Serie A yangiliklari Umumiy

Uesli va Pizilli bugungi tonggi mashg'ulotlarda ishtirok etishmadi, Bax esa jarohati sabab uzoq muddatga safdan chiqdi.

LaRoma24 eksklyuziv xabariga ko'ra, Pizilli MRT tekshiruvidan o'tishi kerak, ammo uning bir haftadan so'ng safga qaytishi kutilmoqda.

Bugun ertalab o'tkazilgan MRT tekshiruvi «Roma»ning xavotirlarini tasdiqladi: yosh futbolchida o'ng tizza bo'g'imi oldingi xochsimon paylarining uzilishi aniqlandi. Jarohat «Kardiff»ga qarshi o'yinning birinchi bo'limida olingan.

Yaqin vaqt ichida futbolchi jarrohlik amaliyotini o'tkazadi, operatsiyani doktor Georg Albaumer bajaradi. Tiklanish muddati taxminan to'qqiz oyni tashkil etishi kutilmoqda.

"Hapoel Tel-Aviv" va "GKS Katovitse" juftligi g'olibi "Atalanta"ga raqib bo'ladi.

Birinchi o'yin 20-avgust kuni, javob uchrashuvi esa 27-avgust sanasida bo'lib o'tadi.

"Komo" o'tgan mavsumdagi so'nggi uy uchrashuvini 17-may kuni o'tkazdi. Shundan so'ng darhol "Sinigalya" stadionining shimoliy tribunasi rekonstruksiya qilina boshlandi. Bungacha u vaqtinchalik bo'lib, UEFA standartlariga javob bermasdi.

"Sinigalyani saqlab qolish bo'yicha aholi qo'mitasi advokat orqali shahar hokimiyati tomonidan berilgan ruxsatnomaga qarshi dastlabki shikoyatni yubordi. Gap shundaki, qurilish bo'yicha to'rtta turli hujjatda bir xil loyiha turlicha nomlangan. Qurilish maydonchasidagi axborot taxtasida ishlar "modernizatsiya", dastlabki ogohlantirishda "renovatsiya", umumiy foydalanishdagi yer uchastkasidan foydalanish ruxsatnomasida "kapital ta'mirlash" deb ko'rsatilgan. Madaniy merosni muhofaza qilish boshqarmasi (Soprintendenza) xulosasida esa "2026/2027-yilgi mavsum uchun UEFA talablariga muvofiqlashtirish bo'yicha vaqtinchalik ishlar" haqida so'z boradi.

Shu bilan birga, SCIA (ishlarni boshlash to'g'risidagi sertifikatlangan bildirishnoma) hujjatida loyiha "yangi qurilish" sifatida ta'riflangan. Murojaat mualliflarining fikricha, ta'riflarning bunday xilma-xilligi loyihaning asl mohiyatini tushunishga imkon bermaydi. Shuningdek, loyihada poydevor uchun 16 metr chuqurlikda qoziq qoqish ishlari ham ko'zda tutilgan. Bunda stadion sig'imi 12 064 o'rindan atigi 12 379 o'ringa o'zgaradi."

Shuni alohida ta'kidlash kerakki, avvallari tribuna ortidagi manzara ancha atmosferaliroq edi.

"Inter" o'rtoqlik uchrashuvida "Manchester City" ustidan g'alaba qozondi.

Asosiy vaqt 1:1 hisobida yakunlandi, penaltilar seriyasida esa 1:3 hisobi qayd etildi. Asosiy vaqtda Benjamen Pavar gol urdi, penaltilar seriyasida esa Zelinski, Moskoni va Lavelli o'z zarbalarini aniq amalga oshirishdi. Davide Frattezi esa penaltidan unumli foydalana olmadi.

Neapolda bugun «Napoli» klubining 100 yilligi munosabati bilan tantanalar bo'lib o'tmoqda. 1-avgustga o'tar kechasi klub o'zining asrlik yubileyini rasman nishonlaydi.

Curva A va Curva B ultralari tomonidan klub rahbariyati bilan hamkorlikda tashkil etilgan bayram dasturi quyidagicha:

17:00 - Piazza dei Martiri maydonida yig'ilish. «Biz tarixga kiradigan kunni boshlash uchun shaharning qoq markazida birga yig'ilamiz.»

18:00 - Shahar bo'ylab yurish.

Piazza Carita maydoni. Bayram soat 19:26 da, klubning birinchi qarorgohi joylashgan va «Napoli» ildizlari bilan chambarchas bog'liq bo'lgan ushbu maydonda boshlanadi. Tantanalarga Neapoldagi yuzta cherkov qo'ng'iroqlari bir vaqtda jarang sochishi bilan start beriladi. Shundan so'ng osmonni ramziy ko'k tutun (Fumata Azzurra) qoplaydi.

100 nafar aktyor, 100 nafar sozanda va 100 nafar bolalar ishtirokidagi tomosha Neapolning afsonaviy tarixi, xalq an'analari va diniy madaniyatini hikoya qiladi. Dasturning asosiy yo'nalishi Neapolni butun dunyoga mashhur qilgan qo'shiqlardan ilhomlangan musiqa bo'ladi.

Piazza Municipio maydoni. Bu yerda Pizza Village Centenario tashkil etiladi. Soat 20:26 dan boshlab klub bepul «Margarita» pitsasi va ichimliklar tarqatadi. Pitsaning bir qismi Banco Alimentare Campania ko'magida muhtojlarga yetkaziladi. Katta ekranlar orqali mehmonlar yubiley marosimini jonli efirda kuzatishlari mumkin.

Piazza del Plebiscito maydoni. Soat 20:45 da klub 100 yilligini nishonlashning rasmiy marosimi boshlanadi. Prezident Aurelio De Laurentiis, rasmiylar, «Napoli» afsonalari va maxsus mehmonlar klubning asrlik tarixini yodga olishadi.

Kechning asosiy voqealaridan biri «Napoli» afsonalari va jamoaning hozirgi o'yinchilarining bir sahnada uchrashuvi bo'lib, bu klubning o'tmishi, buguni va kelajagi o'rtasidagi bog'liqlikni anglatadi.

Perin mushaklaridagi toliqish, Boga esa bosh aylanishi sindromi sababli safdan chiqdi 🤕

Marco Baridon xabariga ko'ra, futbolchilar jamoaning navbatdagi qaydnomasiga kiritilmadi.

The Athletic nashri jurnalisti Saymon Jonson "Chelsi" o'z transfer siyosatini nima uchun o'zgartirgani va nima sababdan Premer-liga tajribali o'yinchilariga ishonch bildirayotgani haqida fikr bildirdi:

BlueCo allaqachon jamoani tajribali futbolchilar atrofida qurishga uringan edi. 2022-yil yozida klub Rahim Sterling, Kalidu Kulibali va Pyer-Emerik Obameyangni tarkibga qo'shib olgandi, biroq ularning hech biri kutgan natijani bermadi.

Uchlikning muvaffaqiyatsizligi BlueCo 2023-yil yanvarida strategiyasini o'zgartirishiga asosiy sabab bo'ldi. Klub butunlay yosh futbolchilarga e'tibor qaratdi, ammo bu yondashuv ham kutilgan samarani bermadi. Jamoa APLda oltinchi, to'rtinchi va o'ninchi o'rinlarni egalladi, garchi Konferensiyalar ligasi va Klublar o'rtasidagi jahon chempionatida g'alaba qozongan bo'lsa ham.

Danni Uelbek va Jordan Xendersonning transferi "Chelsi" transfer strategiyasidagi ongli burilishdir. Klub jamoaga tajriba, yetakchilik qobiliyati va hissiy yetuklik yetishmayotgani to'g'risida xulosaga keldi, shu bois bu yozda faqat yoshlarga emas, balki tajribali o'yinchilarga ham urg'u berildi.

BlueCo o'z modelini tuzatish zarurligini tan oldi. Bahorda Behdad Egbali loyihaga yoshlik va tajriba o'rtasidagi muvozanatni topish hamda jamoani yangi bosqichga olib chiqish uchun ko'proq tayyor futbolchilar kerakligini aytgandi.

Klubdagi manbalar ma'lumotiga ko'ra, Liam Rosenyor tayinlangandan so'ng darhol o'yinchilarga hissiy yetuklik yetishmayotganini ko'rsatib o'tdi. Uning fikricha, hakamlarning bahsli qarorlaridan yoki o'tkazib yuborilgan gollardan so'ng jamoa 10-15 daqiqaga konsentratsiyani yo'qotardi, bu esa ko'pincha natijaga ta'sir qilardi.

"Chelsi"da intizomni ham jiddiy muammo deb hisoblashadi. So'nggi uch mavsumda klub APLda Fair Play reytingi bo'yicha ikki marta eng yomon jamoa bo'ldi va bir marta qatordan oldingi o'rinni egalladi. Hatto jamoa yetakchilari ham muntazam ravishda keraksiz kartochkalar olishardi.

Xabi Alonso bilan muzokaralar chog'ida tomonlar jamoaga ko'proq "ruhiy jihatdan kuchli yigitlar" kerakligi borasida kelishib olishdi. Ispaniyalik mutaxassis jamoa ichida sog'lom muhitni shakllantirish uchun yosh va tajribali o'yinchilar o'rtasidagi to'g'ri muvozanat muhimligini ta'kidladi.

Yosh asosiy mezon emas. "Chelsi" kuchli xarakter va to'g'ri mentalitetga ega tayyor o'yinchilarni qidirmoqda. Aynan shu sababdan klub Maksans Lakrua, Morgan Rojers va Marko Palestra transferlarini, yoshlariga qaramay, maqsadga muvofiq deb hisoblaydi.

"Chelsi" Xendersonni kiyinish xonasidagi yetakchi sifatida ko'rmoqda. Klub uning mashg'ulotlardagi talablar darajasini ko'tarishiga, kerakli pallada gapirishdan cho'chimasligiga va professionallik namunasi bo'lishiga ishonch bildirmoqda.

Uelbek jamoaga ijobiy muhit olib kirishi kerak. U jamoani birlashtirish, sheriklarini qo'llab-quvvatlash va kiyinish xonasida to'g'ri muhit yaratish qobiliyati uchun qadrlanadi.

Xenderson o'tishidan oldin "Chelsi" Granit Jakani qo'lga kiritishga uringan, shuningdek, Jon Stounz bo'yicha ham so'rov yuborgandi. "Sanderlend" o'z sardorini sotishdan qat'iy bosh tortdi, Stounz esa "Inter"ga o'tishni ma'qul ko'rdi. Shundan so'ng klub ingliz futbolchisiga e'tiborini qaratdi.

"Chelsi"da Xenderson va Uelbekning klubdagi bir necha mavsumi ham ularning transferini to'liq oqlashiga ishonishadi. Rahbariyat ular kiyinish xonasiga yetakchilik fazilatlari, ijobiy muhit olib kirishiga va o'z tajribalari bilan yosh futbolchilarga yordam berishiga umid qilmoqda.

Xenderson va Uelbekning kelishi Ris Jeymsning sardorlik maqomiga ta'sir qilmaydi. Klubda ta'kidlashlaricha, kamgap bo'lishiga qaramay, Jeyms kiyinish xonasida hurmatga ega va uning yonida yana bir nechta yetakchilar paydo bo'lishi jamoaga faqat foyda keltiradi.

"Chelsi" 30 yoshdan oshgan o'yinchilarni xarid qilishni istisno etmaydi, biroq buni doimiy amaliyotga aylantirmoqchi emas. Klub o'z transfer strategiyasini qayta ko'rib chiqishga va natijalarga qarab moslashishga tayyor.

Kardiffning Romaga qarshi o'yinida Paulo Dibala va Brayan Kristante o'rtasida keskin vaziyat yuzaga keldi. Voqea Tanner gol urib, hisobni 4:1 ko'rinishiga keltirganidan so'ng sodir bo'ldi va bu holat jallorossilarning g'azabini keltirdi.

Roma vakillari hujum rivojlanayotgan pallada Santyago Kastroga nisbatan qoida buzilgan deb hisoblashdi. Hakam o'yinni davom ettirishga ruxsat berdi va ko'p o'tmay Kardiff gol urdi. Ushbu qaror Rim klubi noroziligiga sabab bo'ldi, Matias Sule esa jamoadoshini himoya qilgan holda hakamga e'tiroz bildirdi va sariq kartochka oldi.

Ayni shu lahzada Dibala va Kristante o'rtasida nizo kelib chiqdi. DAZN kadrlari ularning qizg'in bahsini ko'rsatdi, vaziyatni yumshatish uchun boshqa futbolchilar aralashishiga to'g'ri keldi. Argentinalik futbolchi sardordan hakamga nisbatan qat'iyroq pozitsiya egallashni talab qilgandek ko'ringan bo'lsa, Kristante vaziyatni tinchlantirishga harakat qilgan.

O'rtoqlik uchrashuvi bo'lishiga qaramay, jamoa yetakchilari o'rtasidagi bu keskinlik e'tibordan chetda qolmadi.

31 iyul sanasi ortda qoldi, ammo ko‘pchilik kutgan yirik transferlar amalga oshmadi.

«Roma» klubi UEFA bilan tuzilgan moliyaviy feyr-pley kelishuvi shartlarini bajarish uchun o‘z yulduz futbolchilaridan hech birini sotmaslikka qaror qildi. La Gazzetta dello Sport xabariga ko‘ra, Gasperini jamoa raqobatbardoshligini saqlab qolish maqsadida ushbu qarorni qo‘llab-quvvatlagan.

So‘nggi haftalarda «Roma» bir nechta jiddiy takliflarni rad etdi. «Inter»dan Janluka Manchini va Evan Ndika bo‘yicha, «Yuventus»dan Mile Svilar uchun 42 million yevrolik, «Portu»dan esa 22 million yevroga baholangan Nikkolo Pizilli bo‘yicha tushgan takliflar qabul qilinmadi. Endilikda barcha e’tibor noyabr oyida kutilayotgan UEFA qaroriga qaratilgan. Gazeta ma’lumotlariga ko‘ra, «Roma» 10-12 million yevro miqdorida jarimaga tortilishi hamda 2027/28 yilgi mavsum uchun UEFA turnirlariga ro‘yxatdan o‘tkaziladigan futbolchilar soni 25 nafardan 22 nafargacha qisqartirilishi mumkin.

Biroq, bundan ham jiddiyroq ssenariylarni tasavvur qilish qiyin. La Gazzetta dello Sport yozishicha, yangi futbolchilarni Yevropa musobaqalariga ro‘yxatdan o‘tkazishga taqiq qo‘yilishi yoki kubok turnirlaridan chetlatilish ehtimoli kam. Niondan esa «Roma»ning moliyaviy holatini tiklash jarayoni bo‘yicha ijobiy xabarlar kelmoqda.

Lameck Banda bedarak yo'qoldi. U ikki haftadan buyon aloqaga chiqmayapti!

La Gazzetta dello Sport xabariga ko'ra, klub futbolchining qayerdaligini bilmaydi. Umid qilamizki, u bilan hammasi joyida!