Serxio Valentin xabariga ko'ra, Mikel Arteta Vinisius bilan bog'lanib, uni «Arsenal» loyihasi bilan tanishtirgan.
Serxio Valentin xabariga ko'ra, «Arsenal» bosh murabbiyi Vinisius bilan bog'lanib, uni klub loyihasi bilan tanishtirgan. Murabbiy futbolchiga uning kelgusi yillardagi rivojlanish rejalarida qanchalik muhim o'rin tutishini tushuntirib o'tgan.
"Liverpul" Kodi Gakpo transferi bo'yicha o'z shartini ma'lum qildi. Mersisaydliklar o'yinchini faqat munosib o'rinbosar topilgandagina qo'yib yuborishga tayyor.
🚨 "Liverpul" Kodi Gakponi "Tottenxem"ga sotish haqida o'ylashi uchun londonliklar juda katta taklif bilan chiqishlari kerak bo'ladi. 💰
Biroq, bu ham yetarli bo'lmasligi mumkin — mersisaydliklar faqatgina unga munosib o'rinbosar topilgan taqdirdagina bitimni muhokama qilishga tayyor.
Ben Jeykobs xabariga ko'ra.
Fikayo Tomori kelajagi yana savol ostida. "Liverpul" va "Yuventus" futbolchiga qiziqish bildirmoqda.
Fikayo Tomori kelajagi yana savol ostida qolmoqda.
Italiya matbuoti xabariga ko'ra, "Liverpul" ingliz himoyachisini transfer qilish bo'yicha "Milan" bilan dastlabki muzokaralarni boshladi.
Mersisaydliklarning yangi bosh murabbiyi Andoni Iraola himoya chizig'ini tajribali markaziy himoyachi bilan kuchaytirmoqchi va Tomori asosiy nomzodlardan biri sifatida qaralmoqda.
Shu bilan birga, "Yuventus" ham vaziyatni kuzatishda davom etmoqda.
Tomorining shartnomasi 2027-yilga qadar mo'ljallangan. Agar yangi kelishuv imzolanmasa, kelasi yozda "Milan" uchun futbolchining transfer qiymatini saqlab qolish qiyinroq bo'lishi mumkin.
Gonsalo «Real Madrid»dan «Fulxem»ga o'tdi. Transfer qiymati 40+2 million yevroni tashkil etadi.
Rasman: Gonsalo «Fulxem»ga o'tdi.
OAV xabariga ko'ra, «Real Madrid» 22 yoshli hujumchini sotishdan 40+2 million yevro ishlab oladi. Bundan tashqari, «qaymoqranglilar» futbolchining kelajakdagi sotuvidan 30 foiz ulushga ega bo'ladi, shuningdek, uni qaytarib sotib olish huquqini ham saqlab qoladi.
Bernardu Silva «Real»ga qarshi o'yinlar va Madrid klubining buyukligi haqida fikr bildirdi.
Bernardu Silva «Real»ga qarshi o'yinlar va Madrid klubi haqida o'z fikrlari bilan o'rtoqlashdi:
«Real»ga qarshi ko'p marta maydonga tushganingizda, bu klubning buyukligini his qila boshlaysiz. Aynan o'sha paytda bu yerda bo'lish va «Santyago Bernabeu»da o'ynash qanchalik ajoyib ekanligini tushunib yetasiz.
Bernardu Silva Joze Mourino haqida o'z fikrlari bilan o'rtoqlashdi.
Bernardu Silva:
Joze Mourino — portugal futboli uchun juda katta ahamiyatga ega murabbiy.
Biz bolaligimizdan uning jamoalarini kuzatib ulg'ayganmiz va u har doim Portugaliya nomini eng yuqori cho'qqilarga olib chiqqan.
Biz bir necha bor raqib bo'lganmiz, ammo endi bir tarafdamiz.
Xristos Tsolis o'zining o'yin uslubini afsonaviy hujumchi David Vilya bilan solishtirdi.
Xristos Tsolis:
Men o'zimni David Vilya darajasidaman demoqchi emasman, lekin bizda ma'lum bir o'xshashliklar bor. U markazga intiluvchi hujumchi rolida o'ynab, chap qanot yarim himoyasida harakat qilgan va doimo gol urishga intilgan. Men ham o'zimni shunday o'yinchi deb bilaman, chunki tipik qanot vingeri emasman: tez-tez markazga kirib boraman.
Vilya vinger yoki insayd pozitsiyasida juda yuqori saviyadagi futbolchi edi. Hatto gavda tuzilishimiz ham biroz o'xshash: ikkalamiz ham unchalik baland bo'yli emasmiz. Hujumlarni yakunlash borasida esa u chinakam top-futbolchi edi.
Bernardu Silva o'zining jamoa uchun qanchalik muhim ekanligi va o'ziga yuklatilgan vazifalarga qanday yondashishi haqida gapirdi.
Bernardu Silva:
Men jamoaviy o'yinchiman, mehnatkashman va atrofdagilarimning yaxshiroq bo'lishiga yordam berishga harakat qilaman.
Men har doim jamoaga yordam berish uchun bir nechta pozitsiyalarda o'ynashga tayyor turishga intilaman.
Men qattiq mehnat qilaman va har kuni ijobiy kayfiyat bag'ishlayman, shunda biz o'yinlarga tayyorgarlik ko'rishimiz va ularga eng yaxshi formada yetib kelishimiz mumkin.
Fabris Xokins xabariga ko'ra, «Liverpul»ning Bredli Barkola transferi bo'yicha taklif qilgan summasi «PSJ» kutganidan ancha past.
Fabris Xokins xabariga ko'ra, «Liverpul»ning Bredli Barkola transferi bo'yicha taklif qilgan summasi va bitim tuzilishi «PSJ» kutganidan ancha past.
Daily Mail nashri "Chelsi"ning Avstraliyadagi mavsumoldi yig'ini va Xabi Alonsoning mashg'ulotlardagi uslubi haqida qiziqarli tafsilotlarni bo'lishdi.
Daily Mail nashri jurnalisti Kiran Gill "Chelsi"ning Avstraliyadagi mavsumoldi yig'ini jarayonidan qiziqarli ma'lumotlarni bo'lishdi:
🔹Avstraliyaga uchib ketishdan oldin Xabi Alonso Kobbemdagi mashg'ulot bazasida klub xodimlari uchun o'yin tashkil qildi. Bir jamoada u bilan birga kelgan mutaxassislar, ikkinchisida esa asosiy jamoa bilan ishlagan xodimlar maydonga tushdi. 7x7 formatidagi bahsda Alonso jamoasi g'alaba qozondi. Manbalarga ko'ra, ispaniyalik murabbiy bir necha bor golli uzatmalarni amalga oshirgan.
🔹Alonso "Chelsi" futbolchilarida katta taassurot qoldirmoqda. O'yinchilarning so'zlariga ko'ra, u mashg'ulotlarda hamon yuqori texnikani namoyish etmoqda va mashqlarni mayda xatolar uchun to'xtatmay, ularni o'yin sharoitiga maksimal darajada yaqinlashtirishga harakat qilmoqda.
🔹Alonso mashg'ulot jarayonidagi detallarga qattiq e'tibor qaratadi. Masalan, mashg'ulotlardan birida u Romeo Laviaga to'pni qabul qilishdan oldin atrofni tez-tez kuzatib borishni maslahat berdi.
🔹"Chelsi" Avstraliya vaqt mintaqasiga moslashishga jiddiy yondashdi. O'yinchilarni mahalliy vaqtga o'tkazish Londondan parvoz paytidayoq boshlangan, yo'lda esa jamoa qisqa mashqlar uchun Shri-Lankada to'xtagan.
🔹Alonso haftasiga uch marta 10 kilometr masofaga yugurishni odat qilgan. Sidneyda ham u o'z odatiga sodiq qolib, hatto golf o'ynashga ham vaqt topdi.
🔹"Chelsi"ning ochiq mashg'ulotiga 5 mingdan ortiq muxlis tashrif buyurdi. Muxlislardan biri Robert Sanchesga bag'ishlangan plakat ko'tarib chiqqan: "Robert Sanches Titanikni qutqara olardi".
🔹Mashg'ulotning asosiy qahramoni Alonso bo'ldi. Yakuniy hushtakdan so'ng u 25 metrlar masofadan to'pni darvozaga yo'llab, muxlislarning olqishiga sazovor bo'ldi.
🔹Sidney bazasidagi Wi-Fi paroli "Football Is Coming Home" iborasidan iborat edi. Aynan shu yozuv yonida Levi Kolvill va Koul Palmer Angliya terma jamoasining JCh qaydnomasiga kirmaganliklari haqida intervyu berishdi.
🔹Koul Palmer jurnalistlar bilan muloqot qilish uchun o'zi tashabbus ko'rsatgan. U o'zining yaqin do'sti Rojers haqida ham gapirib o'tdi. Klubda 2026/27 yilgi mavsum Palmer uchun avvalgisidan ko'ra muvaffaqiyatliroq o'tishiga umid qilishmoqda.
🔹Birinchi jamoa bilan birga akademiyaning yosh tarbiyalanuvchilari, jumladan 16 yoshli Reji Uotson va Mahdi Nikoll-Jazuli ham Avstraliyaga yo'l olishdi. Murabbiylar shtabi o'smirlar bo'sh vaqtini telefonda o'tkazmasligi uchun qayiqda sayr kabi turli tadbirlar tashkil etdi.
🔹Tajribali futbolchilar esa homiylar oldidagi majburiyatlarni bajarishdi. Levi Kolvill, Aaron Anselmino va Tosin Adarabioyo Bondi-Bich plyajiga tashrif buyurishdi. Koul Palmer, Joao Pedro, Dariu Essugu va Liam Delap esa TMGM shtab-kvartirasida savol-javob sessiyasida qatnashishdi.
🔹Klub ichida Mixail Mudrikning qaytishi ijobiy qabul qilindi. Futbolchilar uning diskvalifikatsiyasi bekor qilinganini muhokama qilishmoqda va vingerning ikki yillik tanaffusdan so'ng yana maydonga qaytishidan xursand.
Ertan Syuzgyun xabariga ko'ra, agar Dushan Vlaxovich va Darvin Nunes transferlari amalga oshmasa, «Beshiktosh» Nikolas Jeksonni ijaraga olishi mumkin.
Ertan Syuzgyun xabariga ko'ra, agar Dushan Vlaxovich va Darvin Nunes transferlari amalga oshmasa, «Beshiktosh» Nikolas Jeksonni ijaraga olishi mumkin.
Yurrien Timber jarohatdan so'ng "Arsenal"ning umumiy guruh mashg'ulotlariga qaytdi.
Yurrien Timber umumiy guruh mashg'ulotlariga qaytdi.
Bugungi mashg'ulotdan olingan suratlar.
Jordan Henderson "Chelsea"ga o'tishi, Xabi Alonso bilan suhbat va jamoa bilan kelajakdagi maqsadlari haqida gapirdi.
🔵 Jordan Hendersonning "Chelseadagi" ilk intervyusi [2-qism]:
💬 Yosh o'yinchilarga qanday yordam bera olaman deb o'ylaysan?
"Tajriba ortidan ko'plab vaziyatlarga duch kelasiz. Yosh futbolchilarga qarab, o'z yoshligimni eslayman va ularga o'xshash holatlarni boshdan kechirganimni tushunaman. Shu bois ular bilan gaplashib, vaziyatga boshqa tomondan qarashni ko'rsata olaman".
"Tajriba bilan bo'lishish juda muhim. Ko'pchilik indamaslikni afzal ko'radi, lekin men tajriba uzatish katta qadriyat deb hisoblayman. Yosh va tajribali o'yinchilarni, turli qarashlarni tushunish kerak. Yoshim o'tgan sari buni yaxshiroq o'rgandim".
💬 Xabi Alonso bilan gaplashdingmi? Suhbat qanday o'tdi?
"Ha, gaplashdik. Juda ijobiy suhbat bo'ldi. Aytganimdek, u bu yerga o'tishimning asosiy sabablaridan biri. Unga ham o'yinchi, ham murabbiy sifatida katta hurmat bilan qarayman".
"U bilan ishlagan barcha odamlar u haqida faqat ijobiy fikrlar bildirishgan. Birorta ham yomon gap eshitmadim. Bu uning inson sifatidagi fazilatlari haqida ko'p narsani anglatadi".
"Suhbat juda yaxshi chiqdi. Uning qo'l ostida ishlash va undan imkon qadar ko'proq narsa o'rganish men uchun katta sharaf".
💬 "Chelseadagi" ba'zi o'yinchilar bilan Angliya terma jamoasida birga o'ynagansan. Ular bilan yana birlashishdan xursandmisan?
"Ha, bir nechta yigitlarni terma jamoadan yaxshi bilaman. Shuningdek, Yorrel bilan "Ayaks"da birga bo'lganmiz, munosabatlarimiz yaxshi edi".
"Shu bois ko'pchilikni taniyman. Ular bilan birga mashg'ulot o'tkazish va o'ynashni intiqlik bilan kutyapman. Shuningdek, hali tanimagan futbolchilarim bilan ham tanishish va birga ishlash qiziq".
💬 Kobxemdagi ilk taassurotlar qanday?
"Juda yaxshi. Bu yer haqiqatan ham ajoyib. Maydonlar va mashg'ulot bazasi a'lo darajada".
"Faqat hozir bu yerda hech kim yo'qligi achinarli — hamma Avstraliyada mavsumoldi turnesida, shuning uchun hali hech kimni ko'ra olmadim".
"Umid qilamanki, bir necha haftadan so'ng jamoa qaytgach, darhol ishga kirishamiz".
💬 Va nihoyat, "Chelsea" muxlislariga nima demoqchi eding?
"Yoshimni hisobga olsak, o'tishim eng ko'p muhokama qilinadigan mavzulardan biri bo'lishini tushunaman. Ammo klubdan ketish vaqti kelganda, hamma men "Chelseaga" nima bera olganimni ko'radi va tan oladi deb umid qilaman".
"Oldinda yana bir nechta yaxshi yillarimiz bor deb umid qilaman. Lekin bitta narsani va'da qila olaman — har kuni ushbu klub va jamoa uchun bor kuchimni beraman".
"Men shunchaki o'zim bo'lib qolishni, ham maydonda, ham maydon tashqarisida qo'limdan kelgancha yordam berishni va "Chelsea" yaqin kelajakda muvaffaqiyatga erishishi uchun hamma narsani qilishni istayman".
Angliyalik yarimhimoyachi Jordan Xenderson «Chelsi» safiga kelib qo'shildi. Tomonlar 2 yillik shartnoma imzolashdi.
✔️ Rasman: Jordan Xenderson «Chelsi» futbolchisiga aylandi.
Shartnoma 2 yilga mo'ljallangan.
Santi Auna xabariga ko'ra, «Chelsi» Mixaylo Mudrikni «Strasbur»ga ijaraga berish variantini ko'rib chiqmoqda.
Santi Auna xabariga ko'ra, «Chelsi» Mixaylo Mudrikni «Strasbur»ga ijaraga berish variantini ko'rib chiqmoqda. 🚨
Afsonaviy darvozabon Janluiji Buffon Guglielmo Vikarioning «Yuventus» darvozasini himoya qilishga munosib ekanligini ta'kidladi.
Janluiji Buffon Guglielmo Vikario haqida o'z fikrlarini bildirib o'tdi:
U 3-4 yildan beri terma jamoada va Yevropa Ligasini yutgan «Tottenxem» darvozaboni hisoblanadi. O'ylashimcha, Vikario «Yuventus» kabi katta klub uchun to'liq kafolat bera oladigan darvozabon.
Real Madrid Rodri transferi bo'yicha muzokaralarni davom ettirmoqda. Futbolchining ustuvor maqsadi - Madrid klubi.
📻 Cadena SER xabariga ko'ra, Real Madrid Rodri transferi bo'yicha muzokaralarda muvaffaqiyatli odimlamoqda. Madridliklar 30 yoshli tayanch yarim himoyachisini o'z safiga qo'shib olish imkoniyatlarini optimizm bilan baholashmoqda.
Garchi Barselona Rodri bilan qiziqayotgan bo'lsa-da, futbolchining ustuvor maqsadi aynan Real Madridga o'tish hisoblanadi.
📝 Fabrisio Romano xabariga ko'ra: Madrid Manchester Siti bilan Rodri transferi bo'yicha rasmiy muzokaralar olib bormoqda. Tomonlar kelishuv ustida ishlamoqda va futbolchining o'zi ham transferga qiziqish bildirmoqda.
O'tgan hafta Siti jarayonni sekinlashtirishga va Madrid bilan kelishuvni yakunlamaslikka qaror qildi, chunki ular kurashga boshqa jamoalar ham qo'shilishi mumkin deb hisoblashmoqda. Xususan, inglizlar Barselona ham poygaga kirishishini taxmin qilishyapti.
Endi hammasi Rodriga bog'liq: u kataloniyaliklarga imkoniyat beradimi yoki o'z klubiga faqat Real Madridga o'tishni istayotganini ma'lum qiladimi. Avvalroq yarim himoyachi aynan Madridni o'z faoliyatini davom ettirish uchun eng ma'qul variant deb atagan edi.
📻 Onda Cero ma'lumotiga ko'ra, Madrid Rodri transferi masalasida sabr va xotirjamlik saqlab qolmoqda. Ham klub, ham futbolchi ushbu kelishuv amalga oshishini istashmoqda.
Ben Jeykobsning xabar berishicha, «Real» Vinisius Junior oldiga shart qo'ydi: yo yangi shartnoma, yo transfer. «Arsenal» esa o'z taklifini berib bo'lgan.
Ben Jeykobs xabariga ko'ra:
«Mening ma'lumotlarimga ko'ra, Vinisius Junior bilan bog'liq vaziyatda uchta emas, ikkita ssenariy bor. «Real» unga bosim o'tkazmoqda: yo yangi shartnoma imzolaysan, yo seni sotib yuboramiz. «Arsenal»ga kelsak, klub hozir javob kutmoqda.
Asosiy jihati shundaki, «Arsenal» «Real»ning Vinisius bilan shartnomani uzaytirish borasidagi muzokaralarini kutib o'tirmayapti. London klubi o'z taklifini berib bo'ldi va o'yinchiga o'z loyihasini birinchi bo'lib taqdim etdi. Endi, ushbu bosim vositasini qo'lga kiritgach, to'p yana «Real» tomonida. Madrid klubi Vinisiusdan shu hafta ichida javob olmoqchi.
Garchi Joze Mourinyu Vinisiusni har qanday yo'l bilan olib qolishni istasa-da, Florentino Peresning pozitsiyasi aniq: yo shartnoma uzaytiriladi, yo sotiladi — katta ehtimol bilan «Arsenal»ga. Endi, «Arsenal» taklifidan so'ng, «Real» shu hafta ichida kelishuvni uzaytirishga erishishga urinmoqda».
Ben Jeykobs Gakpo va «Tottenxem» o'rtasidagi transfer bo'yicha vaziyatni tushuntirdi. Barchasi «shporlar» taklif etadigan mablag'ga bog'liq.
Ben Jeykobs o'zining so'nggi yangilanishida Gakpo va «Tottenxem» atrofida so'nggi kunlarda bo'lib o'tayotgan barcha ma'lumotlarni jamladi.
«U sotilmaydi» degan gapga o'xshamaydi, lekin «biz uni sotishni juda xohlayapmiz» degan holat ham emas. Shu sababli, barchasi «shporlar» qanchalik katta mablag' sarflashga tayyorligiga bog'liq bo'ladi.
Fabrizio Biasin xabariga ko'ra, Romero va Kurtis Jons transferlari bo'yicha vaziyat oydinlashmoqda.
Fabrizio Biasin xabariga ko'ra, Romero bo'yicha «Tottenxem» bilan kelishuvga erishilgan, ammo futbolchining o'zi bilan hali kelishuv yo'q. Faol harakatlar faqat Pavar jamoani tark etgan taqdirda boshlanadi.
Kurtis Jons yarim himoyani kuchaytirish uchun asosiy maqsad bo'lib qolmoqda, futbolchi transferga ochiq.
Alex Howell xabariga ko'ra, Vinisiusning ayni damda Arsenalga o'tish ehtimoli pasaymoqda. Yakuniy qaror futbolchining o'zida qolmoqda.
Alex Howell xabariga ko'ra, Vinisiusning yaqinlari uning ayni damda Arsenalga o'tish ehtimoli kamayib borayotganini ta'kidlashmoqda.
Arsenal klubi ham futbolchi bilan shartnoma muddati tugashiga bir yil qolgani uning transferini kafolatlamasligini tushunib turibdi, chunki yakuniy qaror baribir Vinisiusning o'ziga bog'liq.
Bernardu Silva «Real»dan tushgan taklif va unga bo'lgan munosabati haqida gapirdi.
Bernardu Silva «Real»ga o'tish ehtimoli haqida gapirdi:
«Real»dan taklif kelib tushganda, men hatto ikkilanmadim ham — «yo'q» deyishning iloji yo'q edi.
Jurnalist Yagiz Sabunjuog'lu xabariga ko'ra, hujumchi Darvin Nunes "Fenerbaxche" klubiga taklif etilgan.
Yagiz Sabunjuog'lu xabariga ko'ra:
Darvin Nunes "Fenerbaxche"ga taklif qilingan.
Misrlik jurnalist Ahmed Shehabning so'zlariga ko'ra, Mohamed Salahning Beshiktoshga transferi agenti talab qilayotgan komissiya sababli kechikmoqda.
Misrlik jurnalist Ahmed Shehab xabariga ko'ra:
Mohamed Salah Beshiktoshga o'tishga qarshi emasdi. Uning oilasi ham Turkiyaga ko'chib o'tishni istagan. Barcha muammo Ramy Abbasning (Mohamed Salahning agenti) komissiya puli bilan bog'liq. Bu Salahning so'nggi shartnomasi bo'lishi kutilayotgani uchun, Abbas o'z daromadini maksimal darajada oshirmoqchi. U 8 million yevro talab qilmoqda, Beshiktosh esa 4 million yevro taklif qildi. Bundan tashqari, liboslar savdosidan tushadigan ulush bo'yicha ham muammo qo'shildi. Aynan shu narsa Salahning Beshiktoshga o'tishini kechiktirmoqda va qiyinlashtirmoqda. Biroq jarayon hali yakunlangani yo'q. Beshiktoshning qiziqishi saqlanib qolmoqda. Abbas bilan yangi uchrashuv kutilmoqda.
Salahga eng jiddiy taklif Beshiktoshdan kelib tushgan. Boshqa xabarlar esa Beshiktosh rahbariyatiga bosim o'tkazish uchun tarqatilgan.
"Nyukasl" "Manchester Yunayted" qiziqish bildirayotgan Lyuis Xollni sotish niyatida emas. Klub himoyachini tarkibda olib qolmoqchi.
🚨 "Nyukasl" yozgi transferlar oynasida Lyuis Xollni qo'yib yubormoqchi emas va "Manchester Yunayted" qiziqishiga qaramay, chap qanot himoyachisini sotilmaydigan futbolchi deb hisoblamoqda.
Klub allaqachon bir nechta yirik sotuvlarni amalga oshirgani, bosh murabbiy Eddi Xau bilan bog'liq vaziyat hamda sardor Bruno Gimaraesning ketishi mumkinligi fonida muxlislar tarkibda yangi yo'qotishlar bo'lishidan xavotirda.
Biroq, Xoll masalasida "Nyukasl"ning pozitsiyasi qat'iy — klub uni sotishni rejalashtirmayapti.
🏅 Mark Douglas
Tottenxem Benfika vingeri Andreas Shelderupni o'z safiga qo'shib olmoqchi. London klubi futbolchi uchun 47 million funt taklif qildi.
🚨 "Tottenxem" "Benfika" vingeri Andreas Shelderup uchun 47 million funt sterling miqdorida taklif yubordi. 💰
Norvegiyalik futbolchi 2026-yilgi jahon chempionatida o'zini ko'rsatdi va avvalroq "Liverpul"ga o'tishdan bosh tortgandi.
Shelderupning "Benfika" bilan shartnomasi 2028-yilga qadar mo'ljallangan, uning tovon puli esa 86 million funtni tashkil etadi.
Now Canal xabariga ko'ra.
Kristal Pelas Chelsi himoyachisi Aksel Disasi uchun rasmiy taklif tayyorlamoqda. Klublar o'rtasida muzokaralar davom etmoqda.
🚨 "Kristal Pelas" "Chelsi" himoyachisi Aksel Disasi uchun rasmiy taklif bilan chiqishga tayyorlanmoqda.
Fransiyalik futbolchi "Pelas"ning asosiy nishoniga aylangan. U jamoada Maksans Lakruani almashtirishi kutilmoqda. Hozirda klublar o'rtasida muzokaralar davom etmoqda.
Manba: Fabrik Xovks
Jordan Henderson "Chelsi"ga o'tishi va jamoaga yordam berish istagi haqida gapirdi. Futbolchining ilk intervyusidan asosiy iqtiboslar.
Jordan Hendersonning "Chelsi" futbolchisi sifatidagi ilk intervyusi. Asosiy jihatlar:
Futbolga bo'lgan sadoqati haqida:
Futbolga bolaligimdan deyarli butun umrimni bag'ishlaganman. U men uchun juda katta ahamiyatga ega va har doim hayotimning asosiy qismi bo'lib kelgan.
Bunday yo'l ko'plab qurbonliklarni va ko'p narsadan voz kechishni talab qiladi. Ammo men uchun futbol – hammasi.
Har doim shunday bo'lgan. Men qiladigan barcha ishlar, butun hayotim futbol atrofida aylanadi – buni rafiqam ham tasdiqlaydi.
Bugun ham muvaffaqiyatga bo'lgan chanqoqligim o'sha-o'sha. Men yangi maqsadlarga erishishni, rivojlanishni va yaxshiroq bo'lishni istayman. Aynan shuning uchun ham shu yerdaman – yaqin yillarda ushbu klub va jamoaga muvaffaqiyat qozonishda yordam berish uchun.
Jamoadoshlari unga bo'lgan hurmati haqida:
Bilmadim. Balki, bu haqda jamoadoshlarimdan so'ragan ma'quldir.
Men uchun futbol – jamoaviy o'yin va barchasi jamoa manfaati uchun qaratilgan bo'lishi kerak. Faoliyatim davomida hamma narsani aynan jamoa uchun qilishga va yonimdagi yigitlarga yaxshiroq bo'lishlariga yordam berishga harakat qilganman. Har doim qo'limdan kelganicha eng yaxshi jamoadosh bo'lishga intilganman.
Mashg'ulotlarda shunday munosabat o'rnatish muhimki, boshqalardan talab qila olish kerak, shu bilan birga gaplashish uchun to'g'ri vaqtni his qilish, kerak bo'lganda esa hazil qilib, vaziyatni yumshatish zarur. Asosiysi – to'g'ri muvozanatni topish.
Shuning uchun sir nimada ekanligini bilmayman. Men shunchaki o'zim bo'lib qolaman va ko'p yillar davomida qilgan ishlarimni bajarishda davom etaman.
Hozir yigitlar bilan tanishishni, ular bilan birga mashg'ulot o'tkazishni va ishga kirishishni intiqlik bilan kutyapman.
Tajriba haqida:
Tajriba bilan ko'p narsaga boshqacha qaray boshlaysan. Faoliyatimga nazar tashlar ekanman, o'zim o'tib bo'lgan vaziyatlarni ko'raman va ba'zida yosh futbolchilar ham shunga o'xshash holatga tushib qolishayotganini payqayman.
Bunday paytlarda ular bilan gaplashib, vaziyatni boshqa tomondan ko'rsatib bera olaman. Tajribang bilan bo'lishish va nimalarni boshdan kechirganing haqida so'zlab berish juda muhim.
Ko'pchilik aralashishni istamagani uchun jim turishni afzal ko'radi, deb o'ylayman. Ammo men tajribani uzatish nihoyatda muhim deb hisoblayman.
Shu bilan birga, turli futbolchilarni – ham yosh, ham tajribaliroqlarini tushunish, ularning qarashlarini hisobga olish kerak. O'ylaymanki, faoliyatim davomida aynan shuni o'rgandim. Yoshim ulg'aygan sari, buni qanday to'g'ri qilishni yaxshiroq tushuna boshladim.
Xabi bilan suhbat haqida:
Juda yaxshi va juda ijobiy suhbatlar bo'ldi. Aynan u bu yerga o'tishni istashimning asosiy sabablaridan biriga aylandi. Men unga ham futbolchi, ham murabbiy sifatida katta hurmat bilan qarayman.
U bilan ko'p yillar davomida ishlagan barcha tanishlarim u haqida faqat ijobiy fikrlar bildirishgan. U haqida biror marta yomon gap eshitmaganman. O'ylaymanki, bu uning qanday inson ekanligidan dalolat beradi.
Uning qo'l ostida ishlash va undan imkon qadar ko'proq narsa o'rganishga harakat qilish men uchun katta sharaf.
«Barselona» Xulian Alvares transferi uchun ortiqcha mablag' sarflashni istamayapti. Klub hujum chizig'ida Karim Adeyemi va Entoni Gordonga ishonch bildirmoqda.
Sport xabariga ko'ra, «Barselona» Xulian Alvares klubga o'tmasa, xotirjamlik saqlamoqda. Klub uning transferi uchun ortiqcha mablag' sarflash niyatida emas.
«Barsa» boshqa hujumchini sotib olishni ham rejalashtirmayapti, chunki klubda Karim Adeyemi va Entoni Gordon hujum chizig'idagi barcha pozitsiyalarni yopa oladi deb hisoblashadi.
Daniele Longo xabariga ko'ra, Fenerbaxche Kristal Pelas bilan Sarr transferi bo'yicha muzokaralar olib bormoqda.
Daniele Longo xabariga ko'ra, Fenerbaxche Kristal Pelas bilan Sarr transferi bo'yicha muzokaralar olib bormoqda.
Klublar o'rtasida ijobiy va hurmatga asoslangan muloqot ketmoqda. O'z navbatida, Pelas Ostervoldega qiziqish bildirmoqda.
Fikr qoldirish va reaksiya uchun Telegram orqali kiring.