Al Ahli — yangiliklari ↔ Bog'langan

🚨 Mattias Yayssle «Nyukasl» bosh murabbiyi bo'lishi kutilmoqda.

«Qarg'alar» nemis mutaxassisi bilan og'zaki kelishuvga erishdi va unga 2030-yilga qadar mo'ljallangan shartnoma taklif qildi.

«Al-Ahli» klubi ushbu kelishuv haqida xabardor qilindi.

🎖 Fabrizio Romano

🚨 Eddi Xau "Nyukasl"dan ketdi.

David Ornstein xabariga ko'ra.

Sportingning Anis Xoj-Mussaga bo'lgan qiziqishi tahmin qilinganidan ham jiddiyroq.

Santi Auna xabariga ko'ra, Portugaliya klubi Feyenoord vingerini asosiy nishon deb biladi va transfer bo'yicha dastlabki qadamlarni tashlab ulgurgan.

Avvalroq, Al-Ahli Feyenoord futbolchi uchun 37 million yevro talab qilayotganini bilganidan so'ng, ushbu kelishuvdan voz kechgan edi.

Il Tempo nashri jurnalistlari Filippo Biafora va Lorentso Pes xabariga ko'ra, Roma Tresoldi transferi bo'yicha Bryugge bilan muzokaralar olib bormoqda.

Tresoldi Italiya klubiga o'tish istagini bildirgan, biroq Bryugge yuqori moliyaviy talablar qo'yishda davom etmoqda.

Sacha Tavolieri ma'lumotiga ko'ra, Roma Tresoldini qo'lga kiritishga intilmoqda va Bryugge bilan muzokaralarni davom ettirmoqda. Biroq Belgiya klubi futbolchiga katta umid bog'lagan: ular allaqachon 35 million yevrolik taklifni rad etishgan va o'yinchini sotilmaydigan deb hisoblashmoqda.

Corriere dello Sport xabariga ko'ra, «Manchester Yunayted» Manu Kone transferi bo'yicha muzokaralarda ancha ilgarilab ketgan. Klub futbolchining vakillari bilan doimiy aloqada bo'lib turibdi va taxminan 50 million yevro taklif qilishi mumkin. Biroq «Roma» ko'proq mablag' ishlab olishni ko'zlamoqda va auksion uyushtirishga umid qilmoqda.

Shuningdek, «Al-Ahli» ham fransiyalik futbolchini o'z safiga qo'shib olishga urinmoqda. Klub allaqachon «Roma» va o'yinchi agentlari bilan dastlabki aloqalarni o'rnatgan. «Chelsi» va «Atletiko Madrid» esa hozircha vaziyatni kuzatishda davom etmoqda.

Fabrisio Romano xabariga ko'ra:

Manchester United hozircha uchinchi yarim himoyachini sotib olish uchun qancha mablag' ajratishga tayyorligini aniqlab olgani yo'q.

Klubda byudjet bo'yicha yakuniy qaror qabul qilingach va asosiy transfer maqsadi tasdiqlangach, rahbariyat darhol uni tarkibga qo'shib olish ustida ishlashni boshlaydi.

Serjan Dikme xabariga ko'ra, "Besiktash" klubi "Al-Ahli"dan kelgan 65 million yevrolik taklifni rad etdi. Gap Orkun Ko'kchu transferi haqida ketmoqda.

Ben Jeykobs xabariga ko'ra, «Al-Ahli» kecha Meyson Grinvudning Turkiyaga o'tishiga to'sqinlik qilishga urindi.

«Fenerbaxche» allaqachon «Marsel» bilan prinsipial kelishuvga erishgan va futbolchining o'zi ham rozi bo'lgan deb hisoblamoqda.

Biroq, kecha «Al-Ahli» va Grinvud o'rtasida muzokaralar bo'lib o'tdi. Xabar qilinishicha, murabbiy Matias Yaysle futbolchi bilan bevosita gaplashgan.

Saudiya klubi «Fenerbaxche» bilan bitim yakuniy bosqichda ekanligini biladi, ammo baribir muzokaralarni davom ettirmoqda.

🚨 Matias Yayssle «Nyukasl» bilan shartnoma imzoladi va klubning yangi bosh murabbiyiga aylandi.

Kelishuv 2030-yilning iyuniga qadar mo'ljallangan. «Nyukasl» germaniyalik mutaxassisning transferi uchun «Al-Ahli»ga 11 million yevro tovon puli to'laydi.

🎖 Fabrisio Romano

🚨 "Al-Ahli" va "Nyukasl" Mattias Yaysslening transferi bo'yicha hujjatlarni rasmiylashtirishni yakunlamoqda.

Nemis mutaxassisi ingliz klubi bilan to'rt yillik shartnoma imzolaydi.

Ben Jacobs xabariga ko'ra, Yayssle uchun tovon puli taxminan 9 million funt sterlingni tashkil qiladi. Biroq, yakuniy to'lov miqdori yuqoriroq bo'lishi mumkin, chunki murabbiy bilan birga uning shtabidagi bir nechta a'zolar ham "Nyukasl"ga o'tishi kutilmoqda. Ularning "Al-Ahli"dan ketishi hozircha muzokaralar mavzusi bo'lib qolmoqda.

🚨 «Nyukasl» ertaga Matthias Jaissleni yangi bosh murabbiy sifatida e'lon qiladi.

Klub nemis mutaxassisini qo'lga kiritish uchun «Al-Ahli»ga 9,5 million funt sterling (11 million yevro) miqdorida tovon puli to'lashga rozi bo'ldi.

Rejaga ko'ra, Jaissle ertagayoq jamoaning Ispaniyaning La-Manga shahridagi yig'iniga qo'shiladi va futbolchilar bilan tanishadi.

«Al-Ahli» murabbiyni saqlab qolmoqchi edi, biroq «Nyukasl» uning tayinlanishiga qat'iy erishdi va kelishuvni yakunladi.

Jaissle to'rt yillik shartnoma imzolaydi.

Keith Downie

Bilasizmi, bunday damlarda biroz g'amgin bo'lib qolasan.

Agar ko'nglingiz g'ash bo'lsa, demak, inson haqida yaxshi xotiralar qolgan.

Barchasi uchun rahmat, gaffer!

🗣 Eddi Xau: «Uzoq o'ylashlardan so'ng, Nyukasl bosh murabbiyligi lavozimidan ketish uchun to'g'ri vaqt keldi, deb qaror qildim.

Deyarli besh yil davomida bor kuchim, qalbim va ruhimni shu klubga bag'ishladim. Hozir esa ham klub, ham o'zim uchun bir qadam orqaga chekinish, tiklanish va tanaffus olish to'g'ri bo'ladi, deb hisoblayapman.

Bu qarorga kelish men uchun juda og'ir bo'ldi, ammo uning to'g'riligiga ishonchim komil. Bu yerda ishlagan vaqtim davomida har doim Nyukasl manfaatlarini o'zimnikidan ustun qo'yganman va bu safar ham bundan mustasno emas.

Nyukasl bosh murabbiyi bo'lish men uchun sharaf edi.

Ushbu klub, shahar va muxlislar men va oilam uchun nimani anglatishini ta'riflashga so'z topish qiyin. Deyarli besh yil oldin Jeyson va butun murabbiylar shtabi bilan bu yerga kelgan ilk kunimizdanoq, Nyukasl biz uchun haqiqiy uyga aylandi. Bizni quchoq ochib kutib olishdi va biz bu klubni katta g'urur bilan himoya qildik. Bu shahar qalbimizda abadiy qoladi.

Bu vaqt ichida ko'plab unutilmas voqealar yuz berdi. Biz ligada qolish uchun kurashdan boshladik, keyin esa Sent-Jeyms Parkda Chempionlar ligasining sehrli oqshomlari bo'ldi. Jamoa juda tez o'sdi.

Biz birlashdik va birgalikda haqiqiy kuchga aylandik. Klubning 70 yil ichidagi ilk ichki sovrini esa faoliyatimiz cho'qqisi bo'ldi. Bu xotiralar umrbod men bilan qoladi.

Yasir Al-Rumayyan, Jeymi Ruben, Xakobo Solis, PIF vakillari, Devid Xopkinson, Ross Uilson, klub egalari va rahbariyatiga menga ishonch bildirgani hamda ushbu o'ziga xos futbol klubini boshqarish imkoniyatini bergani uchun chin dildan minnatdorchilik bildiraman.

Nyukasl kelajagiga katta optimizm bilan qarayman. Klub ishonchli qo'llarda va rahbariyat yangi bosh murabbiy bilan birgalikda jamoani yangi muvaffaqiyatlar sari yetaklashiga shubham yo'q.

Jeyson Tindall, Grem Jons, Stiven Perchess, Saymon Uezerston, Den Xodjes, Endi Xau va Jordan Traybga sadoqati, qo'llab-quvvatlashi va ajoyib mehnati uchun rahmat. Klubning barcha xodimlariga minnatdorchilik bildiraman, ularning mehnati ko'pincha ko'zga tashlanmaydi, ammo aynan ular Nyukaslni shunday qiladi.

Mening qo'l ostimda klub sharafini himoya qilgan barcha futbolchilarga alohida minnatdorchilik. Sizsiz bularning hech biri imkonsiz bo'lardi. Sizga murabbiy bo'lish men uchun sharaf edi.

Va nihoyat, eng muhimi - ajoyib muxlislarimizga rahmat. Sizning ishtiyoqingiz va sadoqatingiz meni har kuni ilhomlantirdi. Sent-Jeyms Parkda klubingiz bosh murabbiyi sifatida maydon chetida turish men uchun so'z bilan ta'riflab bo'lmaydigan darajada katta baxt edi.

Nyukasl murabbiyi sifatidagi yo'lim o'z nihoyasiga yetdi, ammo bu klubga bo'lgan muhabbatim abadiy qoladi.

Barchasi uchun rahmat. Nyukaslga kelajakda eng katta muvaffaqiyatlar tilayman».

⚡️ Eddi Xau Nyukasl Yunayted bosh murabbiyi lavozimini tark etdi.

🚨 Matthias Jaissle ertaga «Nyukasl»ning Ispaniyadagi yig'iniga tashrif buyurib, futbolchilar bilan tanishadi.

38 yoshli germaniyalik mutaxassis deyarli besh yillik faoliyatidan so'ng klubni tark etadigan Eddi Xau o'rniga bosh murabbiy etib tayinlanish arafasida turibdi.

Xau bilan birga uning yordamchisi Jeyson Tindall, shuningdek, murabbiylar Stiven Perchess va Saymon Uezerston ham klubdan ketadi.

Bundan tashqari, 2021-yilda Xau kelguniga qadar klubda ishlagan Grem Jonsning ham ketishi kutilmoqda.

Bugun jamoa Ispaniyadagi yig'inga yo'l oladi. Yayssle rasman tayinlangunga qadar jamoa ishini sport direktori Ross Uilson va jismoniy tayyorgarlik bo'limi boshlig'i Jeyms Bans boshqarib turadi.

⭐ Keith Downie

Fabrizio Romano xabariga ko'ra, Nyukasl klubi Matthias Jaissleni bosh murabbiy etib tayinlash uchun Al-Ahli klubiga 11 million yevro tovon puli to'laydi.

Nemis mutaxassisi 2030-yilning iyuniga qadar mo'ljallangan shartnomani imzolaydi. U shanba kuni klub qarorgohiga yetib kelishi va Nyukaslning yangi bosh murabbiyi sifatida rasman tanishtirilishi kutilmoqda.

🚨 «Nyukasl» «Al-Ahli» bosh murabbiyi Mattias Yayssleni o'z safiga qo'shib olishni rejalashtirmoqda. Klub bu borada Saudiya Arabistoni jamoasini yozma ravishda xabardor qildi.

Saudiya klubi ushbu transfer evaziga taxminan 10 million yevro miqdorida kompensatsiya oladi.

«Al-Ahli» rahbariyati mutaxassisning qaroridan hayratda qoldi, chunki yoz davomida yangi mavsum uchun barcha rejalar aynan Yayssle bilan bog'liq holda tuzilgandi. Nemis murabbiyi yozgi transferlar kampaniyasida faol ishtirok etgan, shuningdek, Riyod Mahrez va Frenk Kessie bilan xayrlashish borasida qarorlar qabul qilgan edi.

Yayssle «Nyukasl» bilan og'zaki kelishuvga erishgan va «Al-Ahli» rahbariyatiga klubdan ketish istagi borligini ma'lum qilgan.

Bitim yaqin kunlar ichida rasmiylashtirilishi kutilmoqda. Shu bilan birga, «Al-Ahli» Yayssle boshlab bergan loyihani davom ettirish uchun yangi bosh murabbiy nomzodlarini ko'rib chiqishni boshlab yubordi.

🏅 Ben Jacobs

Fabrisio Romano xabariga ko'ra, Mattias Yayssle «Nyukasl»ning yangi bosh murabbiyi bo'ldi.

Lewis Steele xabariga ko'ra, "Al-Ahli" "Nyukasl" bilan muzokaralar olib borayotgan Mattias Yayssle fonida Arne Slotga murojaat qildi, ammo niderlandiyalik murabbiy taklifni rad etdi.

Mutaxassisning ustuvor maqsadi Yevropada klub darajasidagi faoliyatini davom ettirish hisoblanadi.

⚡️ Nyukasl bosh murabbiy lavozimiga Mattias Yayssleni tayinlash bo'yicha Al-Ahli bilan muzokaralar olib bormoqda.

Agar Al-Ahli bilan kelishuvga erishilsa, shaxsiy shartlar muammo tug'dirmaydi.

Xabar qilinishicha, Yayssle Nyukaslda ishlashdan manfaatdor.

🥇 Florian Plettenberg

🚨 Eddi Xau Nyukasl bosh murabbiyligi lavozimini tark etmoqda.

Yakuniy qaror klub rahbariyati bilan so'nggi 48 soat davomida o'tkazilgan muzokaralardan so'ng qabul qilindi, garchi Xau ketish haqida bir necha hafta oldin o'ylay boshlagan bo'lsa ham.

Murabbiy o'z qarori haqida Bristolga safardan qaytgach, bugun tunda shtab a'zolariga ma'lum qildi.

Nyukasl uchun yoz mavsumi og'ir kechmoqda. Klub allaqachon Sandro Tonali va Entoni Gordon bilan xayrlashdi, sardor Bruno Gimaraishning kelajagi esa noaniq qolmoqda.

Yetakchi o'yinchilarning sotilishi Xau qaroriga ta'sir qilgan omillardan biri bo'ldi. Mutaxassis jamoaning yangi mavsum startiga qanday tarkib bilan kirishishi borasida xavotirlarga ega edi.

So'nggi oylarda Xau o'z kelajagi haqida o'ylab, agar klub yozgi transfer kampaniyasini muvaffaqiyatli o'tkazsa, Nyukasl rivojlanishini davom ettira olishiga ishongan edi.

Ingliz murabbiyiga o'rinbosar sifatida Al-Ahli bosh murabbiyi Mattias Yayssle asosiy nomzod hisoblanmoqda. Tomonlar o'rtasida muzokaralar allaqachon bo'lib o'tgan.

Keith Downie xabariga ko'ra.

Ben Jacobs xabariga ko'ra, Eddi Xou bir necha hafta avval "Nyukasl" rahbariyatiga ketish istagi borligini ma'lum qilgan, biroq o'rniga yangi murabbiy topilgunga qadar ishlashga rozi bo'lgan.

Xou bu qarorni osonlikcha qabul qilmadi. Bu qisman klubdagi shov-shuvli ketishlar bilan bog'liq. Xou Entoni Gordon va Sandro Tonali jamoani tark etishidan oldin ham sotuvlar bo'lishini bilar edi.

Xou o'rniga "Al-Ahli" bosh murabbiyi Mattias Yaysl nomzodi ko'rib chiqilmoqda.

Shuningdek, Bruno Gimaraysning "Arsenal"ga o'tishi bo'yicha muzokaralar tezlashishi ehtimoli mavjud.

"Roma" klubi "Manchester Yunayted" qiziqishlari doirasida bo'lgan Manu Kone uchun o'rinbosar izlashni boshladi.

Jurnalist Lorentso Kanichchio xabariga ko'ra, "jallorossilar" ayni damda "Al-Ahli" safida to'p surayotgan va Yevropa futboliga qaytishni istayotgan yarim himoyachi Valentin Atanganani kuzatishmoqda. Shuningdek, klub "Sanderlend" futbolchisi Xabib Diarra nomzodini ham o'rganmoqda.

Ben Jeykobs xabariga ko'ra:

«Manchester Yunayted» chap qanot himoyachisini sotib olishga chap qanot vingerini jalb qilishdan ko'ra ko'proq moyil. Klub markaziy himoyachilar masalasini yozgi transferlar uchun ustuvor vazifa deb hisoblamaydi, faqat Garri Maguayrga o'rinbosar topish istagi bundan mustasno.

Ben Jeykobs xabariga ko'ra, Kone va Skott «Manchester Yunayted»ning ustuvor transfer maqsadlari hisoblanadi.

Sky Sport xabariga ko'ra, Manchester United klubi ichida ikki nafar futbolchi nomzodi faol muhokama qilinmoqda.

Manchester United ichida ikki nom - Karlos Baleba va Manu Kone faol muhokama qilinmoqda.

🗣️ Sky Sports jurnalisti Deniel Xan xabariga ko'ra:

Manu Kone va Karlos Baleba «Manchester Yunayted» tarkibiga qo'shib olinishi mumkin bo'lgan asosiy nomzodlar qatorida turibdi.

Klub Baleba bilan bog'liq qiziqishni yana faollashtirdi, biroq tomonlar o'rtasida hali rasmiy muzokaralar boshlangani yo'q.

«Manchester Yunayted» yakuniy qarorga kelishga shoshilmayapti, chunki jamoa boshqa pozitsiyalarni ham kuchaytirish variantlarini ko'rib chiqmoqda.

Sky Sport CH xabariga ko'ra, Saudiya Arabistoni klubi «Roma» bilan bog'lanib, futbolchining transfer shartlari va narxi bilan qiziqdi. Bu qiziqish Kone Fransiya terma jamoasi safida ko'rsatgan o'yinlaridan so'ng paydo bo'ldi.

Biroq raqobat juda yuqori. «Manchester Yunayted» hamon yarim himoyachi uchun kurashmoqda. Ayni damda Kone Premer-liga loyihasini afzal ko'rmoqda, ammo Saudiya Arabistoniga o'tish variantini ham butunlay inkor etmayapti. Shu bois, vaziyat ochiq qolmoqda va tez orada o'zgarishi mumkin. «Al-Ahli» dastlabki aloqalarni o'rnatdi, «Roma» esa takliflarni ko'rib chiqishga tayyor.

FR12 xabariga ko'ra, "Komo", "Parij" va "Sanderlend" klublari yaqinda "Feyenoord"ga Anis Xoj Mussa borasida murojaat qilishgan.

Hozircha ushbu uchta klubdan hech biri 24 yoshli vinger uchun rasmiy taklif bilan chiqmagan. "Feyenoord" futbolchini taxminan 37 million yevroga baholamoqda.

Yagiz Sabunjuo'g'li xabariga ko'ra, "Beshiktosh" Leandro Trossard bilan 3 yillik shartnoma borasida kelishuvga erishdi. Kelishuv yana 1 yilga uzaytirish imkoniyati bilan tuzilgan.

Futbolchining yillik maoshi 8 million yevroni tashkil etadi va bunga bonuslar ham qo'shiladi. U kelasi hafta Istanbulga yetib keladi.

🛑 ESPN xabariga ko'ra, Meyson Grinvud "Fenerbaxche" va "Atletiko" klublari bilan kelishuvga erishdi.

✔️ Futbolchi yaqin ikki kun ichida yakuniy qarorini qabul qiladi, biroq u Madrid klubini tanlashga moyilroq.