Mash`al — yangiliklari ↔ Bog'langan

Superliga 15-turidan o'rin olgan "Mash'al" – "So'g'diyona" (1:3) uchrashuvidan keyin "So'g'diyona" bosh murabbiyi Ulug'bek Baqoyev matbuot anjumanida ishtirok etdi.

— O'yin haqidagi fikringiz?

— Fikr aytmasdan ketsa ham bo'ladi-ya (kuladi). Xo'sh, nimadir aytishning o'zi mushkul. 1:3 hisobida imkoniyatni boy berdik. Haqli mag'lubiyat bo'ldi, himoyada bunaqa o'yin ko'rsatmasligimiz kerak edi. Hozir nimadir orzu qila olmaymiz, ishlashda davom etamiz, oldimizda boshqa variant yo'q. Raqibni g'alaba bilan tabriklayman. Bugun g'alaba qozonganimizda bu biz uchun olti ochkoga teng bo'lardi. Lekin afsus...

— Bugun asosiy gollarni Lyupcho Doriyev urdi.

— Nega shunday bo'lganini Doriyevning o'zidan so'rash kerak. U yaxshi futbolchi. Agar unga jarima maydonchasi yaqinida zarba yo'llash imkonini bersangiz, odatda gol bilan tugaydi. Boshqalar ura olmadi, lekin Doriyev urdi.

— Azizbek Choriyevning o'yini haqidagi fikringiz?

— Markaziy himoyada muammolar borligi sabab shu futbolchini o'ynatdik. O'rinbosarlarimizdan to'rt nafari muntazam asosiy tarkib bilan shug'ullanib kelyapti. Xolmatovni, Choriyevni ko'rdingiz. Tez orada boshqa o'yinchilarni ham ko'rasiz. Choriyev himoyada zo'r o'ynadimi? Yo'q. Lekin birinchi o'yini bo'lgani uchun yomon emas.

— Ibrohimovning jarohati haqida?

— U tizzasidan jarohat oldi va tez orada sog'ayib safimizga qaytadi deb umid qilib qolamiz.

— "Bunyodkor" mablag' yo'qligi sabab safar o'yiniga bora olmadi. "Mash'al"da ham moliyaviy qiyinchiliklar bor. Klubning boshiga "Bunyodkor" holati tushmasmikin?

— "Bunyodkor"dagi vaziyatni to'liq bilmayman. Bizda esa holat boshqalar kabi, qariyb yarim yildan beri maosh olmayapmiz. "Bunyodkor" o'yinini boshqa kunga qoldirish imkoniyati ko'rib chiqilsa bo'lardi, yanayam aniqini bilmadim. Hammamiz vaziyat o'nglanishiga umid qilyapmiz. Superliganing yarim jamoasida qiyinchilik bor deb o'ylayman. Tez orada hammasi joyiga tushsa kerak.

OKMK hamda "Mash'al" o'rtasidagi Superliganing 14-tur o'yini (2:1) yakunlangach, mezbonlar ustozi Mirjalol Qosimov matbuot anjumanida ishtirok etdi.

Intizomli himoyaga ega bo'lgan jamoaga gol urish qiyinroq.

Ifeanyi Ifeanyi "Mash'al" jamoasiga qaytdi. 🔵

Sergey Lushan Mash'al klubidagi moliyaviy holat haqida to'xtalib o'tdi:

Bu mavzuda yigitlar bilan ko'p gaplashdik. Hammada pulga ehtiyoj bor, ammo hozircha kelishmovchiliklar yo'q. Vaziyat o'nglanishiga umid qilamiz.

Pul yetarli bo'lsa, sifatli futbolchilar ham shunga yarasha bo'ladi. Pul bo'lmasa chempionat sifati pasayadi. Har yili qaysidir jamoada maosh kechikadi. Hozir vaziyat juda og'irligini tushunib turibman. Yigitlar menga kelajak uchun ishlashga va'da berishdi.

Superliganing 13-turidan o'rin olgan Mash'al hamda Nasaf o'rtasidagi bahsdan (1:1) so'ng Ro'ziqul Berdiyev matbuot anjumanida ishtirok etdi.

Ro'ziqul Berdiyev: Har qanday holatda jamoaga yordam berishga tayyorman, bu mening uyim.

Ro'ziqul Berdiyev: “Raqib chuqib chuqib chuqib chuqib chuqur va zich himoyalandi. Hisobda oldinda bo'lganimizda, ular ochilishga majbur bo'lardi. Natija raqibni qoniqtirgani uchun bor e'tiborni himoyaga qaratib, qarshi hujumlarni kutib o'ynadi”.

- “Nasaf” o'tgan yili “Mash'al”ga mag'lub bo'lgandi. Nega aynan Muborak jamoasi bilan shunday bo'lyapti?

- “Mash'al” har yili biz bilan katta ishtiyoq bilan o'ynayapti. O'tgan yili mag'lub bo'lgandik, bu safar durang… Keyingi bahsda yutamiz.

- Birinchi davradagi “Mash'al” bilan hozirgi “Mash'al”ni farqi bormi?

- Jamoa yangi murabbiy bilan himoyada tartibliroq o'ynashga harakat qilyapti. Ular 5-4-1 sxemasidan foydalanishyapti. Jamoa kerak bo'lsa 7 kishi bo'lib himoyalanyapti va buni to'g'ri qaror deb hisoblayman. Chunki ularga ochko suv va havodek zarur. Bugun biz birinchi gol urganimizda, oldinroq aytganimdek “Mash'al” ochilishga majbur bo'lardi, ammo o'yin ularning rejasi bo'yicha ketdi.

- Bugun “Nasaf”ga Yusuf Otubanjo yetishmadi deb o'ylaysizmi?

- Albatta, uning yordami tekkan bo'lardi. Yaxshi vaziyatlarga ega bo'ldik, ulardan foydalana olganimizda hamma narsa boshqacha bo'lardi.

- Jamoaning bu mavsumdagi maqsadlari qanday?

- Oldimizda chempionlik vazifasi yo'q, lekin mavqeimizga yarasha o'ynashimiz, natija ko'rsatishimiz kerak.

- Alibek Davronov bugun odatdagidan oldinroqda o'ynadi…

- Zich himoyani havodan uzatilgan paslar orqali yengib o'tmoqchi bo'ldik. Davronov bosh bilan yaxshi o'ynaydi. Shu yo'l bilan muammoni yechishga urindik, operatsiyadan so'ng holati kutilganidek bo'lmagani sabab u o'zini ko'rsata olmadi. Bu tavakkal edi.

- Salbiy natijalardan so'ng tanqidlar, muxlislarning noroziliklari bo'lishi tabiiy. Ijtimoiy tarmoqlarni kuzatmayman degansiz, ammo hozirgi davrda bularni payqamaslikning iloji yo'q. Shunday vaziyatlardan qanday chiqib ketasiz?

- Murabbiy bunday narsalarga ruhan tayyor bo'lishi kerak. Bu narsalar istalgan murabbiy bilan ro'y berishi mumkin. 2024 yil yakunlanganda rahbariyatdan tanaffus olishni so'ragandim. Hech qayerga ketmayman, klubda boshqa lavozimda ishlashga roziman degandim. Ammo menga 10 kun dam berishgandi. Hozirgi vaziyatda ham hech narsadan nolimayman. Men shu yerlikman, bu meni uyim. Har qanday holatda jamoaga yordam berishga tayyorman.

- O'tgan safar futbolchi olishimiz kerak degandingiz, ammo qaysi chiziqligini aytmagansiz. Izohlarda “Jamoaning imkoniyati bormikin?” degan savollar ko'p bo'lgan.

- Imkoniyatimiz haqida biror narsa deya olmayman. Hammasi shu ruhda davom etsa, balki imkoniyatimiz nolga teng bo'lib qolar. Vaziyat yaxshilanishiga umid qilaman. Bizga qanotlarda va hujumda yaxshi futbolchilar kerak.

- Akram Afif “Nasaf”ga kelishi borasida mish-mishlar tarqaldi. Bu haqiqatmi?

- Afif kelmasligi aniq. Uning maoshini ba'zi Yevropa jamoalari ko'tara olmaydi. Ma'lumot haqiqatga to'g'ri kelmaydi.

Sergey Lushchan: “Deyarli 90 daqiqa himoyalandik va buni yaxshi uddaladik deb o'ylayman. Hozir himoya ustida ishlayapmiz. Birinchi davrada ko'p gol o'tkazib yuborganmiz, o'yin avval himoya orqali quriladi. Bu endi ikkinchi o'yinimiz. Jamoa talablarimizni qanday qabul qilayotganidan mamnunman. Natijadan ko'nglim to'ldi, chunki hozirgi holatda har bir ochko juda muhim.

- Jamoa Superligada jon saqlab qolishi uchun qanday ishlarni amalga oshiryapsiz?

- Asosiy vazifam: Yangi jamoa yaratish. Mashg'ulotlardagi harakatlar bo'yicha tarkib tuzayapmiz. Yaxshi yosh futbolchilar bor.

- Ikkinchi bo'lim boshida zaxiradan darvozabonni maydonga tushirdingiz…

- To'xtaboyev yaxshi o'ynadi, darvozabonda ishonch bo'lishi kerak. Rusanov to'pga chiqishlarda yaxshi ekanligini ko'rgandik, shu sababli uni o'yinga tushirishga majbur bo'ldik. Ko'rganingizdek u o'zini ko'rsata oldi.

- Jamoa 4 oydan beri maosh olmayapti. “Mash’al”dagi ichki muhit qanday?

- Bu mavzuda yigitlar bilan ko'p gaplashdik. Har yili qaysidir jamoada maosh kechikadi. Ayni damda vaziyat juda og'irligini tushunib turibman. Yigitlar menga kelajak uchun ishlashga va'da berishdi. Pul hech qaerga ketmaydi, ammo hammada pulga ehtiyoj bor. Hozircha kelishmovchiliklar yo'q. Vaziyat o'nglanishiga umid qilamiz. Pul yetarli bo'lsa, sifatli futbolchilar ham shunga yarasha bo'ladi. Pul bo'lmasa chempionat sifati pasayadi, JChga chiqish imkoniyatlarimiz ham kamayishi tabiiy.

- Jamoa bu mavsum Superligada jon saqlab qolsa, kelasi mavsum chempionlik uchun da'vogarlik qilishi mumkinmi?

- Chempionlik uchun har tomonlama yaxshi holatda bo'lishimiz kerak. Moliyaviy jihatdan, mashg'ulotlarda. Selektsiya… Har bir jamoaning eng kuchli futbolchilarini jalb qilishimiz lozim.

- Hozirgi tarkib sizni qoniqtiryaptimi? Bu tarkib bilan ligada jon saqlab qola olasizmi?

- Bu savolga 5-6 turdan so'ng javob bera olaman. Hozir bor futbolchilar bilan itdek shug'ullanyapmiz. Hamma borini berib ishlasa, vazifani uddalay olamiz.

Mash'al chernogoriyalik markaziy himoyachi Drago Bumbar bilan mehnat shartnomasi imzoladi.

28 yoshli futbolchi 1997 yil 10 noyabrda Chernogoriyaning Kotor shahrida tavallud topgan. Uning bo'yi 193 santimetr bo'lib, asosan markaziy himoyachi sifatida harakat qiladi. Zarur holatlarda o'ng qanot himoyasida ham o'ynay oladi. O'ng oyoqli futbolchi jismoniy kuchi, havodagi kurashlardagi ustunligi va ishonchli himoyaviy harakatlari bilan ajralib turadi.

Faoliyati davomida Chernogoriya, Serbiya va Albaniya chempionatlarida to'p surgan Bumbar so'nggi mavsumlarda Chernogoriya Premer-ligasining Bokel klubi sharafini himoya qildi. U professional faoliyati davomida 165 ta rasmiy uchrashuvda maydonga tushgan.

Drago Bumbarning xalqaro tajribasi va himoya chizig'idagi barqaror o'yini Mash'alning yangi mavsum oldidan oldiga qo'ygan vazifalarini bajarishda muhim ahamiyat kasb etishi kutilmoqda.

Mash'al futbol klubi Drago Bumbarga muboraklik tilaydi va jamoamiz safida omadli o'yinlar, yorqin g'alabalar hamda muvaffaqiyatli faoliyat tilab qoladi!

Superliganing 12-turi doirasida "Mash'al" - "Qo'qon-1912" (1:0) uchrashuvidan keyin mezbonlar bosh murabbiyi Sergey Lushchan matbuot anjumanida ishtirok etdi.

Ikkala jamoa uchun ham og'ir o'yin bo'ldi. Bugun issiq sababli biroz qiynaldik. Yigitlar ko'rsatmalarimizni bajara olishdi. Hali yigitlar bilan tanishish jarayonidaman. Biz boshqacharoq futbol namoyish qilmoqchi edik va buni bugunoq ko'rsatmoqchi bo'lgandik. Yigitlarni g'alaba bilan tabriklayman. Bunga munosib edik.

- Jamoaga yangi legioner darvozabon olingan, biroq u bugun ko'rinish bermadi.

U kechagina jamoaga qo'shildi va shu sababli uni qaydnomaga kiritishni istamadik. Barchaning o'z vaqti keladi. Hali oldinda 18 o'yin bor. Barcha futbolchilarga imkoniyat beraman, deb ayta olmayman. Vazifamiz juda og'ir. Ikki qadam oldinga tashlash uchun bir qadam ortga tashlashga majburmiz. Futbolchilarning holatiga qarab tarkib tuzishga harakat qilamiz. O'yin sifatini birdaniga o'zgartirib tashlay olmaymiz. Hozircha jamoa "koma" holatida emas.

- Tahlillarsiz ishlash qiyin. "Mash'al" birinchi davrada umuman g'alaba qozona olmadi. Buning sababi nimada deb o'ylaysiz?

Buni imkonsiz deb hisoblardim. Buni tushuntirish juda qiyin. Bunda futbolchilarni ham, murabbiylar shtabini ham ayblasak bo'ladi. Jamoa 11 turda ochko ololmadimi, demak, tizimda nosozlik bor. Bunda faqatgina murabbiylar shtabini ayblab bo'lmaydi. Futbolchilar ham mas'uliyatni bo'yinlariga olishlari kerak. Murabbiy qilib meni tayinlashganidan keyin menga ham bu qiziq bo'ldi. Endi ishlarda o'zgarishlar qilish kerak.

- Odatda autsayder jamoalarda ishlamagansiz. Bu yerda ishlashingiz uchun nima turtki berdi va vazifalar qanday?

Tabiiyki, ilk vazifamiz - Superligada qolish. Buni uddalasa bo'ladi, biroq bilasiz, bu juda qiyin. Ilojsiz ishning o'zi yo'q. Ikkinchi vazifa esa - yangi jamoa qurish. Eng avvalo ushbu yigitlar orqali raqobatbardosh jamoa shakllantirish va maqsadlarga erishish. Buning uchun yigitlarning sifatlarini oshirish, yaxshilash kerak. Bu yerga kelishimdan oldin eng katta savol futbolchilarning sifatiga bo'lgandi. Bugun ko'rindiki, ular kar-soqov emaslar. Hali oldindagi o'yinlarni ko'rishimiz kerak. 4 kundan keyin bizni yana o'yin kutib turibdi. Agarda ishlar shunday yaxshi ketsa, hech nimani o'zgartirmaymiz va yangi futbolchilar izlamaymiz.

- "Mash'al"ning legionerlar bilan ishlash salohiyatini qanday baholaysiz.

Hozircha hech nima deya olmayman. Chunki bu yerda ko'p ham ishlayotganim yo'q.

Muborakning Mashal futbol klubi yangi mavsum oldidan tarkibini kuchaytirishda davom etmoqda. Klub rossiyalik darvozabon Vladislav Rusanov bilan mehnat shartnomasi imzoladi.

24 yoshli posbon 2001-yil 1-avgust kuni Rossiyaning Sankt-Peterburg shahrida tug'ilgan. Uning bo'yi 2,00 metr bo'lib, darvozabon pozitsiyasida harakat qiladi.

Futbolchilik faoliyati davomida Belarusning Energetik-BGU hamda Rossiyaning Leon Saturn jamoalari sharafini himoya qilgan. So'nggi ikki yarim mavsumda Leon Saturn safida 50 dan ortiq rasmiy uchrashuvda maydonga tushib, o'zini ishonchli darvozabon sifatida namoyon etgan.

Mashal futbol klubi Vladislav Rusanovni jamoamiz safiga qo'shilgani bilan tabriklaydi va unga Muborakdagi faoliyati davomida omad, mustahkam sog'liq hamda yorqin g'alabalar tilaydi.

Muborakning «Mash'al» futbol klubi Superliga ikkinchi davrasi oldidan tarkibni kuchaytirish ishlarini davom ettirmoqda. Jamoa o'zbekistonlik himoyachi Bobirjon Asqarov bilan shartnoma imzoladi.

27 yoshli futbolchi 1999-yil 2-sentabrda Toshkent shahrida tavallud topgan. U asosan markaziy himoya chizig'ida harakat qiladi, zarurat tug'ilganda tayanch yarim himoyachisi sifatida ham samarali o'ynay oladi. Shuningdek, u O'zbekiston U-23 terma jamoasi safida ham to'p surgan.

Futbolchilik faoliyati davomida Asqarov «Paxtakor» va «Lokomotiv» klublari sharafini himoya qilgan. U «Paxtakor» safida O'zbekiston Superligasi chempioni va mamlakat Kubogi sohibi bo'lgan. Shuningdek, «Lokomotiv» bilan Pro-liga chempionligini qo'lga kiritgan.

Markaziy himoyadagi tajribasi va g'oliblik ruhi bilan jamoamizga katta foyda keltirishiga ishonamiz. Xush kelibsiz, Bobirjon Asqarov! «Mash'al» safida omad va yorqin g'alabalar tilaymiz!

O'yin haqida fikringiz?

Uchrashuvni yaxshi boshladik, tezkor vaziyat sodir etib gol urdik. Ikkinchi taym boshida ham tezkor to'p kiritdik, uchinchi golni urganimizdan so'ng yengil o'yinga o'tdik. Shundan so'ng "Mash'al" ham o'z imkoniyatidan foydalandi. Raqib qanotlar orqali qarshi hujumda o'ynashini bilardik va shunga ko'ra hozirlik ko'rgandik. Ikkita ketma-ket mag'lubiyatdan so'ng yutib olganimiz yaxshi bo'ldi. Futbolchilarimiz ruhi ko'tarildi, turnir jadvalida o'z mavqeimizni yaxshilab oldik. Jamoamiz muxlislarini g'alaba bilan tabriklayman.

"Mash'al"ning hisobga olinmagan golida yon hakamga ko'p e'tiroz bildirdingiz va natijada sariq kartochka oldingiz. Nima uchun aynan qanot hakamiga ko'p e'tirozlar bo'ldi?

Menga holat shunday ko'rindiki, "Mash'al"ning hujumi paytida raqib o'yinchisi to'pni qo'li bilan o'ynadi. Bu vaziyatda o'yinni to'xtatish kerak bo'ladi, lekin bahs davom ettirildi va "Mash'al" gol urdi. Shu bois men hakamga o'z fikrimni aytdim.

Maydonga yoshlarni o'yin tugashiga kam vaqt qolganida tushirdingiz. O'yin amaliyoti uchun bu kamlik qilmaydimi?

Superligada o'ynash uchun avvalo buni isbotlash kerak. Biz murabbiylar futbolchilarni kuzatib boramiz va shunga qarab ularning maydonda harakat qilishini belgilaymiz. Kim nimaga loyiq bo'lsa, shuni oladi. Shuning uchun bugun ba'zilarga dam berdik, ba'zilar ko'p o'ynadi, ba'zilar kam. Bu borada ish ketyapti. To'g'ri, hamma ko'proq o'ynashni xohlaydi, lekin har bir xato golga olib kelishi mumkin. Shu bois har qanday raqibni hurmat qilgan holda o'yin ko'rsatamiz. Shuningdek, tavakkal qilishni xohlamayman.

Doriyevning klub bilan qancha muddat shartnomasi bor va kelasi yil ham jamoada qoladimi?

Doriyev yaqinda klub bilan shartnomasini uzaytirdi. Adashmasam, uch-to'rt yilga uzaytirdi. Uning o'yinga o'zini bag'ishlashi, mahorati bizga qo'l kelyapti. Doriyev ko'zi yonib futbol o'ynaydi. Shu qatorda yoshlarga o'rnak bo'lib kelyapti va legioner sifatida maydonda o'zini namunali tuta olyapti.

Superliga 15-turidan o'rin olgan "Mash'al" – "So'g'diyona" (1:3) uchrashuvidan keyin "Mash'al" bosh murabbiyi Sergey Lushchan matbuot anjumanida ishtirok etdi.

Sergey Lushchan: "Agar g'alaba qozonganimizda bu biz uchun olti ochkoga teng bo'lardi".

Muborakning «Mash'al» futbol klubi tarkibini tajribali futbolchi bilan kuchaytirishda davom etmoqda.

Nigeriyalik yarim himoyachi Ifeanyi Ifeanyi klubimiz bilan 2026-yil yakuniga qadar mo'ljallangan yarim yillik shartnoma imzoladi.

30 yoshli futbolchi markaziy yarim himoya chizig'ida harakat qiladi. Shuningdek, u hujumkor va tayanch yarim himoyachi pozitsiyalarida ham o'ynay oladi. Ifeanyi Nigeriya milliy terma jamoasi safida ham to'p surgan tajribali futbolchi hisoblanadi. Futbolchilik faoliyati davomida «MFM», «Akwa United», Jazoirning «ES Setif», Iroqning «Newroz» va «Al-Najaf», shuningdek, O'zbekistonning «Qizilqum» klublarida faoliyat olib borgan.

Ifeanyi Ifeanyi «Mash'al» uchun begona emas. U 2020–2021-yilgi mavsumda jamoamiz sharafini munosib himoya qilgan va endi yana jamoaga yordam berish, o'zining boy tajribasini ishga solish uchun Muborakka qaytmoqda.

«Mash'al» futbol klubi Ifeanyi Ifeanyini yana o'z safiga qaytgani bilan qutlaydi va unga jamoamiz bilan yangi muvaffaqiyatlar tilaydi!

OKMK hamda "Mash'al" o'rtasidagi Superliganing 14-tur o'yinidan (2:1) so'ng mehmonlar ustozi Sergey Lushchan matbuot anjumanida ishtirok etdi.

Sergey Lushchan: "Hozir siqilishdan foyda yo'q, bu o'yin ortda qoldi"

Superliganing 13-turidan o'rin olgan «Mash'al» hamda «Nasaf» o'rtasidagi bahsdan (1:1) so'ng Sergey Lushan matbuot anjumanida ishtirok etdi.

Natijadan ko'nglim to'ldi, chunki hozirgi holatda har bir ochko juda muhim.

Darvozabon Vladislav Rusanov va markaziy himoyachi Drago Bumbar «Mash'al» tarkibida debyut qilishmoqda.

"Mash'al" klubi o'z tarkibini yangi futbolchi bilan kuchaytirdi. Muborakliklar chernogoriyalik himoyachi Drago Bumbar bilan shartnoma imzoladi.

Mash'al klubi Doniyor Narzullayev hamda Tojiddinovni O'zbekiston Superligasi uchun ro'yxatdan o'tkazdi.

"Mash'al" futbol klubi tarkibida ko'p yillar davomida samarali faoliyat olib borgan futbolchilar Shahboz Jo'rayev hamda Samandar Ochilov bilan tuzilgan mehnat shartnomalari o'zaro kelishuvga asosan bekor qilindi.

Har ikki futbolchi klubimiz safida o'zining mehnatsevarligi, fidoyiligi va jamoaga sadoqati bilan muxlislar mehrini qozondi. Ular "Mash'al" sharafini munosib himoya qilib, jamoamizning yutuqlari yo'lida munosib hissa qo'shishdi.

"Mash'al" futbol klubi rahbariyati, murabbiylar shtabi, futbolchilar hamda ko'p sonli muxlislar nomidan Shahboz Jo'rayev va Samandar Ochilovga klubimiz rivojiga qo'shgan munosib hissasi, halol mehnati va fidokorona xizmatlari uchun samimiy minnatdorchilik bildiramiz.

Aziz futbolchilarimizga kelgusi faoliyatlarida muvaffaqiyat, mustahkam sog'liq, yangi jamoalarida ulkan zafarlar va faoliyati davomida yuksak natijalar tilaymiz.

Sizlar har doim "Mash'al" oilasining bir qismi bo'lib qolasizlar. Omad yor bo'lsin!

Muborakning Mash'al futbol klubi Superliga restarti oldidan tarkibni kuchaytirish ishlarini davom ettirmoqda. Jamoa tajribali qanot hujumchisi Doniyor Narzullayev bilan shartnoma imzoladi.

31 yoshli futbolchi 1995 yil 11 aprel kuni Qarshi shahrida tavallud topgan. U asosan o'ng qanot hujumchisi sifatida harakat qiladi, shuningdek, chap qanot va hujumkor yarim himoyachi pozitsiyalarida ham samarali o'ynay oladi.

Doniyor Narzullayev faoliyati davomida O'zbekistonning qator jamoalari sharafini himoya qilgan bo'lib, Superliga va Pro ligada katta tajriba to'plagan. U yoshlar terma jamoalarida ham to'p surgan va O'zbekiston U-23 terma jamoasi safida maydonga tushgan.

Tezkorligi, driblingi va hujumda xavfli vaziyatlar yarata olishi bilan ajralib turadigan futbolchining Mash'al hujum chizig'iga yangi impuls olib kirishi kutilmoqda.

Superliganing 12-turi doirasida "Mash'al" - "Qo'qon-1912" (1:0) uchrashuvidan keyin mehmonlar bosh murabbiyi Andrey Shipilov ishtirok etdi.

"Mash'al" mavsumdagi ilk g'alabasini qo'lga kiritdi. O'yin oldidan yigitlarga bu holatni yaxshilab tushuntirgandik, ular ikkinchi raqamli bo'lib o'ynashini bilgandik. Barcha jamoalar bir xil sharoitda kelishdi: uzoq muddatli tanaffus bo'lgani barchada sezildi. Futbol shunday o'yin, xatolarni kechirmaydi. Gollar doimo xatolardan tashkil topadi. Birinchi bo'limda 100 foizlik imkoniyatlarimiz bo'lgandi, biroq bundan foydalana olmadik. Ikkinchi bo'limda ham 100 foizlik vaziyat yuzaga keldi.

Aytishganidek, sen urmasang, senga gol urishadi. Biroz e'tiborsizlik va konsentratsiyaning yo'qotilishi golga sabab bo'ldi. Bizda ko'plab vaziyatlar yuzaga kelayotgani sababli tabloda bu hisob qolmasligiga ishonayotgandik.

Barcha o'yinlarda hech bo'lmaganda bitta vaziyat yuzaga keladi. "Mash'al" esa o'z vaziyatidan foydalanib ketdi. Agarda birinchi golni biz urganimizda, ikkinchi va uchinchisini ham urgan bo'lardik. Bizni raqibdan kuchli edi deyishyapti. Lekin tabloda hisob 1:0, biz gol ura olmadik. Zaxiraga qo'l urdik, ularda ham vaziyatlar bo'ldi. Agarda ular darvozani nishonga olishganida... Bilmadim. Mag'lubiyatlar kuzatilganda barcha murabbiyni aybdor deb hisoblaydi. Biroq bugun biz ko'plab golli vaziyatlardan foydalana olmadik.

Yangi futbolchilarni tarkibga jalb qilishda ko'zlangan maqsadga erishildimi?

Bugun darvozabonimizga deyarli ish bo'lmadi, bexato o'ynadi. Rahimjon - yaxshi, sifatli darvozabon. U vaziyatda darvozabon ham yordam bera olmasdi. Markaziy himoyachini tarkibga qo'shib oldik, u ham yaxshi ko'rindi.

"Qo'qon-1912" e'tiborini nimaga qaratadi: kubok yoki chempionat?

Har bir o'yinda g'alaba uchun o'ynaymiz, o'ynaganda ham boshidan to oxirigacha munosib o'ynamoqchimiz. Superliganing 5-6 jamoasidan tashqari, boshqalarda qanday vazifalar bor? Bu yerga kelganimda oldingilariga qaraganda yaxshiroq futbol o'ynashimizni va yaxshiroq natijalar qayd eta olishimizni aytganman. Biroq bu hozircha amalga oshmayapti. Har bir o'yinda natijaga erishish uchun bizga nimalardir xalaqit qilmoqda. Bugun biz jamoamiz g'alabaga loyiq emasdi, deya olmayman. Xatolarni to'g'rilashimiz kerak. Bizga yaxshi hujumchi kerak va u birinchi va ikkinchi bo'limdagi vaziyatlarni golga aylantirishi kerak edi.

Muborakning Mash'al futbol klubi tarkibni kuchaytirish ishlarini davom ettirmoqda. Jamoa o'zbekistonlik himoyachilar Tohir To'xtasinov hamda Farrux Ibragimov bilan shartnoma imzoladi.

22 yoshli Tohir To'xtasinov asosan chap qanot himoyachisi sifatida harakat qiladi. U faoliyati davomida So'g'diyona sharafini himoya qilgan hamda O'zbekiston U-20 yoshlar terma jamoasi safida 4 ta uchrashuvda maydonga tushgan. Tezkorligi, hujumga faol qo'shilishi va qanotdagi ishonchli o'yini bilan ajralib turadigan futbolchi Mash'al himoya chizig'ida raqobatni yanada kuchaytirishi kutilmoqda.

Farrux Ibragimov esa 1996 yil 15 may kuni Toshkent shahrida tug'ilgan. U markaziy himoyachi sifatida to'p suradi, shuningdek, zaruratga qarab chap va o'ng qanot himoyasida ham harakat qila oladi. Faoliyati davomida O'zbekiston chempionatining bir qator jamoalari safida o'ynab, Superliga va Pro-ligada boy tajriba to'plagan. So'nggi mavsumlarda esa Xorazm sharafini himoya qilib kelgan.

Mash'al futbol klubi Tohir To'xtasinov va Farrux Ibragimovni jamoamiz safiga qo'shilgani bilan samimiy qutlaydi. Ularga Muborak klubi safida muvaffaqiyatli mavsum, omadli o'yinlar, mustahkam sog'liq va yorqin g'alabalar tilaymiz!

Muborakning Mash'al futbol klubi murabbiylar shtabida o'zgarish amalga oshirildi.

Klubning amaldagi bosh murabbiyi Ildar Sakaev klub texnik direktori lavozimiga o'tkazilganligi munosabati bilan jamoa bosh murabbiyligiga tajribali mutaxassis Sergey Lushchan tayinlandi.

53 yoshli murabbiy Toshkent shahrida tug'ilgan. U futbolchilik faoliyati davomida Paxtakor, Navbahor, Rossiyaning Krilya Sovetov hamda Rostov klublari safida to'p surgan.

Murabbiy sifatida esa Bunyodkor, So'g'diyona, Dinamo, Belarusning Shaxtyor (Soligorsk) va Shaxtyor (Petrikov), shuningdek, Namanganning Navbahor klublarida faoliyat yuritgan. Uning so'nggi ish joyi Navbahor bo'lib, 2024–2025 yillar davomida jamoani boshqargan.

Mash'al futbol klubi Sergey Lushchanni bosh murabbiy lavozimiga tayinlangani bilan tabriklaydi hamda jamoamiz bilan yuksak natijalar va ulkan zafarlar tilaydi.