Navbahor bosh murabbiyi Timur Kapadze jamoasining Xorazm ustidan qozongan yirik g'alabasi (5:1) haqida o'z fikrlari bilan o'rtoqlashdi.
Jamoamiz bosh murabbiyi Timur Kapadzening "Navbahor" - "Xorazm" (5:1) o'yinidan keyingi matbuot anjumanidagi fikrlari.
Neftchi futbolchilari Abrorbek Ismoilov, Asilbek Jumayev va Yovan Jokich jarohat oldi. Ularning tiklanish muddatlari ma'lum qilindi.
Afsuski, so‘nggi uchrashuvlar jamoamiz uchun nafaqat natija, balki jarohatlar bilan ham yodda qolmoqda. Hozirda bir nechta futbolchimiz tiklanish jarayonini boshdan kechirmoqda.
Abrorbek Ismoilov “Buxoro”ga qarshi bahsda o‘ng qovurg‘asidan jarohat oldi. Tibbiy tekshiruvlar xulosasiga ko‘ra, himoyachimiz taxminan bir oy davomida davolanish va tiklanish jarayonida bo‘ladi.
Asilbek Jumayev “So‘g‘diyona”ga qarshi uchrashuvda o‘ng tizzasidan jarohat olganiga qaramay, haqiqiy xarakter namoyish etib, “Navbahor”ga qarshi vodiy derbisida ham jamoasiga yordam berish uchun maydonga tushdi.
Tibbiy xulosaga ko‘ra:
o‘ng tizza bo‘g‘imi va sonning pastki qismi lat yegan;
o‘ng tizza bo‘g‘imida posttravmatik gemartroz aniqlangan.
Zarur tibbiy muolajalar amalga oshirildi, MRT tekshiruvi tayinlandi. Futbolchimizning taxminiy tiklanish muddati 7–10 kun etadi.
Yovan Jokich esa “Navbahor”ga qarshi uchrashuv oldidan chigalyozdi mashg‘ulotlari vaqtida avvalgi o‘ng Axill payi jarohatini qayta his qildi. Batafsil tekshiruvlardan so‘ng Axill payidagi muammo jarrohlik yo‘li bilan davolanishi belgilandi.
Tajribali legionerimiz yaqin kunlarda Yevropada jarrohlik amaliyotini o‘taydi. Rejaga ko‘ra, u 3–4 oy davom etadigan tiklanish jarayonidan so‘ng mashg‘ulotlarga qaytadi.
“Neftchi” PFK rahbariyati, murabbiylar shtabi, jamoa a’zolari va ko‘p sonli muxlislarimiz nomidan barcha jarohat olgan futbolchilarimizga tezroq sog‘ayib, maydonga yanada kuchliroq holatda qaytishlarini tilaymiz.
Biz bir oilamiz. Har qanday sinovdan ham birgalikda o‘tamiz. Sog‘ayib qayting, yigitlar!
2026-yilgi Jahon chempionatida ishtirok etgan o'zbekistonlik hakamlar Ilgiz Tantashev, Andrey Tsapenko va Timur Gaynullin Farg'onada taqdirlandilar.
2026-yilgi FIFA Jahon chempionatida bosh hakam Ilgiz Tantashev hamda uning hakamlar brigadasi – Andrey Tsapenko va Timur Gaynullin dunyoning eng nufuzli futbol musobaqasida muvaffaqiyatli faoliyat olib borib, O‘zbekiston futboli va hakamligi nufuzini yana bir bor yuksak darajada namoyon etdi.
Ularning xalqaro maydondagi professional faoliyati, yuksak mahorati va fidoyiligi barcha yurtdoshlarimiz uchun faxr va g‘urur manbaidir.
Ushbu yuksak yutuq munosabati bilan Farg‘ona viloyati futbol assotsiatsiyasi tomonidan hurmatli hakamlarimizga esdalik sovg‘alari topshirilib, ularning mehnati munosib e’tirof etildi.
Andijon futbol klubiga nisbatan qo'llanilgan yangi futbolchilarni ro'yxatdan o'tkazish bo'yicha taqiq bekor qilindi.
🔵 Andijon klubidan yangi futbolchilarni ro‘yxatdan o‘tkazish taqiqi olib tashlandi.
Yarim himoyachi Shohmalik Komilov Navbahor safini tark etdi. Futbolchi 1,5 mavsum davomida jamoa tarkibida 41 ta o‘yinda maydonga tushgan.
✌️ Shohmalik Komilov jamoamizni tark etdi
Ayni paytda milliy chempionatimizda davom etayotgan yozgi transfer oynasida jamoamiz tarkibida bir qator o‘zgarishlar yuz bermoqda. Jumladan, 26 yoshli mahoratli yarim himoyachi Shohmalik Komilov Navbahor safini tark etdi. Lochinlar tarkibiga qo‘shilgan Komilov ortda qolgan 1,5 mavsum davomida Superliga va O‘zbekiston kubogi bahslarida jami 41 ta o‘yinda maydonga tushib, 3 ta golga mualliflik qilgan holda, 5 ta golga assistentlik qildi.
Biz jamoamiz safida o‘tkazgan o‘yinlari uchun Shohmalik Komilovga minnatdorchilik bildirib, uning kelgusi faoliyatida omad va zafarlar tilab qolamiz.
🔵 Navbahor PFK matbuot xizmati.
Tajribali hujumchi Zabihillo O‘rinboyev Navbahor safini tark etdi. Futbolchi jamoa tarkibida 5 ta o‘yinda maydonga tushib, bitta gol urishga erishdi.
✔️ Zabihillo O‘rinboyev jamoamizni tark etdi
Ayni paytda milliy chempionatimizda davom etayotgan yozgi transfer oynasida jamoamiz tarkibida bir qator o‘zgarishlar yuz bermoqda. Jumladan, tajribali hujumchi Zabihillo O‘rinboyev Navbahor safini tark etdi.
O‘rinboyev lochinlar tarkibida 5 ta o‘yinda maydonga tushib, 310 daqiqa harakat qilib, bitta gol urdi.
Biz jamoamiz safida o‘tkazgan o‘yinlari uchun Zabihillo O‘rinboyevga minnatdorchilik bildirib, uning kelgusi faoliyatida omad va zafarlar tilab qolamiz.
🔵 Navbahor PFK matbuot xizmati.
Navbahor va Paxtakor klublari O'zbekiston Superligasi tarixida 1000-o'yinini o'tkazadigan ilk jamoalarga aylanadi.
Bugun jamoamiz O'zbekiston Superligasining 12-turidan o'rin olgan bahsni o'z maydonida OKMKga qarshi o'tkazadi.
Ma'lumki, “Navbahor” milliy chempionatimizga asos solinganidan buyon Superliganing muntazam ishtirokchisi bo'lgan ikki jamoaning biri (“Paxtakor” bilan birgalikda) hisoblanadi. Bugungi o'yin “lochinlar”ning milliy chempionatimizdagi yubiley – 1000-uchrashuvi hisoblanadi.
Shuningdek, bugun o'z maydonida “Lokomotiv”ni qabul qiladigan “Paxtakor” ham Superligadagi 1000-o'yinini o'tkazadi va ushbu ikki klub milliy chempionatimizda minglik dovonni ilk bora zabt etgan jamoalar sifatida tarixdan joy oladi.
Bo'lajak 1000-uchrashuvda vakillarimizga omad yor bo'lib, muxlislarga quvonch ulashishlariga tilakdoshmiz.
O'zbekiston milliy terma jamoasi yarim himoyachisi Jasur Jaloliddinov «So'g'diyona»ni tark etdi. Tomonlar shartnomani o'zaro kelishuvga ko'ra bekor qilishdi.
O'tgan yilgi yozgi transferlar mavsumida jamoamiz safiga kelib qo'shilgan, O'zbekiston milliy terma jamoasi a'zosi, mahoratli yarim himoyachi Jasur Jaloliddinov bilan o'zaro kelishuv asosida tuzilgan mehnat shartnomasi bekor qilindi.
Joriy mavsumda Jasur Jaloliddinov jamoamiz safida 10 ta uchrashuvda maydonga tushib, 1 ta gol va 1 ta assist muallifiga aylandi.
Jasur Jaloliddinovga jamoamiz safidagi faoliyati uchun minnatdorchilik bildiramiz hamda kelgusi faoliyatida ulkan muvaffaqiyat va zafarlar tilaymiz.
Neftchi yarim himoyachisi Yovan Jokich Finlandiyada muvaffaqiyatli jarrohlik amaliyotini o'tkazdi. Futbolchi 2-3 oydan so'ng safga qaytishi kutilmoqda.
Jamoamiz yarim himoyachisi Yovan Jokich “Navbahor”ga qarshi uchrashuv oldidan o’tkazilgan chigalyozdi mashg’ulotlari vaqtida avvalgi o’ng oyog’idagi Axill payi jarohatini qayta his qildi.
Batafsil tibbiy tekshiruvlar natijasiga ko’ra, jarohatni jarrohlik yo’li bilan davolash tavsiya etildi. Shu maqsadda futbolchimiz Finlandiyaning Turku shahriga yo’l oldi va bugun muvaffaqiyatli jarrohlik amaliyotini boshdan kechirdi.
Operatsiya reja asosida muvaffaqiyatli yakunlandi. Shifokorlar tavsiyasiga ko’ra, Yovan endilikda reabilitatsiya jarayonini boshlaydi. Rejaga muvofiq, u 2-3 oy davom etadigan tiklanish dasturidan so’ng jamoa mashg’ulotlariga qaytishi kutilmoqda.
Yovan Jokichga tezroq sog’ayib, maydonlarga yanada kuchliroq holatda qaytishini tilab qolamiz! 🟢
Nasaf klubi Superliga-2025 kashfiyoti Abbos G'ulomov hamda gruziyalik vinger Paata Gudushaurini o'z safiga qo'shib oldi.
⚽ Nasaf klubi Superliga-2025 kashfiyoti — Abbos G'ulomov hamda gruziyalik vinger Paata Gudushaurini o'z safiga qo'shib oldi.
Olimpiya terma jamoasi bosh murabbiyi Timur Kapadze jamoaning kelgusi natijalari haqida o'z fikrlarini bildirib o'tdi.
Timur Kapadze o'z fikrlari bilan o'rtoqlashdi:
O'ylaymanki, natijalarimiz yanayam yaxshi bo'ladi.
Tajribali yarim himoyachi Abbos G‘ulomov faoliyatini «Nasaf» safida davom ettiradigan bo‘ldi. Tomonlar mavsum yakuniga qadar mo‘ljallangan shartnoma imzolashdi.
Vodiy klublaridagi ishonchli va sermahsul o‘yinlari bilan tanilgan tajribali yarim himoyachi Abbos G‘ulomov faoliyatini «Nasaf» safida davom ettiradi. 🔥
Tomonlar o‘rtasida erishilgan kelishuvga ko‘ra, futbolchi mavsum yakuniga qadar jamoa sharafini himoya qiladi. Shuningdek, shartnomani uzaytirish bandi ham bitimdan o‘rin olgan.
🐲 «Ajdarlar» oilasiga xush kelibsan, Abbos!
28 yoshli yarim himoyachi Abbosjon G‘ulomov «Navbahor» bilan xayrlashdi. Futbolchi jamoa safida 1,5 mavsum davomida 48 ta o‘yinda maydonga tushgan.
Ayni paytda milliy chempionatimizda davom etayotgan yozgi transfer oynasida jamoamiz tarkibida bir qator o‘zgarishlar yuz bermoqda. Jumladan, 28 yoshli mahoratli yarim himoyachi Abbosjon G‘ulomov «Navbahor» safini tark etdi.
«Lochinlar» tarkibiga 2025 yilgi mavsumda qo‘shilgan G‘ulomov ortda qolgan 1,5 mavsum davomida Superliga va O‘zbekiston kubogi bahslarida jami 48 ta o‘yinda maydonga tushib, 15 ta golga mualliflik qilgan holda, 4 ta golga assistentlik qildi.
Bundan tashqari, Abbosjon G‘ulomov o‘tgan mavsumda O‘zbekiston Professional futbol ligasi tomonidan «Yil kashfiyoti» mukofotini qo‘lga kiritgan.
Biz jamoamiz safida o‘tkazgan yorqin o‘yinlari uchun Abbosjon G‘ulomovga minnatdorchilik bildirib, uning kelgusi faoliyatida omad hamda zafarlar tilab qolamiz. Barchasi uchun rahmat, Abbosjon!
Andijon klubi yozgi transfer oynasi doirasida Artyom Potapov, Nodirxon Ne'matxonov va Shohmalik Komilov bilan shartnoma imzolaganini e'lon qildi.
Artyom Potapov, Nodirxon Ne'matxonov va Shohmalik Komilov Andijonning yangi futbolchilari!
Yozgi seleksiyada tarkibni yanada kuchaytirish maqsadida transfer oynasi ochilganidan unumli foydalangan jamoamiz uch nafar futbolchilar bilan rasman kelishuvga erishdi. Bular – darvozabon Artyom Potapov, himoyachi Nodirxon Ne'matxonov va yarim himoyachi Shohmalik Komilov.
Artyom Potapov - 1994 yilning 28 iyun kuni Rossiyaning Orenburg shahrida tavallud topgan. Ampluasi darvozabon. Faoliyati davomida Rossiyaning Akron, Krasnodar 2, UFA 2, Mordoviya, Krilya Sovetov, SKA Xabarovsk, Xorvatiyaning Luko, Belarusning Torpedo Minks, Minsk, Qozog'istonning Qaysar, Armanistonning Alashkert va Ararat klublari sharafini himoya qilgan. U 2023 yilda yurtimizga kelgan va hozirga qadar Surxon bilan Xorazmda faoliyat olib borgan. Joriy mavsumning dastlabki qismida Artyom termizliklar safida 2 ta o'yin maydonga tushgan. Faoliyati davomida esa 231 ta o'yin o'tkazgan.
Nodirxon Ne'matxonov – 2001 yilning 14 iyun sanasida Toshkentda tavallud topgan. Ampluasi himoyachi. Paxtakor klubi tarbiyalanuvchisi. Bunga qadar u Paxtakor U21, OKMK U21, Sho'rtan, Neftchi va Surxon jamoalarida to'p tepgan. Ne'matxonov mavsumning dastlabki qismida termizliklar tarkibida 11 ta uchrashuvda maydonga tushdi. Faoliyati davomida 80 ta o'yinda ishtirok etgan.
Shohmalik Komilov – 2000 yilning 14 mart kuni Qashqadaryoda tavallud topgan. Ampluasi – yarim himoyachi. Shu kunga qadar Nasaf, Dinamo, Turon, Buxoro, Merani Martvili (Gruziya) va Navbahor klublarida faoliyat olib borgan. Joriy yilgi mavsumning dastlabki qismida namanganliklar safida 11 ta uchrashuvda maydonga tushdi va 2 ta gol muallifi va 1 ta assist qayd etdi. Faoliyati mobaynida 134 ta o'yinda qatnashgan, 17 ta gol urgan.
Ishonamizki, ushbu futbolchilar jamoamizning yangi g'alabalariga munosib hissa qo'shgan holda muxlislarning ishonchni oqlaydi.
Jamoamizning ahil oilasiga xush kelibsizlar! 👍
JCH-2026 da ishlagan o'zbekistonlik hakam Ilgiz Tantashev va uning brigadasi Farg'ona shahar hokimligi tomonidan taqdirlandi.
JCH-2026 da ishlagan Ilgiz Tantashev boshchiligidagi hakamlar brigadasi Farg'ona shahar hokimligi tomonidan taqdirlandi.
Toshkentning "Paxtakor" klubi O'zbekiston chempionati tarixida 1000-o'yinini o'tkazdi. Jamoa g'alaba va gollar soni bo'yicha rekordchi hisoblanadi.
"Lokomotiv"ga qarshi bahs jamoamiz uchun O'zbekiston chempionatidagi 1000-bellashuvga aylandi. Ulardan 672tasida "Sherlar" g'alaba qozongan. 166 o'yin durang bilan yakunlangan va 162 uchrashuvda imkoniyat boy berilgan.
Raqib darvozasiga kiritilgan to'plar soni 2197taga yetdi. Darvozamizdan 853 to'p o'tkazilgan. Jamoamiz O'zbekiston chempionati tarixida g'alaba qozonish, gol urish va ochko to'plash bo'yicha rekordchi sanaladi.
Zabihillo O'rinboyev rasman «So'g'diyona» futbolchisiga aylandi. Tomonlar mavsum yakuniga qadar shartnoma imzolashdi.
Yozgi transferlar mavsumida jamoamiz tarkibi yana bir mahoratli hujumchi bilan to'ldirildi. Zabihillo O'rinboyev rasman «So'g'diyona» futbolchisiga aylandi.
Tomonlar o'rtasida mavsum yakuniga qadar amal qiladigan mehnat shartnomasi imzolandi.
Zabihillo O'rinboyev faoliyati davomida O'zbekistonning turli yosh toifalaridagi terma jamoalari safida muvaffaqiyatli to'p surgan. Shuningdek, u O'zbekiston Superligasida 215 ta uchrashuv o'tkazib, katta tajriba to'plagan futbolchilardan biri hisoblanadi.
Zabihillo O'rinboyevga «So'g'diyona» safida omadli mavsum va yorqin g'alabalar tilaymiz!
Ruslanbek Jiyanov Navbahor klubi tarixidagi 1600-gol muallifiga aylandi.
Kecha Ruslanbek Jiyanov tomonidan kiritilgan gol Navbahor klubi tarixidagi 1600-gol sifatida tarixda qoldi.
O'zbekiston Superligasi doirasidagi navbatdagi tur uchrashuvlari Paxtakor va Navbahor klublari uchun tarixiy natijani qayd etdi.
Paxtakor hamda Navbahor kecha Superligadagi 1000-o'yinini o'tkazdi. 🟡🔵
Navbahor yarim himoyachisi Ruslanbek Jiyanov O'zbekiston Superligasi doirasidagi bahsda klub tarixidagi 1600-gol muallifiga aylandi.
O'zbekiston Superligasining 12-turidan o'rin olgan Navbahor – OKMK (2:3) bahsida jamoa yubiley – 1600-golini urdi. Ushbu golga mazkur uchrashuvning 8-daqiqasida jarima maydonchasi tashqarisidan kuchli zarba yo'llab, olmaliqliklar darvozasini ishg'ol etgan 25 yoshli yarim himoyachi Ruslanbek Jiyanov mualliflik qildi.
Shu tariqa, Jiyanov Navbahorning yubiley gollarini urgan futbolchilar ro'yxatidan joy oldi.
Biz ushbu muvaffaqiyat bilan Ruslanbek Jiyanovni tabriklaymiz.
“Navbahor” klubi O'zbekiston milliy chempionatlaridagi 1000-o'yinini o'tkazdi. Jamoa statistikasi bilan tanishing.
Jamoamiz kecha O'zbekiston milliy chempionatlari tarixidagi o'zining 1000-o'yinini o'tkazdi.
Ortda qolgan 1000 ta bellashuvda “Navbahor” 460 ta g'alaba, 220 ta durang, 320 ta mag'lubiyatni qayd etgan holda, raqiblar darvozasiga 1601 ta gol urib, o'z darvozasidan 1155 ta to'p o'tkazib yuborgan va jami 1600 ochko jamg'argan.
Jamoamizga keyingi o'yinlarda omad yor bo'lib, “Navbahor” milliy chempionatlarimizdagi umumiy statistikasini ancha yaxshilaydi, degan umiddamiz hamda bu borada “lochinlar”ga omad yor bo'lishini tilab qolamiz.
Jasur Jaloliddinov «Navbahor» klubi bilan shartnoma imzoladi.
Jasur Jaloliddinov faoliyatini «Navbahor» klubida davom ettiradi.
Mahoratli yarim himoyachi Jasurbek Jaloliddinov «Navbahor» bilan shartnoma imzoladi. Futbolchi Namanganda sovrinlar yutishni maqsad qilgan.
Jamoamiz yozgi transfer oynasidan unumli tarzda foydalanishga harakat qilmoqda. Bugun mahoratli yarim himoyachi Jasurbek Jaloliddinov «Navbahor» bilan shartnoma imzoladi. Shundan so‘ng, futbolchi klub matbuot xizmatiga intervyu berdi.
«Navbahor»dan taklif bo‘lganida, buni ikkilanishsiz qabul qildim. Bunga esa jamoaning o‘zi qatnashayotgan musobaqalarda o‘z oldiga eng yuqori maqsadlarni qo‘yganligi, qolaversa, namanganliklar tarkibida ko‘plab do‘stlarim to‘p tepishayotgani sabab bo‘ldi. Bundan tashqari, menga begona bo‘lmagan murabbiy bilan ishlash imkoniyatiga ega bo‘ldim. Ayniqsa, jamoaning muxlislari ham yurtimizdagi eng yaxshi muxlislar armiyasi hisoblanishadi. Ular doimo stadionni to‘ldirib o‘tirishadi. Tomoshabinlar bilan to‘lgan stadionda futbol o‘ynash esa har bir futbolchiga zavq bag‘ishlaydi. Yuqorida sanab o‘tilgan omillar sababli, bugun biz birgamiz.
Namanganga shunchaki futbol o‘ynagani kelmadim. «Navbahor» safida ko‘plab sovrinlar yutib, namanganlik muxlislarning qalbidan joy olish istagidaman», - dedi «lochinlar»ning yangi a’zosi Jasurbek Jaloliddinov.
Fikr qoldirish va reaksiya uchun Telegram orqali kiring.