Super Liga yangiliklari Umumiy

Jamoamiz «Markaziy» stadionga yetib keldi.

«Andijon» jamoasi murabbiylar shtabiga yangi mutaxassis qo'shildi. Tarkibini yanada shakllantirayotgan jamoa murabbiylar shtabini ham boyitib bormoqda.

Jumladan, tahlilchi murabbiy Sobir Pirnazarov «Andijon» klubida ish boshladi. Ushbu mutaxassis 1986-yilning 14-mart kuni Toshkentda tavallud topgan. Murabbiylik faoliyati davomida O'zbekiston U15, U16, U17, U20, U23 terma jamoalarida ishlagan. Shuningdek, «Olimpik» va «Qizilqum» klublarida ham tahlilchi murabbiy sifatida faoliyat yuritgan.

Erishgan natijalari:
- 2022 — Toshkentda o'tkazilgan 23 yoshgacha bo'lganlar o'rtasidagi Osiyo chempionatida 2-o'rin.
- 2023 — Xitoyda bo'lib o'tgan Osiyo o'yinlarida 3-o'rin.
- 2023 — Argentinada o'tkazilgan 20 yoshgacha bo'lganlar o'rtasidagi jahon chempionati ishtirokchisi.
- 2024 — Qatarda o'tkazilgan 23 yoshgacha bo'lganlar o'rtasidagi Osiyo chempionatida 2-o'rin.
- 2024 — Parij Olimpiya o'yinlari ishtirokchisi.
- 2025 — 17 yoshgacha bo'lganlar o'rtasidagi Osiyo chempionati g'olibi, Qatarda bo'lib o'tgan jahon chempionati ishtirokchisi.

Ushbu mutaxassis jamoaning g'alabalariga o'z hissasini qo'shishiga umid qilamiz.

Muhammadjon Hakimov Paxtakorga qarshi bahsda Bunyodkor tarkibida Superligada debyut qildi va ushbu mavsum maydonga tushgan eng yosh futbolchiga aylandi (16 yosh, 295 kunlik).

Ma'lumot uchun, 2025-yilda ham Bunyodkor jamoasi futbolchisi mavsumda maydonga tushgan eng yosh futbolchiga aylangan edi.

1-avgust kuni Andijon shahridagi Bobur arenada Superliganing 15-turidan o'rin olgan Andijon va Paxtakor jamoalari o'rtasidagi bahs bo'lib o'tadi.

Ertaga soat 09:30 dan boshlab ushbu bellashuv uchun chiptalar stadionning rasmiy kassasida sotuvga chiqariladi.

Shuningdek, echipta_bot orqali sotuv jarayoni ham ertadan, 09:30 dan boshlanadi.

Barcha futbol muxlislarini 1-avgust kuni soat 19:30 da boshlanadigan Andijon - Paxtakor o'yiniga taklif qilamiz.

Joriy mavsum Superliga o'yinlarida Neftchi jamoasini qo'llab-quvvatlash uchun Istiqlol stadionga tashrif buyurgan muxlislar soni 100 mingdan ortdi.

Andijon - Buxoro o'yinidan fotolavhalar 📸

Termiz shahridagi stadion maysasining hozirgi holati qoniqarsiz ekani hamda O‘zbekiston Professional Futbol Ligasi (PFL) tomonidan belgilangan talab va standartlarga to‘liq javob bermasligi sababli, jamoamiz Superliga doirasidagi uy uchrashuvlarini vaqtincha Olmaliq shahridagi OKMK stadionida o'tkazadi.

Klubimiz tomonidan Termizdagi stadion maysasini belgilangan standartlar darajasiga keltirish bo‘yicha tegishli ishlar olib borilmoqda. Stadion PFL talablariga to‘liq mos holatga keltirilgach, jamoamiz o‘z uy uchrashuvlarini yana Termiz shahrida o'tkazishni rejalashtirmoqda.

Shuhrat Maqsudov o‘zbek futbolida katta tajriba va boy faoliyatga ega mutaxassis bo‘lib, futbolchi va murabbiy sifatida ko‘plab yutuqlarga erishgan. Ularning bilim va tajribasi Akademiyada yosh futbolchilarni tarbiyalash, zamonaviy futbolni rivojlantirish hamda iqtidorli yoshlarni professional futbolga tayyorlash yo‘lida muhim ahamiyat kasb etadi.

Shuhrat Maqsudovni yangi lavozimi bilan samimiy tabriklaymiz va ulkan muvaffaqiyatlar, mustahkam sog‘lik hamda Akademiyamiz ravnaqi yo‘lida yangi zafarlar tilaymiz.

Birgalikda futbol yulduzlarini kashf qilamiz! 😃

Navbahor va BuxDU jamoalariga transfer taqiqi qo'yildi.

61’| Dinamo jamoasi futbolchisi Amadu futbolchimizga nisbatan to`psiz harakatda qo`pollik ishlatganligi sababli hakam tomonidan maydondan chetlashtirildi 🟥

🟡 Surxon 0:1 Dinamo 🔵

Xojimirzayev 1’ (0:1)

Ibrohimov jiddiy jarohat oldi.

Vodiy derbisi nafaqat O‘zbekiston, balki xorij futbol jamoatchiligi tomonidan ham katta qiziqish bilan kuzatildi. Mamlakatimiz futbolining eng murosasiz qarama-qarshiliklaridan biri yana bir bor o‘zining yuqori atmosferasi, muxlislar faolligi va maydondagi keskin kurashi bilan xalqaro auditoriya e’tiborini tortdi.

Ahamiyatlisi, Braziliyaning xususiy internet telekanali MatchdayTV o‘z faoliyati davomida ilk bor O‘zbekiston Superligasi uchrashuvini jonli efirda namoyish etdi. Vodiy derbisini braziliyalik sharhlovchi Lucas Vinísius de Souza sharhlab bordi. Jonli efir Braziliya bilan bir qatorda Janubiy Amerikaning boshqa davlatlaridagi futbol ixlosmandlari tomonidan ham kuzatildi.

So‘nggi yillarda O‘zbekiston futboliga, xususan, Superligamizga bo‘lgan xalqaro qiziqish tobora ortib bormoqda. Ayniqsa, to‘la stadionlar, yorqin muxlislik muhiti va keskin raqobatga boy uchrashuvlar xorijiy futbol ixlosmandlari e’tiborini o‘ziga jalb qilmoqda. Vodiy derbisining Janubiy Amerikada namoyish etilgani ham buning yaqqol isbotidir.

Bunday translyatsiyalar O‘zbekiston Superligasining xalqaro maydondagi nufuzini oshirish, klublarimizni kengroq auditoriyaga tanitish va futbolchilarimizning salohiyatini dunyoga namoyish etish yo‘lida muhim ahamiyat kasb etadi. Xususan, Neftchi kabi tarixga ega klublarning xorij auditoriyasi oldida namoyon bo‘lishi o‘zbek futbolining xalqaro imijini mustahkamlashga xizmat qiladi.

Ishonamizki, bunday tashabbuslar kelgusida ham davom etadi va O‘zbekiston Superligasi uchrashuvlari dunyoning yanada ko‘proq mamlakatlarida jonli efir orqali namoyish etiladi.

Superliga. 14-tur

Dinamo 3:2 Qo'qon-1912

Gollar: Javohir Xusanov, 2 (0:1), Anvarjon Hojimirzayev, 7 (1:1), Anvarjon Hojimirzayev, 30 penalti (2:1), Sanjar Qodirqulov, 69 (3:1), Silvanus Nimeli, 71 (3:2)

Superliga doirasidagi uchrashuvdan so'ng O'zbekiston milliy terma jamoasi a'zosi, Mash'al akademiyasi tarbiyalanuvchisi Otabek Shukurov Toshkentda jamoamiz futbolchilari bilan uchrashdi.

Uchrashuv davomida Shukurov futbolchilarga iliq tilaklarini bildirib, mavsumning qolgan qismida ishonch, jipslik va kurashchanlik bilan harakat qilishga chaqirdi. O'zi bosib o'tgan futbolchilik yo'li haqida gapirib, mehnat va intizom har qanday futbolchini katta yutuqlarga olib chiqishini ta'kidladi.

Shuningdek, Otabek Shukurov jamoaga o'z imzosi tushirilgan esdalik futbolkasini sovg'a qildi. Bu sovg'a futbolchilar uchun yoqimli xotira va qo'shimcha motivatsiya bo'ldi.

Aytish joizki, Otabek Shukurov aynan Mash'al akademiyasida kamol topib, katta futbolga yo'l olgan. Akademiya bugungi kunga qadar O'zbekiston futboliga Eldor Shomurodov, Otabek Shukurov va boshqa ko'plab iqtidorli futbolchilarni yetkazib bergan yurtimizdagi eng nufuzli futbol maktablaridan biri hisoblanadi.

O'n besh yildan ziyod vaqt mobaynida O'zbekiston milliy va olimpiya terma jamoalarida faoliyat yuritib kelgan tajribali massajchi Gurgen Israyelyan terma jamoadagi faoliyatini tugatganini ma'lum qildi.

O'zbekiston milliy va olimpiya terma jamoalarida ko'p yil mehnat qildim, turli murabbiylar bilan ishladim, bir nechta katta musobaqalarda ishtirok etdim. Buning uchun hammaga katta rahmat. Men uchun Jahon chempionatiga borish faoliyatimda katta voqea bo'ldi. Endilikda bor e'tiborimni "Lokomotiv"dagi ishimga, shuningdek sport reabilitatsiyasi bo'yicha jarohatdan tiklanayotgan sportchilarga ko'maklashishga qaratmoqchiman.

O’zbekiston professional futbol ligasi talqiniga ko’ra, darvozabonimiz Umidjon Hamroyev Superliganing 13-tur ramziy terma jamoasidan joy oldi.