#Neftchi — yangiliklari

Chap ustun yangiliklari

Yovan Jokich jarrohlik amaliyotini muvaffaqiyatli o'tkazdi
FC NEFTCHI ↗ Umumiy Bog'langan

Yovan Jokich jarrohlik amaliyotini muvaffaqiyatli o'tkazdi

#Neftchi #Navbahor #Neftchi #Yovan Jokich

Neftchi yarim himoyachisi Yovan Jokich Finlandiyada muvaffaqiyatli jarrohlik amaliyotini o'tkazdi. Futbolchi 2-3 oydan so'ng safga qaytishi kutilmoqda.

Jamoamiz yarim himoyachisi Yovan Jokich “Navbahor”ga qarshi uchrashuv oldidan o’tkazilgan chigalyozdi mashg’ulotlari vaqtida avvalgi o’ng oyog’idagi Axill payi jarohatini qayta his qildi.

Batafsil tibbiy tekshiruvlar natijasiga ko’ra, jarohatni jarrohlik yo’li bilan davolash tavsiya etildi. Shu maqsadda futbolchimiz Finlandiyaning Turku shahriga yo’l oldi va bugun muvaffaqiyatli jarrohlik amaliyotini boshdan kechirdi.

Operatsiya reja asosida muvaffaqiyatli yakunlandi. Shifokorlar tavsiyasiga ko’ra, Yovan endilikda reabilitatsiya jarayonini boshlaydi. Rejaga muvofiq, u 2-3 oy davom etadigan tiklanish dasturidan so’ng jamoa mashg’ulotlariga qaytishi kutilmoqda.

Yovan Jokichga tezroq sog’ayib, maydonlarga yanada kuchliroq holatda qaytishini tilab qolamiz! 🟢

Fikr bildirish
Neftchi stadionidagi yoritish tizimi modernizatsiya qilindi
FC NEFTCHI ↗ Umumiy

Neftchi stadionidagi yoritish tizimi modernizatsiya qilindi

#Neftchi #Neftchi

Neftchi klubining uy stadioni — Istiqlolda projektorlar modernizatsiya qilindi. Endilikda maydonning o‘rtacha yoritish darajasi 2080 lyuksni tashkil etadi.

🟢 Ushbu mavsum Elit chempionlar ligasida ishtirok etuvchi Neftchi klubining uy stadioni — Istiqlolda projektorlar modernizatsiya qilinishi natijasida maydonning o‘rtacha yoritish darajasi 2080 lyuksga yetkazildi.

Fikr bildirish

O'ng ustun yangiliklari

Vodiy derbisi Braziliya telekanalida jonli efirda namoyish etildi
FC NEFTCHI ↗ Umumiy

Vodiy derbisi Braziliya telekanalida jonli efirda namoyish etildi

#Neftchi #Neftchi

O‘zbekiston Superligasidagi vodiy derbisi Braziliyaning MatchdayTV telekanali orqali ilk bor jonli efirda namoyish etildi.

Vodiy derbisi nafaqat O‘zbekiston, balki xorij futbol jamoatchiligi tomonidan ham katta qiziqish bilan kuzatildi. Mamlakatimiz futbolining eng murosasiz qarama-qarshiliklaridan biri yana bir bor o‘zining yuqori atmosferasi, muxlislar faolligi va maydondagi keskin kurashi bilan xalqaro auditoriya e’tiborini tortdi.

Ahamiyatlisi, Braziliyaning xususiy internet telekanali MatchdayTV o‘z faoliyati davomida ilk bor O‘zbekiston Superligasi uchrashuvini jonli efirda namoyish etdi. Vodiy derbisini braziliyalik sharhlovchi Lucas Vinísius de Souza sharhlab bordi. Jonli efir Braziliya bilan bir qatorda Janubiy Amerikaning boshqa davlatlaridagi futbol ixlosmandlari tomonidan ham kuzatildi.

So‘nggi yillarda O‘zbekiston futboliga, xususan, Superligamizga bo‘lgan xalqaro qiziqish tobora ortib bormoqda. Ayniqsa, to‘la stadionlar, yorqin muxlislik muhiti va keskin raqobatga boy uchrashuvlar xorijiy futbol ixlosmandlari e’tiborini o‘ziga jalb qilmoqda. Vodiy derbisining Janubiy Amerikada namoyish etilgani ham buning yaqqol isbotidir.

Bunday translyatsiyalar O‘zbekiston Superligasining xalqaro maydondagi nufuzini oshirish, klublarimizni kengroq auditoriyaga tanitish va futbolchilarimizning salohiyatini dunyoga namoyish etish yo‘lida muhim ahamiyat kasb etadi. Xususan, Neftchi kabi tarixga ega klublarning xorij auditoriyasi oldida namoyon bo‘lishi o‘zbek futbolining xalqaro imijini mustahkamlashga xizmat qiladi.

Ishonamizki, bunday tashabbuslar kelgusida ham davom etadi va O‘zbekiston Superligasi uchrashuvlari dunyoning yanada ko‘proq mamlakatlarida jonli efir orqali namoyish etiladi.

Fikr bildirish
Neftchi 20 yildan so‘ng safarda ilk bor 5 ta gol urdi
FC NEFTCHI ↗ Umumiy

Neftchi 20 yildan so‘ng safarda ilk bor 5 ta gol urdi

#Neftchi #FC Sog`diona #Neftchi #Yuriy Sarkisyan

Farg‘onaning Neftchi klubi 20 yillik tanaffusdan so‘ng safar o‘yinida raqib darvozasiga 5 ta gol kiritishga muvaffaq bo‘ldi.

Neftchi 20 yildan so‘ng ilk bor safarda 5+ gol kiritdi. Bu ishni so‘nggi bor farg‘onaliklar 2006-yilda Yuriy Sarkisyan boshqaruvida Xorazm maydonida uddalagan edi.

Fikr bildirish