Barcelona — yangiliklari Umumiy

Sport xabariga ko'ra, "Barselona" futbolchilari Karim Adeyemining dastlabki mashg'ulotlardagi tezligidan hayratda qolishgan.

Uning bugun "Birmingem Siti"ga qarshi o'rtoqlik uchrashuvida debyut qilishi kutilmoqda.

Barselona direktorlar kengashi Rafael Yuste raisligida yig'ilish o'tkazdi. Joan Laporta yig'ilishda ishtirok eta olmadi va buning uchun uzr so'radi.

Yig'ilish davomida odatda oktyabr oyida o'tkaziladigan delegatlar umumiy yig'ilishini sentyabr oyiga ko'chirish va uni navbatdan tashqari yig'ilish bilan birlashtirish masalasi ko'rib chiqildi. Klub 2025/26-yilgi mavsum hisobotlari va 2026/27-yilgi mavsum byudjetini tayyorlash jarayonini tezlashtirmoqda. Bu tashkiliy va moliyaviy resurslarni tejash hamda delegatlar uchun qulaylik yaratishga xizmat qiladi.

Direktorlar kengashi mavsum yakunlari bo'yicha dastlabki moliyaviy baholarni qabul qildi. Hozirda hisobotlar auditor tomonidan tekshirilmoqda. Yakuniy qaror yaqin vaqt ichida qabul qilinadi.

✅ Sport yo'nalishi bo'yicha quyidagi masalalar muhokama qilindi:

Direktorlar kengashi erkaklar birinchi jamoasining 15-avgust kuni Tanjerda (Marokash) mahalliy jamoaga qarshi o'rtoqlik o'yini o'tkazishiga tayyorgarlikni yakunlamoqda.

Bundan tashqari, ayollar jamoasining 15-avgust kuni Manchester Siti stadionida ingliz jamoasiga qarshi o'rtoqlik o'yini o'tkazish imkoniyati muhokama qilindi.

Shuningdek, ayollar jamoasiga yangi o'yinchi kelishi kutilmoqda, transfer rasmiylashgach, bu haqda e'lon qilinadi. Direktorlar kengashi Barsa Atletik tuzilmasini birinchi jamoa bilan birlashtirish loyihasini tasdiqladi. Shuningdek, Kamp Nou stadionidagi qurilish ishlari haqida hisobot tinglandi.

Real Madrid Yevropa futboli grandlari orasida birinchi bo'lib 2025/26-yilgi mavsum uchun moliyaviy hisobotini e'lon qildi.

Asosiy ko'rsatkichlar:

↗️ Operatsion daromad: 1,221 milliard yevro (+36 million yevro)

↗️ Tijoriy daromad: 539 million yevro (+58 million yevro)

↗️ Stadiondan tushgan daromad: 363 million yevro (+37 million yevro)

📉 TV va xalqaro turnirlardagi sovrinlar: 319 million yevro (-33 million yevro)

↗️ Operatsion foyda: 26 million yevro (+2 million yevro)

Tafsilotlar:

● Operatsion daromad ilk bor 1,2 milliard yevro chegarasidan oshdi. Bu sport tashkilotlari tarixidagi rekord natija. 2018/19-yilgi mavsumdan buyon daromad 61 foizga o'sgan.

● Marketing daromadlari 6 foizga oshdi, bunga yirik homiylik shartnomalarining uzaytirilishi va yangi hamkorlarning jalb qilinishi sabab bo'ldi.

● Stadiondan tushgan daromad 11 foizga o'sdi. Santyago Bernabeu rekonstruksiyadan keyin avvalgidan ikki barobar ko'p muxlis qabul qilmoqda. Matchdey daromadlari 2018/19-yilgi mavsumga nisbatan 107 foizga oshgan.

● O'tgan mavsumda klub infratuzilma, texnologik platforma va tarkibga 192 million yevro sarmoya kiritdi. Sport xodimlari uchun xarajatlar (maoshlar va amortizatsiya) 618 million yevroni tashkil etdi. Xodimlarga ketadigan xarajatlarning daromadga nisbati 46 foiz darajasida qoldi, bu 50 foizlik limitdan past.

● Sof aktivlar qiymati 624 million yevrogacha (+26 million yevro) o'sdi, pul zaxiralari 83 million yevroni tashkil etdi, sof qarz (stadion loyihasidan tashqari) 9 million yevroga teng (-3 million yevro). Bundan tashqari, klubda 475 million yevrolik ishlatilmagan kredit liniyalari mavjud.

Real Madrid hamon dunyoning eng boy futbol klubi bo'lib qolmoqda.

Javi Miguel xabariga ko'ra, Fermin Lopes va Ronald Arauxo umumiy guruhdagi mashg'ulotlarga qaytishga yaqin turibdi.

Xavi Migel xabariga ko'ra, Bernalda mushaklarda kichik zo'riqish kuzatilmoqda. Vaziyat to'liq nazorat ostida, ammo jiddiyroq oqibatlarning oldini olish uchun ehtiyotkorlik bilan kuzatuv talab etiladi.

Bernal ushbu muammoni bartaraf etish uchun trenajyor zalida individual tarzda ishlamoqda. Murabbiylar shtabi futbolchining jismoniy holatiga alohida e'tibor qaratmoqda va bu mavsumda u o'z salohiyatini to'liq ochib berishiga umid qilmoqda.

Hozirda holati diqqat bilan kuzatilayotgan yana bir futbolchi — Alexandro Balde. U qov qismidagi og'riqlar sabab bir haftadan buyon maydonga tushmayapti.

Fermin esa safga qaytishga yaqin. U tiklanish jarayonining yakuniy bosqichida.

Ronald Arauxo ham boldir mushagidagi muammolardan so'ng tez orada jamoaviy mashg'ulotlarga qaytishi kutilmoqda.

Serxi Kapdevilya va Jordi Karne xabariga ko'ra, Xansi Flik mavsumoldi tayyorgarligining dastlabki ikki haftasida asosiy jamoa bilan birga ishlagan barcha yosh futbolchilarni Angliyaga olib ketishni rejalashtirmoqda.

Xavi Migel xabariga ko'ra, Frenki de Yongning jarohati bo'yicha klub ichkarisi va tashqarisidan kelayotgan xabarlar ancha pessimistik tus olgan. Bu uning kutilganidan ham uzoqroq muddatga safdan chiqishi mumkinligini anglatadi (avvalroq 4 oylik tanaffus haqida so'z borgandi).

Futbolchining 20-iyulga belgilangan kunga qaramay, hali ham mashg'ulotlar bazasiga yetib kelmagani va rasmiy bayonotning kechikayotgani jarohat jiddiyligidan dalolat beradi.

Bayonotning kechikishiga gollandiyalik futbolchini operatsiya qiladigan mutaxassis qidirilayotgani sabab bo'lishi mumkin. Hozirgi kunda operatsiya yagona yechim bo'lib ko'rinmoqda.

Frenkining jarohati borasidagi salbiy prognozlarning yana bir belgisi shundaki, Xans-Diter Flik o'z murabbiylar shtabi bilan o'tkazgan barcha yig'ilishlarda Frenkining nomi yaqin oylar uchun tuzilgan rejalarda umuman tilga olinmagan.

SPORT xabariga ko'ra, Hamza Abdelkarim «Birmingem Siti»ga qarshi o'yinda dubl qayd etganidan so'ng, «Barselona» asosiy tarkibidan joy olish uchun asosiy nomzodlardan biriga aylandi.

Hujumchi mavsumoldi tayyorgarligiga qo'shilish uchun ta'tildan voz kechdi va endi birinchi jamoa ixtiyorida qoladi. Xansi Flik futbolchining kamtarligi, fidoyiligi, shiddati va jarima maydonchasidagi tabiiy gol urish qobiliyatidan hayratda qoldi.

Mundo Deportivo xabariga ko'ra, Hamza Abdelkarim «Barselona» transfer bozorida aynan qidirayotgan haqiqiy markaziy hujumchi ekanligini ko'rsatib bermoqda.

Tanaffusga qadar jamoa o'yinni nazorat qilishda muammolarga duch keldi, ammo misrlik forvard penalti ishlab olib, uni aniq amalga oshirdi, shundan so'ng qaytgan to'pni darvozaga yo'llab, dubl qayd etdi.

Ikki gol, doimiy intensivlik va jarima maydonchasidagi sezilarli faollik.

Rodjer Torello (Mundo Deportivo) xabariga ko'ra, Deku «Barselona» tizimida ko'proq ta'sir doirasiga ega bo'ldi. U «Barsa Atletik» jamoasini o'z nazoratiga olmoqda.

Shu tariqa, yoshlar futboli direktori Xose Ramon Aleksanko endilikda «Xuvenil A» va undan quyi jamoalar faoliyatini nazorat qiladi.

Real Madrid va Barselona klublarining liboslardagi homiylikdan olgan daromadlari ma'lum bo'ldi.

Rasman: Real Madridning o'tgan mavsumdagi umumiy daromadi 1.221 milliard yevroni tashkil etdi. Bu sport klublari tarixidagi mutlaq rekord hisoblanadi.

Mundo Deportivo xabariga ko'ra, Frenki de Yong bugun "Barselona" mashg'ulot bazasida o'ng tizzasidagi jarohatni konservativ usulda davolash uchun reabilitatsiya kursini boshlaydi.

Agar davolanish muvaffaqiyatli kechsa, u 4–6 hafta ichida maydonga qaytishi mumkin. Muolaja samarasiz bo'lsa, futbolchiga jarrohlik amaliyoti o'tkaziladi va u kamida to'rt oyga safdan chiqadi.

Sport xabariga ko'ra, «Barselona» Frenki de Yongga tizzasidagi jarohat sababli jarrohlik amaliyotini o'tkazishni tavsiya qilmoqda.

Joan Pochi xabariga ko'ra, Rafa Yuste Angliyaga yo'l oladigan Barselona delegatsiyasiga boshchilik qiladi.

Deku jamoaga chorshanba kuni qo'shiladi. Ammo Boyan Krkich va Alexandro Echevarriya jamoa bilan birga Angliyaga jo'nab ketishadi.

Laporta va boshqa rahbarlar jamoaga juma kuni qo'shilishadi, bu esa Birmingem Siti jamoasiga qarshi o'rtoqlik o'yini bilan bir vaqtga to'g'ri keladi. Seshanba kuni boshqaruv kengashi yig'ilishi bo'lib o'tadi, unda Kamp Nou uchun kreditni oshirish taklifi bo'yicha klub a'zolarining navbatdan tashqari yig'ilishi sanasi belgilanishi mumkin.

Angliyadagi ob-havo Barselonadagiga qaraganda salqinroq bo'lib, bu mashg'ulotlar uchun ideal sharoit yaratadi. Bugun harorat 25 darajagacha bo'lishi kutilmoqda.

✈️ SPORT xabariga ko'ra, Frenki de Yong Barselonaga qaytib keldi.

Dushanba kunidan boshlab u mashg'ulotlar bazasida tiklanish jarayonini boshlaydi.

Sport xabariga ko'ra, «Barselona» Frenki de Yongning tiklanish jarayoni Ansu Fati bilan bog'liq vaziyatga o'xshab ketishidan xavotirda.

Garchi jarohatlar turlicha bo'lsa-da, klubda de Yongning jarrohlik amaliyoti o'rniga konservativ davolanishni tanlagani borasida xavotirlar mavjud.

Agar ushbu usul kutilgan natijani bermasa va yakunda baribir jarrohlik aralashuvi talab etilsa, «Barsa» tiklanish uchun qimmatli vaqt boy berilishidan xavfsiramoqda.

💦 Xavi Migel xabariga ko'ra, Ronald Arauxo jahon chempionatida olgan o'ng boldir mushagidagi jarohatidan tiklanishda davom etmoqda.

Markaziy himoyachi «Barselona» bilan birga Angliyaga yo'l oladi, biroq uning umumiy guruh mashg'ulotlariga qaytish muddati hozircha noma'lumligicha qolmoqda.