#Krishtianu Ronaldu — yangiliklari

📰 AS gazetasi direktor o'rinbosari Ronsero: «Bu yil «Madrid» hali «Santyago Bernabeu» kubogi o'yini o'tkazilishini e'lon qilmadi. Jamoa mavsumni faqat 22-avgustda boshlaydi. Nega endi bu o'yinni o'tkazmaslik kerak?!

G'oyalar ko'p. Masalan, Luka Modrich shartnomasini uzaytirgan «Milan»ga qarshi o'ynash mumkin. «Bernabeu»dagi muxlislar Lukani katta quvonch bilan kutib olishardi.

Shuningdek, Nacho o'ynayotgan «Al-Qadsiya» bilan o'ynash mumkin, u ham «Bernabeu»da xayrlashuv marosimiga loyiq.

Va albatta, «An-Nasr» bilan uchrashuv tashkil qilish mumkin. Krishtianu Ronaldu 8 yildan so'ng «Bernabeu»ga qaytadi... Bunday voqea «Bernabeu»ni uch marta to'ldirib, klub g'aznasiga yaxshigina daromad keltirgan bo'lardi.

Bundan tashqari, ushbu o'yinni yangi kelgan futbolchilar va bosh murabbiyni tanishtirish uchun ham o'tkazish mumkin edi. «Bernabeu» nihoyat to'liq ta'mirlandi: stadion bilan endi maqtansa bo'ladi va buni ko'rsatish kerak.

Ishonchim komilki, 12-avgustdan 22-avgustgacha «Santyago Bernabeu» kubogi uchun vaqt topsa bo'ladi», — deydi u.

Voytsex Shensni Krishtianu Ronalduning mashhurligi haqida gapirdi 🎙

Men unga havas qilmayman. U bor narsasining barchasiga munosib inson va men u bilan bir jamoada o'ynaganimdan faxrlanaman. Ammo men hech qachon u bilan o'rin almashmagan bo'lardim.

Mening nazarimda, uning hayoti xuddi qamoqxonadek. Garchi u muvozanatni saqlashni bilsa va farzandlari bilan sayr qilishga vaqt topsa ham. Lekin uning yelkasida juda katta yuk bor.

Turinda ijaraga olgan uyini ta'mirlayotganida, undan so'raganim yodimda: 'Krishtianu, buni nima qilasan? Axir bu yerda bor-yo'g'i uch-to'rt yil qolasan-ku.'

U menga shunday javob berdi: 'Voytsex, sen kinoga bemalol chiqa olasan, men esa uyda qolishim kerak.'

O'shanda o'ylab qoldim — haqiqatan ham, men shunchaki qalpoq kiyib ko'chaga chiqa olaman, u esa xavfsizligini ta'minlash uchun hamma narsani rejalashtirishi kerak. Hatto o'g'li bilan boulingga ham shunchaki bora olmaydi — unga uyi yonida maxsus bouling klubi kerak.

Unda pul va bunday imkoniyatlar borligi ajoyib, lekin men shunchaki o'g'lim bilan boulingga borishni afzal ko'rardim. Bu xuddi qafasdagi hayotdek...

⚽️ Edinson Kavani «Manchester Yunayted»dagi davrini shunday eslaydi:

«Manchester Yunayted»dagi vaqtim faoliyatimdagi eng faxrli sahifalardan biri bo'ldi. Kelgan ilk kunimdanoq muxlislarning mehrini, klubning ishtiyoqini va bu mashhur qizil libosni kiyish bilan bog'liq mas'uliyatni his qildim. «Old Trafford»ga har safar chiqqanimda bor kuchimni berdim, chunki «Manchester Yunayted» aynan shunga loyiq.

Har bir lahzadan zavq oldim — gollar urdim, jamoadoshlarim bilan nishonladim va klub emblemasi uchun kurashdim. Futbol tarixidagi eng buyuk klublardan birini himoya qilish sharaf edi. Muxlislar har doim o'zimni uydagidek his qilishimga sababchi bo'lishdi va ular yaratgan ajoyib muhitni hech qachon unutmayman.

Krishtianu Ronaldu qaytganida, bu klub uchun nimani anglatishini hamma tushunib turgan edi. U ushbu sport turi ko'rgan eng buyuk o'yinchilardan biri va tabiiyki, hamma narsa o'zgardi. Mening rolim boshqacha tus oldi va yakunda boshqa joyda o'z yo'limda davom etish vaqti kelganini his qildim.

Afsuslarim yo'q. Faqat hurmat, minnatdorchilik va ajoyib xotiralar qoldi. «Manchester Yunayted» doimo qalbimning to'ridan joy oladi, chunki klub, muxlislar va atrofimdagilar menga faqat yaxshilik bilan munosabatda bo'lishdi. Men boshimni baland ko'targan holda, birgalikda baham ko'rgan barcha narsalarimizdan faxrlanib ketdim.

«Manchester Yunayted» libosini kiyish imkoniyati uchun doimo minnatdor bo'laman. Bunday ajoyib klubda o'ynash haqiqatan ham buyuk davr edi va «Yunayted» bilan bog'liq barchaga kelajakda faqat zafarlar tilayman.»

Nani: «Krishtianu Ronaldu JCH-2030da ishtirok etadimi? U yerda bo'lishiga shubham yo'q. Krishtianu Jahon chempionatida o'ynash uchun maxsus parhezga o'tishini bilaman».

Turnir vaqtida uning yoshi 45 ga to'ladi. Portugaliya musobaqaga mezbonlik qiluvchi mamlakatlardan biri bo'ladi, final esa «Santyago Bernabeu»da o'tishi mumkin.

Krishtianu Ronaldu mashg'ulotlarga birinchi bo'lib kelib, oxirgi bo'lib ketishi rostmi?

Garet Beyl: Bilmayman, men oxirgi bo'lib kelardim (kuladi).

🗣️ Krishtianu Ronaldu "Manchester Yunayted" haqida:

"Agar bir kun kelib "Manchester Yunayted" egasiga aylansam, o'zgarish talab qiladigan barcha narsani o'zgartiraman. Men hali yetarlicha yoshman, ammo so'zlarimni yodda tuting... bir kun kelib men dunyodagi eng yirik futbol klublaridan birining egasi bo'laman".

Gennaro Gattuso o'z xotiralari bilan o'rtoqlashdi 👹:

Men eslaydigan barcha derbilardan eng yodi qolgani Ronaldu «Inter» safida o'ynagan vaqtlar edi. Maldini ikkimiz uni to'xtatish uchun qo'limizdan kelgan barcha ishni qilardik, ammo bu xuddi och qolgan yo'lbarsni to'xtatishga urinishdek gap edi. Har safar uni qo'riqlaganimizda, bu unga yanada ko'proq yoqayotgandek tuyulardi, xuddi biz unga aynan bizni parcha-parcha qilib tashlashi uchun kerak bo'lgan narsani berayotgandek edik.