De Telegraaf xabariga ko'ra, Lui van Gal Niderlandiya terma jamoasini to'rtinchi bor boshqarishga tayyorligini ma'lum qildi.
De Telegraaf xabariga ko'ra, Lui van Gal Niderlandiya Qirollik futbol assotsiatsiyasi (KNVB) bilan o'zini terma jamoa bosh murabbiyi lavozimiga to'rtinchi bor tayinlash imkoniyatini muhokama qilishga tayyor.
74 yoshli mutaxassisning sog'lig'i bilan bog'liq muammolar ortda qolgan va uning so'zlariga ko'ra, u hozir o'zini har qachongidan ham yaxshiroq his qilmoqda.
Ferran Torres «Barselona» bilan shartnomasi borligini va klub unga bo'lgan ishonchini ko'rsatishi kerakligini ta'kidladi.
❓PSJ siz bilan muzokaralar olib borayotgani haqida xabarlar bor. Bu borada qandaydir ma'lumot bera olasizmi?
🗣 Ferran Torres: «Sizni bunday jamoalar o'z saflarida ko'rishni istashi doim yoqimli. Yakuniy hisobda, mening «Barselona» bilan shartnomam bor. Futbolda nima bo'lishini hech qachon bilmaysiz, bu rost, ammo yaxshi tomoni shundaki, shartnomam bor ekan, men kutishim va o'zim qaror qabul qilishim mumkin».
❓«Barselona»ni yaxshi ko'rishingiz aniq va shartnomangiz ham bor. Qolishingiz uchun klub nima qilishi kerak?
❗️🗣 Ferran Torres: «Xo'sh, ularga kerakligimni isbotlashsin! Muzokaralar stoliga o'tirishsin va yakunda hammasini muhokama qilib olamiz».
Real Madrid akademiyasining ikki tarbiyalanuvchisi Gonsalo va Palasios klub bilan xayrlashib, o'z minnatdorchiliklarini bildirishdi.
Gonsalo ijtimoiy tarmoqlarda shunday yozdi:
Yosh bolaning orzusi ushalganiga 12 yil bo'ldi. Men klubni xotirjamlik bilan tark etmoqdaman, chunki Madrid libosini kiygan har bir daqiqada bor kuchimni berganimni bilaman. Qalbim minnatdorchilikka to'la va ishonchim komilki, Real Madrid abadiy mening bir qismim bo'lib qoladi. Men ushbu unutilmas lahzalarni baham ko'rgan va hayotimning ushbu ajoyib sahifasida meni qo'llab-quvvatlagan barchadan cheksiz minnatdorman. Ayniqsa, sizlardan, madridistlar, birinchi kundan oxirgi kungacha his qilgan muhabbatingiz uchun rahmat. Bu oilaning bir qismi bo'lish men uchun katta sharaf edi va buni hech qachon unutmayman. Madrid ranglarini himoya qilish hayotimdagi eng katta g'urur edi. Abadiy minnatdorman. Hala Madrid!
Palasios ijtimoiy tarmoqlarda quyidagilarni qayd etdi:
Men hech qachon Chempionlar ligasi o'yinida Bernabeuda Madrid safida debyut qilishni orzu qilmaganman. Hatto eng yaxshi futbol akademiyasining bir qismi bo'lishimni ham tasavvur qilmaganman. Aynan shuning uchun bugun o'zimni dunyodagi eng minnatdor futbolchi deb his qilyapman. Madrid yoshlar jamoalarida o'ynagan kunlarimdan beri mening uyim bo'lib kelgan va 6 yildan so'ng men ushbu klub menga singdirgan qadriyatlarning ahamiyatini angladim. Madrid libosini kiyish shunchaki g'alaba qozonish emas, bu butun sportdagi eng nufuzli gerbni ifodalashni anglatadi. Menga to'g'ri yo'lni ko'rsatgan shuncha murabbiylar va jamoadoshlarim bo'lganini aytishim mumkin, shuning uchun Real Madridga chin dildan minnatdorchilik bildirish aslida ularning barchasiga sadoqati, ishonchi va qo'llab-quvvatlashi uchun minnatdorchilik bildirishning bir usulidir. Real Madrid har doim mening katta qismim bo'lib qoladi. Hammasi uchun rahmat! Hala Madrid!
Marca nashrining xabar berishicha, Aleksandr Syorlot va Jonni Kardoso mashg'ulotlarga qaytgan, Pablo Barriosning ahvoli esa yaxshilanmoqda.
Marca xabariga ko'ra, bugun Aleksandr Syorlot va Jonni Kardoso jamoa bilan birga mashg'ulot o'tkazishdi. Pablo Barriosning safga qaytishi esa yaqin orada kutilmoqda. U maydon chetida individual tarzda shug'ullandi va natijalar ijobiy ko'rinish olgan.
Barriosdagi jarohat son mushaklarining yengil tortishishi bo'lib, bu mavsumoldi tayyorgarlikning dastlabki haftalarida tez-tez uchrab turadi. Uning ahvoli yaxshi.
Ben Jeykobs Gakpo va «Tottenxem» o'rtasidagi transfer bo'yicha vaziyatni tushuntirdi. Barchasi «shporlar» taklif etadigan mablag'ga bog'liq.
Ben Jeykobs o'zining so'nggi yangilanishida Gakpo va «Tottenxem» atrofida so'nggi kunlarda bo'lib o'tayotgan barcha ma'lumotlarni jamladi.
«U sotilmaydi» degan gapga o'xshamaydi, lekin «biz uni sotishni juda xohlayapmiz» degan holat ham emas. Shu sababli, barchasi «shporlar» qanchalik katta mablag' sarflashga tayyorligiga bog'liq bo'ladi.
Xansi Flik Dekudan hujum chizig'ini kuchaytirishni so'ramoqda. Himoya chizig'ida esa murabbiy o'zgarishlar kutmayapti.
Xavi Lemus xabariga ko'ra, Xansi Flik Dekudan hujumchi pozitsiyasini kuchaytirishni so'ramoqda. Ayniqsa, Ferran Torresning jamoani tark etish ehtimoli yuqori ekanligi bunga sabab bo'lmoqda.
Markaziy va qanot himoyachilariga kelsak, agar tarkibdan hech kim ketmasa, murabbiy yangi futbolchi xarid qilish zarur deb hisoblamayapti.
Fabrizio Biasin xabariga ko'ra, Romero va Kurtis Jons transferlari bo'yicha vaziyat oydinlashmoqda.
Fabrizio Biasin xabariga ko'ra, Romero bo'yicha «Tottenxem» bilan kelishuvga erishilgan, ammo futbolchining o'zi bilan hali kelishuv yo'q. Faol harakatlar faqat Pavar jamoani tark etgan taqdirda boshlanadi.
Kurtis Jons yarim himoyani kuchaytirish uchun asosiy maqsad bo'lib qolmoqda, futbolchi transferga ochiq.
Bernardu Silva «Real»ga qarshi o'yinlar va Madrid klubining buyukligi haqida fikr bildirdi.
Bernardu Silva «Real»ga qarshi o'yinlar va Madrid klubi haqida o'z fikrlari bilan o'rtoqlashdi:
«Real»ga qarshi ko'p marta maydonga tushganingizda, bu klubning buyukligini his qila boshlaysiz. Aynan o'sha paytda bu yerda bo'lish va «Santyago Bernabeu»da o'ynash qanchalik ajoyib ekanligini tushunib yetasiz.
Xristos Tsolis o'zining o'yin uslubini afsonaviy hujumchi David Vilya bilan solishtirdi.
Xristos Tsolis:
Men o'zimni David Vilya darajasidaman demoqchi emasman, lekin bizda ma'lum bir o'xshashliklar bor. U markazga intiluvchi hujumchi rolida o'ynab, chap qanot yarim himoyasida harakat qilgan va doimo gol urishga intilgan. Men ham o'zimni shunday o'yinchi deb bilaman, chunki tipik qanot vingeri emasman: tez-tez markazga kirib boraman.
Vilya vinger yoki insayd pozitsiyasida juda yuqori saviyadagi futbolchi edi. Hatto gavda tuzilishimiz ham biroz o'xshash: ikkalamiz ham unchalik baland bo'yli emasmiz. Hujumlarni yakunlash borasida esa u chinakam top-futbolchi edi.
Fabrisio Romanoning xabar berishicha, "Atalanta" "Lion" vingeri Malik Fofanani o'z safiga qo'shib olishni rejalashtirmoqda.
"Atalanta" "Lion" vingeri Malik Fofanaga e'tibor qaratdi. Futbolchi bilan so'nggi haftalarda "Roma" ham qiziqayotgani haqida xabarlar chiqqandi.
Fabrisio Romano xabariga ko'ra, Bergamo klubi belgiyalik futbolchini Sarri talab qilgan hujum chizig'ini kuchaytirish uchun nomzod sifatida ko'rib chiqmoqda.
Bernardu Silva o'zining jamoa uchun qanchalik muhim ekanligi va o'ziga yuklatilgan vazifalarga qanday yondashishi haqida gapirdi.
Bernardu Silva:
Men jamoaviy o'yinchiman, mehnatkashman va atrofdagilarimning yaxshiroq bo'lishiga yordam berishga harakat qilaman.
Men har doim jamoaga yordam berish uchun bir nechta pozitsiyalarda o'ynashga tayyor turishga intilaman.
Men qattiq mehnat qilaman va har kuni ijobiy kayfiyat bag'ishlayman, shunda biz o'yinlarga tayyorgarlik ko'rishimiz va ularga eng yaxshi formada yetib kelishimiz mumkin.
Federiko Dimarko "Milan" va "Inter" o'rtasidagi o'yin oldidan Franko Barezi oilasiga hamdardlik bildirdi.
"Milan" va "Inter" o'rtasidagi bahs oldidan o'tkazilgan matbuot anjumanida Federiko Dimarko quyidagilarni ta'kidladi:
"Men Franko Barezining oilasiga o'z hamdardligimni bildirmoqchiman. U futbol tarixini yaratgan, "Milan" va boshqa barcha jamoalar muxlislari tomonidan qadrlanadigan afsonaviy inson edi".
Andijon himoyachisi Nemanya Chalasan Paxtakorga qarshi o'yindagi qizil kartochka va jamoaning durang natijasi haqida gapirdi.
«Andijon»ning o'z maydonida «Paxtakor»ga qarshi o'tgan uchrashuvi shiddatli va keskin kurashlar ostida o'tdi, faqat gol yetishmadi. Qolaversa, qizil kartochkalar bilan ham yodda qoladigan bo'ldi. Mezbonlardan ikkita, mehmonlardan bir nafar o'yinchi maydondan chetlatildi.
Uchrashuvdagi dastlabki qizil kartochka «Andijon»ning serbiyalik himoyachisi Nemanya Chalasanga ko'rsatildi.
Futbolchi esa «Paxtakor»ga qarshi o'yin, qizil kartochka va stadiondagi muhit haqida intervyu berdi.
- Nemanya, o'yin sizda qanday taassurot qoldirdi?
- O'ylaymanki, agar biz maydonda 11 ga 11 bo'lib qolganimizda g'alaba qozonishimiz mumkin edi. Menda shunday ichki tuyg'u bor edi. Qolavresa, ishqibozlarimiz bizni faqat oldinga undashdi va ularning daldasi, ko'magida albatta gol kiritgan bo'lardik.
- O'yin chog'ida uch marta qizil kartochka ko'rsatildi, shulardan biri sizga. O'sha holatni qanday izohlab bergan bo'lardingiz?
- Men olgan qizil kartochkaga kelsak, to'pni maydon markazidagi Cheranga uzatmoqchi bo'ldim. Lekin raqib mening bu rejamni oldindan o'qidi va to'pni egallab oldi. Qo'limdan keladigan yagona ish – qoidani buzishdan iborat edi. Bu mening xatoim va jamoaga pand berib qo'yganimni yaxshi tushunib turibman. Martinga kelsak, u qizil kartochkaga munosib ish qilmagandi.
- Maydonda yuz bergan voqealardan kelib chiqib, xulosa qilsak, 0:0 natijasi o'yinga mos keladimi?
- Rostini aytsam, o'yin oxirida deyarli tengma-teng tarkib bilan to'p surganimizda bemalol bellashuvni yutgan bo'lardik. Boya aytganimdek, muxlislarimiz bizga g'alaba qozonishimizga yordam berishardi. Kamchilik bo'lib o'ynab, 0:0 hisobidagi durangga kelsak, buni yomon natija deb hisoblab bo'lmaydi. Natijadan ko'nglim to'ldi.
- Olgan qizil kartochkangiz faoliyatingizdagi nechanchisi?
- Men tez-tez qizil kartochka oladigan o'yinchilar sirasiga kirmayman. O'ylaymanki, agar xotiram pand bermayotgan bo'lsa, bu faoliyatimdagi uchinchi qizil kartochkadir.
- Stadiondagi muhit sizga yoqdimi?
- Stadiondagi muhit har doim ham qoyilmaqom darajada. Bu borada ishqibozlarimizga teng keladigani yo'q. Ularning bizga ko'rsatayotgan beqiyos darajadagi qo'llab-quvvatlashlari uchun katta rahmat aytaman.
- Birinchi davra nihoyasiga yetdi. Jamoaning ishtirokini qanday baholaysiz?
- Futbolda har doim o'sish va rivojlanish uchun joy qoladi. Mavsumning ikkinchi qismida xatolarimizni to'g'rilashimizga va yanada kuchliroq o'yin namoyish qilishga harakat qilamiz.
- Qizil kartochka olgan paytingizda ishqibozlar sizni qarsaklar bilan kuzatib qo'yishdi. Shundan so'ng kiyim xonaga yo'l oldingiz. Jamoani ozchilik bo'lib qoldirganingizdan va gol o'tkazib yuborish ehtimoli borligini o'ylab, bundan qay darajada qayg'urdingiz?
- Yashirmayman, men juda ham bundan qayg'urdim. Albatta, muxlislarning meni maydondan olqishlar bilan kuzatib qo'yishgani yuragimni to'lqinlantirib yubordi. Ularga buning uchun katta rahmat aytmoqchiman. Tabiiyki, jamoaga pand berib qo'yar ekansan, albatta bundan iztirobga tushasan. Ishqilib, durang natijani ushlab qolaylik, yutqazib qo'ymasak bo'ldi, degan fikr xayolimdan ketmadi.
- Qizil kartochka olganingizdan so'ng Boake ham ortingizdan kiyimxonaga qizil kartochka olgan holda yo'l oldi. Uni kiyimxonada ko'rganingizdan hayron qolgandirsiz?
- Martinning ham kiyimxonaga tushganini ko'rib to'g'risi hayron qoldim. Ammo bu futbol va ushbu o'yinda istalgan voqea yuz berishi mumkin. Maydonda doim katta bosim hukmronlik qiladi. Ba'zi-ba'zida ehtiroslar ustunlik qilib, qoida buzganingni ham bilmay qolar ekansan.
Ben Jacobs xabariga ko'ra, «Real Madrid» Vinisius Juniorga bosim o'tkazmoqda va undan shu hafta ichida yakuniy qaror qabul qilishni talab qilmoqda.
⚡️ Ben Jacobs xabariga ko'ra, «Real Madrid» Vinisius Juniorga bosim o'tkazmoqda va undan shu hafta ichida yakuniy qaror qabul qilishni talab qilmoqda: futbolchi yo yangi shartnoma imzolaydi, yo bo'lmasa sotuvga qo'yiladi.
Ben Jeykobsning xabar berishicha, «Real» Vinisius Junior oldiga shart qo'ydi: yo yangi shartnoma, yo transfer. «Arsenal» esa o'z taklifini berib bo'lgan.
Ben Jeykobs xabariga ko'ra:
«Mening ma'lumotlarimga ko'ra, Vinisius Junior bilan bog'liq vaziyatda uchta emas, ikkita ssenariy bor. «Real» unga bosim o'tkazmoqda: yo yangi shartnoma imzolaysan, yo seni sotib yuboramiz. «Arsenal»ga kelsak, klub hozir javob kutmoqda.
Asosiy jihati shundaki, «Arsenal» «Real»ning Vinisius bilan shartnomani uzaytirish borasidagi muzokaralarini kutib o'tirmayapti. London klubi o'z taklifini berib bo'ldi va o'yinchiga o'z loyihasini birinchi bo'lib taqdim etdi. Endi, ushbu bosim vositasini qo'lga kiritgach, to'p yana «Real» tomonida. Madrid klubi Vinisiusdan shu hafta ichida javob olmoqchi.
Garchi Joze Mourinyu Vinisiusni har qanday yo'l bilan olib qolishni istasa-da, Florentino Peresning pozitsiyasi aniq: yo shartnoma uzaytiriladi, yo sotiladi — katta ehtimol bilan «Arsenal»ga. Endi, «Arsenal» taklifidan so'ng, «Real» shu hafta ichida kelishuvni uzaytirishga erishishga urinmoqda».
Fikayo Tomori kelajagi yana savol ostida. "Liverpul" va "Yuventus" futbolchiga qiziqish bildirmoqda.
Fikayo Tomori kelajagi yana savol ostida qolmoqda.
Italiya matbuoti xabariga ko'ra, "Liverpul" ingliz himoyachisini transfer qilish bo'yicha "Milan" bilan dastlabki muzokaralarni boshladi.
Mersisaydliklarning yangi bosh murabbiyi Andoni Iraola himoya chizig'ini tajribali markaziy himoyachi bilan kuchaytirmoqchi va Tomori asosiy nomzodlardan biri sifatida qaralmoqda.
Shu bilan birga, "Yuventus" ham vaziyatni kuzatishda davom etmoqda.
Tomorining shartnomasi 2027-yilga qadar mo'ljallangan. Agar yangi kelishuv imzolanmasa, kelasi yozda "Milan" uchun futbolchining transfer qiymatini saqlab qolish qiyinroq bo'lishi mumkin.
Gonsalo «Real Madrid»dan «Fulxem»ga o'tdi. Transfer qiymati 40+2 million yevroni tashkil etadi.
Rasman: Gonsalo «Fulxem»ga o'tdi.
OAV xabariga ko'ra, «Real Madrid» 22 yoshli hujumchini sotishdan 40+2 million yevro ishlab oladi. Bundan tashqari, «qaymoqranglilar» futbolchining kelajakdagi sotuvidan 30 foiz ulushga ega bo'ladi, shuningdek, uni qaytarib sotib olish huquqini ham saqlab qoladi.
Alex Howell xabariga ko'ra, Vinisiusning ayni damda Arsenalga o'tish ehtimoli pasaymoqda. Yakuniy qaror futbolchining o'zida qolmoqda.
Alex Howell xabariga ko'ra, Vinisiusning yaqinlari uning ayni damda Arsenalga o'tish ehtimoli kamayib borayotganini ta'kidlashmoqda.
Arsenal klubi ham futbolchi bilan shartnoma muddati tugashiga bir yil qolgani uning transferini kafolatlamasligini tushunib turibdi, chunki yakuniy qaror baribir Vinisiusning o'ziga bog'liq.
«Roma» yarim himoyachisi Nikkkolo Pizilli Uelsdagi yig'in davomida o'z kelajagi va orzulari haqida gapirib berdi.
«Roma»ning Uelsdagi o'quv-mashg'ulot yig'inida bo'lib turgan Nikkkolo Pizilli LAROMA24.IT portaliga eksklyuziv intervyu berdi. Yarim himoyachi o'z ambitsiyalari, allaqachon amalga oshgan orzulari va hali oldinda turgan maqsadlari haqida so'zlab berdi.
Vinisius Junior yozgi ta'tildan so'ng «Real» mashg'ulotlariga qaytdi. AS nashri xabariga ko'ra, futbolchi a'lo darajadagi jismoniy holatda.
📰 AS xabariga ko'ra, Vinisius Junior «Real» ixtiyoriga a'lo darajadagi jismoniy holatda qaytib keldi.
Braziliyalik futbolchi yozgi ta'tilda jamoaning boshqa o'yinchilariga nisbatan eng uzoq muddatli dam olish huquqiga ega bo'ldi — 4 hafta. Klub rahbariyati shunday qarorga keldi, chunki o'tgan mavsumda u maydonda eng ko'p daqiqa harakat qilgan futbolchi bo'ldi (mumkin bo'lgan 5040 daqiqadan 4249 daqiqasi). Vinger jami 56 ta o'yindan 53 tasida ishtirok etib, ularning 48 tasini asosiy tarkibda boshlagan.
Vasilie Adjich «Yuventus»dan «Sassuolo»ga ijaraga o'tdi. Kelishuvda 12 million yevrolik sotib olish huquqi va «Yuventus» uchun qaytarib olish opsiyasi mavjud.
Rasman: Vasilie Adjich «Yuventus»dan «Sassuolo»ga o'tdi.
Klublar chernogoriyalik yarim himoyachini 12 million yevro evaziga sotib olish huquqi bilan ijaraga berish bo'yicha kelishuvga erishdi.
«Sassuolo» allaqachon Adjich bilan 2031-yil yoziga qadar mo'ljallangan shartnomani kelishib olgan, u futbolchi to'liq transfer qilingan taqdirda kuchga kiradi.
Shu bilan birga, «Yuventus» futbolchini 1,7 million yevro miqdoridagi qo'shimcha tovon puli evaziga qaytarib olish huquqini saqlab qoladi.
