirgan o'sha "Ayaks"dan ko'ra ancha qiyinroq vazifa yuklaydi."
PSV yarim himoyachisi Joey Veerman yozgi transfer oynasida klubini o'zgartirmoqchi ekanligini ma'lum qildi.
Joey Veerman yozgi transfer oynasida PSVni tark etishga umid qilmoqda. Bu haqda yarim himoyachi Eydxoven klubining Marienfeldadagi yig'ini vaqtida ESPN nashriga bergan intervyusida ma'lum qildi.
Bir yil avval «Brentford» Veermanga qiziqish bildirgan, biroq transfer amalga oshmagan. Qishki tanaffus vaqtida esa «Fenerbaxche»ga o'tishi barbod bo'lgan.
«Atrofda bunchalik ko'p gap-so'zlar bo'lishi odamni asabiylashtiradi: qanday qilib shu paytgacha boshqa klubga o'tmagansan, degan savollar. Bir nuqtada bu haqiqatan ham miyangni yeyishni boshlaydi. 27 yoshdaman, yangi chaqiriqlar izlash uchun yaxshi yosh. Lekin negadir bu sodir bo'lmayapti. Transfer oynasi doim notinch, ammo hozirgisi umuman hayratlanarli emas. O'ylaymanki, Italiya yoki Ispaniya menga mos tushardi, afsuski, u yerdagi klublar menga qiziqish bildirmayapti. Bu juda achinarli. Transfer amalga oshmagani bir nuqtada miyangni yeyishni boshlaydi», — dedi Veerman.
Veerman PSV bilan 2022-yil yanvaridan buyon hamkorlik qilmoqda va tomonlar o'rtasidagi amaldagi shartnoma yana ikki yilga mo'ljallangan. «Men besh yillik shartnoma imzolaganman va uning shartlarini to'liq anglaganman. Agar qolsam, shunchaki to'rtinchi chempionlik unvoni uchun kurashamiz», — deydi Volendamda tug'ilgan futbolchi.
PSV chap qanot himoyasini kuchaytirish uchun Filip Kostich variantini ko'rib chiqmoqda. Bu haqda Munir Bualin xabar berdi.
🙂 Munir Bualin xabariga ko'ra, PSV kelasi mavsum uchun chap qanot himoyasini kuchaytirish maqsadida Filip Kostichni asosiy nomzodlardan biri sifatida ko'rib chiqmoqda.
33 yoshli serbiyalik futbolchi "Yuventus"dan ketganidan so'ng erkin agent sifatida jamoaga o'tishi mumkin. Avvalroq Kostich Erediviziyada "Groningen" sharafini himoya qilgan.
PSV ro'yxatidagi boshqa nomzodlar qatorida "Feyenoord"ning sobiq o'yinchisi Ugo Bueno va "Everton"dan 20 yoshli Adam Aznu Ben Shayx ham bor.
Adamo Nagaloning «Chorum» klubiga o'tishi barbod bo'ldi. Himoyachi PSVga qaytmoqda va klub uni yozgi transfer oynasida sotib yuborishni rejalashtirmoqda.
Adamo Nagaloning Turkiyaning «Chorum» klubiga transferi so'nggi pallada barbod bo'ldi. PSV himoyachiga Turkiyaga uchib ketish uchun ruxsat bergan bo'lsa-da, yakunda kelishuvga erishilmadi. Shu sababli Nagalo Niderlandiyaga qaytmoqda.
23 yoshli himoyachi yaqin vaqt ichida individual tarzda shug'ullanadi va PSV yig'inlariga bormaydi. Klub baribir Nagalo yozda jamoani tark etishini kutmoqda.
Eyndxovenda qolishi deyarli istisno qilingan. PSV burkinafosolik himoyachini sotib yuborish yoki ijaraga berish niyatida, shu bois transfer oynasi yopilgandan keyin uning PSV o'yinchisi bo'lib qolish ehtimoli juda past.
PSV "Jirona" yarimhimoyachisi Yaser Asprillani ijaraga olmoqchi. Paypa Syerra xabariga ko'ra, tomonlar muzokaralarni boshlab yuborishgan.
PSV "Jirona" yarimhimoyachisi Yaser Asprillaga qiziqish bildirmoqda. Kolumbiyalik jurnalist Paypa Syerra ma'lumotiga ko'ra, Eyndxoven klubi 22 yoshli futbolchini ijaraga olish va keyinchalik sotib olish huquqi bilan o'z safiga qo'shib olish bo'yicha muzokaralarni boshlagan.
Asprilla ko'p yillardan buyon Kolumbiyaning eng iqtidorli futbolchilaridan biri hisoblanadi. U 2024-yilda "Uotford"dan "Jirona"ga taxminan 18 million yevro evaziga o'tgan edi. Hozirgi kunda uning transfer qiymati 14 million yevroga baholanmoqda. Chap oyoqda o'ynaydigan universal futbolchi hujumkor yarimhimoyachi hamda qanot vingeri sifatida harakat qila oladi. Uning "Jirona" bilan amaldagi shartnomasi 2030-yilning o'rtalariga qadar mo'ljallangan.
PSV uchun Asprilla hujum chizig'idagi ijodkorlikni oshiruvchi muhim transfer bo'lishi mumkin. Yaqin kunlar "Jirona" bilan olib borilayotgan muzokaralar yakuniy kelishuvga olib keladimi yoki yo'qligini ko'rsatadi.
Fikr qoldirish va reaksiya uchun Telegram orqali kiring.