#Maykl Karrik — yangiliklari

🗣️ Maykl Kerrik o'yindan keyin shunday dedi:

Ko'plab yaxshi jihatlar bor. Mukammallik hech qachon bo'lmaydi, biz doimo rivojlanishimiz kerak. Ammo ijobiy holatlar yetarli edi – ham individual, ham jamoaviy darajada.

Tajribali futbolchilar yaxshi holatda va formaga kirib olishgan, yoshlar esa o'zlarini ajoyib ko'rsatishmoqda.

Yigitlarning o'zaro munosabati: jamoaviy ruh va birdamlikni ko'rish juda yoqimli. Bularning barchasi tabiiy.

Hech qanday sun'iylik va soxtalik yo'q. Ularga shunchaki bir-birining kompaniyasi yoqadi, ular bir-biri uchun kurashishadi va bugun buni yana bir bor isbotlashdi.

Jey-Jey Gabriel va Jim Tueyts haqida:

Jimmi va Jey-Jey uchun bu birinchi shunday tajriba va yigitlarga bunday imkoniyatlarni bera olayotganimdan juda xursandman.

🗣️ Patrik Dorgu Maykl Kerrik qo'l ostida qanday qilib hujum chizig'iga o'tgani haqida gapirdi:

Jarohat olganimda, o'zimga avvalgidek bo'lmasligimni aytdim. Har kuni mashg'ulotlardan so'ng hujumkor elementlar ustida qo'shimcha ishladim: uzatmalar, vaziyatlarni yakunlash, havodan kelgan to'plarga zarba berish, bo'sh zonalarga chiqish — oldingi chiziq o'yini bilan bog'liq barcha narsalar ustida.

Murabbiylar doim so'rashardi: „Patrik, sen chap qanot himoyachisisan. Senga bularning nima keragi bor?“. Men esa shunchaki: „Nima kerak bo'lishini hech qachon bilmaysan“, deb javob berardim. Bir muncha vaqt o'tgach, Kerrik meni kuzata boshladi. Bir kuni u yonimga kelib dedi: „Rostini aytsam, himoyada vaqtingni behuda sarflayapsan. Bor, oldinda o'yna“.

Keyin esa hammasi juda tez sodir bo'ldi: Brunu bilan hamkorlik qila boshladim va hatto „Arsenal“ darvozasini ishg'ol qildim. Ortga nazar tashlar ekanman, o'zimni hujumchi bo'lib qoldim deb o'ylamayman. Shunchaki, murabbiy men hujumchi emasligimni aytishni to'xtatguncha mashg'ulot qildim, xolos.

Maykl Kerrik «Manchester Yunayted» yana yirik sovrinlar uchun kurash olib borishi uchun amalga oshirilishi kerak bo'lgan asosiy o'zgarishlarni belgilab berdi.

Kerrikning fikricha, «Yunayted» uchun asosiy yechimlar tarkibni to'liq o'zgartirishda emas, balki mavjud tarkibda yashiringan. U aniqroq taktik o'ziga xoslikni yaratish va barqarorlikni oshirish orqali mavjud o'yinchilardan maksimal darajada foydalanishni istaydi.

U yarim himoyani kuchaytirish, yosh futbolchilarni rivojlantirish va jamoaning o'yinni nazorat qilishga yaxshiroq tayyor bo'lishini ta'minlashga e'tibor qaratmoqda. U aqlliroq transferlar va o'yinchilarni rivojlantirishni Premer-liga yetakchi klublari bilan bo'lgan tafovutni qisqartirishning kaliti deb biladi.

Lisandro Martines Pol Skoulzning Maykl Kerrik haqidagi tanqidlariga munosabat bildirdi:

Pol ko'p narsalar haqida gapiradi. Balki men ketganimdan keyin u o'zi bu klubga murabbiylik qilar. Ishonchim komilki, u jon deb rozi bo'lardi. Muammo shundaki, hech kim unga bu ishni taklif qilmayapti.

🗣️ Ser Aleks Fergyuson «Manchester Yunayted»ning yangi mavsum oldidan o'yiniga to'xtalib o'tdi:

Maykl Kerrik «Manchester Yunayted»ni boshqara boshlaganidan beri, mening nazarimda, u muxlislarga ushbu buyuk klub murabbiyi bo'lish nimani anglatishini eslatib qo'ymoqda. U aynan muxlislar ko'rishni istaydigan futbolni olib kirmoqda. Yaxshi o'yinni kuzatish yoqimli, ayniqsa gap bunday klub haqida ketganda.

Men u bilan muxlislar va klubning o'zi nimani kutayotgani haqida gaplashdim. G'alabalar juda katta ahamiyatga ega, chunki aynan ular sovrinlar yutishga olib keladi.

Men Kerrikning loyihasiga u tayinlangan paytdan boshlab ishonganman. Bu g'alaba uning ishining yana bir tasdig'idir. Jamoa raqibga bir soniya ham tinim bermayapti va maksimal darajada agressiv taktikadan foydalangan holda doimiy bosim o'tkazmoqda.

Shu bilan birga, himoyada hech kim o'yindan chiqib ketmayapti. Bu hali boshlanishi, mavsum boshlanishiga bir necha hafta qoldi va hammasi reja asosida ketayotganini ko'rishdan xursandman.

Maykl Karrik o'yindan keyingi fikrlari bilan o'rtoqlashdi:

Jamoa hozir yaxshi holatda deb hisoblayman. Mavsum boshlanishiga to'rt hafta qoldi va tayyorgarlik jarayonida jahon chempionatida ishtirok etgan futbolchilarimiz ham asta-sekin safiga qo'shilishadi. Biz to'g'ri yo'nalishda ishonch bilan harakatlanmoqdamiz.

🚨 Maykl Karrik shogirdlarining o'yini haqida o'z fikrlari bilan o'rtoqlashdi:

Yigitlar o'z iqtidorlarini namoyish etishdi. Ikkinchi bo'limda yaxshi jihatlarni ko'rdim.

Buni ko'rganimdan xursandman, chunki aynan biz kutgan narsa shu.

Maykl Kerrik boshlang'ich tarkib haqida:

Biz birinchi navbatda o'zimizga va ushbu o'yindan nimani kutayotganimizga e'tibor qaratdik.

Bizga ma'lum bir barqarorlik kerak, o'yinchilar o'rtasidagi hamkorlikni yo'lga qo'yish, o'zaro tushunishni yaxshilash va futbolchilarga imkon qadar ko'proq o'yin vaqtini berish muhim.

Yosh futbolchilar haqida:

Ular ko'rsatgan o'yin meni haqiqatan ham hayratda qoldirdi. Shu bois ikkinchi bo'limda ularning deyarli barchasini maydonga tushirishni rejalashtirmoqdaman.

🚨 Maykl Kerrik:

"Manchester Yunayted" muxlislarini ishontirib aytamanki, jamoa bu mavsumda chiroyli va hujumkor futbol bilan to'p nazoratini o'z qo'lida ushlab turadi."

Nathan Salt, Daily Mail:

Maykl Kerrik kelasi mavsumda «Manchester Yunayted» o'yinni to'liq nazorat qilishini, maydonda ustunlikka erishib, faqat qarshi hujumlarga tayanib qolmasligini istamoqda.

🗣️ Natan Solt, Daily Mail:

Maykl Kerrik bo'lajak mavsumda jamoasi ko'proq nazorat bilan o'ynashini istamoqda.

Maykl jamoaning qarshi hujumlarga tayanib qolmasdan, o'yinni to'liq nazorat qilishini xohlaydi.

🗣️ Maykl Kerrik:

O'ylaymanki, eng muhimi – barcha futbolchilar o'yinni yaxshi holatda yakunlashdi va biz keyingi haftadagi bahsga tayyorgarlikni davom ettira olamiz.

Andrey Santosga kelsak, u Maunt bilan yaxshi hamkorlik qilib, bir nechta juda yaxshi vaziyatlarni yaratdi, deb o'ylayman. Uni qizil libosda ko'rish yoqimli bo'ldi.

Shuningdek, ikkinchi bo'limda maydonga tushgan yosh yigitlarning o'yinidan juda mamnunman.

🚨 Eksklyuziv intervyu

🎤 Korrespondent: «Maykl, Shey Leysi akademiyaning eng yorqin iqtidorlaridan biri. Unda sizga nima ko'proq yoqadi?»

Maykl Karrik: «Qo'rqmaslik. U ruxsat kutayotgandek o'ynamaydi. U to'pni xohlaydi, himoyachilarga hujum qiladi va har doim nimadir yarata olishiga ishonadi.»

🎤 Korrespondent: «Uni «Manchester Yunayted» kelajagining bir qismi deb bilasizmi?»

Maykl Karrik: «Shubhasiz. Ammo u yerga yetib borish uchun faqat iqtidorning o'zi yetarli emas. U ishlashda davom etishi, kamtar bo'lib qolishi va har kuni o'rganishi kerak.»

🎤 Korrespondent: «Shey va akademiyadagi boshqa yigitlarga qanday xabar yetkazgan bo'lardingiz?»

Maykl Karrik: «Yo'l ochiq, lekin uni munosib tarzda bosib o'tish kerak. Mashg'ulotlarda bor kuchingiz bilan ishlang, katta yoshli futbolchilar bilan raqobatlashing va xato qilishdan qo'rqmang. Shunda o'sasiz.»

🎤 Korrespondent: «Bu guruh «Manchester Yunayted»ning keyingi avlodi bo'la oladimi?»

Maykl Karrik: «Men bunga ishonaman. Shey Leysi, Chido Obi, Garri Amass, Jim Tveyts va Jey-Jey Gabriel kabi o'yinchilar aqlbovar qilmas salohiyatga ega. Mening vazifam — to'g'ri muhit yaratish, ularning vazifasi esa — o'z o'rnida ekanligini isbotlash.»

🎤 Korrespondent: «Xo'sh, ulardan nimani kutyapsiz?»

Maykl Karrik: «Men ulardan akademiya o'yinchilari kabi o'ynashlarini kutmayapman. Men ulardan «Manchester Yunayted» futbolchilari kabi o'ynashlarini kutyapman.»

Daily Mail muxbiri Natan Soltning xabar berishicha:

Manchester Yunaytedning transfer kampaniyasi hali yakunlangani yo'q.

Maykl Kerrik va uning murabbiylar shtabi hali ham yana bir yarim himoyachini tarkibga qo'shib olishni rejalashtirmoqda.

Bundan tashqari, klub Sheshkoga tushadigan yuklamani kamaytirish uchun hujumchi xarid qilishni hamda chap qanotni kuchaytirishni maqsad qilgan.

Maykl Karrik Andrey Santos haqida o'z fikrlari bilan o'rtoqlashdi:

U jamoaga juda yaxshi moslashdi, ajoyib shaxs. U bu yerda ekanligidan juda xursand, buni ko'rib turish mumkin. Unga muhitga ko'nikish va yana maydonga qaytish kerak. U biz uchun juda yaxshi o'yin ko'rsatadi.