Andoni Iraola Jeremi Frimpongning almashtirilishi sabablarini tushuntirdi. Murabbiy futbolchining jarohat olmaganiga umid qilmoqda.
Andoni Iraola Jeremi Frimpongning almashtirilishi borasida quyidagicha izoh berdi:
Jeremi almashtirishni so'radi, ammo men buni jarohat deb o'ylamayman. Gap kichik zo'riqish haqida ketmoqda va umid qilamanki, u jarohatdan qutulib qoldi. Kimnidir yo'qotdik deb o'ylamayman.
Andoni Iraola yosh futbolchilarning Premer-liga darajasidagi raqiblarga qarshi o'yinini yuqori baholadi va ularning kelajagi haqida to'xtaldi.
Andoni Iraolaning klub intervyusidan yosh futbolchilar haqidagi fikrlari:
🛑 Sizni ayniqsa nima xursand qildi? Bu vaqt ichidagi eng ijobiy jihat nima deb o'ylaysiz?
«Ehtimol, yosh futbolchilarning chiqishlari. Asosan bizda U21 jamoasi va akademiyadan kelgan futbolchilar o'ynashdi va ular Premer-liga darajasidagi raqiblarga qarshi juda yaxshi o'yin ko'rsatishdi. Ular yakkakurashlarda g'alaba qozonishdi, jamoaviy g'oyalarimizni amalga oshirishda yordam berishdi. Balki, bu kutilmagan hol emas, balki ularning darajasini tasdiqlovchi omildir».
🛑 Siz boshidanoq yosh futbolchilarni ko'rishni intiqlik bilan kutayotganingizni aytgandingiz. So'zlaringizga qaraganda, ular kutganingizni oqlashdi. Endi ular asosiy jamoada qoladimi, U21 safiga qaytadimi yoki ijaraga ketadimi, shuni hal qilishingiz kerak...
«Ha, turli variantlar bo'lishi mumkin. Ular menga o'z darajalariga mos ekanliklarini, foyda keltira olishlarini, o'yin daqiqalarini sifatli o'tkazishlarini va mashg'ulotlarda yuqori darajani ushlab turishlarini ko'rsatishdi. Ishonchim komilki, ularning ba'zilari biz bilan qoladi».
Jeyms Pirs «Liverpul»dagi ichki muhit, Kyortis Jonsning kelajagi va «Inter»ning transferga qiziqishi haqida ma'lumot berdi.
Jeyms Pirs «Rekshem»ga qarshi o'yindagi kelishmovchilik va kechagi mashg'ulotlar haqida:
🛑 Klubdagi yuqori lavozimli manbalar, ismini oshkor qilmaslikni so'rab, «Yanki Stedium»da yuz bergan holat elit sport muhiti uchun odatiy mojaro bo'lganini ta'kidlashmoqda. Shunchaki, bunday epizodlar odatda kiyinish xonasida qolib ketadi.
Ularning so'zlariga ko'ra, kelishmovchilik tezda hal qilingan.
🛑 «Inter» vositachilar orqali 35 million yevro to'lashga tayyorligini bildirdi. «Liverpul» futbolchini taxminan 40 million yevroga baholayotganini inobatga olsak, murosaga kelish ehtimoli yuqori.
Shartnoma yakuniga bir yil qoldi va uni uzaytirish bo'yicha muzokaralarda hech qanday siljish yo'q, shu bois tomonlar uchun xayrlashish mantiqiy ko'rinmoqda.
🛑 Kyortis jamoaning asosiy o'yinchilaridan biri sifatida ko'rilishini istaydi, shunchaki rotatsiya futbolchisi bo'lishni emas. Biroq, buni yangi bosh murabbiy Andoni Iraola qo'l ostida amalga oshishini tasavvur qilish qiyin.
🛑 Vitse-sardor-kapitan roli uchun asosiy nomzod sifatida Soboslai ko'rilmoqda. Virdjil yo'qligida u AQShdagi turne davomida o'zini ajoyib ko'rsatmoqda. U yosh o'yinchilarga maslahatlari bilan yordam berib, ularni qo'llab-quvvatlaydi va har kuni mashg'ulotlarda yuqori standartlarni o'rnatmoqda.
🛑 Jake trenajyor zalida ishladi. Klub uning yuklamasini ehtiyotkorlik bilan boshqarishda davom etmoqda, chunki fransiyalik markaziy himoyachi fevral oyidagi yelka operatsiyasidan buyon maydonga tushmagan. Uning «Lids»ga qarshi uchrashuvda ishtirok etishi hozircha noma'lum.
🛑 Mashg'ulotda 200 ga yaqin VIP-mehmonlar, shuningdek, Fenway Sports Group prezidenti Mayk Gordon ishtirok etdi. U FSG futbol bo'limi bosh direktori Maykl Edvards ketganidan so'ng, «Liverpul»ning kundalik ishlarini yana o'z nazoratiga olgan. Gordon yakshanba kungi o'yinga ham tashrif buyuradi.
Dominik Soboslai «Liverpul»dagi o'zgarishlar, yangi shartnoma va jamoaning kelgusi mavsumdagi maqsadlari haqida gapirdi.
Andoni Iraola va Dominik Soboslai jurnalistlar uchun matbuot anjumani o'tkazdi. Soboslaining fikrlari quyidagicha:
🛑 AQShdagi o'yin haqida
Bu oson sharoit emas, shuning uchun MLS o'yinchilariga hurmatim baland. Biz bu yerga zavq olish uchun keldik, ammo bu oson emas, bizga qiyin bo'lyapti. Bunday sharoitlar mavsumga tayyor bo'lishimiz uchun kerak. O'ylaymanki, bu ikki o'yin Chikagoda «Lids»ga qarshi bo'ladigan bahsdan farq qildi. Rayan, Florian va boshqalar qaytishdi, men buni intiqlik bilan kutyapman va yanada yaxshiroq o'ynay olishimizga umid qilaman.
🛑 Klubdagi o'zgarishlar haqida
Klubning bir nechta afsonalari ketdi, ammo klub har doimgidek o'sha-o'sha, dunyodagi eng katta klublardan biri bo'lib qolmoqda. Kimdir ketdi, kimdir keldi, biz esa darajani oshirib, yosh avlod uchun namuna bo'lishimiz kerak. Men ham maydonda, ham maydon tashqarisida o'rnak bo'lishga harakat qilyapman, ko'plab o'yinchilar ham shunday fikrda. Biz jamoadagi eng keksa futbolchilar bo'lmasak-da, uzoq vaqtdan beri shu yerdamiz. Florian, Rayan, Makka, Kertis, Aleks, Ali, Joui — barchamiz bir qayiqdamiz va bir-birimiz uchun eng yaxshisini istaymiz. Virj — bizning sardorimiz, biz uning aytganlariga amal qilamiz. Barchamiz bu mavsumda muvaffaqiyatga erishmoqchimiz. Yangi murabbiy bilan bu uzoq yo'l, jamoa o'zgardi va uzoq muddatli istiqbolda hammasi joyiga tushadi.
🛑 Yangi shartnoma haqida
Men juda xursandman. Bu haqda avval ham aytganman. Hammasi yakunlanguniga qadar uzoq jarayon bo'ldi. Umid qilamanki, ikki tomon xohlaganicha shu yerda qolib, barcha sovrinlarni yuta olaman. Avvalgidek takrorlayman: men imkon qadar barcha sovrinlarni yutishni istayman.
🛑 Transferlar haqida
O'ylaymanki, bu haqda o'ylash mening ishim emas. Albatta, mish-mishlarni o'qiyman va hammasini ko'raman. Tabiiyki, jamoaga yordam bera oladigan o'yinchilarni doimo xush ko'ramiz, ammo bu mening qarorim emas. Bular uchun pul to'laydigan odam men emasman.
🛑 Iraola haqida
Hammasi juda yaxshi, intensivlik — aynan shu yil bizga kerak bo'lgan narsa. Bizga yetishmayotgan narsa qaytdi, ham murabbiy, ham o'yinchilar tomonidan. Shunday ekan, endi buni qo'limizdagi jamoa bilan uyg'unlashtirishimiz kerak.
«Bornmut» bosh murabbiyi Andoni Iraola o'z shogirdi Trey Nyonining o'yin uslubi va maydondagi xotirjamligi haqida gapirdi.
Andoni Iraola Trey Nyoni haqida:
Trey to'p bilan juda yaxshi harakat qiladi: u xotirjam va o'yin vaziyatlarini a'lo darajada tushunadi. Biz undan to'psiz o'yinda va pressingda ko'proq narsani talab qilamiz – va u buni juda yaxshi uddalamoqda. U oldinga chiqish uchun to'g'ri daqiqalarni tanlaydi.
Trey to'pni qabul qilganda doimo o'ziga ishonadi, shuning uchun biz uni tavakkal qilishdan qo'rqmaslikka chaqiramiz. Hatto ba'zida to'pni yo'qotib qo'ysa ham, biz unga shunday deymiz: «O'ninchi raqamni topishga harakat qil, to'qqizinchi raqamni izla, himoyachilar ortiga uzatmalar ber, biroz uzoqroqqa nazar tashla».
U bunga qodir, chunki u juda iqtidorli. Yakuniy hisobda u bosim ostida ham to'p so'rashdan qo'rqmaydigan yarim himoyachi. U bu bosimni go'yoki sezmaydi.
Hatto raqib juda yaqin bo'lganda ham, Trey baribir uzatma uchun ochiladi va ishonch bilan harakat qiladi, shoshilib qolmaydi. Men uchun bu juda qadrli sifat.
Milos Kerkez Iraolaning taktik talablari, Arne Slotning iste'fosi va o'zining bolaligi haqida gapirib berdi.
Milos Kerkez o'z intervyusida Iraolaning talablari va Arne Slotning iste'fosi haqida gapirdi.
Iraola murabbiy sifatida qanot himoyachilari ko'proq qanot bo'ylab harakatlanishini, ham sherigining orqasiga, ham yarim qanotga o'tishini afzal ko'radi. "Bornmut"da bu tizim menga mos kelgan, shuning uchun bu yerda ham ish beradi deb o'ylayman. Iraola menga har doim eng muhimi – himoyadagi o'yin ekanligini aytgan. U uchun bu birinchi o'rinda turadi: agar himoyachi bo'lsang, avvalo sifatli himoyalanishing kerak. Shuning uchun men doimo avval himoyaga e'tibor qaratib, keyin oldinga o'tib, vingerlarga yordam berardim. U menga ko'rsatdi: agar asosiy ishingni bajarsang, keyin erkinlikka ega bo'lasan va o'zing to'g'ri deb bilgan narsani qila olasan. Uning qo'l ostida o'zimni haqiqatan ham erkin his qilardim. U o'zingni ko'rsatishingga imkon beradi.
Men hayron qoldim. Rostini aytsam, hech narsadan xabarim yo'q edi. Serbiyada edim va uxlab yotganimda akam meni uyg'otdi. U eshikni taqillatdi – bu yangilik katta syurpriz bo'ldi. Hech kim hech narsani bilmasdi. Ishongim kelmadi va faqat: "Voy-bo'", deb o'yladim. Shundan so'ng Slot bilan gaplashdik va bir nechta xabar almashdik.
Rostini aytsam, bosim haqida qayg'urmayman. Menga bu "bosim" va shunga o'xshash gaplar yoqmaydi. Men Serbiyada biroz boshqacha sharoitda o'sganman. Bizning tarbiyamiz boshqacha. Aytish mumkinki, biz o'zimiz ham biroz boshqacharoq odammiz. Masalan, men o'n yoshimda yuk mashinasini hayday boshlaganman. Bu otam bilan birga bo'lgan. Kabinaga chiqib, rulni ushlaganman. Pedallarni u boshqargan, chunki men hali kichik edim va ularga oyog'im yetmasdi.
«Liverpul» PSJ hujumchisi Bradley Barkolani o'z safiga qo'shib olmoqchi. Futbolchiga «Arsenal», «Bavariya» va «Chelsi» ham qiziqish bildirmoqda.
Britaniyalik jurnalist Saymon Jonsning yozishicha, «Liverpul» PSJ bilan Bradley Barkolaning transferi bo'yicha muzokaralar olib bormoqda.
Parijliklar futbolchi uchun 140 million funt talab qilmoqda, ammo «Liverpul» bunday narxga rozi emas. Bunga sabab sifatida o'tgan yili klub futbolchi uchun 75 million funt atrofida narx belgilagani keltirilmoqda.
Jonsning ta'kidlashicha, Barkolaning mahorati Andoni Iraola uslubiga mos keladi va u Muhammad Saloh ketganidan keyin yuzaga kelgan bo'shliqni to'ldirishi mumkin.
«Arsenal» va «Bavariya» ham fransiyalik futbolchiga qiziqish bildirmoqda, «Chelsi» esa yoz boshida u bo'yicha so'rov yuborgan edi.
Barkolaning o'zi, agar klublar kelishuvga erishsa, «Liverpul» bilan transfer masalasida gaplashishga tayyorligi aytilmoqda.
Iraola o'rtoqlik uchrashuvi, Jo Gomesning jarohati hamda jamoaning kelgusi rejalari haqida fikr bildirdi.
Iraolaning o'yindan keyingi fikrlari:
O'ylaymanki, biz ikki xil bo'limni ko'rdik. Ayniqsa, birinchi bo'limdagi tarkib ancha kuchliroq bo'lgani sezildi. Biz ikkala jamoani ham muvozanatlashga harakat qildik, ammo farq baribir sezilib turdi.
Biz ko'plab narsalarni to'g'irlashimiz kerak. Shubhasiz, bu bor-yo'g'i birinchi o'yin edi. Mashg'ulotlardagi yuklamalardan keyin futbolchilarning oyoqlari og'ir ekanligi sezildi, shuning uchun bizga biroz konsentratsiya yetishmadi. Ammo bu o'yin bizga keyingi ishlarimiz uchun yaxshi boshlang'ich nuqta bo'ladi.
Eng yomon yangilik bu Jo Gomesning jarohati bo'ldi. Biz deyarli butun mashg'ulot davrini birorta ham o'yinchini yo'qotmasdan o'tkazganimizdan mamnun edik, ammo afsuski, deyarli darhol Jo'dan ayrildik.
🛑 Jo Gomesning jarohati va Jeremi Jakening yo'qligi haqida:
Jeremi holatida biz shoshilmaslikka qaror qildik. U yelkasidagi jarohat tufayli bir necha oy maydonga tushmadi, shuning uchun uni asta-sekin o'yinlarga tayyorlab boramiz deb o'ylayman.
Katta ehtimol bilan, u bizning Amerika turnesidagi so'nggi uchrashuvda maydonga tushadi va ma'lum daqiqa o'ynash imkoniyatiga ega bo'ladi. Shu paytgacha vaziyatdan nisbatan qoniqish hosil qilgandik, ammo endi markaziy himoyachilarimizdan birini yo'qotdik.
🛑 Liverpulning niyatlarini ko'rsatgan birinchi gol haqida:
O'yinga kerakli sur'atni berish qiyin bo'ldi. O'ylaymanki, har ikkala jamoaga ham o'tkirlik va chuqurlik yetishmadi. Bundan tashqari, havo nam edi, maydon esa biroz sekinroq bo'ldi.
To'p bilan yaxshi vaziyatlarimiz bo'ldi, lekin intensivlik yetishmadi deb hisoblayman. O'zaro tushunish va harakatlarning o'z vaqtida bo'lishi hali idealdan yiroq ekanligi sezildi. Bizni juda ko'p ish kutib turib, ammo bu faqat boshlang'ich nuqta.
🛑 Jamoaning ikkinchi bo'limdagi g'alabaga intilishi haqida:
Asosiysi, bu o'yindan kerakli ritmga qaytish va o'zimizni chegarada ishlashga majburlash uchun foydalanish edi.
Maydonda 45, 60 daqiqa yoki boshqa vaqt o'tkazishingiz muhim emas, ulardan to'g'ri foydalanish kerak. Natija hozir unchalik ahamiyatga ega emas. Bosimni davom ettirish, bo'shashmaslik va maydonda o'zingizni juda qulay his qilmaslikka o'rganish muhim.
Biz hali juda ko'p narsani yaxshilashimiz kerak.
🛑 Yaqin kunlarda mashg'ulotlarga qaytadigan futbolchilar haqida:
Ular allaqachon Chikagoda va bizni kutishmoqda. Aleks Isak, Flo Virts va Rayan Gravenberx ertadan jamoa bilan birga mashg'ulotlarni boshlashadi.
AQShda bizda yana ikkita o'yin qoldi. Umid qilamanki, biz ularning yuklamalarini to'g'ri taqsimlaymiz va bugun yetarlicha yaxshi ishlamagan narsalarni asta-sekin to'g'irlashni boshlaymiz.
Iraola matbuot anjumanida tarkibdagi o'zgarishlar, jarohat olgan futbolchilar va jamoaning transfer rejalari haqida gapirib o'tdi.
🎙️ Iraolaning bugungi matbuot anjumanidan eng muhim jihatlar:
🛑 Virtss, Isak va Gravenberx kelasi haftada jamoa safiga qo'shilishadi. Van Deyk, Gakpo, Alisson, Makka va Munyos AQSHdagi turnega bormaydilar, ular individual tarzda shug'ullanishadi va jamoa Angliyaga qaytganidan so'ng mashg'ulotlarga qo'shilishadi.
🛑 Jarohatlar haqida: Baychetich va Endo to'liq tiklanishga yaqin. Leoniga esa biroz ko'proq vaqt kerak bo'ladi. Ekitike va Bredlining safga qaytishi bir necha oyga cho'zilishi mumkin.
🛑 Transferlar haqida: Iraola klubga vinger kerakligini ta'kidladi. Shuningdek, o'ng qanot himoyachisi pozitsiyasi bo'yicha ham savollar bor:
Konor safga qaytishiga hali ancha bor. Himoyadagi chuqurlik juda muhim va hozir bizda bu borada muammolar bor. Klub yechim topishga harakat qiladi.
Kris Uilyams ma'lumotlariga ko'ra, Konor Bredlining tizza jarohati kutilganidan ham jiddiyroq bo'lib chiqdi.
Kris Uilyams, may oyi oxirida Bredlining jarohati og'ir oqibatlarga olib kelishi haqida yozgan jurnalist, Irlandiya futbol assotsiatsiyasiga tayanib, Konorda tizza qopqog'i parchalanishi kuzatilganini ta'kidlamoqda. Bu tiklanish jarayoni nega bunchalik sekin kechayotganini tushuntiradi.
Albatta, bu ma'lumot 100 foiz aniq emas, biroq Uilyams tajribali jurnalist hisoblanadi va uning «Liverpul» atrofida o'z manbalari saqlanib qolgan bo'lishi mumkin, shuning uchun buni inobatga olish kerak.
Har holda, Iraola jarohatdan tiklanish uchun oylar kerakligini aytib o'tdi, mavsumni esa Frimpong va Remzi kabi o'ng qanot himoyachilari bilan boshlash shubhali ko'rinmoqda.
Dominik Soboslai "Liverpul"dagi o'zgarishlar, yangi murabbiy Andoni Iraola va jamoaning kelgusi mavsumdagi maqsadlari haqida gapirdi.
Siz o'zingizni uch yil avval kelgan yigitdan ko'ra yaxshiroq o'yinchi deb hisoblashingizni aytdingiz. Nega? Sizningcha, nimalar yaxshilandi?
O'ylaymanki, vaqt o'tishi bilan yaxshiroq bo'lib borasiz – tajriba orttirasiz. Men ikki xil murabbiy qo'l ostida o'ynadim, endi esa uchinchisi keldi. Har biridan ko'p narsani o'rgandim va bu menga kerak edi deb o'ylayman. Shu bois, endi bularning barchasini har safar maydonda ko'rsata olishimga umid qilaman.
Aytganingizdek, klubda o'zgarishlar yuz berdi va yangi bosh murabbiy tayinlandi. Andoni Iraola qo'l ostida ishlashni qanchalik kutyapsiz?
"Bornmut"da u ajoyib murabbiy ekanligini ko'rsatdi. U bizga qarshi har doim Premer-ligadagi eng jismoniy tayyorgarlikka ega jamoa bilan o'ynagan. Uning o'yin intensivligi va bilimlari tufayli men uni fantastik murabbiy deb bilaman. Uning qo'l ostida o'ynash imkoniyatini intiqlik bilan kutyapman.
Mavsumoldi mashg'ulotlari shu hafta boshlandi. Milosh Kerkez jamoada ijobiy energiya hukm surayotganini aytdi. Siz ham buni his qilyapsizmi?
Ha, albatta. Yozgi ta'tildan qaytib, yigitlarni deyarli ikki oy ko'rmaganingizdan so'ng, ijaradan qaytgan o'yinchilar: Kostas, Xarvi bilan uchrashish yoqimli. Ularni ko'rganimdan xursandman. Hamma ijobiy kayfiyatni saqlab qolishga harakat qilmoqda, hozircha bu oson, ammo biz oldinga intilishda va qattiq ishlashda davom etishimiz kerak. O'ylaymanki, bizga aynan shu narsa kerak.
O'tgan mavsum "Liverpul" bilan bog'liq barcha uchun umidsizlik bo'lganini va bu biz kutgan natija emasligini ishonch bilan ayta olamiz. Ammo bu kelgusi mavsumda vaziyatni o'nglash uchun qanchalik qat'iyat bag'ishlaydi?
O'ylaymanki, bu bosim bo'lmasligi kerak, bu o'tgan mavsumda yo'l qo'ygan xatolarni takrorlamaslik uchun motivatsiya bo'lishi kerak. Bizga aynan shunday motivatsiya zarur. Har kim mas'uliyatni o'z zimmasiga olishi kerak, balki tajribali o'yinchilar ko'proq, yoshlar esa ularga ergashishi mumkin. Biz yana jamoaga aylanishimiz kerak.
Tomas Tuxel Angliya terma jamoasining yangi davrini Rio Ngumoani tarkibga jalb qilgan holda boshlamoqchi.
The Telegraph xabariga ko'ra, Tomas Tuxel Angliya terma jamoasining yangi davrini Rio Ngumoani tarkibga jalb qilgan holda boshlamoqchi.
Nashr ma'lumotlariga ko'ra, Rio jamoaning tajribali futbolchilari tomonidan qo'llab-quvvatlangan. Unga Jahon chempionati oldidan o'tkazilgan yig'inlarda ko'rsatgan o'yini bilan kuchli taassurot qoldirgani va kelajakda terma jamoaga qaytishi kutilayotgani ma'lum qilingan.
Tuxel Ngumoaning yangi mavsumni Iraola qo'l ostida qanday boshlashini diqqat bilan kuzatib boradi.
Andoni Iraola Kertis Jonsni jamoada olib qolish istagi borligini va futbolchining xarakterini yuqori baholashini ma'lum qildi.
Andoni Iraola Kertis Jons haqida o'z fikrlari bilan o'rtoqlashdi:
Bugun Kertis Jons bilan gaplashib olish imkoniyatim bo'ladi. Men uni juda yuqori baholayman. Men uchun u buyuk, ajoyib futbolchi. Umid qilamanki, u biz bilan qoladi va hozirgidek o'yin ko'rsatishda davom etadi. Uning skauzer ekani, ya'ni shu yerdan chiqqani juda muhim. Shuningdek, uning shaxsiyati ham menga yoqadi. Har holda, chetdan qaraganda u yaxshi xarakterga ega futbolchi bo'lib ko'rinadi va umid qilamanki, biz uni nafaqat bu yil, balki undan ham uzoqroq muddatga olib qola olamiz.
Andoni Iraola «Liverpul» bosh murabbiyi sifatidagi ilk matbuot anjumanini dushanba kuni o'tkazishi kutilmoqda.
Devid Linch xabar berishicha, Andoni Iraola dushanba kuni «Liverpul» bosh murabbiyi sifatidagi ilk matbuot anjumanini o'tkazadi.
Fikayo Tomori kelajagi yana savol ostida. "Liverpul" va "Yuventus" futbolchiga qiziqish bildirmoqda.
Fikayo Tomori kelajagi yana savol ostida qolmoqda.
Italiya matbuoti xabariga ko'ra, "Liverpul" ingliz himoyachisini transfer qilish bo'yicha "Milan" bilan dastlabki muzokaralarni boshladi.
Mersisaydliklarning yangi bosh murabbiyi Andoni Iraola himoya chizig'ini tajribali markaziy himoyachi bilan kuchaytirmoqchi va Tomori asosiy nomzodlardan biri sifatida qaralmoqda.
Shu bilan birga, "Yuventus" ham vaziyatni kuzatishda davom etmoqda.
Tomorining shartnomasi 2027-yilga qadar mo'ljallangan. Agar yangi kelishuv imzolanmasa, kelasi yozda "Milan" uchun futbolchining transfer qiymatini saqlab qolish qiyinroq bo'lishi mumkin.
Iraola Isak va Virtsning jismoniy holati haqida gapirdi. Murabbiy futbolchilarga 45 daqiqa o'yin vaqti berilishini ma'lum qildi.
Iraola Isak va Virtsning o'yin vaqti haqida:
Biz ularga 45 daqiqa o'ynash imkoniyatini bermoqchimiz. Ular hali to'liq tayyor emas, ammo bu ularning birinchi qadami. Bizga ular tezroq sport formasini tiklab olishlari kerak.
Lyuis Stil Aleksandr Isak va Florian Virtsning Iraola qo'l ostidagi tayyorgarligi hamda yangi mavsumdagi roli haqida ma'lumot berdi.
Lyuis Stil Aleksandr Isakning kelgusi mavsumda jamoa uchun qanchalik muhimligi haqida maqola chop etdi. Undagi asosiy jihatlar quyidagicha:
🛑 Isak va Virts Iraolaning yangi mashg'ulotlar intensivligidan mamnun va oldinga qadam tashlashga tayyor;
🛑 Jahon chempionatidagi muvaffaqiyatli ishtirokdan so'ng Isak mushak massasini oshirish ustida ko'p ishlamoqda. Chikagoda Isak hatto Robert Levandovski bilan uchrashishga ham ulgurdi;
🛑 Iraola Isakdan sof markaziy hujumchi sifatida, Florian Virtsdan esa hujumchiga yaqin joylashgan klassik «o'nlik» rolida foydalanmoqchi.
Kertis Jons "Liverpul"dan ketib, "Inter" safiga qo'shilishni istamoqda. "Liverpul" futbolchi uchun 40 million yevro talab qilmoqda.
Kertis Jons borasida hech qanday yangilik yo'q. Andoni Iraolaning yarim himoyachini olib qolish istagiga qaramay, Jons "Inter"ga o'tishni istamoqda va Italiyaga yo'l olish uchun "Liverpul"dan ketishga qat'iy qaror qilgan.
Gianluigi Longari xabariga ko'ra, "Liverpul" hamon 40 million yevro talab qilmoqda va kelajakda uni tekinga boy berish xavfi bo'lsa ham, narxni tushirishdan bosh tortmoqda.
Andoni Iraola jamoa tayyorgarligi, Florian Virts, Aleks Isak va tarkibdagi o'zgarishlar haqida fikr bildirdi.
Andoni Iraolaning fikrlari:
🛑 Jamoa bilan ishlash haqida
Men o'tgan yilga nisbatan yaxshiroq ekanligimni o'ylashni istayman, chunki Premer-ligada yana bir yillik tajriba orttirdim. Endi bu boshqacha sinov, kutishlar yuqoriroq va bu murabbiy sifatida men uchun taktik jihatdan yangi ssenariylarga moslashish sinovidir. Biz ilk qadamlarni tashlayapmiz, tur yaxshi o'tmoqda, men mamnunman. Ammo asosiy tarkib o'yinchilari qanday integratsiya qilinishini ko'rishimiz kerak va bu bosqichma-bosqich amalga oshmoqda. Biz to'g'ri yo'nalishda harakatlanyapmiz.
🛑 Virts haqida
Shubhasiz, boshqalar bilan bo'lgani kabi, ayniqsa u bilan bizga Florianning eng yaxshi versiyasi kerak. Biz u bizga nima bera olishini bilamiz, u bizning o'yin modelimizga mos keladi. Men uni hujumchi ortidagi pozitsiyada ko'ryapman, biz u bilan aynan shu pozitsiyada ishlashni boshlaymiz. U futbolchi sifatida yetarlicha mukammal. Biz uning bor narsasiga yana ko'proq narsalarni qo'shishni istaymiz, u allaqachon yaxshi holatda. U ruhiy jihatdan yaxshi holatda.
🛑 Gomesning jarohati haqida
Bu jiddiy jarohat. Men har doim bir oy, balki undan kamroq deb aytaman. U Premer-liga mavsumi startiga tayyor bo'lmaydi, ammo chempionat boshlanganidan keyin uzoq vaqt safdan chiqmaydi.
🛑 Isak haqida
Aleks ajoyib, u yaxshi formada yetib keldi, yaxshi Jahon chempionatini o'tkazdi. Bu yerdagi birinchi mashg'ulotdan xulosa chiqarishga hali erta, ammo umid qilamanki, u «Lids»ga qarshi o'ynay oladi va to'liq mavsumoldi tayyorgarligini o'tkazadi. U uzoq davom etmaydi, lekin 3-4 haftalik sifatli mashg'ulotlar bilan u yaxshi formada bo'lishiga ishonaman. Chunki u biz uchun juda muhim bo'ladi.
🛑 Mavsumoldi tayyorgarlikdagi tarkib haqida
Ko'plab o'yinchilar meni hayron qoldirdi, yosh o'yinchilar. Ularning ko'pchiligi ushbu turda juda yuqori darajani ko'rsatdi, ularda hali o'sish uchun joy bor. Biz boshqa o'yinchilarning qaytishini kutyapmiz, «Nyukasl»ga qarshi o'yinda kechagi 11 kishilik tarkib bo'lmaydi. Jahon chempionatidan qaytayotgan muhim o'yinchilarimiz bor, ular endi ko'proq mas'uliyatni o'z zimmalariga olishmoqda va bu ular uchun sinovdir. Biz qayerga ketayotganimizni biladigan va bu jarayonda yordam bera oladigan yangi o'yinchilarni asta-sekin tarkibga qo'shib boryapmiz.
L'Équipe jurnalisti Luik Tanzining xabar berishicha, Bredli Barkolya "Liverpul"ga o'tishga rozi bo'lgan, biroq "PSJ" bilan muzokaralar hali sust kechmoqda.
L'Équipe nashri jurnalisti Luik Tanzi xabariga ko'ra, Bredli Barkolya Andoni Iraola bilan muzokaralar o'tkazgan va "Liverpul"ga o'tish bo'yicha prinsipial rozilik bergan.
Fransiyalik futbolchi so'nggi kunlarda "Liverpul" vakillari, shuningdek, Iraola bilan muloqot qilgan. Bredli klublar kelishuvga erishib, transfer amalga oshishiga umid qilmoqda.
"PSJ" bilan muzokaralarga kelsak, bu borada yangilik yo'q. Tomonlar endigina muloqotni boshlashgan, Barkolyaning transfer qiymati bo'yicha qarashlar hali ham bir-biridan sezilarli darajada farq qilmoqda.
Milosh Kerkez «Bornmut» bosh murabbiyi Andoni Iraolaning ish uslubi va mashg'ulotlardagi talablari haqida gapirib berdi.
Milosh Kerkez Andoni Iraolaning tayinlanishi haqida gapirdi:
Chestni aytganda, men juda xursand bo'ldim. Ikki yil davomida birga ishlagan vaqtimizda u menga juda ko'p yordam berdi va uning yordami bilan kuchliroq futbolchiga aylandim. Men ham o'zim, ham jamoa uchun juda xursand edim. Hamma uning qanday futbol o'ynashini biladi, shuning uchun u bizga juda mos keladi deb o'ylayman.
Asosiysi – intensivlik. U butun maydon bo'ylab birga-bir o'ynashdan, yuqori pressing qilishdan va doimo birinchi raqam ostida harakat qilishdan qo'rqmaydi.
Agar mashg'ulotlardan keyin hammamiz gazonda yotganimizni ko'rsangiz, u bizni nimaga tayyorlayotganini tushunib yetgan bo'lardingiz. Uning futboli uchun albatta kuchli oyoqlar va a'lo darajadagi jismoniy tayyorgarlik kerak, ammo biz bilan hammasi joyida bo'ladi.
Biz uch yoki to'rt jamoa bilan o'yin mashqlarini bajarganimizda, u buni «oqibatlar» deb ataydi: mag'lub bo'lgan va ikkinchi o'rinni egallagan jamoa yugurishi kerak. Qancha yugurish kerakligi uning o'sha vaziyatdagi qaroriga bog'liq, ammo mag'lublar doimo yugurishadi.
Dominik King Liverpul himoyasidagi muammolar, Jo Gomesning jarohati va klubning transfer rejalari haqida ma'lumot berdi.
Dominik King Jo Gomesning jarohati sabab yuzaga kelgan vaziyat haqida:
🛑 Andoni Iraola Jo Gomesning jarohatidan xavotirda, chunki klubda markaziy himoyachilar tanlovi cheklangan.
Jovanni Leoni hali asosiy jamoa mashg'ulotlarida qatnashmayapti va o'tgan yilning sentyabrida olgan tizzasidagi jiddiy jarohatdan so'ng yaqindagina yugurishni boshladi. Iraola uning safga qaytish muddatini aytmadi.
Izoh: bu juda g'alati, chunki mart oyi oxirida Leonining to'p bilan mashg'ulot o'tkazayotgani aks etgan suratlar, shuningdek, Italiya OAVlarida uning aprel oyi oxirida umumiy guruhga qo'shilishi mumkinligi haqidagi xabarlar mavjud edi.
🛑 Virjil shu hafta Liverpulda mashg'ulotlarni boshlaydi. Klub uning tayyorgarlik dasturini uyda boshlashi ma'qulroq deb topdi, chunki JCHdan keyin uni yana ikki marta uzoq masofaga parvoz qilishga majbur qilmoqchi emas.
🛑 "Liverpul"ning transfer bozoridagi asosiy maqsadi o'ng qanot vingerini sotib olish bo'lib qolmoqda. Klub PSJdan Bredli Barkolya transferi ustida ishlamoqda, biroq ham markazda, ham qanotda o'ynay oladigan himoyachini topa olishadimi yoki yo'q, hozircha noma'lum.
🛑 Gomes yaqin 24 soat ichida "Liverpul"ning Chikagodagi mashg'ulot bazasida qo'shimcha tibbiy ko'rikdan o'tadi. Biroq Iraola bu shunchaki ikki o'yinni o'tkazib yuborishdan ko'ra jiddiyroq muammo bo'lishi mumkinligiga ishora qildi.
🛑 Dominik King klubga Jon Stounz variantini ko'rib chiqishni taklif qilmoqda va bunga 2000-yildagi Gari Makallister va Markus Babbel yoki 2015-yildagi Jeyms Milner misollarini keltirmoqda (izoh: garchi Stounzning o'zi mavjudligi ham ko'plab shubhalarni keltirib chiqarsa-da).
Liverpul Barkolani nishonga olmoqda. Transfer bo'yicha tahlil va futbolchining jamoaga moslashuvi haqida fikrlar.
Barkolaning pozitsiyasi nima uchun jiddiy muammo emasligini avval ham yozganman. Ha, u faoliyatining katta qismini chap qanotda o'tkazgan, ammo "Liverpul"ning hozirgi hujum chizig'i futbolchilarni bir joyga qat'iy bog'lab qo'ymaydi. Deyarli har bir futbolchi bir nechta rolni bajara oladi, Iraola esa klub Salohning aynan o'xshash nusxasini qidirmayotganini, yangi o'yinchi jamoani butunlay boshqacha tarzda to'ldirishi mumkinligini ochiq aytgan edi.
Endi bunga yana bir argument qo'shiladi. Agar "Liverpul" o'zining tahliliy bo'limi va shakllangan seleksiya tizimi bilan aynan Barkolaga shunchalik ishonsa, balki bir nuqtada bu tanlovga ishonish kerakdir.
Gap shundaki, bu futbolchi klubga Jahon chempionatidagi bir nechta muvaffaqiyatli o'yindan keyin birdaniga yoqib qolmagan. "Liverpul" Barkolani o'tgan yozdayoq sotib olmoqchi edi (hatto u "Lion"da bo'lgan paytda ham qiziqish bildirgandi), bir mavsum ichida uning saviyasi tushib ketgani yo'q, "Liverpul"ning qiziqishi esa o'ta jiddiy bo'lib qolmoqda.
Demak, klub nafaqat uning iqtidorini, balki Iraola tuzilmasiga qanday moslashishini, kimlar bilan uyg'unlashishini hamda o'ng, chap va markazda qanday vazifalarni hal qila olishini baholamoqda.
Bu tahlilchilar hech qachon xato qilmaydi va ularning har qanday tanlovini savolsiz qabul qilish kerak degani emas, lekin biz chetdan qarab, "chap qanot hujumchisi" degan yozuvni ko'ramiz va butun bahsni shu atrofida qurishga urinamiz.
Klubda esa ma'lumotlar massivi, videolar, moslik modellari va unga taklif qilmoqchi bo'lgan aniq rol haqida tushuncha mavjud. Agar shuncha ishdan keyin Barkola ustuvor maqsad bo'lib qolsa, men uning odatiy qanoti tufayli transferni oldindan noto'g'ri deb e'lon qilishdan ko'ra, ularning bahosiga ishonishga moyilman.
Narx haqida alohida to'xtalib o'taman. "PSJ"ning ommaviy bahosi 150 million yevro ko'rinishida bo'lishi shunchaki muzokaralar uchun boshlang'ich pozitsiya, kimdir haqiqatan ham to'lashi shart bo'lgan summa emas. Barkolaning shartnomasi yakunlanishiga ikki yil qoldi, uni uzaytirish bo'yicha muzokaralar 2025-yilning qishidayoq boshlangan edi.
Agar futbolchi haqiqatan ham ketishni istasa, "PSJ"ning pozitsiyasi bunchalik mustahkam bo'lmaydi. Parijliklar uni yozda sotishlari yoki shartnomani uzaytirishga urinishlari, yoxud bir yildan keyin futbolchi bilan kelishuvning so'nggi mavsumiga kirib qolishlari mumkin. Ayniqsa, gap butun jamoa qurilgan, almashtirib bo'lmas futbolchi haqida ketmayotgan bo'lsa – klublar bunday vaziyatlarda prinsipiallikni kamdan-kam hollarda ko'rsatishadi.
Shu sababli, real transfer amalga oshgan taqdirda ham, summa avvalroq mo'ljal sifatida aytilgan 116+ million funtdan oshib ketishiga ishonmayman. Juda qimmat bitim va katta bonuslar paketini istisno etmayman, ammo yakuniy qiymat aytilgan summalardan sezilarli darajada past bo'lishini kutmoqdaman.
Bu transfer amalga oshish-oshmasligini bilmayman, lekin agar "Liverpul" haqiqatan ham Barkolani qo'lga kiritish uchun shunchalik qat'iyatli bo'lsa, meni Transfermarkt'dagi "chap qanot hujumchisi" yozuviga tayanishdan ko'ra, klub uning atrofida qanday hujum chizig'ini qurishni rejalashtirayotgani ko'proq qiziqtiradi.
Andoni Iraola yangi futbolchilar Jeremi va Viktor Munyos haqida fikr bildirdi hamda Muhammad Salohning o'rnini bosuvchi topish masalasiga to'xtaldi.
Andoni Iraola Jeremi va Munyos haqida:
Jeremi – men «Liverpul» bilan shartnoma imzolashimdan oldin ham juda yaxshi bilgan futbolchi. O'ylaymanki, u ushbu pozitsiya uchun bizga kerakli barcha sifatlarga ega. U to'liq sog'lom va o'ynashga tayyor.
Viktor haqida ham shuni ayta olaman, uni ham juda yaxshi bilaman. U har ikki qanotda ham harakat qila oladi. U kerakli sifatlarga va to'g'ri xarakterga ega deb o'ylayman. U bilan gaplashganimda, uning hamon kamtarin, shu bilan birga ambitsiyali ekanligi menga yoqdi. U biz uchun juda yaxshi kuchaytirish bo'ladi.
🛑 Muhammad Salohning o'rnini bosish haqida:
O'ylaymanki, bu men kelganimdan beri oldimda turgan vazifalardan biri. Biz shunchaki Muhammad Salohning o'rnini bosadigan vinger sotib olamiz deb o'ylamayman, chunki bunday holda biz uni oldindan muvaffaqiyatsizlikka mahkum qilgan bo'lamiz.
Shubhasiz, bizga bu zonaga futbolchi kerak, ammo katta ehtimol bilan u boshqacha sifatlar to'plamiga ega bo'ladi. Balki, u jamoani boshqacha tarzda to'ldira olar. Biz bu borada aniq ish olib boryapmiz.
Andoni Iraola jamoaga yangi vinger kerakligini va transfer bozoridagi vaziyatni tahlil qilayotganini ma'lum qildi.
Andoni Iraola Diomande va Barkol haqidagi savollarga javob berdi:
Boshqa jamoa futbolchilari haqida gapira olmayman.
Tushunarliki, bizga bu pozitsiyaga o'yinchi kerak. «Salohning o'rnini bosadigan» deb aytmagan bo'lardim, lekin bizga yana bir vinger kerak.
Boshqa vaziyatlar ham borki, ular unchalik ko'zga tashlanmaydi: bizda juda yaxshi futbolchilar – Ekitike, Bredli va Leoni jarohat olgan, ular bizga juda yoqadigan o'yinchilar.
Biz qaror qabul qilishimiz kerak va ba'zida bu qiyin. Ba'zida jamoamizni kuchaytirish uchun shartnoma imzolashimiz mumkin bo'lgan futbolchi paydo bo'ladi – biz hozir aynan shunday qarorlarni tahlil qilyapmiz.
Boshqa klublarda sizga o'zingiz tanimaydigan futbolchilarni taklif qilishlari mumkin. «Liverpul»da esa, ular sizga taklif qilinganda, siz ularni allaqachon tanigan bo'lasiz.
Bu oson emas: ular allaqachon yaxshi saviyani ko'rsatgan futbolchilar bo'lishi kerak.
Iraola muxlislar bilan bog'liqlik va jamoaning o'yin uslubi haqida fikr bildirdi.
Iraola muxlislarga:
Men ularga o'zlari faxrlanadigan jamoani taqdim etishni istardim. Futbolda, ayniqsa, bu yerda eng muhimi — muxlislar bilan bog'liqlik. Har hafta sizni qo'llab-quvvatlaydigan, butun dunyo bo'ylab ortingizdan ergashadigan insonlar bilan aloqa o'rnatish kerak. O'tgan yili men qarama-qarshi tomonda bo'lganman, o'shanda Kyeza so'nggi daqiqalarda darvozamizga gol urgandi. Endi esa men o'sha energiyani his qilishni va shu lahzalarning bir qismi bo'lishni istayman.
Biroq, barchasi bizdan boshlanishi kerak va biz buni anglab turibmiz. Biz agressiv va tinimsiz mehnat qiladigan jamoa bo'lishimiz shart, muxlislar aynan shunday jamoa bilan o'zlarini identifikatsiya qila olishlari kerak. Har bir inson o'zi kutgan va ko'rishni istagan jamoani qo'llab-quvvatlayotganini his qilishi uchun bor kuchimizni ishga solamiz.
Andoni Iraola «Liverpul»dagi ilk mavsumoldi yig'inini boshlamoqda. Jamoaning mashg'ulotlarga qaytadigan futbolchilar ro'yxati ma'lum bo'ldi.
Bugun Andoni Iraolaning «Liverpul» bosh murabbiyi sifatidagi ilk mavsumoldi yig'ini oldidan matbuot anjumani bo'lib o'tadi, mashg'ulotlar esa ertadan boshlanadi.
Jek Lasbi yozishicha, ertaga asosiy tarkibdan quyidagi futbolchilar mashg'ulotlarda ishtirok etadi: Pechi, Mamardashvili, Vudman, Kerkez, Gomes, Frimpong, Tsimikas, Jake, Nyoni, Makkonnell, Jons, Sobo, Elliott, Ngumoa va Kyeza.
Leoni va Baychetich ham jalb qilinishi mumkin, ammo ularning jarohatdan tiklanish jarayoni Jake kabi tez kechmayapti.
Van Deyk, Gravenberx, Gakpo, Virts va Isak AQShdagi turne boshlanishidan oldin jamoaga qo'shilishadi. Alisson esa biroz keyinroq mashg'ulotlarga kirishadi.
Makki va Munyosga kelsak, ular AQSh safarida qatnashmaydi va mavsum boshiga yaqinroq mashg'ulotlarni boshlaydi – odatda xalqaro musobaqalarda ishtirok etgan o'yinchilarga 3 haftalik ta'til beriladi.
Rafa Benites Andoni Iraolaning «Liverpul»dagi ehtimoliy muvaffaqiyati va uning murabbiylik uslubi haqida o'z fikrlarini bildirdi.
Sky Sports xabariga ko'ra, Rafa Benites Andoni Iraolaning murabbiylik salohiyati haqida o'z fikrlari bilan o'rtoqlashdi:
Iraola «Bornmut»da o'zini juda yaxshi ko'rsatdi. Biz uni «Rayo Valyekano»ni boshqargan paytlaridayoq kuzatganmiz. Shtabim a'zolaridan biri uning mashg'ulotlarini kuzatib, jarayonga juda chuqur kirishib ketganini va doimiy ravishda maydonda nimadir qilishga intilayotganini aytgandi.
«Bornmut»da u o'zini ko'rsatdi, endi esa oldida yanada jiddiyroq vazifa turibdi. «Liverpul» – ulkan klub, ammo o'ylaymanki, uning ustunligi shundaki, u bu ligani yaxshi biladi. Premer-ligaga ilk bor kelganingizda hammasi boshqacha bo'ladi, bu oson emas. Hozir esa u chempionatni yaxshi tushunadi.
Muxlislar uni albatta qo'llab-quvvatlashadi. O'ylaymanki, uning o'yin uslubi ularga yoqadi. Menimcha, uning muvaffaqiyatga erishish imkoniyatlari yuqori.
Fikr qoldirish va reaksiya uchun Telegram orqali kiring.