#Yoshko Gvardiol — yangiliklari

Yoshko Gvardiol:

Mavsumoldi tayyorgarlik boshlanishini intiqlik bilan kutyapman, ayniqsa o'tgan mavsumda maydondan tashqarida qolganimdan keyin. O'ylaymanki, bu yil bor kuchim bilan harakat qilaman.

Yoshko Gvardiol «Manchester Siti» bilan shartnomasini 2031-yilning yoziga qadar uzaytirdi. ✔️⚽️

⚽️ Daily Mail xabariga ko'ra, Yoshko Gvardiol "Manchester Siti" bilan 2031-yilga qadar mo'ljallangan yangi shartnoma imzoladi.

🔵 Yangi kelishuv besh yilga mo'ljallangan bo'lib, u yana bir mavsumga uzaytirish imkoniyatini ham o'z ichiga oladi. Ushbu bandni klubning o'zi faollashtirishi mumkin.

Yoshko Gvardiol o'z kelajagi haqida gapirdi:

Yo'q. Men uchun jamoaga kerakligimni tushunish muhim. Men bu yerga shunchaki vaqt o'tkazish uchun emas, balki tarkibdagi o'rnim uchun kurashishga kelganman. Besh yillik shartnoma imzolaganimdan xursandman. Har bir inson o'z o'rni uchun kurashishi kerak...

Manchester City yosh yetakchilar bilan shartnomalarni faol ravishda uzaytirmoqda. Himoyachilar Abduqodir Husanov va Yoshko Gvardiol bilan bitimlar yangilandi, vinger Jeremi Doku esa navbatda. Ularning barchasi 2031-yilning yoziga qadar mo'ljallangan shartnomalarga imzo chekmoqda. Sport nuqtayi nazaridan tashqari, bu moliyaviy feyr-pley qoidalari doirasida yillik amortizatsiyani kamaytirish va xarajatlarni optimallashtirish imkonini beradi.

Mexanika juda oddiy: shartnoma uzaytirilganda, transfer qoldig'i yangi kelishuv muddatiga, lekin besh yildan oshmagan holda qayta taqsimlanadi.

💸 Hisob-kitoblar:

● Abduqodir Husanov 2025-yil yanvarida Lens'dan 40 million yevroga sotib olingan. Shartnoma 2029-yil yozigacha edi, yillik amortizatsiya 8,9 million yevroni tashkil etardi. 2026-yil iyuliga kelib qoldiq 26,7 million yevro bo'ladi. Uzaytirishdan keyingi yillik amortizatsiya esa 5,3 million yevroga tushadi. Yillik tejamkorlik 3,6 million yevro.

● Yoshko Gvardiol 2023-yil yozida RB Leipzig'dan 90 million yevroga olingan. 2028-yil yozigacha bo'lgan shartnoma bo'yicha yillik amortizatsiya 18 million yevro edi. 2026-yil iyulida qoldiq 36 million yevroni tashkil etadi. Uzaytirishdan so'ng yillik amortizatsiya 7,2 million yevrogacha kamayadi. Yillik tejamkorlik 10,8 million yevro.

● Jeremi Doku 2023-yil yozida Rennes'dan 60 million yevroga xarid qilingan. 2028-yilgacha bo'lgan shartnoma bo'yicha yillik amortizatsiya 12 million yevro edi, 2026-yil iyulida qoldiq 24 million yevroni tashkil etadi. Uzaytirishdan keyin yillik amortizatsiya 4,8 million yevroni tashkil qiladi. Yillik tejamkorlik 7,2 million yevro.

● Jami: Manchester City'ning yillik amortizatsiya yuki yiliga 21,6 million yevroga kamaymoqda.

👍 Asosiy jihat shundaki, bu real pul mablag'larini tejash emas, balki buxgalteriya usuli hisoblanadi. Klub butun muddat davomida baribir bir xil summani hisobdan chiqaradi, shunchaki qoldiq uzoqroq muddatga taqsimlanadi. Biroq, aynan yillik ko'rsatkich UEFA va APL moliyaviy qoidalari uchun muhim ahamiyatga ega. Garchi yangi maoshlar hisobiga xarajatlar oshsa ham, bu umumiy balans uchun foydali qaror bo'lib qolmoqda.

Yoshko Gvardiol shartnomani uzaytirish haqida o'z fikrlari bilan o'rtoqlashdi:

"Siti" shartnomamni uzaytirmoqchi ekanligini bilganim zahoti, aynan shu narsani xohlayotganimni tushundim. "Siti" muxlislari birinchi kundanoq menga juda ajoyib munosabatda bo'lishdi – klub esa o'yinchilarga mutlaqo hamma narsani taqdim etadi. Bu dunyodagi o'ynash uchun eng yaxshi klub. Bu yerda o'tkazgan vaqtim davomida katta mehr va hurmatni his qildim va buni shunchaki oddiy hol deb qabul qilmayman. Bizda ajoyib futbolchilar bor. Bu jahon darajasidagi, yosh va salohiyatga to'la jamoa. Kelgusi yillarda bizni ko'plab muvaffaqiyatlar kutayotganiga chin dildan ishonaman".