Hull City — yangiliklari ↔ Bog'langan

📻 Cope xabariga ko'ra, «Manchester Siti» Rodri uchun 70 million yevrogacha mablag' talab qilishi mumkin.

Shu bilan birga, Ispaniya terma jamoasi sardori va Diomande transferi uchun «Madrid» tarkibdagi ayrim o'yinchilar bilan xayrlashishi kerak. Ayni damda «qaymoqranglilar» ro'yxatida 25 ta o'rin to'liq band etilgan, Mastantuono esa «Kastilya» tarkibida ro'yxatdan o'tgan.

Argentinalik futbolchining kelajagiga kelsak, u «Madrid»dan ketsa, faqat «River Pleyt»ga o'tishni istaydi. Biroq madridliklar rahbariyatiga vinger faoliyatini davom ettirishi uchun bu variant ma'qul emas.

Nima bo'lganda ham, Mastantuono «Madrid»dan sotilishi yoki ijaraga berilishi ehtimoli eng yuqori bo'lgan 3 nafar o'yinchidan biri. Asensio va Gonsalo — qolgan ikki futbolchi. Biroq ularning hech biri klubni tark etishni istamayapti.

📰 AS (XFD) ma'lumotiga ko'ra, Rodrining «Real Madrid»ga o'tishi yozda jamoaning amaldagi yarim himoyachilaridan birini sotish uchun eshiklarni ochishi mumkin.

📝 Fabrisio Romano xabariga ko'ra: «Rodri «Real Madrid»ga o'tishni mutlaq ustuvor vazifa deb bilmoqda.

«Manchester Siti» esa kutishni ma'qul ko'rmoqda, chunki ular boshqa klublar ham 30 yoshli tayanch yarim himoyachisi uchun kurashga qo'shilishi mumkin deb hisoblashadi. Biroq «shaharliklar» uchun Rodrining «qaymoqranglilar» safiga o'tish qarorini o'zgartirish qiyin bo'ladi».

⚡️ «Nyukasl» «Braga» darvozaboni Lukash Gornichekga e'tiborini qaratdi.

«Sorokalar» allaqachon Gornichek bo'yicha ma'lumot so'rashgan. Agar barcha tomonlar transferga rozi bo'lsa, kelishuv tez orada rasmiylashtirilishi mumkin.

🥈 Simon Jones

Rasman: Mett Targett «Xall Siti» futbolchisiga aylandi. ⚡️

✅ Mett Targett «Xall Siti» futbolchisiga aylandi. Tomonlar 2 yillik shartnoma imzolashdi, shuningdek, kelishuvni yana bir mavsumga uzaytirish imkoniyati ham mavjud.

Futbolchi «Nyukasl»dan erkin agent sifatida o'tmoqda. Xush kelibsiz, Mett!

✍️ Mayk Uayt xabariga ko'ra, Xidemasa Morita "Xall Siti" safiga o'tadi.

31 yoshli yaponiyalik yarim himoyachi klubga erkin agent sifatida qo'shiladi. Avvalroq futbolchining "Ipsvich"ga o'tishi mumkinligi haqida xabarlar tarqalgan edi.

🤩 Hull Live xabariga ko'ra, "Olimpiakos" darvozaboni Konstantinos Tsolakis yozgi transferlar oynasida "Hall Siti"ning asosiy maqsadlaridan biriga aylandi. Klub raqobatchilarni ortda qoldirish uchun kelishuv ustida ishlamoqda.

23 yoshli yunonistonlik posbon Premer-liga klublari e'tiborida. Biroq "Hall Siti" transferni amalga oshirish uchun yaxshi imkoniyatga ega deb hisoblamoqda, chunki manbalarga ko'ra, futbolchining o'zi ham Premer-ligaga o'tishga qarshi emas.

Muzokaralar qizg'in pallada va kelishuvga tezroq erishish uchun ishlar olib borilmoqda.

Tsolakisning shartnomasi kelasi yozda yakuniga etadi va yunon klubi darvozabonni sotishga qarshi emasligi aytilmoqda.

📻 Cope xabariga ko'ra, Joze Mourinyu «Real Madrid» rahbariyatiga 194 santimetr bo'yli hujumchi Espi transferini shaxsan taklif qilgan. Aynan murabbiyning tavsiyasidan so'ng «qaymoqranglilar» 21 yoshli futbolchini o'z safiga qo'shib olish bo'yicha ish boshlashgan. Qiziqarlisi, Espi bugun «Madrid» bilan mashg'ulotlarga kirishadi.

📝 Fabrisio Romano ma'lumotiga ko'ra: «Real Madrid» Espi bilan shaxsiy shartnoma shartlarini 5 daqiqa ichida kelishib oldi.

📺 Marsiel (DAZN sharhlovchisi): «Espi menga «Madrid» uchun Gonsalodan ko'ra qiziqarliroq hujumchi bo'lib tuyulmoqda. U ham jismoniy holati, ham o'yin uslubi bo'yicha jamoaga mos keladi. «Qaymoqranglilar»ga aynan shunday profildagi hujumchi yetishmayotgan edi».

📰 R. Martin (AS jurnalisti) yozishicha: «Espi payshanba kuni ertalab «Xall Siti»ga o'tish uchun chamadonlarini yig'ayotgan edi, kun yakunida esa «Bernabeu»dagi ilk goli haqida orzu qila boshladi. Hayot ba'zan shunday kutilmagan burilishlar qiladi...»

Karlos Espining 2025/26 yilgi mavsumdagi eng yaxshi harakatlari:

Video

Fabrisio Romano xabariga ko'ra, Espi "Real Madrid"ga o'tishni orzu qilmoqda.

"Xall Siti" va "Brayton" hujumchining shartnomasida ko'rsatilgan 25 million yevro miqdoridagi tovon pulini to'lashga tayyor, ammo futbolchining o'zi "qaymoqranglilar" uning transferini yakunlashini kutmoqda.

📰 AS xabariga ko'ra, "Real Madrid" Joze Mourinyuning shaxsiy iltimosiga binoan sof "to'qqiz raqam" pozitsiyasida o'ynaydigan hujumchini sotib olishga qaror qildi. Klub yulduz futbolchi emas, balki gol urish qobiliyatiga ega va raqib jarima maydonchasida yaxshi harakatlana oladigan ishonchli zaxira hujumchisini qidirmoqda.

Shu sababli, "Real Madrid" "Levante" hujumchisi Karlos Espini tarkibga qo'shib olish imkoniyatini jiddiy ko'rib chiqmoqda. 21 yoshli futbolchi "Xall Siti"ga o'tish arafasida edi, ammo "qaymoqranglilar"ning qiziqishi haqida bilganidan so'ng muzokaralarni to'xtatdi. "Real Madrid" allaqachon Espi va valensiyaliklar klubi vakillari bilan bog'langan. 194 santimetr bo'yli ispaniyalik futbolchining shartnomasida 25 million yevro miqdoridagi tovon puli ko'rsatilgan.

📰 Rubiano: "Gonsaloni 40 millionga sotib, keyin Espini 25 millionga sotib olish ahmoqlik".

📰 Superdeporte ma'lumotiga ko'ra, hozirda erkin agent maqomida bo'lgan Xoselu La Ligadan o'ziga yangi jamoa topmoqchi.

📰 B. Fernandes xabariga ko'ra, "Real Madrid" hujumchi sotib olishni ko'rib chiqayotgan bo'lsa-da, Mourinyu Endrikning o'yin darajasini kuzatmoqchi. 20 yoshli braziliyalik futbolchi murabbiyning ishonchini qozonish uchun ta'tilini 2 kunga qisqartirdi. U "Real Madrid"da qolishni istamoqda.

🚨 "Nyukasl" darvozabon Lukas Gornichek haqida xabardor va uni yuqori baholamoqda, biroq 24 yoshli posbon bo'yicha hozircha rasmiy takliflar kiritilmagan.

Ma'lumotlarga ko'ra, chexiyalik darvozabonning shartnomasida 30 million funt sterling miqdoridagi tovon puli ko'rsatib o'tilgan. O'yinchi Premer-liganing bir nechta klublari qiziqishiga sabab bo'lmoqda va u allaqachon "Xall Siti"ning taklifini rad etgan.

"Nyukasl" yozgi transferlar oynasida yana bir darvozabonni o'z safiga qo'shib olishi mumkin. Avvalroq klub "Reyms"dan Even Jauenni xarid qilgan edi.

Keith Downie

🩺 Tsolakis bugun "Hull"ga o'tish oldidan tibbiy ko'rikdan o'tadi. Shartnoma 4 yilga mo'ljallangan.

✅ Rasman: Xidemasa Morita «Hall Siti» futbolchisi.

31 yoshli yarim himoyachi «Sporting»dan erkin agent sifatida klub safiga qo'shildi. Tomonlar 2 yillik shartnoma imzolashdi, shuningdek, uni yana bir mavsumga uzaytirish imkoniyati ham mavjud. Xush kelibsiz!

Hull Live nashri "Xall Siti" klubi atrofidagi so'nggi transfer yangiliklarini jamladi:

◉ "Xall Siti" xorvatiyalik vinger Marko Pashalich bilan shartnoma imzolashi kutilmoqda.

◉ "Charlton Atletik" Abu Kamarani o'z safiga qo'shib olmoqchi. "Portsmut" ham futbolchiga qiziqish bildirmoqda.

◉ "Xall Siti" Premer-ligadan tajribali yarim himoyachi bilan muzokara olib bormoqda. Futbolchining o'zi "yo'lbarslar" safiga o'tishga tayyor va klub uni qo'lga kiritishiga ishonchi komil.

◉ "Xall Siti" "Manchester Yunayted" bilan Tobi Kolierni doimiy asosda sotib olish bo'yicha muzokara o'tkazmoqda. Futbolchi hozirda yaxshi formada va "MYu"ning mavsumoldi yig'inlarida ishtirok etmoqda.

◉ "Xall Siti" Konstantinos Tsolakis va Eliot Strud transferlarini yakunlashi kutilmoqda.

◉ "Xall Siti" va Sergey Yakirovich Jo Gelxardni jamoaga qaytarish niyatida. Futbolchi "Lids"ning AQShdagi yig'inlariga jalb etilmadi.

◉ "Xall Siti" Kevin Danua bo'yicha "Oser" bilan muzokaralarni davom ettirmoqda, biroq hozircha bu transfer amalga oshmasligi mumkin.

◉ Abdulkadir Omur va Enis Destan mavsumoldi yig'inlarida Sergey Yakirovichda yaxshi taassurot qoldirib, "Xall Siti"ning Premer-liga uchun qaydnomasiga kirish imkoniyatiga ega bo'ladi.

◉ Franyo Ivanovich klub nishonida, ammo "Benfika"ning moliyaviy talablari juda yuqori.

Xidemasa Morita tibbiy ko'rikdan o'tdi va bugun «Hall Siti» bilan shartnoma imzoladi.

🤩 Hull Live:

«Hull City» Konstantinos Tsolakis bilan shartnoma imzolashga yaqin. Ma’lumotlarga ko’ra, «Yo’lbarslar» muzokaralardagi ijobiy o’zgarishlardan so’ng 23 yoshli darvozabonni o’z safiga qo’shib olish bo’yicha yirik bitimni yakunlash arafasida. Kelishuv kelasi hafta boshida rasmiylashtirilishi mumkin.

Yevropa matbuotida klubning Joshu Vagnoman va Entoni Musabaga bo’lgan qiziqishi haqidagi xabarlar haqiqatga to’g’ri kelmaydi.

Oskar Sambrano dushanba kuni jamoa Sloveniyadagi yig’inga jo’nab ketayotgan vaqtda «Hull» safiga qo’shilishi kutilmoqda.

Elliot Stroud bilan bog’liq bitim shu dam olish kunlari yakunlanishi kerak.

Yuqoridagilardan tashqari, «Hull» Fransiya Liga 1 vakili bo’lgan ikki nafar futbolchini qo’lga kiritishga yaqin, biroq muzokaralar xavfsizligini ta’minlash maqsadida ushbu o’yinchilarning nomlari sir saqlanmoqda.