Yesper Lindstryom Germaniyaga yetib bordi. Futbolchi yaqin 48 soat ichida tibbiy ko'rikdan o'tib, shartnoma imzolashi kutilmoqda.
🛫 Yesper Lindstryom Germaniyaga uchib ketdi.
🩺 Daniyalik futbolchi yaqin 48 soat ichida tibbiy ko'rikdan o'tishi va shartnoma imzolashi kutilmoqda.
Rafael Onyedika «Ayntraxt» safiga kelib qo'shildi. Transfer summasi 9 million yevroni tashkil etadi, shartnoma 2031-yilga qadar imzolandi.
✅ Rasman: Rafael Onyedika «Ayntraxt»ning yangi futbolchisiga aylandi!
Transfer summasi - 9 million yevro. Shartnoma 2031-yilning yoziga qadar mo'ljallangan.
Willkommen! 🦅
Roberto De Zerbi Omar Marmushning o'yinini yuqori baholamoqda. Bu haqda Alasder Gold xabar berdi.
🚨 Roberto De Zerbi Omar Marmushning muxlisi hisoblanadi va hujumchining mahoratini yuqori baholaydi.
Alasder Gold xabariga ko'ra.
PSV erkin agent maqomidagi Filip Kostichga qiziqish bildirmoqda. Niderlandiya klubi tajribali serbiyalik futbolchini tarkibga qo'shib olishni rejalashtirmoqda.
PSV Filip Kostichni chap qanotni kuchaytirish uchun nomzodlar ro'yxatiga kiritdi. 33 yoshli serbiyalik futbolchi «Yuventus»dan ketganidan so'ng erkin agent hisoblanadi va Eyndxoven klubi uni tajribasi, universalligi hamda sifati sababli qiziqarli variant sifatida ko'rmoqda. Qiziqish jiddiy, ammo hozircha aniq kelishuv mavjud emas.
Kostich avvalroq «Groningen» safida to'p surgan, keyinchalik «Frankfurt», «Yuventus» va «Fenerbaxche» klublarida ta'sirli faoliyat olib borgan. Serbiya terma jamoasi safida 72 ta o'yin o'tkazgan futbolchi ham chap qanot himoyachisi, ham vinger sifatida o'ynay oladi, bu esa PSV qidirayotgan profilga mos keladi.
«Roma» qanotlarni kuchaytirish uchun yangi nomzodlarni ko'rib chiqmoqda. Antonio Nusa asosiy maqsad, ammo transfer qiymati bo'yicha muzokaralar qiyin kechmoqda.
Kastro transferidan so'ng, «Roma» yana qanotlarni kuchaytirishga e'tibor qaratmoqda.
Il Tempo, Il Messaggero va Leggo xabariga ko'ra, Antonio Nusa klubning asosiy maqsadi bo'lib qolmoqda, ammo «Leyptsig» bilan kelishuvdagi tafovut katta. «Roma» futbolchi bilan muzokara o'tkazdi va o'tgan hafta D'Amiko uning agenti bilan bevosita bog'landi. Norvegiyalik futbolchi «Roma»ga o'tish imkoniyatini istisno etmayapti, bu esa muzokaralarda muhim qadamdir. Asosiy muammo nemis klubida qolmoqda: ular 60 million yevro talab qilmoqda va yon berish niyatida emas.
Shu sababli, D'Amiko bir necha kundan beri muqobil variantlarni faol izlamoqda. Ezzalzuli va Shade bo'yicha so'rovlar natija bermadi, chunki har ikki variant ham bozor qiymatidan yuqori baholangan. Lang varianti esa umuman ko'rib chiqilmadi.
«Ayntraxt Frankfurt» futbolchisi Jan Baoyya ham klub nishonida. «Roma» uni yanvar oyidan beri kuzatib kelmoqda va uning narxi 25-30 million yevroga baholanmoqda, ammo hozircha u Nusa uchun «B rejasi» sifatida qaralmoqda. Boshqa nomzodlar qatorida Adingra va Endrik tilga olinmoqda, Diego Moreyra esa, agar «Strasbur» narxni pasaytirsa, Gasperini ro'yxatidagi favoritlardan biri bo'lib qoladi. Ustuvor vazifa aniq: chap qanotga sifatli futbolchilar kerak, Gasperini u yerga ikki yangi o'yinchi kutmoqda.
«Roma» «Leyptsig» vingeri Nusadan tashqari, Bundesliga vakillari Baoyya va Leveling nomzodlarini ham ko'rib chiqmoqda.
«Roma» «Leyptsig» tomonidan 55-60 million yevroga baholanayotgan Nusa transferiga e'tibor qaratgan. Ushbu narx avvalroq «Roma»ni cho'chitgan edi, biroq klub norvegiyalik vingerga bo'lgan qiziqishni qayta tikladi.
Shu bilan birga, «Roma» Bundesligadagi muqobil variantlarni ham ko'rib chiqmoqda: «Shtutgart» futbolchisi Jeymi Leveling va «Ayntraxt Frankfurt» vakili Jan-Matteo Baoyya.
La Gazzetta dello Sport xabariga ko'ra, Nusadan tashqari, El Mala ham «A» rejasiga kiradi, «Kyoln» futbolchi uchun 50 million yevro so'ramoqda. Jan-Matteo Baoyya ro'yxatda ikkinchi, Jeymi Leveling esa uchinchi o'rinda turibdi. «Ayntraxt» vingeri 1646 daqiqa davomida to'rtta gol urib, to'rtta golli uzatmani amalga oshirdi.
«Shtutgart»ga tegishli bo'lgan nemis vingeri barcha musobaqalarda yuqoriroq samaradorlik ko'rsatdi: 50 ta o'yinda 11 ta gol va 12 ta golli uzatma. Baoyyaning narxi 25-30 million yevroga baholanmoqda, o'ng qanotda harakat qiladigan, ammo chapda ham o'ynay oladigan Levelingning qiymati esa taxminan 40 million yevroni tashkil etadi.
Darvozabon Simon Simoni «Ayntraxt»dan Shveytsariyaning «Lyutsern» klubiga o'tdi. 22 yoshli posbon faoliyatini endi Shveytsariyada davom ettiradi.
Darvozabon Simon Simoni faoliyatini «Lyutsern» klubida davom ettiradi. ℹ️
«Kayzerslautern»dagi ijaradan «Ayntraxt»ga qaytgan 22 yoshli posbon jamoa bilan mavsumoldi tayyorgarligini boshlagandi. Biroq ko'p o'tmay, u Shveytsariya klubida ko'rikdan o'tdi va yakunda transfer rasmiylashtirildi.
Yangi klubingda omad, Simon! 🤞
Noel Aseko «Bavariya»ni tark etib, «Ayntraxt» bilan doimiy shartnoma imzoladi.
Noel Aseko «Bavariya»ni tark etdi va doimiy shartnoma asosida «Ayntraxt» futbolchisiga aylandi. ⚡
Crystal Palace himoyachi Tiago Gabrielga qiziqish bildirmoqda. Shuningdek, klub Eintracht Frankfurt vakili Artur Teate nomzodini ham ko'rib chiqmoqda.
Crystal Palace himoyachi Tiago Gabrielga qiziqish bildirmoqda.
Biroq londonliklar uchun portugaliyalik futbolchi yagona nomzod emas. Ingliz klubi Eintracht Frankfurt vakili Artur Teatega ham ko'z tikkan. Belgiyalik futbolchi uchun kurashda Beshiktosh ham da'vogarlik qilmoqda.
«Kristal Pelas» «Lechche» himoyachisi Tiago Gabriel va «Ayntraxt» futbolchisi Artur Teatega qiziqish bildirmoqda.
Orazio Accommando xabariga ko'ra, «Kristal Pelas» «Lechche» safida to'p surayotgan portugaliyalik himoyachi Tiago Gabrielni o'z safiga qo'shib olmoqchi.
Portugaliyalik futbolchi «burgutlar»ning yagona maqsadi emas. Angliya klubi «Ayntraxt» himoyachisi Artur Teatening ham harakatlarini kuzatmoqda, biroq belgiyaalik futbolchiga «Beshiktosh» ham qiziqish bildirmoqda.
«Bavariya» yarim himoyachisi Noel Aseko faoliyatini Frankfurtning «Ayntraxt» klubida davom ettirishi mumkin.
«Bavariya» dastlab Noel Aseko'ni kelasi mavsum uchun asosiy tarkibda olib qolishni rejalashtirgandi.
👀 Goretska ketganidan so'ng, u Tom Bishof bilan birga yarim himoyada o'z o'rniga ega bo'lishi va rivojlanishda davom etishi kerak edi.
Klub Aseko'ni tezda qaytarib oldi, biroq so'nggi haftalarda rejalar o'zgardi.
📊 Bunga ikki omil sabab bo'ldi: yangi futbolchi Nathaniel Braun tayanch yarim himoyachi pozitsiyasida o'ynay oladi (bu zaxira masalasini hal qildi), «Bavariya»ga esa sotuvlardan zudlik bilan mablag' kerak.
Dastlab myunxenliklar Aseko uchun 15 million yevro atrofida mablag' so'rashgan, ammo Frankfurtning «Ayntraxt» klubi bilan muzokaralardan so'ng tomonlar 13 million yevro atrofidagi kelishuvga yaqin turibdi.
📈 Transfer haqiqatga yaqinlashmoqda, tomonlar yaqin uchrashuvlarda qolgan tafsilotlarni kelishib olishadi.
📰 Kicker
Roma Ayntraxt yarimhimoyachisi Jan Uzunni o'z safiga qo'shib olishni rejalashtirmoqda. Futbolchining narxi 45 million yevro atrofida baholanmoqda.
Sifatli vingerlarni izlash faqat mashhur nomlar bilan cheklanib qolmayapti. Roma klubi e'tiborida bo'lgan futbolchilar qatorida Ayntraxt Frankfurt klubining hujumkor yarimhimoyachisi Jan Uzun ham bor. U chap qanotda ham harakat qila oladi. Yosh, qimmatbaho, ammo xalqaro maydonda eng istiqbolli iqtidorlardan biri hisoblanadi.
Gazzetta dello Sport xabariga ko'ra, D'Amiko nemis klubi va 20 yoshli futbolchining agentlari bilan bog'lanib, transfer imkoniyatlarini o'rganishni boshlagan. Futbolchining narxi taxminan 45 million yevroni tashkil etadi, ammo yaxshiroq shartlarga erishish imkoniyati mavjud. Gasperini Uzunni yoqtiradi va u Roma tarkibini kuchaytirish uchun ko'rib chiqilayotgan futbolchilar guruhiga kiradi.
Karnevali Kolo Muani transferi bo'yicha o'z fikrlarini bildirib o'tdi.
Karnevali Kolo Muani haqida:
Qachon keladi? Tezroq bo'lishiga umid qilamiz, ammo bugungi kunda bu qiyin masala.
Janluka Di Marsio xabariga ko'ra, «Yuventus» «PSJ» hujumchisi Randal Kolo-Muani sotib olish majburiyati bilan ijaraga olmoqda.
Janluka Di Marsio xabariga ko'ra, «Yuventus» 27 yoshli hujumchi Randal Kolo-Muani ijaraga olmoqda. Kelishuvga ko'ra, turinliklar futbolchini 38 million yevro evaziga sotib olish majburiyatini olishadi, shuningdek, yana 12 million yevro bonuslar ko'zda tutilgan. Hujumchi klub bilan besh yillik shartnoma imzolaydi.
«PSJ» Kolo-Muani 2023-yil yozida «Ayntraxt»dan 95 million yevroga sotib olgan edi. Shartnoma 2028-yilga qadar mo'ljallangan bo'lib, yillik amortizatsiya 19 million yevroni tashkil etadi. Uch mavsumdan so'ng futbolchining qoldiq qiymati 38 million yevroga teng.
Majburiy sotib olish sharti bitimni to'liq transfer sifatida rasmiylashtirish imkonini beradi, shu sababli «PSJ» hozirda transfer balansini nolga chiqarmoqda (38 million yevro). Barcha bonuslar faollashganda foyda sifatida hisoblanadi.
Kolo-Muani «PSJ»dagi maoshi bonuslar bilan birga yiliga 12,73 million yevroni tashkil etgan. Amortizatsiya xarajatlarining to'xtashi bilan birga parijliklar yillik xarajatlarini qariyb 31,7 million yevroga qisqartirmoqda.
«Yuventus» uchun transferning kafolatlangan qismi yiliga 7,6 million yevro amortizatsiyani tashkil etadi. Bonuslar shartlar bajarilganda xarajatlarga qo'shiladi. Futbolchining maoshi 7 million yevro (shundan 1,5 millioni bonuslar) bo'lib, bu yillik xarajatlarda jami 14,6 million yevroni tashkil etadi.
👍 Muvaffaqiyatli bitim. «PSJ» uchun asosiy yutuq – ko'proq ijaralarda yurgan futbolchi uchun qariyb 32 million yevrolik yillik xarajatlardan xalos bo'lish. «Yuve» esa A Seriyaga moslashgan va klubda o'zini ko'rsatib ulgurgan hujumchini maqbul shartlarda qo'lga kiritmoqda. 2024/25-yilgi mavsumning yarim qismida Kolo-Muani turinliklar safida 22 o'yinda 10 ta gol urishga erishdi, shu bois maksimal 50 million yevrolik sarmoya ham o'zini oqlashi mumkin. Kolo-Muani uchun ketadigan yillik xarajatlar ketgan Vlaxovichning maoshidan deyarli ikki baravar kam.
Yesper Lindstryomning «Shalke 04»ga o'tishi bo'yicha muzokaralar qayta tiklandi. Bu haqda taniqli jurnalist Janluka Di Marsio xabar bermoqda.
Yesper Lindstryomning «Shalke 04»ga o'tishi bo'yicha muzokaralar qayta tiklandi.
Italiyalik jurnalist Janluka Di Marsio xabariga ko'ra, tomonlar kelishuvga erishgan va daniyalik futbolchi tez orada Gelzenkirxenga ijaraga yo'l oladi.
Bu tekin ijara bo'lishi kutilmoqda – «Shalke 04» futbolchining maoshini o'z zimmasiga oladi.
«Roma» «Leyptsig» vingeri Antonio Nusani o'z safiga qo'shib olishni rejalashtirmoqda. Tomonlar transfer narxi bo'yicha muzokaralar olib bormoqda.
«Roma» hujumkor vinger sotib olish ustida ish olib bormoqda.
D'Amiko ro'yxatidagi asosiy nomzod sifatida Antonio Nusa ko'rilmoqda: «Leyptsig» futbolchisi mutaxassislar tomonidan yuqori baholanadi va jurnalist Alfredo Pedulla ma'lumotiga ko'ra, uning jismoniy holatida hech qanday muammo yo'q.
Bundan tashqari, norvegiyalik futbolchi Rimga ko'chib o'tishga tayyorligini bildirgan. Yakunda asosiy qiyinchilik «Leyptsig» talab qilayotgan yuqori narx bo'lib qolmoqda. «Roma» nemis klubi bilan muzokaralarni davom ettirib, moliyaviy shartlarni kelishib olishga urinmoqda va ushbu transfer g'oyasidan voz kechmayapti.
Krisensio Sammervill transferi bo'yicha muzokaralar davom etmoqda. Futbolchi hali «Roma» va «Al-Hilol» takliflari o'rtasida yakuniy qarorga kelgani yo'q.
Krisensio Sammervill transferi atrofidagi muzokaralar kutilmagan burilishlarga boy bo'lmoqda.
Fabrisio Romano xabariga ko'ra, niderlandiyalik vinger hali «Roma»ga ham, «Al-Hilol»ga ham yakuniy qarorini ma'lum qilmagan. Kechagi kun juda keskin o'tdi. Dastlab «Roma» bilan kelishuv yakunlanish arafasida turgandek ko'ringandi, biroq keyin «Al-Hilol» qat'iy qadam tashladi. Arab klubi «Vest Xem» qabul qilgan, «Roma»nikidan ancha yuqori taklif bilan chiqdi va futbolchiga uning imkoniyatlariga mos kelmaydigan darajada katta maoshli shartnoma taklif qildi. Shu lahzada «Roma» bilan kelishuv xavf ostida qolgandek tuyuldi va Sammervill Saudiya Arabistoniga yo'l oldi. Biroq, Romano futbolchi hali yakuniy javob bermaganini ta'kidlashda davom etmoqda.
Seshanbadan chorshanbaga o'tar kechasi niderlandiyalik futbolchi qaror qabul qilmadi. Shu bilan birga, «Roma» yana bir urinish qilib ko'rdi. «Jallorossi» hali ham Sammervillni «Al-Hilol» taklifini rad etib, «Roma»ning taklifini qabul qilishga ko'ndira olishiga ishonmoqda. Garchi rimliklarning taklifi moliyaviy jihatdan kamroq bo'lsa-da, u butunlay boshqacha texnik loyiha bilan bog'liq. So'nggi soatlarda Sammervill yana Jan Pero Gasperini bilan gaplashdi, murabbiy futbolchiga bosim o'tkazishda davom etmoqda. Barchasi ochiq qolmoqda: yakuniy qaror niderlandiyalik hujumchiga bog'liq, u «Al-Hilol»ning ulkan taklifi va «Roma» safida Yevropada faoliyatini davom ettirish imkoniyati o'rtasida tanlov qilishi kerak. Yakuniy qaror har qanday daqiqada qabul qilinishi mumkin.
PSV Salah-Eddin o'rniga Filip Kostichni olib kelmoqchi. Futbolchi ayni damda erkin agent maqomida.
Salah-Eddin jamoani tark etganidan so'ng, PSV rahbariyati chap qanot himoyasini kuchaytirish uchun yangi nomzodlarni ko'rib chiqmoqda. SoccerNews nashrining serb manbalariga tayanib xabar berishicha, klub nishonida Ugo Bueno va yosh Adam Aznu bilan bir qatorda Filip Kostich ham bor.
33 yoshli serbiyalik futbolchi avvalroq «Groningen» sharafini himoya qilgan, so'nggi yillarni esa «Yuventus»da o'tkazgan. Ayni damda erkin agent maqomida bo'lgan o'yinchi moliyaviy jihatdan PSV uchun qulay variant hisoblanadi. Biroq, futbolchiga qiziqish bildirayotgan boshqa klublar ham mavjud.
Noel Aseko «Bavariya»dan «Ayntraxt»ga transfer qilindi. Futbolchi faoliyatini Frankfurt klubida davom ettiradi.
Rasman: Noel Aseko «Bavariya»ni tark etdi va doimiy asosda Frankfurtning «Ayntraxt» klubiga o'tdi. ✅
Noel Futkeu Frankfurt jamoasi bilan 2031-yilning yoziga qadar mo'ljallangan shartnoma imzoladi.
Noel Futkeu Frankfurt jamoasi bilan shartnoma imzoladi 👋
Shartnoma 2031-yilning 30-iyuniga qadar mo'ljallangan.
RTI Esporte xabariga ko'ra, "Zenit" 25 yoshli Bobadilyani sotib olmoqchi, ammo "San-Paulu" futbolchi uchun 20 million yevro talab qilmoqda.
RTI Esporte xabariga ko'ra, "Zenit" 25 yoshli markaziy yarim himoyachi Bobadilyani o'z safiga qo'shib olmoqchi va buning uchun 10 million yevro taklif qilmoqda. Biroq, "San-Paulu" futbolchini qo'yib yuborishga shoshilmayapti.
Braziliya klubi vakillari futbolchi JChdagi muvaffaqiyatli o'yinlaridan so'ng narxi oshgan deb hisoblamoqda. "San-Paulu" uni sotish bo'yicha muzokaralarni 20 million yevrodan boshlashga tayyor. Ta'kidlash joizki, futbolchiga "Ayntraxt" va "Kristal Pelas" klublari ham qiziqish bildirmoqda.
"Zenit" paragvaylik futbolchini uzoq vaqtdan beri kuzatib keladi va uning mundialdagi muvaffaqiyatli ishtiroki (5 ta o'yindan 4 tasida maydonga tushgan) klubni rasmiy taklif bilan chiqishga undadi. Agar braziliyaliklar bilan kelishuvga erishilmasa, "Zenit" "Krus Asul" vakili Lirani asosiy nomzod sifatida ko'rib chiqmoqda.
Inter "Chelsi" himoyachisi Trevo Chalobah transferidan voz kechdi. Bunga "Chelsi" talab qilayotgan yuqori narx sabab bo'ldi.
"Inter" Trevo Chalobah transferidan voz kechdi. "Chelsi" futbolchi uchun kamida 35 million yevro talab qilayotgani sababli, milanliklar ushbu transferni qimmat deb hisoblashmoqda.
Pietro Guadagno xabariga ko'ra, klub ushbu variantdan butunlay voz kechgan.
Fikr qoldirish va reaksiya uchun Telegram orqali kiring.