Fransiya terma jamoasi himoyachisi Teo Ernandes Yevro-2024dagi muvaffaqiyatsizlikdan so'ng muxlislarga murojaat qildi.
🏆 Teo Ernandes o'zining IG sahifasida quyidagicha fikr bildirdi:
Bunday hafsalasi pir bo'lishdan keyin so'z topish juda qiyin. Biz oxirigacha borib, butun mamlakatni o'zimiz bilan faxrlantirmoqchi edik, ammo hammasi biz kutgandek bo'lmadi. Barcha fransuzlarga ushbu yo'l davomidagi qo'llab-quvvatlashingiz, ishonchingiz va g'ayratingiz uchun rahmat. Yaxshi damlarda ham, eng qiyin vaziyatlarda ham siz doimo yonimizda bo'ldingiz.
Jovanni Karnevali "Yuventus"ning transfer rejalari, Vlaxovich bo'yicha mish-mishlar va jamoani qayta qurish jarayoni haqida fikr bildirdi.
Jovanni Karnevali SportMediaset efirida "Yuventus"ning transfer siyosati va jamoani qayta qurish jarayoni haqida o'z fikrlari bilan o'rtoqlashdi.
Biz barcha qiyinchiliklarni va qayerdan boshlaganimizni anglagan holda, katta natijalarga erisha oladigan jamoa qurishimiz kerak. Maqsadimiz — imkon qadar yuqoriroqqa ko'tarilish.
Bizda bir nechta muzokaralar bor va vaqt yetarli. Hammasini xotirjam o'ylab ko'rishimiz va shoshilmasdan harakat qilishimiz kerak, chunki transfer bozori har kuni yangi imkoniyatlar eshigini ochadi.
Hozir Martines Jahon chempionatida o'ynamoqda, shuning uchun kutish kerak. "Yuventus" yuzaga kelishi mumkin bo'lgan har qanday ssenariyga ochiq va e'tiborli bo'lishi lozim.
Vlaxovichmi? Men u bilan hech qachon uchrashmaganman. "Yopiq yoki ochiq eshiklar" haqidagi gap-so'zlar unchalik katta ahamiyatga ega emas: agar foydali takliflar bo'lsa, biz ularni ko'rib chiqamiz.
Kessie, Teo Ernandes va Braim Dias haqida esa u shunday dedi:
Ular juda muhim va sifatli futbolchilar, ammo bugungi kunda ularning narxi va moliyaviy talablarini inobatga oladigan bo'lsak, ular "Yuventus"ni qayta qurish loyihasiga mos kela olmaydi.
Tuttosport xabariga ko'ra, Teo Ernandes Italiyaga qaytishni istamoqda, biroq uning yuqori maoshi transferga to'sqinlik qilishi mumkin.
👀 Teo Ernandes Italiyaga qaytishni istamoqda.
Tuttosport xabariga ko'ra, fransiyalik futbolchi o'z xizmatlarini «Yuventus»ga taklif qilgan, shuningdek, u «Napoli»ning ham e'tiboriga tushgan. Biroq asosiy muammo — uning Saudiya Arabistonidagi maoshi (yiliga 20 million yevro), buni hech qaysi Italiya klubi to'lashga tayyor emas.
«Barselona» 18 yoshli Toni Fernandes bilan 2031-yilgacha mo'ljallangan yangi shartnoma ustida ishlamoqda. Futbolchining kelajagi mavsumoldi yig'inidan so'ng aniq bo'ladi.
Karlos Monfort xabariga ko'ra, «Barselona» 18 yoshga to'lgan Toni Fernandesga 2031-yilning iyuniga qadar mo'ljallangan yangi uzoq muddatli shartnoma taklif qilish ustida ishlamoqda.
Taklif deyarli tayyor, biroq futbolchining kelajagi yaqin haftalarda, mavsumoldi tayyorgarlik qanday o'tishi va asosiy jamoaning sport rejalariga qarab aniqlanadi. Adeyemining jamoaga kelishi Toni kelajagini noaniq qilib qo'ymoqda.
Xansi Flik har doim futbolchiga e'tibor qaratib kelgan. Murabbiy biror qaror qabul qilishdan avval uni mavsumoldi tayyorgarlik jarayonida kuzatmoqchi.
Bir nechta klub Toni rivojlanishini diqqat bilan kuzatmoqda. Biroq, futbolchi uchun har doim «Barsa»da muvaffaqiyat qozonish ustuvor vazifa bo'lib kelgan.
