Serie A yangiliklari ↔ Bog'langan

Fikayo Tomori kelajagi yana savol ostida qolmoqda.

Italiya matbuoti xabariga ko'ra, "Liverpul" ingliz himoyachisini transfer qilish bo'yicha "Milan" bilan dastlabki muzokaralarni boshladi.

Mersisaydliklarning yangi bosh murabbiyi Andoni Iraola himoya chizig'ini tajribali markaziy himoyachi bilan kuchaytirmoqchi va Tomori asosiy nomzodlardan biri sifatida qaralmoqda.

Shu bilan birga, "Yuventus" ham vaziyatni kuzatishda davom etmoqda.

Tomorining shartnomasi 2027-yilga qadar mo'ljallangan. Agar yangi kelishuv imzolanmasa, kelasi yozda "Milan" uchun futbolchining transfer qiymatini saqlab qolish qiyinroq bo'lishi mumkin.

«Roma»ning Uelsdagi o'quv-mashg'ulot yig'inida bo'lib turgan Nikkkolo Pizilli LAROMA24.IT portaliga eksklyuziv intervyu berdi. Yarim himoyachi o'z ambitsiyalari, allaqachon amalga oshgan orzulari va hali oldinda turgan maqsadlari haqida so'zlab berdi.

ESPN Brasil xabariga ko'ra, «Roma» Endrikni sotib olish huquqi bilan ijaraga olmoqchi.

Ammo «Real Madrid» hali 20 yoshli hujumchining Italiya klubiga o'tishiga ruxsat bermagan.

Ertan Syuzgyun xabariga ko'ra, agar Dushan Vlaxovich va Darvin Nunes transferlari amalga oshmasa, «Beshiktosh» Nikolas Jeksonni ijaraga olishi mumkin.

❌ Rafael Leau transferi bo'yicha muzokaralar to'xtatildi.

Futbolchi Turkiyaga ko'chib o'tishni istamayapti.

⛔️ Yesper Lindstryomning "Shalke 04"ga transferi yakuniy ravishda barbod bo'ldi.

📺 SKY Sport bu holatning sabablarini quyidagicha tushuntiradi:

O'yinchi tibbiy ko'rikdan muvaffaqiyatli o'tgan edi, bu odatda shartnoma imzolashdan oldingi so'nggi bosqich hisoblanadi. Biroq, hujjatlarni almashish jarayoni barcha rejalarni to'xtatib qo'ydi. "Napoli" "Shalke"ga shartnoma loyihasini yuborishda avvalroq erishilgan og'zaki kelishuvga o'zgartirishlar kiritgan. "Adzurrilar" o'z navbatida hech qanday xatoga yo'l qo'ymadik deb hisoblashadi va bu o'zgarishlarni muzokaralar jarayonidagi odatiy hol deb bilishadi.

Biroq, "Shalke"ning munosabati ijobiy bo'lmadi. Nemis klubi so'nggi daqiqadagi o'zgarishlardan norozi bo'lib, boshqacha qarashni ilgari surdi. O'zaro ishonchga asoslangan transfer shartlari endi mavjud emas deb hisoblagan "Shalke" bitimdan voz kechishga qaror qildi.

Matteo Moretto, Fabrisio Romanoning YouTube kanalida xabar berishicha, Rid Roma safiga o'tishga rozi bo'lgan va futbolchi bilan klub o'rtasida prinsipial kelishuvga erishilgan: endi faqat ikki klub o'rtasidagi shartlarni kelishib olish qoldi.

Dastlabki 25 million yevro atrofidagi taklif Feyenoordni qoniqtirmadi, ammo klublar o'rtasidagi muzokaralar davom etmoqda. Bugun va ertaga yangi muhokamalar rejalashtirilgan bo'lib, unda yakuniy qadam tashlash va niderlandiyaliklar klubini ishontira oladigan taklifni taqdim etishga urinib ko'riladi. Ridning Romaga o'tishi juda yaqin deb baholanmoqda va yaqin bir necha soat ichida bitim yakuniga yetadimi yoki yo'q, bunga aniqlik kiritilishi mumkin.

«Inter»ning iqtidorli hujumchisi shartnomani uzaytirish, Aleksandar Stankovich va mavsumdagi maqsadlari haqida gapirdi.

Sky Sport xabariga ko'ra, futbolchi quyidagicha fikr bildirdi:

- «Inter» asosiy jamoasidagi ikkinchi mavsumim oldinda. O'tgan mavsumda 48 ta o'yinda 10 ta gol urdingiz.

- O'tgan mavsumda kutganimizdan ham yaxshiroq natijaga erishdik. B seriyadan kelganimni hisobga olsak, o'tgan o'yin yilidan juda mamnunman. Maqsad – to'xtab qolmaslik va ishlashda davom etish. Shu bois bu mavsumda nafaqat statistika, balki futbolchi sifatida ham o'sishga intilaman.

- «Milan»ga qarshi o'yin yaqinlashmoqda – garchi o'rtoqlik uchrashuvi bo'lsa ham.

- Derbi – har doim o'zgacha voqea. Bolaligimdan beri ko'plab derbilarda qatnashganman, bu har doim ajoyib. O'rtoqlik o'yini bo'lsa-da, biz unga jiddiy yondashamiz.

- «Inter»ning maqsadlari? Jamoadoshlaringiz buni yashirishmayapti.

- Men ular bilan roziman, yashiradigan narsa yo'q: biz kuchli jamoamiz va bu mavsumda ham sovrinlar uchun kurashamiz.

- Aleksandar Stankovich haqida bir necha so'z.

- Uning biz bilan ekanligi ajoyib. Ale «Inter»ga 11 yoshida kelgan, men esa jamoada bir necha mavsum o'ynab bo'lgandim. Yana bir jamoada ekanligimizdan xursandman. Bu yozda unga doimiy ravishda yozib, qaytadimi yoki yo'q, deb so'rab turdim. Axir bolalikdan «Inter» asosiy tarkibida birga o'ynashni orzu qilgan do'sting bilan bir jamoada bo'lish juda yoqimli. U mashg'ulotlar va o'yinlarda yaxshi ko'rinmoqda, lekin men uchun bu kutilmagan hol emas. Endi uning kuchini boshqalar ham tushunib yetishdi.

- Muxlislar shartnomangizni uzaytirish bo'yicha yangiliklarni kutishmoqda.

- Men mutlaqo xotirjamman. «Inter»da o'zimni juda yaxshi his qilyapman. Shartnoma bilan agentim va klub shug'ullanmoqda, hech qanday muammo yo'q.

Italiyalik jurnalist Janluka Di Marsio xabariga ko'ra:

Migel Gutyerresning «Bayer» (Leverkuzen) klubiga transferi bo'yicha so'nggi tafsilotlar qoldi, xolos. Himoyachi «Napoli»ning bugungi mashg'ulotida qatnashmadi va mashg'ulotlar bazasini tark etib, Germaniyaga yo'l oldi. Biz shunchaki bitimning rasmiylashuvini kutmoqdamiz.

Gutyerresning Germaniyaga safari Lindstryomning o'sha yurtga qilgan safaridan omadliroq bo'lishiga umid qilamiz. 🤞

Roma klubi o'ng qanotni kuchaytirish uchun asosiy maqsad sifatida Jivayro Ridni belgilab oldi.

Rimliklar Feyenoordga tegishli bo'lgan futbolchini sotib olish uchun jiddiy moliyaviy xarajatlarga tayyor. Ayni paytda muzokaralar davom etmoqda, klub esa futbolchi bilan shaxsiy shartlar bo'yicha bir necha kun avval kelishuvga erishgan.

Alfredo Pedulla xabariga ko'ra, yaqin soatlarda klublar o'rtasida navbatdagi muloqot rejalashtirilgan: Roma bitimni 25 million yevro hamda 2-3 million yevro bonuslar evaziga yakunlamoqchi.

Fabrisio Romano xabariga ko'ra, «Inter» yaqin vaqt ichida Kristian Romeroning transferi bo'yicha yakuniy qarorga kelishi kerak. Milanliklar tarkibidagi o'yinchilarning sotuvi bitimda hal qiluvchi rol o'ynashi mumkin.

«Tottenxem» bilan transfer summasi bo'yicha muammo yo'q, Romero esa «Tottenxem»dagi maoshining aynan o'zini talab qilmoqda. Argentinalikka boshqa klublar ham qiziqish bildirmoqda.

Shuningdek, «Tottenxem» Kodi Gakpo transferi bo'yicha sa'y-harakatlarni kuchaytirishni rejalashtirmoqda — muzokaralar tez orada hal qiluvchi bosqichga kiradi.

Gakpo Savinyoga qo'shimcha variant sifatida ko'rilmoqda. Bitim «Liverpul»ning pozitsiyasiga va so'ralayotgan summaga bog'liq bo'ladi, chunki Gakpo sotuvga qo'yilgan o'yinchilar ro'yxatida yo'q.

Janluiji Buffon Guglielmo Vikario haqida o'z fikrlarini bildirib o'tdi:

U 3-4 yildan beri terma jamoada va Yevropa Ligasini yutgan «Tottenxem» darvozaboni hisoblanadi. O'ylashimcha, Vikario «Yuventus» kabi katta klub uchun to'liq kafolat bera oladigan darvozabon.

"Milan" va "Inter" o'rtasidagi bahs oldidan o'tkazilgan matbuot anjumanida Federiko Dimarko quyidagilarni ta'kidladi:

"Men Franko Barezining oilasiga o'z hamdardligimni bildirmoqchiman. U futbol tarixini yaratgan, "Milan" va boshqa barcha jamoalar muxlislari tomonidan qadrlanadigan afsonaviy inson edi".

Fabrizio Biasin xabariga ko'ra, Romero bo'yicha «Tottenxem» bilan kelishuvga erishilgan, ammo futbolchining o'zi bilan hali kelishuv yo'q. Faol harakatlar faqat Pavar jamoani tark etgan taqdirda boshlanadi.

Kurtis Jons yarim himoyani kuchaytirish uchun asosiy maqsad bo'lib qolmoqda, futbolchi transferga ochiq.

Klubning ushbu masala bo'yicha bayonoti:

Napoli matbuotda tarqalgan noto'g'ri ma'lumotlar munosabati bilan Yesper Lindstryomning Shalke 04 klubiga amalga oshmay qolgan transferi atrofidagi vaziyatga oydinlik kiritmoqchi. Kecha shartnomaning umumiy shartlari bo'yicha xabarlar almashinilgandan so'ng — moliyaviy jihatlar va to'lov sxemasi hech qanday bahs-munozaralarga sabab bo'lmagan holda — bugun soat 13:00 da nemis klubi bizga taklif qilingan ayrim bandlar maqbul emasligini ma'lum qildi.

Ushbu qaror o'tgan dam olish kunlari ikki futbolchining jarohat olishi ortidan klubning sport-texnik ehtiyojlari o'zgargani va bu transfer strategiyasini qayta ko'rib chiqishni talab qilgani bilan izohlandi. Soat 13:22 da nemis klubiga javob yuborildi: taklif qilingan o'zgarishlar shartnoma tuzilmasining faqat detallariga taalluqli bo'lishiga qaramay, Napoli nemis tomonining yangi texnik talablarini hisobga olgan holda Shalke taklif qilgan shartnoma tahririni qabul qilishga tayyor edi. Shunga qaramay, soat 17:32 da nemis klubi tarkibni shakllantirishdagi ustuvorliklar o'zgargani sababli transferga qiziqish bildirmasligini tasdiqladi, bu esa kelishuv barbod bo'lishining haqiqiy sabablarini yaqqol ko'rsatib turibdi. Amalga oshmay qolgan transfer uchun javobgarlik masalasi uzil-kesil oydinlashganiga umid qilgan holda, Napoli o'z manfaatlarini himoya qilish uchun tegishli instansiyalarda har qanday choralarni ko'rish huquqini o'zida saqlab qoladi.

Vest Xem Troy Perrottga qiziqish bildirmoqda.

Premyer-ligani tark etgan klub irlandiyalik hujumchini hujum chizig'ini kuchaytirish uchun ideal nomzod deb hisoblamoqda.

Hozircha Perrottning Angliyaga qaytishga bo'lgan munosabati noma'lum, chunki unga Komo va Betis klublari ham qiziqish bildirmoqda.

🚑 Milan lazareti hali ham to'lmoqda.

❌ Mario Gila yakka tartibda shug'ullanishda davom etmoqda va Avstraliyada Interga qarshi o'yinda maydonga tushmaydi. Klub tavakkal qilmaslikka va himoyachiga to'liq tiklanish uchun vaqt berishga qaror qildi.

🏥 Kristian Pulishich va Santyago Ximenes Milanelloda qolishdi:

Pulishich boldir suyagining stress sinishidan so'ng tiklanish jarayonini o'tkazmoqda.

Ximenes to'piq paylaridagi cho'zilishni davolamoqda.

⏳ Jamoa Avstraliyadan qaytgach, shifokorlar ularning holatini baholashadi. Asosiy maqsad — har ikkisini ham A Seriya startiga tayyorlash. Milan 23-avgust kuni chempionat doirasida Torino bilan bahs olib boradi.

🔴 O'yinchilarning salomatligi har qanday o'rtoqlik o'yinidan muhimroq. Asosiysi — mavsum boshiga yangi asoratlarsiz yetib kelish.

❌ Parma Juventus klubining Pellegrino bo'yicha taklifini rad etdi.

Turinliklar futbolchini sotib olish huquqi bilan ijaraga olishni taklif qilishgan. Parma esa faqat futbolchini to'liq sotishdan manfaatdor.

Fabrisio Romano xabariga ko'ra.

Federiko Gattining «Napoli»ga ehtimoliy o'tishi borasidagi munosabati hozircha noma'lum.

Ayrim kuzatuvchilar futbolchi kecha kechqurun ijtimoiy tarmoqlarga joylagan suratga e'tibor qaratishmoqda. Unda Gatti «Yuventus» libosida «Keksa sinyora» muxlislariga sardorlik bog'ichini ko'rsatmoqda.

Federiko baribir «Yuventus»dan ketishni istamayapti, degan xulosaga kelish mumkin.

Biz esa voqealar rivojini kuzatishda davom etamiz...