Sassuolo Daniel Maldini transferi ustida ishlamoqda
Janluka Di Marsio xabariga ko'ra, «Sassuolo» «Atalanta» yarim himoyachisi Daniel Maldinini o'z safiga qo'shib olmoqchi.
Janluka Di Marsio xabariga ko'ra, «Sassuolo» hujum chizig'ini kuchaytirishni maqsad qilgan va Daniel Maldini klubning asosiy transfer nishonlaridan biriga aylangan.
24 yoshli yarim himoyachining huquqlari «Atalanta»ga tegishli. U o'tgan mavsumning ikkinchi qismini «Latsio»da o'tkazib, 14 ta o'yinda ikkita gol urdi va ikkita golli uzatmani amalga oshirdi.
Ushbu transferdagi hal qiluvchi omil Kerim Alaybegovichning «Atalanta»ga o'tishi bo'lishi mumkin. Bosniyalik futbolchining transferi rasmiylashgandan so'ng, Bergamo klubi Maldinining ketishiga ruxsat berishi mumkin.