🚨 MARCA va AS xabariga ko'ra, 16 yoshli Xorxe Dominges «Atletiko»ning mavsumoldi tayyorgarligidagi asosiy mavzulardan biriga aylandi. Yosh futbolchi murabbiylar shtabida yaxshi taassurot qoldirib, Diego Simeone ishonchini qozonmoqda.
Bo'yi 193 sm bo'lgan Dominges «Xetafe»ga qarshi o'yinda e'tiborni tortdi. U markaziy himoyachi va o'ng qanot himoyachisi pozitsiyalarida harakat qilib, xotirjam o'yin namoyish etdi.
O'tgan dekabr oyida u «Real Madrid» kabi bir qator klublarning qiziqishini qaytarish uchun o'zining ilk professional shartnomasini imzolagan edi. «Atletiko» uni ehtiyotkorlik va sabr bilan rivojlantirish niyatida.
Futbolchi ertaga «Manchester Yunayted»ga qarshi o'yinda yana bir imkoniyatga ega bo'lishdan umidvor.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!