#Bruno Fernandesh — yangiliklari

📰 B. Fernandes xabariga ko'ra: "Mourinyu Espini "qudratli yirtqich" deb ta'riflamoqda. "Madrid" vakillari 194 santimetrli hujumchining jamoa bilan o'tkazgan ilk mashg'ulotidan so'ng uning jismoniy holatidan hayratda qolishdi.

Murabbiy Espi haqida u "qaymoqranglilar" safiga o'tguniga qadar ham bilar edi, shu bois uni "Madrid"da ko'rishni istagan. 21 yoshli futbolchiga moslashish uchun vaqt kerak bo'lsa-da, Mourinyu unga ishonch bildirmoqda"

Espi: "Aslida "Real Madrid" transferimni juda tez rasmiylashtirdi. Har bir imkoniyatdan unumli foydalanishga va bor kuchimni berishga harakat qilaman. O'zimni qanday o'yinchi deb ta'riflayman? Men klassik hujumchiman. Raqib jarima maydonchasi ichida bo'lishni va har qanday vaziyatdan foydalanishga tayyor turishni yoqtiraman"

Espining otasi: "Hozir o'zimizni xuddi kinodagidek his qilyapmiz. O'g'limning "Madrid"ga o'tishi jarayonidagi eng ajablanarli holat nima bo'ldi? Indin kechasi, shartnoma imzolash uchun Valdebebasga yetib kelganimiz zahoti, bizga Mourinyu biz bilan ko'rishib, shaxsan tabriklamoqchi ekanligini aytishdi.

Joze kelib, biz bilan juda xushmuomala bo'ldi, so'ng Karlosning yelkasidan ushlab, "endi sen menikisan" degancha uni o'z kabinetiga olib kirdi. Mourinyu o'g'lim bilan uzoq suhbatlashdi, unga jamoadagi rolini tushuntirdi va undan nimalarni kutayotganini aniq aytdi"

📰 Jurnalist B. Fernandes xabariga ko'ra, Mastantuono «Real» bilan «Fiorentina»ga qarshi o'rtoqlik o'yiniga (1-avgust) yo'l olmagan. Bunga sabab, «qaymoqranglilar» ayni damda vingerning ijaraga o'tishi bo'yicha muzokaralar olib borayotganidir.

📰 B. Fernandes (jurnalist):

"Madrid"ning transfer bozorida faol ishlayotganini ko'rish juda yoqimli. Klub aynan jamoaga kerakli va bosh murabbiy so'ragan futbolchilarni tarkibga qo'shib olmoqda. Bu yozgi transferlar oynasidagi eng yaxshi yangiliklardan biri.

"Madrid" rahbariyati va Mourinyoga hozirgacha qilgan ishlari uchun bravo!"

🗣️ Patrik Dorgu Maykl Kerrik qo'l ostida qanday qilib hujum chizig'iga o'tgani haqida gapirdi:

Jarohat olganimda, o'zimga avvalgidek bo'lmasligimni aytdim. Har kuni mashg'ulotlardan so'ng hujumkor elementlar ustida qo'shimcha ishladim: uzatmalar, vaziyatlarni yakunlash, havodan kelgan to'plarga zarba berish, bo'sh zonalarga chiqish — oldingi chiziq o'yini bilan bog'liq barcha narsalar ustida.

Murabbiylar doim so'rashardi: „Patrik, sen chap qanot himoyachisisan. Senga bularning nima keragi bor?“. Men esa shunchaki: „Nima kerak bo'lishini hech qachon bilmaysan“, deb javob berardim. Bir muncha vaqt o'tgach, Kerrik meni kuzata boshladi. Bir kuni u yonimga kelib dedi: „Rostini aytsam, himoyada vaqtingni behuda sarflayapsan. Bor, oldinda o'yna“.

Keyin esa hammasi juda tez sodir bo'ldi: Brunu bilan hamkorlik qila boshladim va hatto „Arsenal“ darvozasini ishg'ol qildim. Ortga nazar tashlar ekanman, o'zimni hujumchi bo'lib qoldim deb o'ylamayman. Shunchaki, murabbiy men hujumchi emasligimni aytishni to'xtatguncha mashg'ulot qildim, xolos.

Jurnalist B. Fernandesning xabariga ko'ra, Vinisius Junior «Real»dan ketsa, faoliyatini aynan APL klublaridan birida davom ettirishni afzal ko'radi.

«Manchester Yunayted» 26 yoshli braziliyalik futbolchiga doimo qiziqish bildirib kelgan. Biroq, o'yinchi atrofidagilar jamoaning barqaror emasligi sababli uning «qizil iblislar» safiga o'tishini unchalik ehtimolga yaqin deb hisoblashmaydi.

Har qanday holatda ham, hozirgi vaqtda Vinisius uchun hech narsa o'zgargani yo'q: u «Real»da qolishni va Mourinyu qo'l ostida o'ynashni istaydi.

Jurnalist B. Fernandes xabariga ko'ra:

Gonsaloning "Madrid"dagi kelajagi hali aniq emas. Mourinyu hujumchining sport formasidan hayratda va uni jamoada olib qolmoqchi.

Ammo yakuniy qaror mavsumoldi tayyorgarlikning yaqin haftalarida qabul qilinadi.

Jurnalist B. Fernandes xabariga ko'ra, «Real Madrid» kelasi hafta «Santyago Bernabeu» stadionida Denzel Dumfriesni jamoaning yangi futbolchisi sifatida tanishtiradi.

Himoyachining taqdimot sanasi hozircha aniq emas.

Andrey Santosning «Manchester United» futbolchisi sifatidagi ilk intervyusi:

«Men bu yerda ekanligimdan juda xursandman. «Manchester United» – dunyodagi eng buyuk klub. Hammasini rafiqamga aytganimda, u darhol: «Voy, biz albatta u yerga borishimiz kerak», dedi.

«United»ning ko'plab o'yinlarini tomosha qilganman. Biz to'p bilan muomalada bo'lishni, g'alaba qozonishni va sovrinlar yutishni istaymiz. Bu men uchun ideal klub.

Chempionlar ligasi – bu orzu. Bolaligimdan uni kuzatib kelaman, endi esa unda klub sharafini himoya qilaman. Men shunchaki baxtliman.

«Old Trafford»? Intizorlik bilan kutyapman. Men bu yerda mehmon sifatida o'ynaganman va bu qanchalik qiyinligini bilaman. Endi esa jamoa bilan birgaman, muxlislarning qo'llab-quvvatlashi ishonchimiz uchun juda muhim.

Ueyn Runi, Krishtianu Ronaldu va boshqa buyuk futbolchilarni juda yaxshi eslayman. Endi esa shu klubda o'ynash imkoniyatiga egaman – bu men, oilam va butun faoliyatim uchun o'zgacha lahza.

Mateus Kunyani terma jamoadan juda yaxshi bilaman. Meyson Mauntni ham eslayman – o'tgan o'yinda gaplashganmiz. Brunu Fernandesh bilan esa hatto futbolka almashganmiz.

Men to'pni nazorat qilishni, chiziqlarni yorib o'tishni va jamoaga yordam berishni yaxshi ko'raman. Brunu va boshqa yigitlardan o'rganadigan narsalarim ko'p. Brunu, Mateus, Kobbi, Amad, Diogu, Harri – umuman, barchasi bilan birga o'ynashni intiqlik bilan kutyapman.

Bu ulkan orzu. Aytganimdek, men «MYu» o'yinlarida ulg'ayganman, endi esa o'zim bu buyuk klubni top-o'yinchilar bilan birga himoya qilaman».

📰 B. Fernandes xabariga ko'ra: "Real Madrid" seshanba kuni Denzel Dumfriesni jamoaning yangi futbolchisi sifatida tanishtirishi kerak edi. Himoyachi va uning agentlari bu haqda xabardor qilingan.

Biroq, yakunda 30 yoshli gollandiyalik futbolchining taqdimoti kechiktirildi. Hozirgi vaqtda klub ushbu tadbir uchun yangi sanani belgilamagan.

Dumfriesning taqdimoti kechiktirilishiga "Real Madrid" shu vaqt oralig'ida Ousmane Diomande transferini e'lon qilmoqchi ekanligi sabab bo'lgan deb taxmin qilaman.

Brunu Fernandesh Benjamin Sheshko haqida:

U dunyodagi eng yaxshi hujumchiga aylanishi mumkin, chunki u ko'rsatmalarga quloq soladi. Aynan shu sababli u bilan birga o'ynash menga yoqadi. Karrik kelganidan beri hujumdagi o'zaro harakatlarimiz o'zgardi. Umid qilamanki, ikkalamiz uchun ham bu mavsum o'tganidagidan yaxshiroq o'tadi.

Jurnalist B. Fernandes xabariga ko'ra, «Madrid»ning Vinisius bilan shartnomani uzaytirish bo'yicha muzokaralari futbolchining Joze Mourinyo bilan o'zaro munosabatlariga bog'liq bo'ladi. Murabbiy braziliyalik futbolchini juda qadrlaydi va uni kelgusi mavsumda jamoaning muhim o'yinchisi sifatida ko'rmoqchi.

26 yoshli vinger ham Mourinyo qo'l ostida o'ynashni istaydi. Shunga qaramay, Vinisius o'z kelajagi borasida yakuniy qaror qabul qilishdan oldin, yaqinlashib kelayotgan mavsum qanday o'tishini kuzatib bormoqchi.

Jurnalist B. Fernandes xabariga ko'ra, La Liga va Segunda klublari "Kastilya" darvozaboni Fran Gonsalesga qiziqish bildirmoqda. 21 yoshli futbolchining "Real Madrid" bilan amaldagi shartnomasi 2028-yilga qadar mo'ljallangan va u yozda jamoani tark etishi mumkin.

Hozircha "Real Madrid" Gonsales bo'yicha hech qanday aniq taklif olmagan bo'lsa-da, yaqin haftalar ichida vaziyat o'zgarishi kutilmoqda.

Avvalroq OAV Karlo Anchelotti Gonsalesni "yangi Buffon" deb atagani haqida xabar bergan edi.