Brighton — yangiliklari

Fabrisio Romano xabariga ko'ra, Xabi Alonso Valentin Barko transferini ma'qullagan.

Kiran Gill xabariga ko'ra, Behdad Eghbali va «Chelsi» sport direktorlari Xabi Alonso bilan ishlashdan katta mamnuniyat tuyishmoqda. Klubda uning shijoati va ishga bo'lgan yondashuvi yuqori baholanmoqda.

«Chelsi» futbolchilariga ham Alonsoning mashg'ulot jarayonida faol ishtirok etayotgani yoqmoqda. U har bir mashqning markazida: o'zi paslar beradi, to'p uzatadi, hujumlarni yakunlash uchun vaziyatlar yaratadi va doimiy ravishda jamoa ishi bilan band.

Danni Uelbek transferiga kelsak, ingliz futbolchisining o'tish summasi rasman oshkor etilmagan bo'lsa-da, u «Chelsi»ga deyarli tekinga tushgani aytilmoqda.

Scott Wilson xabariga ko'ra, klubda hali Simon Adingraning kelajagi borasida biror qarorga kelinmagan. «Vest Xem» tomonidan futbolchiga qiziqish mavjud.

Regis Le Bris «Tuluza» bilan Dayanne Metali transferi bo'yicha muzokaralar davom etayotganini tasdiqladi, biroq tomonlar narx borasida hamon kelisha olmayapti.

«Brayton» bosh murabbiyi Fabian Hyurseler Denni Uelbekning «Chelsi»ga o'tishi borasida o'z fikrlari bilan o'rtoqlashdi:

Denni kabi inson va futbolchining klubni tark etishi doimo qayg'uli. Uning ketganidan barchamiz chin dildan afsusdamiz.

Klubga kelgan ilk kunimdan boshlab Denni bilan ishlash haqiqiy zavq edi. Uning professionalligi, ishga bo'lgan munosabati va sadoqati har kuni yuksak standartlarni belgilab berdi. Shaxsan men uchun u katta tayanch bo'ldi.

O'yin sifatlaridan tashqari, Denni kiyim almashtirish xonasida muhim yetakchi va yosh futbolchilarimiz uchun haqiqiy namuna edi. Klub uchun qilgan barcha xizmatlari uchun unga minnatdorchilik bildiramiz va kelajakda faqat omad tilaymiz.

ESPN bugun o'zining ESPN Vandaag dasturida PSV, AZ va AIK klublari erkin agent hisoblangan Yoel Veltmanga qiziqish bildirayotgani haqida xabar berdi. Tajribali himoyachi Brayton klubini tark etganidan so'ng erkin agent maqomida qolgan va shartnoma imzolash imkoniyatiga ega.

E'tiborli tomoni shundaki, hozircha ushbu qiziqish haqida faqat ESPN xabar bermoqda. PSVning Veltmanga bo'lgan qiziqishi qanchalik jiddiy ekani yaqin kunlarda ma'lum bo'ladi. Hozircha bu boshqa ishonchli manbalar tomonidan tasdiqlanmagan mish-mishga o'xshaydi.

Jon Terri Denni Uelbekning transferi haqida shunday dedi:

Ajoyib transfer. Hech bo'lmaganda u endi bizga qarshi o'yinda gol urmaydi 😂⚽️💙👊🏻

🔵 Danni Uelbekning "Chelsi"dagi ilk intervyusi [2-qism]:

💬 O'tgan yillar davomida o'yiningiz o'zgardimi? Hujumchi va futbolchi sifatida umuman olganda?

Ha, albatta. U juda katta o'zgardi. Yoshroq paytlarimda asosan 4-4-2 sxemasida chap yoki o'ng qanotda o'ynardim. Lekin futbolning o'zi ham juda o'zgardi.

Uzoq vaqt davomida markaziy hujumchi rolida o'rnashib qolishning imkoni bo'lmadi. Keyin "Brayton"ga o'tdim va u yerdagi bir necha mavsumdan so'ng muntazam ravishda "to'qqizlik" pozitsiyasida maydonga tusha boshladim.

Aynan o'sha yerda men bugungi kundagi hujumchiga aylandim.

💬 Taktik jihatdan ko'p narsani o'rgandim, deb ayta olasizmi? Futbolning turli davrlarini, turli sxema va o'yin modellarini ko'rdingiz.

Albatta. Professional faoliyatimni endi boshlaganimda murabbiyim ser Aleks Fergyuson edi. Endi esa Xabi Alonso qo'l ostida o'ynayman.

Bugungi futbol butunlay boshqacha. Zamonaviy o'yin doimiy moslashuvni talab qiladi.

"To'qqizlik" pozitsiyasida doimiy o'ynash o'z ritmimni topishga yordam berdi va aynan shu pozitsiyada eng katta muvaffaqiyatlarga erishdim.

Rivojlanishda davom etishni, yanada yaxshiroq bo'lishni va Xabi Alonsodan o'rganishni intiqlik bilan kutyapman. O'ylaymanki, bu ajoyib davr bo'ladi.

💬 Hatto faoliyatingizning ushbu bosqichida ham yaxshilamoqchi bo'lgan jihatlar bormi?

Albatta. Har doim o'sish uchun joy bor. Bu tamoyil bolaligimdan beri men bilan birga. Nafaqat futbolda, balki hayotda ham.

Aynan ota-onam va akalarim menda doimo oldinga intilish, yaxshiroq bo'lish, takomillashish yo'llarini izlash hissini tarbiyalashgan.

Men bu yerda aynan shuni qilmoqchiman. Bor kuchimni berishga tayyorman. Men hamon ambitsiyalarga to'laman va futbolga bo'lgan ishtiyoqim hamon juda yuqori. Ishonchim komilki, buni ko'rasizlar.

💬 Mashg'ulot bazasi haqidagi ilk taassurotlar qanday?

U shunchaki ajoyib. Yoshroq paytlarimda akademiyalar o'yini uchun bir marta bu yerda bo'lganman. Lekin hozir hammasini to'liq ko'rish — bu butunlay boshqa narsa. Bu har kuni ishga zavq bilan keladigan ajoyib joy.

💬 Trenajyor zali yonidan o'tayotganda, u yerda ko'p vaqt o'tkazasiz, deb o'ylash mumkinmi?

To'g'risini aytsam, og'ir vazn ko'tarishga ko'p vaqt sarflamayman. Men ko'proq tana mushaklarini mustahkamlashga va tanamning barqaror hamda tayyor bo'lishiga e'tibor qarataman.

Meni faqat chiroyli qomat uchun mashqlar qiziqtirmaydi. Asosiysi — mashg'ulotlarga maksimal darajada tayyor bo'lish. O'zimni eng yaxshi jismoniy holatda saqlashga harakat qilaman: to'g'ri ovqatlanaman, yaxshi dam olaman va tiklanaman. Bu juda muhim.

Albatta, mavsumoldi tayyorgarlik vaqtida trenajyor zalida ko'proq vaqt o'tkazaman, chunki organizmni yuklamalarga tayyorlash va tanani mustahkamlash kerak. Shunday ekan, ha, men zalda shug'ullanaman, lekin u yerda yashamayman.

💬 "Chelsi" libosini ilk bor kiyib ko'rdingiz. Qanday hislar?

Bu libosni kiyish — katta sharaf. Yaqinda transferim haqida ko'p gap-so'zlar bo'ldi va nihoyat bu yerda bo'lish hamda "Chelsi" libosini ilk bor kiyish — aql bovar qilmas tuyg'u.

"Chelsi" kabi ulug'vor klubga o'tish meni katta g'urur bilan to'ldirmoqda. Ishga kirishishga, bor kuchimni berishga va hamma mendan faxrlanishiga erishishga tayyorman.

💬 Jamoaning bir nechta o'yinchilari bilan allaqachon tanishsiz. Ular bilan uchrashuvni qanchalik kutyapsiz?

Bu juda yoqimli. Yangi joyda ish boshlaganingizda, tanish yuzlarni ko'rish har doim yaxshi.

Ishonchim komilki, bu menga tezroq moslashishga yordam beradi. Bir nechta o'yinchilarni, shuningdek, klubning ba'zi xodimlarini allaqachon taniyman.

Atrofda o'zingiz taniydigan odamlar bo'lishi juda yoqimli. Bu menga moslashishga yordam berishiga ishonchim komil.

💬 Va yakunda — "Chelsi" muxlislariga nima demoqchisiz?

Avvalo shuni aytmoqchimanki, men shu yerdaman. Imkoniyat uchun juda minnatdorman. Menda o'zimni ko'rsatishga bo'lgan ulkan istak yonmoqda. Men bunga to'liq tayyorman. Bu haqiqatan ham hayajonli davr.

Men ajoyib loyihaga qo'shildim va qo'limdan kelgan barcha narsani berishga tayyorman. Umid qilamanki, jamoadoshlarimni, klubdagi barchani va muxlislarni faxrlantira olaman.

Denni Uelbekning Kobxem bilan tanishuvi 💙📸

Denni Uelbek «Chelsi» futbolchisiga aylandi!

Hujumchi klub bilan ikki yillik shartnoma imzoladi.

Ben Jeykobs xabariga ko'ra, Jordan Xenderson bugun rasman «Chelsi» futbolchisiga aylanadi.

🎤 Roberto De Zerbi «Chelsi» kabi klublarga qarshi o'rtoqlik o'yini bo'lmasligi haqida:

«O'rtoqlik o'yini? Bilasizmi, «Chelsi» darajasidagi top-klubga qarshi o'ynaganingizda, bu hech qachon o'rtoqlik o'yini bo'lmaydi».

🎤 Jamoaning mavsumoldi tayyorgarlikdagi asosiy maqsadi haqida:

«Biz ularning jismoniy holatini yaxshilashga harakat qilyapmiz. Asosiy vazifa — mavsum boshlanishiga eng yaxshi tarzda tayyorgarlik ko'rish, Premer-liga boshlanganda esa biz natijalarga erishishga e'tibor qaratamiz».

🎤 Konor Gallaxer yosh futbolchilar uchun standartlar o'rnatishi haqida:

«Yosh futbolchilar nimalarni boshdan kechirayotganini juda yaxshi tushunaman. Maydonda va undan tashqarida standartlarni belgilash, ularga qanchalik professional bo'lish kerakligini ko'rsatish va qo'limdan kelgancha yordam berish uchun bor kuchimni ishlayapman».

🎤 Yangi transferlar haqida:

«Shubhasiz, biz allaqachon bir nechta ajoyib transferlarni amalga oshirdik, bu klub uchun juda yaxshi. Shu bilan birga, ular nafaqat yaxshi futbolchilar, balki ajoyib insonlardir, menimcha, jamoada to'g'ri xarakterga ega odamlar bo'lishi juda muhim.

Bu bizni yanada kuchliroq qiladi. O'tgan mavsumda biz juda og'ir davrni boshdan kechirdik, hozir esa jamoa sifatida yaxshilanishga bo'lgan qat'iyat va istak bilan to'lamiz.

Hamma juda xursand. Umid qilamanki, bu biz uchun haqiqatan ham yaxshi mavsum bo'ladi».

🎤 Asosiy tarkibdagi raqobat haqida:

««Tottenxem» kabi klubda o'ynayotganingizda, agar asosiy tarkib uchun raqobat bo'lmasa, demak, nimadir noto'g'ri. Bu top-klub futbolchisi uchun tabiiy holat».

🎤 Yarim himoyadagi pozitsiyasi haqida:

«Rostini aytsam, murabbiy qayerda aytsa, o'sha yerda o'ynashga tayyorman. O'nlik, sakkizlik yoki tayanch yarim himoyachi — muammo yo'q. Yarim himoyaning istalgan pozitsiyasida o'ynash menga yoqadi.

Oxirgi paytlarda ko'proq o'nlik pozitsiyasida o'ynayapman. Oldinga o'tish yoqimli, u yerda qo'limdan kelgan eng yaxshi ishni qila olaman: yaxshi pressing qilish va jamoani boshqarishga harakat qilish. Umuman olganda, men uchun farqi yo'q».

🎤 De Zerbi unga qanday qilib ishonchni qaytargani haqida:

«O'ylaymanki, futbolda ishonch — bu juda katta narsa va har bir futbolchiga yaxshi o'ynashi uchun bu kerak. Murabbiy mendagi aynan shu narsani tushundi.

Men kerakli darajada o'ynamayotgan edim, lekin u nimalarga qodirligimni bilar edi. Shubhasiz, u «Brayton»da, men esa «Chelsi»da bo'lganimda, bir-birimizga qarshi ko'p o'ynaganmiz. U meni yaxshi futbolchi deb hisoblagan, o'sishim va o'sha ishonchni qaytarishim uchun nima qilish kerakligini bilgan. Menga yordam bergan eng muhim narsa shu».

🎤 De Zerbi qo'l ostidagi yangi bosqich haqida:

«Hozir hamma narsa ancha yoqimli bo'lib qoldi. Bu yangi boshlanish, yangi futbolchilar, yangi o'yin uslubi. Biz barchamiz bir to'lqinda bo'lishimizga, qanday o'ynayotganimizni va murabbiy bizdan nima xohlayotganini tushunishimizga harakat qilyapmiz».

Henderson bugun "Chelsi" bilan shartnoma imzolaydi.

Karlos Espining 2025/26 yilgi mavsumdagi eng yaxshi harakatlari:

Video

Fabrisio Romano xabariga ko'ra, Espi "Real Madrid"ga o'tishni orzu qilmoqda.

"Xall Siti" va "Brayton" hujumchining shartnomasida ko'rsatilgan 25 million yevro miqdoridagi tovon pulini to'lashga tayyor, ammo futbolchining o'zi "qaymoqranglilar" uning transferini yakunlashini kutmoqda.

Piter Xoll xabariga ko'ra:

Manchester Yunayted yarim himoya chizig'i uchun o'z maqsadlarini belgilab oldi.

Romaning Manu Kone va Brayton futbolchisi Karlos Baleba hozirgi vaqtda ustuvor variantlar hisoblanadi. Klub rahbariyati ikkala futbolchini ham ancha maqbul narx evaziga xarid qilish mumkin deb hisoblamoqda.

Bornmut Aleks Skottni osonlikcha qo'yib yuborishni istamayapti, faqat Chelsi futbolchining transfer qiymatini qoplay olishi mumkinligi aytilmoqda.

Bornmutning yana bir yarim himoyachisi Tayler Adams esa xarid qilish uchun qulayroq maqsad bo'lishi mumkin.

Fabrisio Romano xabariga ko'ra, Jordan Henderson "Chelsi"ga o'tmoqda. Tomonlar kelishuvga erishgan: 🚨

Shartnoma 2028-yilning iyuniga qadar mo'ljallangan.

Fabrisio Romano Jordanning «Chelsi»ga o'tishi bo'yicha «Here we go» xabarini berdi.

Shartnoma 2028-yilning yoziga qadar mo'ljallangan.

Xenderson o'z ketishi haqida shunday dedi:

Men «Brentford»ni katta minnatdorchilik bilan tark etyapman. Klub menga bergan imkoniyat, shuningdek, birinchi kundanoq menga va oilamga ko'rsatilgan qo'llab-quvvatlash hamda g'amxo'rlik uchun rahmat. Premer-ligaga qaytish men uchun juda muhim edi va aynan «Brentford» menga bu imkoniyatni taqdim etdi. Buning uchun doimo minnatdor bo'laman. Umid qilamanki, klub tarixidagi muhim bosqichda jamoaga o'z hissamni qo'sha oldim.

O'tgan mavsumda biz birgalikda ko'p narsaga erishdik va bunga aloqador barcha faxrlanishi kerak. «Brentford» — o'ziga xos futbol klubi. U ambitsiyali, progressiv va ajoyib insonlardan iborat: egalari va rahbariyatidan tortib, murabbiylar shtabi, futbolchilar va parda ortida ishlaydigan barcha xodimlargacha. Ushbu klubning bir qismi bo'lish men uchun sharaf edi.

Eng avvalo, muxlislarga minnatdorchilik bildirmoqchiman. Ularning qo'llab-quvvatlashi hech qachon susaymadi va ularning klub bilan bog'liqligi hammaga ko'rinib turibdi. Ular «Brentford»ni chin dildan yaxshi ko'rishadi va jamoani har bir qadamda qo'llab-quvvatlashadi.

Va nihoyat, Mett, Fil, Li, Kit, klubning har bir xodimi va barcha jamoadoshlarimga rahmat. Sizlar bilan yonma-yon ishlash men uchun zavq edi. «Brentford»da o'tkazgan vaqtimni doimo katta faxr va ko'plab go'zal xotiralar bilan eslayman.

Brentford klubi Henderson bilan shartnoma bekor qilinganini tasdiqladi.

Jordan Henderson bilan bog'liq vaziyat oydinlashmoqda. Manbalarga ko'ra, yaqin orada Brentford futbolchi bilan shartnomani bekor qiladi.

Ben Jacobs xabariga ko'ra, Jordan Henderson va Chelsi o'rtasidagi muzokaralar rivojlanmoqda. Bu tez orada hal bo'lishi mumkin bo'lgan yana bir bitim. Henderson Brentford bilan erishilgan kelishuv evaziga klubni tekinga tark etishi mumkin. 🐝

Nizaar Kinsella xabariga ko'ra, Jordan Henderson "Brentford"ni erkin agent sifatida tark etish huquqini qo'lga kiritdi. 36 yoshli yarim himoyachi "Chelsi" bilan muzokaralarni davom ettirmoqda.

Fabrisio Romano xabariga ko'ra, bugun Jordan Henderson "Brentford" bilan shartnomasini bekor qiladi.

Shundan so'ng, Jordan "Chelsi"ga o'tishini rasmiylashtiradi.

Fabrisio Romano xabariga ko'ra, «Chelsi» Jordan Xenderson va Denni Uelbek transferlari bo'yicha kelishuvlarni yakunlashga yaqin turibdi. 🥇

Ikkala futbolchi ham o'tishga rozi bo'ldi. Muzokaralar yakuniy bosqichga o'tmoqda. 📌

Chelsi klubining Xenderson va Uelbekka bo'lgan qiziqishi jamoa strategiyasidagi burilish nuqtasi hisoblanadi. Ikkala tajribali futbolchi ham transferga qiziqish bildirmoqda. Chelsi rahbariyati bu xaridlar qisqa muddatli istiqbol uchun mo'ljallanganini yaxshi tushunadi va ularni asosan boy tajribasi uchun ko'rib chiqmoqda.

Xenderson xarid qilinganidan so'ng, Chelsi ushbu transfer oynasida yarim himoyani kuchaytirishni rejalashtirmayapti. The Athletic xabariga ko'ra, Barkoning kelishi va Jeymsni markazga moslashtirish imkoniyati pozitsiya to'liq yopilganidan dalolat beradi.

Londonliklar hali ham Alaybegovich transferi ustida ishlamoqda. Chelsi futbolchini 25-30 million yevro evaziga tarkibga qo'shib olmoqchi va uni kelajak futbolchisi sifatida ko'rmoqda. Raqobatchilar ham bor, ammo ularning nomi oshkor etilmayapti.

Stounz Interga o'tishga qaror qildi, Chelsi esa Xakobo Ramonni kuzatishda davom etmoqda. Biroq Lakrua transferidan keyin bu xarid majburiy emas va sotuvlarga bog'liq bo'lib qolmoqda.

Chavarriya bo'yicha muzokaralar davom etmoqda. Hozircha natijasiz, chunki har bir yangi taklif Rayo klubini narxni oshirishga undamoqda. Chelsi allaqachon muqobil variantlarni o'ylab ko'rmoqda.

Klub uchinchi darvozabon masalasini hal qilgani yo'q. Sanches va Penders asosiy tarkibda, Yorgensen esa sotiladi. Ehtimol, zaxira darvozaboni sotib olinmaydi va akademiyadan Teddi Sharman-Lou jalb etiladi. Slonina ham bu rol uchun ko'rib chiqilmoqda, garchi u hozirda Strasbur bilan mashg'ulot o'tkazayotgan bo'lsa ham.

Delap va Jeksonning holati Avstraliya va Osiyodagi yig'inlarda baholanadi. Shundan so'ng ulardan biri sotiladi. Emegaga ham jamoada o'rin kafolatlanmagan. Giyu ijaraga beriladi yoki 25 million funt atrofidagi summaga sotiladi. Narxiga qaramay, unga qiziqish mavjud.

Netu daxlsizlar ro'yxatida emas, lekin Chelsi uni juda qadrlaydi, shuning uchun faqat katta pul evaziga qo'yib yuboriladi. Xuddi shunday holat Entso (120 million funt) va Gyusto (75 million) bilan ham kuzatilmoqda, ularga yuqori narx belgilangan.

Komo hali ham Chalobani imzolashga urinmoqda. Chelsi 35 million funt talab qilmoqda. Disasi va Badyashilga ham mos ravishda 25 va 30 million funtlik narx belgilangan.

Hozircha Chelsi Dastan Satpayevga qanday rol berishi noma'lum, ammo ayni damda qozog'istonlik futbolchini sotish rejalashtirilmagan.

📰 Saymon Jonson The Athletic nashrining yangi sonida Chelsi jamoasidagi o'zgarishlar haqida ma'lumot berdi:

💬 Chelsi qaysi pozitsiyalarni kuchaytirmoqchi?

Klub Kerim Alaybegovichni diqqat bilan kuzatishda davom etmoqda. Biroq, u asosiy tarkibni darhol kuchaytiradigan o'yinchi emas, balki kelajak uchun sarmoya sifatida ko'rilmoqda. Chelsi transfer bo'yicha 25-30 million yevro atrofida kelishib olishni rejalashtirgan, ammo iqtidorli futbolchi uchun raqobat juda yuqoriligini tushunib turibdi.

Hozirgi vaqtda Xendersonning transferi amalga oshsa, klub qo'shimcha yarim himoyachilarni sotib olishni rejalashtirmayapti. Maydon markazida Chelsi yetarli variantlarga ega, jumladan, u yerda Ris Jeymsdan foydalanish imkoniyati ham bor.

Yaqin vaqt ichida Strasburdan ketishini tasdiqlagan Valentin Barko Chelsi safiga qo'shilishi kerak. Argentinalik futbolchi ham markazda, ham chap qanotda o'ynay oladi.

O'tgan hafta Chelsi Jon Stounzga qiziqish bildirgan edi, biroq bu Maksans Lakrua 52 million funtga sotib olingunga qadar sodir bo'lgan. Hozirda Stounz Interga o'tish bo'yicha kelishuvga erishgan.

Shuningdek, Xakobo Ramonga qiziqish saqlanib qolmoqda, garchi Lakrua kelganidan so'ng klub himoya markazida o'zini ancha ishonchli his qilayotgan bo'lsa ham.

Rayo Valyekanodan Pepu Chavarrini sotib olish bo'yicha muzokaralar davom etmoqda, ammo tomonlar hozircha transfer summasi bo'yicha kelisha olmayapti. Shu bilan birga, Chelsi ushbu pozitsiyani kuchaytirish uchun boshqa variantlarni ham ko'rib chiqmoqda.

Klub uchinchi darvozabon masalasini ham hal qilmoqda. Filip Yorgensen ketganidan so'ng, Robert Sanches va Mayk Penders birinchi raqamli darvozabon bo'lish uchun kurashadilar. Yangi darvozabon sotib olinmasligi va akademiya tarbiyalanuvchisi Teddi Sharman-Lou asosiy tarkibga jalb etilishi ehtimoli bor. Bundan tashqari, klub ichida hozirda Strasburda shug'ullanayotgan Gabriel Slonina nomzodi ham muhokama qilingan.

💬 Kim klubni tark etishi mumkin?

Xabi Alonso yakuniy qaror qabul qilishdan oldin tarkibni shaxsan baholamoqchi, biroq Uelbekning ehtimoliy transferi ba'zi hujumchilar uchun vaziyatni yanada murakkablashtiradi.

Chelsi 65 million funtga baholayotgan va Aston Villa qiziqish bildirayotgan Nikolas Jekson ta'tildan so'ng Avstraliya va Osiyodagi mavsumoldi turnesida jamoaga qo'shiladi.

Bu Alonsoga Jeksonni Liam Delap bilan solishtirish imkonini beradi. Ikkalasi ham Angliyada, ham xorijda talabga ega va ulardan biri sotib yuborilishi ehtimoli yuqori.

Hozirda son qismidagi jarohatidan tiklanayotgan Emanuel Emega ham tarkibdagi o'rnini kafolatlamagan.

Mark Giyu bo'yicha Chelsi qaror qabul qilib bo'ldi — uni ijaraga berish yoki sotish kerak. Hujumchiga ko'plab Yevropa klublari qiziqish bildirmoqda, londonliklar esa 25 million funt atrofida mablag' ishlab olishni kutishmoqda.

Pedru Netu klub sotishni istamaydigan futbolchilar ro'yxatiga kirmaydi, biroq Chelsi uni juda yuqori baholaydi, shuning uchun uning transferi uchun juda jiddiy taklif kerak bo'ladi. Enzo Fernandes va Malo Gyusto bilan ham xuddi shunday vaziyat, agar mos ravishda 120 million va 75 million funtlik takliflar tushsa, klub ularni qo'yib yuborishi mumkin.

Chelsi Komo bilan Trevo Chalobani sotish bo'yicha muzokaralar olib bormoqda. Londonliklar 35 million funtgacha bo'lgan summani kutishmoqda, ammo kelishuvga hali erishilmadi.

Aksel Disasi taxminan 25 million funtga, Benua Badiashile esa 30 million funtga sotilishi kutilmoqda.

Aaron Anselmino jamoa bilan mavsumoldi tayyorgarligini o'tkazmoqda, ammo uning kelajagi bo'yicha hali qaror qilinmagan. Mamadu Sarrni esa klub Angliya klublaridan biriga ijaraga berishni rejalashtirmoqda.

Chelsi David Datro Fofanni to'liq sotib yuborishni, shuningdek, Omari Kelliman, Deyvid Vashington, Kaleb Uayli va Shim Meukani ijaraga berishni istamoqda.

Tarkibda Dastan Satpayev ham qolmoqda. Uning yangi mavsumdagi roli hali aniq emas, lekin Chelsi futbolchini sotishni umuman rejalashtirmayapti.

Nizaar Kinsella xabariga ko'ra, «Chelsi» yozgi transferlar oynasida kamida ikki nafar hujumchisi bilan xayrlashishni rejalashtirmoqda.

Klubni tark etishi eng ehtimolli nomzodlar sifatida Nikolas Jekson va Mark Giyu ko'rilmoqda. Liam Delapning kelajagi esa hozircha noaniq qolmoqda, Emanuel Emega esa jamoada qolishi kutilmoqda.

Alex Crook xabariga ko'ra, Denniy Uelbek «Chelsi» bilan shaxsiy shartlar borasida kelishuvga erishdi. Ayni damda «Chelsi» va «Brayton» klublari o'rtasida muzokaralar davom etmoqda.

«Brayton» Uelbekning transferiga qarshilik qilmaydi. «Chelsi» esa yaqin orada transfer summasi borasida kelishuvga erishishiga ishonchi komil», — deya ma'lum qildi jurnalist.

🚨 Aleks Kruk xabariga ko'ra, Denni Uelbek "Chelsi" bilan shaxsiy shartnoma shartlarini kelishib oldi.

"Chelsi" va "Brayton" o'rtasidagi muzokaralar davom etmoqda. "Brayton" futbolchining transferiga qarshilik qilmasligi kutilmoqda va "Chelsi" tomoni kelishuv yakunlanishiga ishonch bildirmoqda.

🚨 Florian Plettenberg xabariga ko'ra, «Aston Villa» «Chelsi» va Nikolas Jeksonning vakillari bilan futbolchining transferi bo'yicha muzokaralarni davom ettirmoqda. Tomonlar doimiy transfer yoki ijara variantlarini ko'rib chiqishmoqda.

Hozircha tomonlar o'rtasida hech qanday kelishuvga erishilmagan.

🚨 Devid Ornshteyn xabariga ko'ra, «Chelsi» Jordan Hendersonni o'z safiga qo'shib olish ustida ishlamoqda.

Ayni damda londonliklar yarim himoyachini qo'lga kiritish bo'yicha asosiy da'vogar bo'lib turibdi.

«Brentford» Hendersonni erkin agent sifatida qo'yib yuborishga tayyor.

Ben Jacobs xabariga ko'ra, "Chelsi" ayni damda Emmanuel Emegani sotishni rejalashtirmayapti.

Katta ehtimol bilan, Liam Delap, Nikolas Jekson va Mark Giyu uchligidan ikki nafar hujumchi klubni tark etishi mumkin. 🔵

🚨 Kave Soxlekol xabariga ko'ra, «Chelsi» «Brayton» bilan Denni Uelbekning transferi bo'yicha dastlabki ijobiy muzokaralarni o'tkazdi.

«Brayton» agar futbolchi uchun munosib tovon puli taklif qilinsa, uning ketishiga qarshilik ko'rsatmoqchi emas.

Kieran Gill xabariga ko'ra, «Chelsi» «Brayton» hujumchisi Denni Uelbekka qiziqish bildirmoqda.

Jeykobs o'z so'zlariga qo'shimcha qildi:

PSJ xo'jayini Nosir Al-Xelayfi Bredli Barkolaning ketishi bo'yicha har qanday muzokaralarda Kampos bilan birga bevosita ishtirok etadi. PSJ loyihasi qolishni istagan futbolchilar ustiga qurilgan, bu esa o'rinbosar topilmagan taqdirda, Barkolaning ketishi doimo mumkin bo'lganini anglatadi.

🚨 "Ipswich" Kjell Scherpen bilan shartnoma shartlarini kelishib oldi.

"Union" bilan muzokaralar davom etmoqda va klublar tez orada kelishuvga erishishi kutilmoqda.

Kiran Gill xabariga ko'ra, klub sport direktorlari va Egbāli Xabi Alonso bilan ishlashdan mamnun.

Futbolchilarga ham murabbiyning uslubi yoqmoqda: Xabi mashg'ulotlarda faol ishtirok etadi va mashqlarni qanday bajarish kerakligini o'zi to'p bilan ko'rsatib beradi.

Umuman olganda, barcha tomonlar hamkorlikdan qoniqish hosil qilmoqda.

Pep Chavarría bo'yicha muzokaralarda faqatgina kichik detallarni kelishib olish qoldi.

O'yinchi tibbiy ko'rikdan o'tish uchun Londonga uchib ketishga tayyor.

Moretto xabariga ko'ra, transfer summasi bonuslar bilan birga 25 million yevroni tashkil qiladi.

Bitim yaqin soatlar ichida rasman yopilishi mumkin.

Aleks Kruk xabariga ko'ra, Xulio Ensiso «Ipsvich»ga o'tish ehtimoli yuqori 👀

«Chelsi» yosh darvozaboni Hadson Sends klub bilan 2029-yilning yoziga qadar mo'ljallangan yangi shartnoma imzoladi. Futbolchi kelasi mavsumni ijara asosida «Dalvich Hamlet» safida o'tkazadi.

🚨 Roberto De Zerbi Omar Marmushning muxlisi hisoblanadi va hujumchining mahoratini yuqori baholaydi.

Alasder Gold xabariga ko'ra.

📻 Cope xabariga ko'ra, «Manchester Siti» Rodri uchun 70 million yevrogacha mablag' talab qilishi mumkin.

Shu bilan birga, Ispaniya terma jamoasi sardori va Diomande transferi uchun «Madrid» tarkibdagi ayrim o'yinchilar bilan xayrlashishi kerak. Ayni damda «qaymoqranglilar» ro'yxatida 25 ta o'rin to'liq band etilgan, Mastantuono esa «Kastilya» tarkibida ro'yxatdan o'tgan.

Argentinalik futbolchining kelajagiga kelsak, u «Madrid»dan ketsa, faqat «River Pleyt»ga o'tishni istaydi. Biroq madridliklar rahbariyatiga vinger faoliyatini davom ettirishi uchun bu variant ma'qul emas.

Nima bo'lganda ham, Mastantuono «Madrid»dan sotilishi yoki ijaraga berilishi ehtimoli eng yuqori bo'lgan 3 nafar o'yinchidan biri. Asensio va Gonsalo — qolgan ikki futbolchi. Biroq ularning hech biri klubni tark etishni istamayapti.

📰 AS (XFD) ma'lumotiga ko'ra, Rodrining «Real Madrid»ga o'tishi yozda jamoaning amaldagi yarim himoyachilaridan birini sotish uchun eshiklarni ochishi mumkin.

📝 Fabrisio Romano xabariga ko'ra: «Rodri «Real Madrid»ga o'tishni mutlaq ustuvor vazifa deb bilmoqda.

«Manchester Siti» esa kutishni ma'qul ko'rmoqda, chunki ular boshqa klublar ham 30 yoshli tayanch yarim himoyachisi uchun kurashga qo'shilishi mumkin deb hisoblashadi. Biroq «shaharliklar» uchun Rodrining «qaymoqranglilar» safiga o'tish qarorini o'zgartirish qiyin bo'ladi».

Gari Nevill:

«O'n yil avval ham aytganman, «Manchester Yunayted» Denni Uelbekni hech qanday holatda qo'yib yubormasligi kerak edi. Ketganidan so'ng u bu qaror qanchalik xato bo'lganini ko'p bora isbotladi.

Hozir u faoliyatining yakuniy bosqichida bo'lsa-da, baribir yuqori saviyadagi futbolchi bo'lib qolmoqda. «Chelsi» uchun bu juda omadli transfer — u hujum chizig'ini kuchaytirish uchun sifatli variant bo'ladi».

❌ Dastlabki taklif Dayann Metali uchun 18 million funt sterling va qo'shimcha bonuslarni tashkil etgan, biroq bu taklif rad etilgan, — deydi Skott Uilson (Sanderlendga qaraganda Nyukaslga yaqinroq bo'lgan jurnalist).

Muzokaralar cho'zilib ketganiga qaramay, katta ehtimol bilan bitim 30 million yevro evaziga yakunlanadi.

Fabrisio Romano xabariga ko'ra, 35 yoshli Denni Uelbek "Brayton"dan "Chelsi"ga o'tmoqda.

Shartnoma 2028-yilning yoziga qadar mo'ljallangan.

Fabrisio Romano xabariga ko'ra, Denni Uelbek «Chelsi»ga o'tadi. Here we go!

Kelishuv tafsilotlari hozircha oshkor etilmayapti.

🚨 Denni Uelbek «Chelsi»ga o'tmoqda: 𝐇𝐄𝐑𝐄 𝐖𝐄 𝐆𝐎!

Tomonlarga so'nggi detallarni kelishib olish qoldi.

Shundan so'ng futbolchi tibbiy ko'rikdan o'tadi va 2 yillik shartnoma imzolaydi.

Maqolada Barkolaning narxi pasaymagan taqdirda, klub ko'rib chiqishi mumkin bo'lgan boshqa universal vingerlar haqida so'z boradi.

Ular orasida Said El Mala va Matias Fernandes-Pardo nomlari tilga olingan. Brayton vakili Yankuba Minte ham muhokama qilingan, ammo hozircha u ro'yxatning yuqori qismida emas va u bilan muzokaralar olib borilmayapti.

Bornmut futbolchisi Rayan ham orzu qilingan xarid hisoblanadi, biroq uning 85 million funtdan ortiq tovon puli bandi faqat 2027 yildan kuchga kiradi.

The Athletic xabariga ko'ra, «Chelsi» Danni Uelbek bilan ikki yillik shartnoma shartlarini kelishib oldi.

Klublar transfer shartlarini yakuniy bosqichda kelishib olishmoqda. Agar hammasi rejadagidek ketsa, Uelbek hafta yakuniga qadar «Chelsi»da tibbiy ko'rikdan o'tadi va jamoaning Gonkongdagi yig'iniga qo'shiladi.

🚨 Fabrisio Romano xabariga ko'ra, «Chelsi» Jordan Xenderson va Denni Uelbek transferlarini yakunlashga yaqin turibdi. Tomonlar kelishuvlarni shu hafta ichida rasmiylashtirishni rejalashtirmoqda.

Xenderson va Uelbek «Chelsi» loyihasiga rozi bo'lishdi. Jordan «Brentford»ni erkin agent sifatida tark etadi. Muzokaralar yakuniy bosqichda.

🚨 "Chelsi" Danni Uelbek transferini yakunlash arafasida.

"Brayton" hujumchiga tibbiy ko'rikdan o'tish uchun ruxsat berdi. Uelbek "Chelsi" bilan 2 yillik shartnoma shartlarini kelishib oldi.

Agar barchasi reja asosida ketsa, Danni hafta yakuniga qadar tibbiy ko'rikdan o'tadi va "Chelsi"ning Gonkongdagi yig'iniga qo'shiladi.

🚨 Ben Jacobs xabariga ko'ra, "Chelsi" "Brayton" bilan muzokaralarda oldinga siljishga erishdi va Denni Uelbekni o'z safiga qo'shib olishga yaqin turibdi.

Transfer shu hafta yakunlanishi mumkin.

Uelbek shaxsiy shartnoma shartlarini allaqachon kelishib olgan.

Ben Jacobs xabariga ko'ra, Jordan Henderson yozgi transfer oynasida Brentford'dan erkin agent sifatida ketishiga imkon beruvchi kelishuvga ega.

📌 Garchi bu rasmiy band bo'lmasa-da, Brentford rahbariyati futbolchining tovon pulisiz ketishiga rozi bo'lishga va uni qo'yib yuborishga tayyor.

Aleks Kruk, talkSPORT:

«Manchester Yunayted» Tayler Adams bo'yicha taklif bilan chiqish imkoniyatini ko'rib chiqmoqda.

«Bornmut» 27 yoshli futbolchini bor-yo'g'i 35 million funt sterling evaziga qo'yib yuborishga tayyorligi haqidagi ma'lumotlar rad etildi.

Ammo «Yunayted» baribir Adamsni markaziy yarim himoyani kuchaytirish uchun boshqa nomzodlarga nisbatan arzonroq muqobil variant sifatida ko'rmoqda.

Boshqa variantlar qatorida: Manu Kone, Orelien Tchuameni, Eduardo Kamavinga va Sander Berge bor.

Rio Ferdinand o'zining X sahifasida Denni Uelbekning transferi haqidagi mish-mishlarga munosabat bildirdi:

"Uelbs... buni unut va uyga qayt! Kelasi mavsumda Manchesterda Chempionlar ligasi bo'ladi".

🚨 David Ornstein xabariga ko'ra, "Chelsi" Denni Uelbekni "Brayton"dan transfer qilish imkoniyatini ko'rib chiqmoqda. Futbolchining shartnomasi 2027-yilga qadar mo'ljallangan va "Brayton" bu qiziqishdan xabardor. Muzokaralar dastlabki bosqichda, ammo barcha tomonlar kelishuvdan umidvor.

Fabrisio Romano xabariga ko'ra, Chelsi Jordan Xenderson va Danni Uelbek bilan muzokaralarda oldinga siljidi.

Har ikki futbolchi bilan shaxsiy shartnoma shartlari deyarli kelishib olindi.

Fabrisio Romano xabariga ko'ra, Xabi Alonso Chelsi hujum chizig'ini tajribali futbolchi bilan kuchaytirish maqsadida Danny Welbeck nomzodini ma'qulladi. 🚨

Londonliklar ayni damda Brayton bilan muzokaralarni faol olib bormoqda va ushbu transfer imkoniyatlarini o'rganmoqda.

David Ornstein xabariga ko'ra, «Chelsi» Denni Uelbekni o'z safiga qo'shib olishni rejalashtirmoqda. Murabbiy Xabi Alonso futbolchining ham o'yin uslubini, ham yetakchilik qobiliyatini yuqori baholamoqda.

Uelbekning «Brayton» bilan amaldagi shartnomasi yana bir yilga mo'ljallangan, biroq barcha tomonlar ushbu transfer amalga oshishiga optimistik qaramoqda.

Shuningdek, Ornstein «Chelsi» hujumchilar Liam Delap va Emanuel Emega bo'yicha tushadigan takliflarni ko'rib chiqishga tayyor ekanini ta'kidladi.

Salah-Eddin jamoani tark etganidan so'ng, PSV rahbariyati chap qanot himoyasini kuchaytirish uchun yangi nomzodlarni ko'rib chiqmoqda. SoccerNews nashrining serb manbalariga tayanib xabar berishicha, klub nishonida Ugo Bueno va yosh Adam Aznu bilan bir qatorda Filip Kostich ham bor.

33 yoshli serbiyalik futbolchi avvalroq «Groningen» sharafini himoya qilgan, so'nggi yillarni esa «Yuventus»da o'tkazgan. Ayni damda erkin agent maqomida bo'lgan o'yinchi moliyaviy jihatdan PSV uchun qulay variant hisoblanadi. Biroq, futbolchiga qiziqish bildirayotgan boshqa klublar ham mavjud.