Kamp Nou stadionini rekonstruksiya qilish uchun qo'shimcha mablag' talab qilinadi
«Barselona» «Kamp Nou» stadionini rekonstruksiya qilish uchun qo'shimcha 400 million yevro kredit olmoqchi va ishlar muddatini 2027-yilga qadar uzaytirdi.
Adria Soldevila xabariga ko'ra, «Barselona» «Kamp Nou» stadionining uchinchi qavatini 2027-yilning birinchi choragi yoki ikkinchi choragi boshida ochishni rejalashtirmoqda. Boshqacha aytganda, gap fevral, mart yoki aprel oylari haqida ketmoqda. Ungacha stadion sig'imi 62 000 o'rinligicha qoladi.
Bir necha hafta oldin klub prognozlari ochilishni oktyabr oyiga mo'ljallagan edi, qolgan sektorlar esa mavsum oxiriga qadar 105 000 o'ringa yetkazilishi kerak edi. Biroq, hozirda bu prognozlar o'zgardi.
Bugun klub direktorlar kengashi a'zolarining navbatdan tashqari umumiy yig'ilishini chaqirishga qaror qildi. Maqsad — «Kamp Nou» moliyalashtirishini taxminan 400 million yevroga oshirish uchun ruxsat so'rash. Shu tariqa, stadion uchun umumiy kredit 1.85 milliard yevroni tashkil qiladi.