Tottenxem joriy oyda transfer bozorida faol bo'lishi kutilmoqda. Klub tarkibda yangi o'zgarishlar va futbolchilarning ketishiga tayyorgarlik ko'rmoqda.
🚨 "Tottenxem" joriy oyda transfer bozoridagi eng faol klublardan biri bo'lib qolishi kutilmoqda. 👀
Klubni oldinda ham yangi transferlar, ham bir nechta futbolchining ketishi kutib turibdi. 😳✍️
Football.London xabariga ko'ra.
Sandro Tonali «Tottenxem»ga o'tishi, murabbiy Roberto bilan suhbatlari va jamoaning yangi mavsumdagi maqsadlari haqida gapirdi.
🎤Sandro Tonali bosh murabbiy bilan suhbatlari haqida:
Biz u haqida, uning ishi va jamoa bilan ishlash jarayonidagi har bir lahzaga sarflaydigan ishtiyoqi haqida gaplashdik. O'ylaymanki, ikki hafta o'tib, men u haqida hamma narsani bilaman.
Barcha murabbiylar turlicha. Men Eddi Xau bilan uch yil ishladim va u ayniqsa men uchun ajoyib murabbiy edi. Lekin hozir men maydonda ko'p ishlaydigan, taktikaga katta e'tibor qaratadigan va to'p bilan ko'p shug'ullanadigan boshqa murabbiy bilan uchrashdim.
Biz to'p bilan o'ynashni yaxshi ko'ramiz, chunki biz katta o'yinchilarga ega katta jamoamiz. Biz «Breshiya» va o'sha jamoa duch kelgan qiyin vaziyat haqida ham gaplashdik.
🎤O'tish qarorini qanchalik tez qabul qilgani haqida:
Men 10-15 daqiqa ichida «Tottenxem» mening keyingi jamoam bo'lishini tushundim.
«Tottenxem» bilan gaplashdim va birinchi taassurot juda muhim lahza. Mening birinchi taassurotim haqiqatan ham ijobiy bo'ldi. Suhbatdan ikki daqiqa o'tib, rafiqam va oilam bilan bog'landim va shunday dedim: «Balki bu faoliyatimdagi eng yaxshi qarorlardan biri bo'lar».
Atigi 10 daqiqalik suhbatdan keyin o'zingizni baxtli his qilsangiz, bu ko'p narsani anglatadi, hammasi shunchaki mukammal. Roberto o'z ishiga va futboliga juda jiddiy yondashadi. U bu loyiha qiyin bo'lishini, lekin men uchun ham, klub uchun ham ideal bo'lishini aytdi. Biz eng yaxshi mavsumlardan birini o'tkazishimiz mumkin, chunki bizda katta futbolchilar bor. Bizga shunchaki ko'p ishlash kerak.
🎤«Tottenxem»ga o'tish qaroriga ta'sir qilgan asosiy omillar haqida:
Rostini aytsam, boshqa klub bilan ham gaplashgandim, lekin «Tottenxem» bilan suhbatlashganimda, hammasi mutlaqo boshqacha edi. O'tgan mavsumdan keyin rafiqam bilan gaplashdim. Biz hayotimizni o'zgartirmoqchi edik, lekin faqat shahar uchun emas — biz hamma narsani o'zgartirmoqchi edik.
Ikki klub bilan muloqot qildik. «Tottenxem» bilan gaplashganimizda, aynan shu jamoa bilan shartnoma imzolashga qaror qildik. Nafaqat shahar, balki odamlar va ular biz bilan qanday muloqot qilgani uchun ham. Ularning so'zlarida 100% ishtiyoq va 100% jiddiyat bor edi.
Shahar va futbol tashqarisidagi hayotim, oilamga kelsak, bu balki 10%dir. Lekin aynan Roberto va sport direktori ushbu bitimda hal qiluvchi rol o'ynadi. Agar siz bu yerda, o'zingiz taniydigan murabbiy bilan baxtli bo'lsangiz, agar sizga bu shahar yoqsa, oilangiz baxtli bo'lsa, rafiqam baxtli bo'lsa — hammasi mutlaqo boshqacha bo'ladi.
🎤100 million funt sterlinglik narx bosimi haqida:
Buni futbol ekanligini tushunish kerak. Hozirgi narxlar 10 yil avvalgidan farq qiladi.
Bilaman, zimmamda katta bosim bor, lekin men futbolchiman, o'z majburiyatlarimni bilaman, bu jamoani va bu yerdagi odamlarni bilaman.
Men oddiy o'yinchi, «Tottenxem»ning oddiy futbolchisi kabi o'ynashim kerak — xohish, ishtiyoq bilan va har kuni bor energiyamni berib.
Agar buni har kuni o'yinga sarflasangiz, hammasi boshqacha bo'ladi. 1 million, 10 million yoki 100 million funt turishingizning ahamiyati qolmaydi.
Siz shunchaki bu murabbiyga o'zini to'liq bag'ishlaydigan o'yinchi bo'lishingiz kerak. Hammasini maydonda qoldirish kerak.
🎤Bosh murabbiy yarim himoyadagi yangi bog'lamdan nimalarni kutayotgani haqida:
U bizning munosabatlarimiz, ayniqsa maydonda mustahkam bo'lishini istaydi, chunki maydon tashqarisida bizda allaqachon ajoyib munosabatlar bor.
Biz o'z uslubimizga sodiq qolishimiz, maydonda ishlashda davom etishimiz kerak, chunki bu oson emas.
O'tgan mavsumda biz ikki xil jamoada, ikki xil sxemada, ikki xil uslubda o'ynaganmiz. Endi biz birgamiz va o'z sxemamizni, o'z futbolimizni topishimiz kerak.
Ba'zida bu oson emas. Balki sizga ikki yoki uch hafta kerak bo'lar, lekin to'rt-besh kundan keyin Mateus bilan gaplashib, shunday dedik: «Aslida bu uslub unchalik qiyin emas, chunki biz bu sxema tamoyillarini allaqachon bilamiz».
Ilgari biz ikki yarim himoyachi bilan o'ynaganmiz va shunday o'ynaganingizda, hammasini bilasiz. Hujum fazasida nima qilishni, himoya fazasida nima qilishni tushunasiz va bu biroz osonroq. Bizga omad kulib boqdiki, o'tmishda bunday sxemada o'ynaganmiz.
Biz birga ishlashda davom etishimiz kerak, chunki Premer-liga boshlanganda, hammasi boshqacha bo'ladi — biz kuchli jamoalarga qarshi o'ynaymiz. Shanba kuni «Chelsi»ga qarshi o'ynaymiz, lekin mavsumoldi tayyorgarlik — bu Premer-liga emas. Tayyor bo'lish uchun har hafta ishlashimiz kerak.
Ledli King «Tottenxem»dagi faoliyati, klubning og'ir davrlari va jamoani tark etish haqidagi fikrlari bilan o'rtoqlashdi.
🎤 Ledli King «Tottenxem»ning sobiq o'yinchilari klubning quyi ligaga tushib ketishidan jiddiy xavotir olgani haqida:
Bu haqiqatan ham xavotir uyg'otardi. Ko'plab sobiq futbolchilar xavotirda edi. Biz tez-tez qo'ng'iroqlashib, vaziyatni muhokama qilardik. Men Ossi, Glenn, Gari Mebbut, shuningdek, yoshroq yigitlar — Douson, Robbi Kin va Defo haqida gapiryapman.
Biz hammamiz shunchaki o'ylardik: «Biz biror narsa qila olamizmi? Birlashishning biron bir yo'li bormi?»
Chunki bizga o'sha paytda muammo taktikalarda emasdek tuyulardi. Ular jamoa ruhini his qilishlari va bu klub uchun o'ynash nimani anglatishini tushunishlari kerak edi.
Shunday qilib, parda ortida ko'plab suhbatlar bo'ldi — biz qanday yordam bera olishimiz mumkinligini tushunishga harakat qildik. Ammo, xayriyatki, bizga eng yuqori darajadagi top-murabbiy keldi va u buni biz uchun uddaladi.
🎤 Ledli King «Tottenxem»dan ketish haqida o'ylaganmi degan savolga:
Boshqa klublar tomonidan qiziqish bo'lgan, lekin men o'zim ketishdan hech qachon manfaatdor bo'lmaganman. 23 yoshimda sardor bo'ldim va o'sha paytdan boshlab bu mening klubim ekanligini, uni boshqarishim kerakligini his qildim. Men hech qachon kemani birinchi bo'lib tark etishga tayyor bo'lganlardan bo'lmaganman.
Ha, «Manchester Yunayted», «Chelsi» va ba'zida «Arsenal» g'alaba qozonganiga havas qilardim. Lekin men o'z vazifamni aynan bizning jamoani g'olib qilish, uning kuchayishiga yordam berish deb hisoblaganman.
Afsuski, bu yo'lda jarohatlar menga doimo xalaqit berdi. Lekin mening asosiy maqsadim har doim jamoamni g'alabalarga yetaklash bo'lgan.
Jorj Seshns "Tottenxem"dagi transferlar, akademiya muammolari va Kristian Romeroning kelajagi haqida gapirdi.
🎥 "Tottenxem" faoliyatini yoritib boruvchi jurnalist Jorj Seshns "Last Word On Spurs" ko'rsatuvida jamoa atrofidagi vaziyat haqida gapirdi:
Mayki Mur, katta ehtimol bilan, yozda yana ijaraga beriladi. APL klublari 18 yoshli futbolchini ijaraga olishdan manfaatdor ekani aytilmoqda.
"Nottingem Forest" Lukas Bergvalni "Tottenxem"ga o'tishidan oldin ham kuzatib borgan.
Jed Spens "Tottenxem"dan ketishni talab qilmayapti va klub ham uni faol sotish niyatida emas. Biroq, "shporlar" himoyachi bo'yicha tushadigan foydali takliflarni ko'rib chiqishga tayyor.
"Tottenxem" akademiyasida xavotir kuchaymoqda. Akademiya o'yinchilari, ularning ota-onalari va murabbiylari asosiy jamoaga chiqish uchun aniq yo'l yo'qligidan norozi ekanliklari xabar qilinmoqda.
Ayni damda hech qaysi klub "Tottenxem" talab qilayotgan summani to'lashga tayyor emas va senegallik yarim himoyachi Pape Matar Sarr bo'yicha jiddiy takliflar yo'q.
Kristian Romero may oyida "Tottenxem"ning "Everton"ga qarshi muhim o'yinida qatnashish o'rniga, o'zining ona klubi o'yinini ko'rish uchun Argentinaga uchib ketishga ruxsat olgan.
Jorj Seshnsning fikricha, "Tottenxem" yozda Kristian Romero uchun 40 million funt sterling ishlab oladi.
Gulyelmo Vikario "Tottenxem"dagi vaqti yakuniga yetganini biladi.
Rafael Moerson "Tottenxem" uchun juda muhim o'yinchi.
Tottenxem hujum chizig'ini kuchaytirish uchun braziliyalik vinger Savinyoni o'z safiga qo'shib olmoqchi.
🚨 Tottenxem Savinyo transferi bo'yicha ishlarni tezlashtirmoqchi. 👀
Aynan braziliyalik vinger «shporlar»ning hujum chizig'ini kuchaytirish bo'yicha asosiy maqsadi hisoblanadi.
SZY xabariga ko'ra.
Ben Jeykobs Gakpo va «Tottenxem» o'rtasidagi transfer bo'yicha vaziyatni tushuntirdi. Barchasi «shporlar» taklif etadigan mablag'ga bog'liq.
Ben Jeykobs o'zining so'nggi yangilanishida Gakpo va «Tottenxem» atrofida so'nggi kunlarda bo'lib o'tayotgan barcha ma'lumotlarni jamladi.
«U sotilmaydi» degan gapga o'xshamaydi, lekin «biz uni sotishni juda xohlayapmiz» degan holat ham emas. Shu sababli, barchasi «shporlar» qanchalik katta mablag' sarflashga tayyorligiga bog'liq bo'ladi.
Roberto De Zerbi transfer siyosati, yoshlar akademiyasi, Konor Gallaxer va afsonaviy Franko Barezi haqida fikr bildirdi.
Roberto De Zerbi transferlar uchun sarflanayotgan katta mablag'lar borasidagi bosim haqida:
Hech qanday bosim yo'q. Bir kuni Londonda taksi haydovchisi transfer kampaniyamiz bilan tabriklash uchun meni to'xtatdi. U: "Siz juda ko'p pul sarflayapsiz", dedi.
Men undan: "Qaysi jamoaga muxlislik qilasan?" deb so'radim. U: "Arsenal"ga", deb javob berdi. Men esa: "Ammo sizning klubingiz ham uch-to'rt yildan beri katta mablag' sarflamoqda", dedim.
"Manchester Siti", "Liverpul", "Chelsi" va "Arsenal" – jadval cho'qqisida qolish uchun ular ham pul sarflashgan.
Agar raqobatlashmoqchi bo'lsangiz, hozir biz top-o'yinchilarni jalb qilishimiz kerak va biz aynan shuni qilyapmiz.
Yosh iqtidorlarni rivojlantirish haqida:
"Tottenxem" kabi klub uchun bu darajamizni saqlab qolishda juda muhim. Chunki Chempionlar ligasi yoki yevrokuboklarda o'ynaganingizda, moliyaviy feyr-pley qoidalariga rioya qilish uchun qaydnomani o'z tarbiyalanuvchilaringiz bilan to'ldirish juda muhim.
Ba'zida odamlar feyr-pley qoidalarini unutib qo'yishadi, ammo akademiyada o'yinchilarni tarbiyalash juda zarur.
Hozir biz uch-to'rt nafar salohiyatli kuchli futbolchilar – Uilyams-Barnett, Xardi va Mur kabi yigitlar bilan ishlayapmiz.
Bu mening ishimning bir qismi va men unga xuddi shunday ishtiyoq, e'tibor va munosabat bilan yondashaman, chunki bu klubning buguni va kelajagi uchun muhim.
Konor Gallaxer haqida:
Men Konorni top-o'yinchi va ajoyib inson deb bilaman. Men uchun yaxshi inson bo'lish yaxshi futbolchi bo'lishdan ham muhimroq, Konor esa ikkalasini ham o'zida mujassam etgan.
Konor optimal formada bo'lganida, biz xuddi maydonda bir kishi ko'proq o'ynayotgandek bo'lamiz, chunki u ikki kishiga teng.
Roberto De Zerbi jarohatlar haqida:
Jeymsda kichik muammo bor. Men tavakkal qilishni istamayman, ayniqsa hozir va ayniqsa uning holatida, o'tgan mavsumdagi jarohatini hisobga olsak.
Xuddi shu narsa Mateus Fernandesga ham tegishli. Hozir tavakkal qilish uchun mos vaqt emas.
Bugun vafot etgan Franko Barezi haqida:
Men "Milan" akademiyasida bo'lganman va 15-16 yoshimda asosiy jamoa bilan ko'p shug'ullanganman.
U ham mening shahrimdan. O'ylaymanki, u dunyodagi eng yaxshi himoyachi edi. Ajoyib sardor, klass futbolchi. Uning vafotidan juda ham afsusdaman.
U faoliyatini juda yosh yakunlagan. "Milan" va Italiya terma jamoasi sardori bo'lgan. Bugun ko'plab o'yinchilar bilan gaplashaman, ular hatto uning o'yinini ko'rishmagan ham. U aqlbovar qilmas darajada edi va balki Maldinidan ham kuchliroq bo'lgan, garchi Maldini ham top, top, top bo'lsa-da.
"Tottenxem" so'nggi besh yil ichida Premer-ligada transfer xarajatlari bo'yicha ikkinchi o'rinda qayd etildi.
"Tottenxem" so'nggi besh yil ichida Premer-ligadagi barcha klublar orasida sof transfer xarajatlari bo'yicha ikkinchi o'rinni egallab turibdi.
Ushbu davr mobaynida londonliklar 683 million funt sterling sarflashgan.
Saimon Jons xabariga ko'ra, "Tottenxem" Savinio transferini yakunlamoqda. Transfer qiymati taxminan 65 million funt sterlingga baholanmoqda.
Saimon Jons xabariga ko'ra, "Tottenxem" Savinio transferi bo'yicha kelishuvni yakunlamoqda. Transfer qiymati taxminan 65 million funt sterlingni tashkil etadi. "Manchester Siti" esa allaqachon futbolchiga o'rinbosar izlashni boshlab yuborgan.
The Times jurnalisti Tom Ollnat Tottenxemdagi tarkibiy o'zgarishlar, De Dzerbi rejalari va futbolchilarning kelajagi haqida gapirdi.
The Times jurnalisti Tom Ollnat Last Word On Spurs podkastida Tottenxem atrofidagi vaziyat haqida gapirdi:
Roberto De Dzerbi xuddi katta klub murabbiyi kabi gapiradi. Agar biz buni matbuot anjumanlarida sezsak, ishoning, futbolchilar ham kiyim almashtirish xonasida buni his qilishmoqda.
Roberto De Dzerbi joriy mavsumda Tottenxemda imkon qadar kuchli va raqobatbardosh tarkib bo'lishini istamoqda. U va klub rahbariyati tajribali futbolchilarga tayanish kerak degan fikrda.
Tom Ollnat ma'lumotiga ko'ra, Yuventus shu hafta Gulyelmo Vikario masalasida Tottenxem bilan bog'langan. 25 million funt A Seriya klubi uchun katta mablag', shuning uchun bu ijara va sotib olish huquqi bilan bog'liq bitim bo'lishi mumkin. Jurnalist darvozabon yoz oxiriga qadar jamoada qolishiga shubha qilmoqda.
Tottenxem yozda sakkiz nafargacha asosiy futbolchisini, jumladan Jed Spens, Kristian Romero va Lukas Bergvallni qo'yib yuborishi mumkin. Klub De Dzerbi boshchiligidagi keng ko'lamli qayta qurish doirasida tarkibni tozalashga e'tibor qaratmoqda.
Jed Spens sotuvga qo'yilgani haqidagi gaplar biroz bo'rttirilgan. Agar yaxshi taklif tushsa, Tottenxem uni qabul qilishga moyil bo'ladi.
Luka Vushkovich Tottenxem unga yetarlicha yordam bermayapti deb hisoblamoqda. Mikki van de Ven esa klubdagi voqealarni juda og'ir qabul qilgan va o'ziga nisbatan ishonchsizlik hissini boshdan kechirgan. Hozirda Tottenxem uchun ustuvor vazifa — unga yangi shartnoma taklif qilish.
Archi Grey yozda klubni tark etadiganlar qatorida emas. Tottenxem aslida Lukas Bergvall va Luka Vushkovichni sotishni istamasdi, ammo futbolchi muntazam o'yin amaliyotini xohlasa va klub buni kafolatlay olmasa, takliflarni ko'rib chiqishga majbur bo'ladi.
Nottingem Forest Lukas Bergvall uchun 45 million funtlik yaxshilangan taklif bilan chiqmoqchi. Mayki Mur esa sotilmaydi, u mavsumoldi tayyorgarlikda o'zini ko'rsatish uchun imkoniyatga ega bo'ladi.
Morgan Rojers Tottenxem bilan bog'lanayotgan nomlardan biri. Bu orzu qilingan transfer bo'lardi, biroq unga boshqa klublar ham qiziqish bildirmoqda. Risharlison ham yaxshi taklif bo'lsa, klubni tark etishi mumkin, ammo u Angliyadagi hayotidan mamnun.
Fikr qoldirish va reaksiya uchun Telegram orqali kiring.