Napoli — yangiliklari Transfer

Italiyalik jurnalist Janluka Di Marsio xabariga ko'ra:

Migel Gutyerresning «Bayer» (Leverkuzen) klubiga transferi bo'yicha so'nggi tafsilotlar qoldi, xolos. Himoyachi «Napoli»ning bugungi mashg'ulotida qatnashmadi va mashg'ulotlar bazasini tark etib, Germaniyaga yo'l oldi. Biz shunchaki bitimning rasmiylashuvini kutmoqdamiz.

Gutyerresning Germaniyaga safari Lindstryomning o'sha yurtga qilgan safaridan omadliroq bo'lishiga umid qilamiz. 🤞

Federiko Gattining «Napoli»ga ehtimoliy o'tishi borasidagi munosabati hozircha noma'lum.

Ayrim kuzatuvchilar futbolchi kecha kechqurun ijtimoiy tarmoqlarga joylagan suratga e'tibor qaratishmoqda. Unda Gatti «Yuventus» libosida «Keksa sinyora» muxlislariga sardorlik bog'ichini ko'rsatmoqda.

Federiko baribir «Yuventus»dan ketishni istamayapti, degan xulosaga kelish mumkin.

Biz esa voqealar rivojini kuzatishda davom etamiz...

Transfer bozori bo'yicha taniqli ekspert Nikolo Skira "Napoli" klubining transfer rejalariga to'xtalib o'tdi:

"Napoli"ning maqsadi, Buondjornoning jiddiy jarohatini hisobga olgan holda, markaziy himoyachi xarid qilishdir. Nomzodlar ikki nafar: Badyashil yoki Gatti. Benua Badyashil bitimni yakunlash uchun eng oson variant hisoblanadi: "Chelsi" uni sotib olish huquqi bilan ijaraga berishga tayyor. Biroq Federiko Gatti bosh murabbiy Massimiliano Allegri va sport direktori Jovanni Manna uchun asosiy favorit bo'lib qolmoqda, garchi "Yuventus" uning uchun 20 million yevro atrofida mablag' talab qilishda davom etayotgan bo'lsa ham. Moliya xarajatlarini kamaytirish uchun "Napoli" himoyachini ma'lum shartlar asosida sotib olish majburiyati bilan ijaraga olmoqchi yoki futbolchi almashinuvini taklif qilmoqchi. Biroq, almashinuvlar oson ish emas. Turinliklar Stanislav Lobotka va Matias Oliverani o'z saflarida ko'rishni istashmoqda, ammo bu variantlarning har ikkisi ham muvaffaqiyatsizlikka mahkumdek ko'rinadi."

Shimoliy Amerika klubi Romelu Lukakuning transferiga qiziqish bildirmoqda.

👂 Belgiyalik jurnalist va transfer bozori eksperti Sacha Tavolieri ma'lumotiga ko'ra, MLS vakili «Atlanta Yunayted» futbolchining agenti Federiko Pastorello bilan aloqaga chiqqan. Muzokaralar hozircha dastlabki bosqichda.

Bundan tashqari, Sacha Tavolieri yozishicha, Lukakuning o'zi «Napoli»dan ketish imkoniyatini ko'rib chiqmoqda.

Migel Gutyerres hamon Kastel-di-Sangroda mashg'ulot o'tkazmoqda.

La Gazzetta dello Sport xabariga ko'ra, "Bayer" va "Napoli" ispaniyalik futbolchining transferi bilan bog'liq ikkita masalani hali to'liq hal qilmagan.

Bu to'lov usuli va ehtimoliy bonuslar bilan bog'liq masalalardir.

Turinga gazetasi Tuttosport xabariga ko'ra:

«Napoli» Kontinassadan kelgan so'nggi taklifni rad etdi: Gatti va Olivera almashinuvi. Ha, Spalletti o'zining chempion jamoasi qahramonlaridan biri bilan qayta ishlashdan xursand bo'lardi, ammo De Laurentis buni to'sib qo'ydi. Shuningdek, Migel Guterres allaqachon «Bayer»ga o'tish arafasida. Urugvaylik futbolchi allaqachon Massimiliano Allegri qo'l ostida markaziy himoyachi pozitsiyasida ishlashga ulgurgan, u milliy terma jamoada ham muntazam ravishda shu pozitsiyada o'ynaydi. Toskanalik murabbiy uni chap qanot himoyachisi sifatida ham ishlatishi mumkin...»

U yerda «Yuventus» qarorgohi joylashgan.

Il Corriere dello Sport xabariga ko'ra, Leverkuzen klubi Migel Gutyerres uchun taklifni 30 million yevroga oshirdi va bu "Napoli"ni qoniqtirdi.

"Napoli" va Germaniya klubi hozirda bitimni yakunlash uchun zarur bo'lgan tafsilotlarni muhokama qilmoqda.

Gutyerres o'tgan yozda "Jirona"dan 18 million yevro va 2 million yevro bonus evaziga sotib olingandi. Ispaniyalik futbolchining kutilmagan transferi markaziy himoyachi va o'ng qanot himoyachisiga muhtoj bo'lgan neapolliklarning transfer kampaniyasiga turtki berishi kutilmoqda.

Napoli Chelsi bilan Benuat Badiashilni ijaraga olish bo'yicha prinsipial kelishuvga erishdi.

Italiyalik jurnalist Luka Cherkone ushbu xabarni e'lon qilib, tafsilotlarni ham keltirib o'tdi:

Ijaraga olish 3 million yevro, sotib olish huquqi bilan 20 million yevro plyus bonuslar. Bular sport direktori Manna Chelsi bilan Benuat Badiashil bo'yicha erishgan kelishuv raqamlari. Manna himoyachi bilan ham sotib olish huquqi amalga oshgan taqdirda moliyaviy kelishuvga erishgan: besh yillik shartnoma, yiliga 2,5 million yevro sof maosh va bonuslar.

Boshqa bir jurnalist Nikolo Skira biroz boshqacha, ammo yaqin raqamlarni keltirmoqda. Uning ma'lumotlariga ko'ra, fransuzga 1+4 ko'rinishidagi shartnoma taklif qilinmoqda, uning maoshi 2,7 million yevroni tashkil etadi va bonuslar bilan birga 3 million yevroga yetishi mumkin.

Kerim Alaybegovich "Yuventus"ga o'tishga tayyor.

"Bayer" bilan to'liq transfer bo'yicha kelishuvga erishildi.

Bitim summasi 33 million yevroni tashkil etadi va bonuslar bilan birga 40 million yevrogacha yetishi mumkin.

Faqat so'nggi detallar qoldi.

Patrik Berger (Sky Sport) xabariga ko'ra.

Yesper Lindstryomning «Shalke 04»ga o'tishi bo'yicha muzokaralar qayta tiklandi.

Italiyalik jurnalist Janluka Di Marsio xabariga ko'ra, tomonlar kelishuvga erishgan va daniyalik futbolchi tez orada Gelzenkirxenga ijaraga yo'l oladi.

Bu tekin ijara bo'lishi kutilmoqda – «Shalke 04» futbolchining maoshini o'z zimmasiga oladi.

Napoli Gatti, Badiashile va Tiago Gabrielga bo'lgan qiziqishini tasdiqlamoqda.

Shuningdek, Todibo varianti ham ko'rib chiqilmoqda.

Di Marzio xabariga ko'ra.

TuttoMercatoWeb xabariga ko'ra, "Lids" Umar Sole transferidan voz kechdi.

Nashr ma'lumotlariga ko'ra, bunga fransiyalik markaziy himoyachining tizzasidagi muammolar sabab bo'lgan. Aynan shu sabab tufayli "Udineze", "Inter" va "Komo" klublari ham futbolchi uchun kurashdan chiqishgan.

Shu bilan birga, "Napoli" rahbariyati Sole bo'yicha so'rov yuborgan.

🤔 Tiagu Gabrielning transfer narxi ma'lum bo'ldi.

👆 Italiya OAV xabariga ko'ra, «Lechche»ning portugaliyalik markaziy himoyachisi «Napoli»ning ushbu transfer oynasidagi asosiy nishonlaridan biriga aylandi. Bunga «Napoli» safida Buondjorno safdan chiqqani va Bekema surunkali jarohatidan to'liq tiklanmagani sabab bo'lmoqda.

💰 «Lechche» o'z himoyachisi uchun 25-30 million yevro talab qilmoqda. Il Corriere dello Sport ma'lumotiga ko'ra, «Benfika»ning 20 million yevrolik taklifi rad etilgan.

Roma Nusa transferi ustida ishlashda davom etmoqda.

Biroq, Phillip Hinze xabariga ko'ra, Leyptsig bilan to'g'ridan-to'g'ri muzokaralar olib borilmayapti: jallarossi nemis klubi bilan vositachilar orqali bog'lanmoqda. Qolaversa, nemislar Nusani qo'yib yuborish niyatida emas, ayniqsa Diomande Realga o'tib ketsa.

Norvegiyalik futbolchining narxi yuqoriligicha qolmoqda: nemis klubi kamida 60 million yevro evaziga takliflarni ko'rib chiqishga tayyor.

Alessio Dzerbin va Luis Xasa «Frozinone» safiga qo'shildi.

«Chochari» sport direktori Rentso Kastanini StileTv efirida shunday dedi:

«Biz «Napoli»dan Dzerbin va Xasa bilan doimiy asosda shartnoma imzoladik. Mannada sotuvga qo'yilgan o'yinchilar ko'p.»

Fabrisio Romano xabariga ko'ra, «Napoli» rahbariyati hamda Antonio Vergara va Jovanni Di Lorensoning agenti Mario Juffredi muzokaralarni muvaffaqiyatli yakunlashdi.

Birinchidan, tomonlar Antonio Vergaraning maoshi borasida kelishuvga erishdilar va u klub bilan yangi shartnoma imzolaydi.

Ikkinchidan, Jovanni Di Lorenso bilan shartnomani yana bir yilga, ya'ni 2029 yilga qadar uzaytirish bo'yicha kelishuvga erishildi.

Juffredi muzokaralar o'tkazilgan «Hotel de Bonart»ni tark etar ekan, natijalardan mamnunligini yashirmadi.

⛔️ Yesper Lindstryomning "Shalke 04"ga transferi yakuniy ravishda barbod bo'ldi.

📺 SKY Sport bu holatning sabablarini quyidagicha tushuntiradi:

O'yinchi tibbiy ko'rikdan muvaffaqiyatli o'tgan edi, bu odatda shartnoma imzolashdan oldingi so'nggi bosqich hisoblanadi. Biroq, hujjatlarni almashish jarayoni barcha rejalarni to'xtatib qo'ydi. "Napoli" "Shalke"ga shartnoma loyihasini yuborishda avvalroq erishilgan og'zaki kelishuvga o'zgartirishlar kiritgan. "Adzurrilar" o'z navbatida hech qanday xatoga yo'l qo'ymadik deb hisoblashadi va bu o'zgarishlarni muzokaralar jarayonidagi odatiy hol deb bilishadi.

Biroq, "Shalke"ning munosabati ijobiy bo'lmadi. Nemis klubi so'nggi daqiqadagi o'zgarishlardan norozi bo'lib, boshqacha qarashni ilgari surdi. O'zaro ishonchga asoslangan transfer shartlari endi mavjud emas deb hisoblagan "Shalke" bitimdan voz kechishga qaror qildi.

🚨 Yesper Lindstryomning «Shalke 04»ga o'tishi xavf ostida.

⚠️ Tomonlar o'rtasidagi kelishuvda texnik va yuridik jihatdan kelishmovchiliklar yuzaga kelgani, bu esa muzokaralarning vaqtincha to'xtatilishiga sabab bo'lgani aytilmoqda.

🚨 «Chelsi» va «Napoli» Benoa Badiashilening transferi bo'yicha kelishuvga yaqinlashmoqda.

Tomonlar sotib olish huquqi bilan ijaraga berish masalasini muhokama qilmoqdalar.

Ushbu haftada muzokaralarning yangi bosqichi rejalashtirilgan bo'lib, unda tomonlar yakuniy kelishuvga erishishga harakat qilishadi.

🛫 Yesper Lindstryom Germaniyaga uchib ketdi.

🩺 Daniyalik futbolchi yaqin 48 soat ichida tibbiy ko'rikdan o'tishi va shartnoma imzolashi kutilmoqda.

Medina «Bayer»ga o'tmasligi mumkin. Nemis klubi u va Migel Gutyerres o'rtasida tanlov o'tkazib, yakunda ikkinchi variantda to'xtaldi.

Fabrisio Romano xabariga ko'ra, «Bayer» ushbu transfer uchun «Napoli»ga 30 million yevro to'laydi.

Bu holat mantiqiy ko'rinmoqda. Dastlabki mish-mishlar «Bayer» Grimaldoga o'rinbosar izlayotganini ko'rsatgandi. «Napoli» himoyachisi esa aynan shu rolga mosroq nomzod hisoblanadi.

Il Corriere dello Sport xabariga ko'ra, neapolliklar Benua Badyashil transferi bo'yicha muzokaralarni to'xtatib turishibdi, bunga o'yinchining jarohatlar tarixi sabab bo'lmoqda. Shu bois «Yuventus» himoyachisi nomzodi yana birinchi o'ringa chiqdi:

«Napoli» bosh murabbiyi Massimiliano Allegri Gattini juda yaxshi biladi: u bilan Turinda ishlagan va uni qaytadan kashf etishi yoki maxsus o'rgatishi shart emas. Bu xabardorlik «adzurri» uchun yaqqol ustunlik hisoblanadi, ayniqsa, murabbiy talablarini tushunadigan va Italiyada o'ynash tajribasiga ega tayyor markaziy himoyachi qidirilayotgan transfer oynasida. Ikkala klubni ham qoniqtirishi mumkin bo'lgan variant – bu sotib olish majburiyati bilan ijaraga berish. «Yuventus» o'z navbatida, sotuv imkoniyatini istisno qilmayapti, biroq «Napoli» qanday taklif bilan chiqishini kutmoqda. Ayni damda «adzurri» rasmiy taklif yuborishdan avval kelishuvning barcha jihatlarini tahlil qilmoqda.

Migel Gutyerres Bundesliganing «Bayer» klubi qiziqishlari doirasiga tushib qoldi.

Leverkuzenliklar Grimaldoga o'rinbosar sifatida «Napoli» o'yinchisini ko'rib chiqishmoqda.

Bild nashriga tayanib xabar bergan Italiya matbuotiga ko'ra, «aspirinchilar» ispaniyalik futbolchi uchun 20-25 million yevro taklif qilishmoqda.

Gutyerresni sotishni rejalashtirmagan «Napoli» esa baribir 30 million yevrodan boshlanadigan takliflarni ko'rib chiqishga tayyor.

Florian Plettenberg xabariga ko'ra, "Yuventus" "Bayer" bilan 18 yoshli bosniyalik vinger Kerim Alaybegovich transferi bo'yicha kelishuvga erishdi. Bitim 33 million yevro va 7 million yevro bonuslarni tashkil etadi.

Alaybegovich "Bayer" tarbiyalanuvchisi hisoblanadi, biroq 2024 yilda u "Zalsburg"ga 2 million yevroga sotilib, keyinroq 8 million yevro evaziga qaytarib olingan. Yillik amortizatsiya 1,6 million yevroni, o'yinchining qoldiq qiymati esa 6,4 million yevroni tashkil qiladi.

"Bayer" darhol 26,6 million yevro sof buxgalteriya foydasini qayd etadi. Agar barcha bonuslar faollashtirilsa, yana 7 million yevro qo'shiladi.

"Yuventus" uchun transfer yiliga taxminan 6,6 million yevro amortizatsiyaga tushadi (besh yillik shartnoma shartlarida). Bonuslar ham faollashtirilganda xarajatlarga qo'shib boriladi.

Istiqbolli bitim. "Bayer" Bundesligada bor-yo'g'i bir mavsum o'tkazgan (28 o'yinda 9+3) o'yinchini foydali sotmoqda. "Yuventus" uchun esa bu o'sish salohiyatiga ega 18 yoshli vingerga qulay moliyaviy shartlar asosida qilingan aniq stavka. Insaydlarga ko'ra, futbolchi "Chelsi" va "Napoli" takliflarini rad etib, Turin klubini tanlagan.

Santi Una xabariga ko'ra, «Napoli» Badyashilga qiziqish bildirmoqda. Hozircha futbolchi bilan muzokaralar o'tkazilmagan, shu sababli uning bu boradagi fikri noma'lum.

Kruk ma'lumotiga ko'ra, «Everton» Delapga qiziqish bildirmoqda. Ular o'tgan yili ham futbolchiga qiziqishgan edi, ko'ramiz, bu safar qanchalik jiddiy harakat qilishar ekan.

Yorgensen «Chelsi» yig'inini tark etib, «Strasbur»ga yo'l oldi. L’Equipe yozishicha, bu shartli ravishda ijara bo'lmasligi mumkin, londonliklar Filipni to'liq sotib yuborishlari ham ehtimoldan xoli emas.

Jeykobs ta'kidlashicha, Xenderson va «Brentford» o'rtasida yozda futbolchini erkin agent sifatida qo'yib yuborish bo'yicha kelishuv mavjud.

Essugu o'yindan so'ng kelajagi haqida: «Men «Chelsi» futbolchisiman, hozircha faqat shu narsani ayta olaman». Ko'rinishidan, u jamoada qoladi!

Nusa va El Mala «Roma» byudjeti uchun qimmatlik qilmoqda. Shu sababli, bahorgi muzokaralardan so'ng Alaybegovichning nomi yana dolzarb bo'lib turibdi. O'sha vaqtda amalga oshmay qolgan uchrashuvlar va muhokamalar endi qayta boshlanishi mumkin. Jahon chempionatidan so'ng futbolchining narxi keskin oshganini inobatga olsak, transfer «Roma»ga qo'shimcha bir necha million yevroga tushishi ham hech gap emas.

La Repubblica gazetasi muxbiri Marko Yurichning yozishicha, bosniyalik iqtidor egasi yaxshi o'yin ko'rsatib, guruh bosqichida Qatar darvozasiga gol urishga ham muvaffaq bo'ldi. Shu tariqa, uning nomi Yevropadagi skautlar e'tiboriga tushdi.

Uning narxi qancha? Kamida 30 million yevro. So'nggi haftalarda aylanib yurgan narxlar bilan solishtirganda, bu summa maqbul hisoblanishi mumkin. Afsuski, bu vinger bilan birinchi bo'lib bog'langan «Roma» endi yolg'iz emas: futbolchi uchun «Chelsi», «Atalanta» va «Napoli» ham da'vogarlik qilmoqda.

💙 «Napoli» Antonio Vergara bilan shartnoma uzaytirilganini rasman e'lon qildi.

🤝 Kelishuv muddati 2031-yilga qadar mo'ljallangan.

Matbuot xizmati xabariga ko'ra:

«Biz birgalikda hali ko'plab sahifalarni yozishimiz kerak.»

📰 Il Corriere dello Sport xabariga ko'ra, Napoli markaziy himoyachi izlamoqda.

👂 Gazeta ma'lumotlariga ko'ra, klub nishonida ikki nafar futbolchi bor. Bular «Lechche» safida to'p surayotgan portugaliyalik Tiagu Gabriel hamda «Yuventus» transferga qo'ygan Federiko Gatti.

☝️ Birinchi nomzod sport direktori Manna uchun allaqachon tanish va u futbolchini diqqat bilan kuzatib bormoqda. Ikkinchisi esa Massimiliano Allegri uchun yaxshi tanish.

🤏 Xabar qilinishicha, neapolliklar Gatti agenti bilan bog'lanishgan, ammo «Yuventus» bilan hali muzokaralar boshlanmagan. Himoyachining transferi taxminan 18-20 million yevroga baholanmoqda.

Nikolo Shira xabariga ko'ra, Lukas Perri "Lids"ni tark etishga tayyor. "Torino" braziliyalik darvozabonga qiziqish bildirayotgan klublardan biri hisoblanadi.

Transferlar bo'yicha ekspert Janluka Di Marsio xabariga ko'ra, «Napoli» hujumchisi Juzeppe Ambrosino faoliyatini «Modena» safida davom ettiradi. Tomonlar futbolchini ijaraga olish va kelgusida sotib olish huquqi bo'yicha kelishuvga erishgan.

Futbolchi ertaga tibbiy ko'rikdan o'tishi kutilmoqda.