#Janluka Di Marsio — yangiliklari

Agar barcha hujjatlar o'z vaqtida rasmiylashtirilsa, Kolo Muani "Yuventus" jamoasi bilan birgalikda mavsumoldi turnesiga yo'l oladi 👀

Di Marzio xabariga ko'ra

Jurnalist Janluka Di Marsio xabariga ko'ra, «Komo» Trevo Chalobah transferi uchun 28+2 million yevro taklif qildi. Tomonlar kelishuvga juda yaqin turibdi.

Janluka Di Marsio xabariga ko'ra, «Yuventus» 27 yoshli hujumchi Randal Kolo-Muani ijaraga olmoqda. Kelishuvga ko'ra, turinliklar futbolchini 38 million yevro evaziga sotib olish majburiyatini olishadi, shuningdek, yana 12 million yevro bonuslar ko'zda tutilgan. Hujumchi klub bilan besh yillik shartnoma imzolaydi.

«PSJ» Kolo-Muani 2023-yil yozida «Ayntraxt»dan 95 million yevroga sotib olgan edi. Shartnoma 2028-yilga qadar mo'ljallangan bo'lib, yillik amortizatsiya 19 million yevroni tashkil etadi. Uch mavsumdan so'ng futbolchining qoldiq qiymati 38 million yevroga teng.

Majburiy sotib olish sharti bitimni to'liq transfer sifatida rasmiylashtirish imkonini beradi, shu sababli «PSJ» hozirda transfer balansini nolga chiqarmoqda (38 million yevro). Barcha bonuslar faollashganda foyda sifatida hisoblanadi.

Kolo-Muani «PSJ»dagi maoshi bonuslar bilan birga yiliga 12,73 million yevroni tashkil etgan. Amortizatsiya xarajatlarining to'xtashi bilan birga parijliklar yillik xarajatlarini qariyb 31,7 million yevroga qisqartirmoqda.

«Yuventus» uchun transferning kafolatlangan qismi yiliga 7,6 million yevro amortizatsiyani tashkil etadi. Bonuslar shartlar bajarilganda xarajatlarga qo'shiladi. Futbolchining maoshi 7 million yevro (shundan 1,5 millioni bonuslar) bo'lib, bu yillik xarajatlarda jami 14,6 million yevroni tashkil etadi.

👍 Muvaffaqiyatli bitim. «PSJ» uchun asosiy yutuq – ko'proq ijaralarda yurgan futbolchi uchun qariyb 32 million yevrolik yillik xarajatlardan xalos bo'lish. «Yuve» esa A Seriyaga moslashgan va klubda o'zini ko'rsatib ulgurgan hujumchini maqbul shartlarda qo'lga kiritmoqda. 2024/25-yilgi mavsumning yarim qismida Kolo-Muani turinliklar safida 22 o'yinda 10 ta gol urishga erishdi, shu bois maksimal 50 million yevrolik sarmoya ham o'zini oqlashi mumkin. Kolo-Muani uchun ketadigan yillik xarajatlar ketgan Vlaxovichning maoshidan deyarli ikki baravar kam.

↔️ Di Marzio va Fabrisio Romano xabariga ko'ra, PSJ «Parma» darvozaboni Zayon Suzuki transferi bo'yicha muzokaralar olib bormoqda.

Parijliklar yaponiyalik posbonni kelajak uchun ko'rishmoqda va unga asosiy tarkibdan joy kafolatlashmayapti. Futbolchiga da'vogar bo'lgan «Yuventus» esa unga asosiy tarkibda o'ynash imkoniyatini taklif qilishi mumkin.

📰 Italiya matbuoti ma'lumotlariga ko'ra, PSJning futbolchiga bo'lgan qiziqishi iyun oyidan beri davom etmoqda.

Sky Sport jurnalisti Janluka Di Marsio xabariga ko'ra, «Roma» Kastro transferi bo'yicha kelishuvni ertagayoq yakunlashni rejalashtirmoqda.

Di Marsio ma'lumotiga ko'ra, Artem Dovbik ushbu kelishuv doirasida aksincha yo'nalishda, ya'ni Emiliya klubiga o'tishi mumkin. Fabrisio Romano ham vaziyat yuzasidan yangilangan ma'lumotlarni taqdim etdi: transfer 35 million yevro evaziga yakunlanish arafasida, biroq Dovbikning «Bolonya» bilan bo'ladigan bitimda ishtirok etishi hozircha aniq emas.

Transferlar bo'yicha ekspert Janluka Di Marsio xabariga ko'ra, «Napoli» hujumchisi Juzeppe Ambrosino faoliyatini «Modena» safida davom ettiradi. Tomonlar futbolchini ijaraga olish va kelgusida sotib olish huquqi bo'yicha kelishuvga erishgan.

Futbolchi ertaga tibbiy ko'rikdan o'tishi kutilmoqda.

Sammervill varianti o'z kuchini yo'qotdi: "Al-Hilol" futbolchi transferi bo'yicha kelishuvni 80 million yevro evaziga deyarli yakunladi. Natijada "Roma" e'tiborini boshqa maqsadlarga qaratishga majbur bo'ldi.

Janluka Di Marsio xabariga ko'ra, "Roma" ro'yxatidagi asosiy nomzod "Leypsig" futbolchisi Antonio Nusa hisoblanadi. Bu nom so'nggi soatlarda "jallorossi" bilan bog'liq xabarlarda tilga olingandi. Shu bilan birga, klub boshqa variantlarni ham ko'rib chiqmoqda — Diego Moreyra va Andreas Shelderup shular jumlasidan.

"Roma" uchun qiyin davr boshlandi: klub yakuniga yetishi kutilgan transferni qo'ldan chiqardi.

Janluka Di Marsio xabariga ko'ra, Roma ingliz klubiga taxminan 46 million yevro taklif qilgan. Bu taklif jallorossilarning Jan Pero Gasperini uchun eng iqtidorli o'yinchilardan birini qo'lga kiritish jarayonini tezlashtirish istagini tasdiqlaydi.

Jurnalist Sasha Tavolyeri ma'lumotiga ko'ra, Roma niderlandiyalik vinger uchun kurashda Al-Hilol'dan o'zib ketdi. Asosiy sabab - futbolchining o'z xohishi: Sammervill ushbu mavsumda Jan Pero Gasperini qo'l ostida o'ynash istagini tasdiqlagan. Bu Vest Xem bilan kelishuvni yakunlashga urinayotgan Roma uchun muhim yutuq hisoblanadi.

Eleonora Trotta ham Roma va niderlandiyalik hujumchi o'rtasidagi muzokaralarda ijobiy siljish borligini tasdiqladi: «Sammervill bilan kelishuvga 72 soat qoldi. Bitimni yopishga juda oz qoldi».

Xorxe Mendesh Alejandro Garnacho va Diego Moreira bilan bog'liq bitimlarni yakunlash ustida ishlashda davom etmoqda.

Janluka Di Martsio xabariga ko'ra, agent «Chelsi» egasi Bexdad Egbalini ushbu ikki futbolchi bo'yicha takliflarni qabul qilishga ko'ndirishga urinmoqda. «Roma» esa yangi mavsum oldidan hujum chizig'ini kuchaytirish uchun bir nechta yo'nalishda faol ishlashni davom ettirmoqda.

Janluka Di Marsio xabariga ko'ra:

Brunu Fernandesh yozgi transfer oynasida Yuventusning asosiy maqsadi bo'lib qolmoqda.

Hozircha tomonlar o'rtasida hech qanday muzokaralar olib borilmayapti va portugaliyalik futbolchining transferini amalga oshirish juda qiyin bo'ladi. Shunga qaramay, uning ismi turinliklar klubining qisqa ro'yxatida qolmoqda.

Italiyalik jurnalist Janluka Di Marsio xabariga ko'ra:

Migel Gutyerresning «Bayer» (Leverkuzen) klubiga transferi bo'yicha so'nggi tafsilotlar qoldi, xolos. Himoyachi «Napoli»ning bugungi mashg'ulotida qatnashmadi va mashg'ulotlar bazasini tark etib, Germaniyaga yo'l oldi. Biz shunchaki bitimning rasmiylashuvini kutmoqdamiz.

Gutyerresning Germaniyaga safari Lindstryomning o'sha yurtga qilgan safaridan omadliroq bo'lishiga umid qilamiz. 🤞

Janluka Di Marsio xabariga ko'ra, Dzion Sudzuki transferining qimmatligi sababli «Yuventus» darvozabon pozitsiyasi uchun Guglielmo Vikario nomzodini jiddiy ko'rib chiqmoqda.

Janluka Di Martsio xabariga ko'ra, «Komo» Trevo Chalobah uchun yangi taklif yubordi. Klub futbolchi uchun bonuslar bilan birga 30 million yevro to'lashga tayyor.

Jurnalistning ta'kidlashicha, muzokaralar ijobiy yakunlanish arafasida. Fabrisio Romano ham ushbu transfer bitimi tez orada yakuniga yetishiga ishora qilgan.

Yesper Lindstryomning «Shalke 04»ga o'tishi bo'yicha muzokaralar qayta tiklandi.

Italiyalik jurnalist Janluka Di Marsio xabariga ko'ra, tomonlar kelishuvga erishgan va daniyalik futbolchi tez orada Gelzenkirxenga ijaraga yo'l oladi.

Bu tekin ijara bo'lishi kutilmoqda – «Shalke 04» futbolchining maoshini o'z zimmasiga oladi.

Janluka Di Marsio xabariga ko'ra, Lois Openda «Lion»ning yangi futbolchisiga aylanadi. Hujumchi Liga 1ga qaytmoqda.

«Yuventus» safidagi bir mavsumdan so'ng, belgiyalik hujumchi Lois Openda Turin klubini tark etib, «Olimpik Lion»ga o'tishga tayyor.

Sky Sport ma'lumotiga ko'ra, «RB Leyptsig»ning sobiq hujumchisi Fransiyaga sotib olish huquqi bilan ijaraga asosida qaytadi.

Openda 2022/23-yilgi mavsumda Liga 1da «Lans» safida to'p surgan va 38 ta o'yinda 21 ta gol urgan edi.

«Yuventus»dagi davr esa u uchun unchalik omadli chiqmadi: belgiyalik futbolchi mavsum davomida 34 ta o'yinda maydonga tushib, atigi ikkita gol bilan cheklandi.

Jankluka Di Marsio xabariga ko'ra, «Al-Hilol» va «Vest Xem» futbolchi Sammervill transferi bo'yicha yakuniy kelishuvga erishdi. Transfer summasi bonuslar bilan birgalikda qariyb 80 million yevroni tashkil qiladi.

Futbolchi rasmiy e'londan oldin tibbiy ko'rikdan o'tib bo'lgan, uzoq muddatli shartnoma esa imzolangan va yakuniy tasdiqni kutmoqda. Avvalroq 46 million yevro taklif qilgan va ingliz klubidan rad javobini olgan «Roma» kurashdan chiqdi. Anjelo Manjante ma'lumotiga ko'ra, o'yinchi yiliga 20 million yevro maosh oladi.

Janluka Di Marsio xabariga ko'ra, «Roma» Summervilldan tashqari, chap qanot uchun yana bir nomzod — «Benfika»ning iqtidorli norvegiyalik futbolchisi Andreas Shjelderupga qiziqish bildirmoqda.

«Roma» rejasi ushbu pozitsiyaga ikki nafar futbolchi xarid qilishni ko'zlaydi. Summervill asosiy maqsad bo'lib qolmoqda va klub bitimni bugunoq yakunlashga umid qilmoqda, biroq «Trigoriya»da ikkinchi vinger borasida ham muzokaralar davom etmoqda. Hozircha soyada qolayotgan Garnacho variantidan tashqari, Shjelderupning nomi ham tobora ko'proq tilga olinmoqda. «Benfika» vingeri qishki transfer oynasi vaqtida ham «Roma» bilan bog'langandi. Biroq o'sha paytda klub boshqa variantlarni tanlagandi. Endi esa, ayniqsa Norvegiya terma jamoasi safidagi yorqin o'yinlaridan so'ng, uning nomi yana yangiliklar markazida bo'lishi mumkin.

Jurnalist Janluka Di Marsio avvalroq Trevoh Chalobah transferi yakunlangani haqida yozgan bo'lsa-da, endilikda o'z fikrini o'zgartirdi.

Di Marsio xabariga ko'ra, «Chelsi» va «Komo» klublari o'rtasida futbolchining transfer qiymati bo'yicha taxminan 10 million yevrolik farq mavjud.

Klublar muzokaralarni davom ettirmoqda.

Janluka Di Marsio Krisensio Sammervill va «Roma» o'rtasidagi muzokaralar haqida yangi ma'lumotlarni taqdim etdi.

Bugun futbolchi «Roma»ga yakuniy javobini berishi kerak, chunki klub bitimni rivojlantirish bo'yicha qarorni kutmoqda. So'nggi yangiliklar uning maoshi bilan bog'liq: xabarlarga ko'ra, niderlandiyalik vingerning vakillari «Roma» bilan maosh borasida kelishuvga erishgan. Klub yiliga 4 million yevrodan ortiq to'lashni istamayapti: «Roma» Sammervillga taxminan 3,8 million yevro atrofida mablag' kafolatlamoqchi. Bu esa Malenning daromadiga mos keladi va futbolchining vakillari bu borada ochiq muloqotga tayyor ekanliklarini bildirishgan. Endilikda hal qiluvchi qadam Sammervillning javobiga bog'liq. Agar kelishuv ma'qullansa, «Roma» uning transferi bo'yicha «Vest Xem» bilan muzokaralarga kirishadi.

Sky Sport jurnalisti Janluka Di Marsio xabariga ko'ra, o'tgan tunda erishilgan kelishuvdan so'ng, Paulo Dibalaning agenti shartnomaning qolgan detallarini yakunlash uchun bugun ertalab Trigoriya bazasiga yetib keldi.

Rasmiy e'lon yaqin kunlarda kutilmoqda.