#Wrexham — yangiliklari

AcademyScoop xabariga ko'ra:

Maykl Kerrik Shi Leysini asosiy tarkibda ko'rmoqda. Futbolchining ijaraga ketishi dargumon.

Jeydan Kamason Dalot va Mazraui bilan raqobat tufayli ijaraga ketishi mumkin. Biroq, Chempionlar ligasidagi o'yinlar sababli uni tarkibda olib qolishlari ehtimoli bor.

Jeykob Diveynining kelajagi hozircha hal qilinmagan. Shotlandiyadagi ijaradan so'ng yarim himoyachiga boshqa klublar tomonidan jiddiy qiziqish mavjud.

Garri Amassning o'sishi «Yunayted»ni Lyuis Xollni sotib olish fikridan qaytarishi mumkin. Shu bilan birga, Amassga Chempionshipda, jumladan «Reksem»da katta talab bor.

«MYu» Den Armerni ijaraga berishni rejalashtirmoqda. Klub himoyachini Birinchi liga yoki Chempionshipga yuborishni ko'zlamoqda.

🗣️ Dimitar Berbatov Joshua Zirkzeening «Rekshem»ga qarshi o'yindagi harakatlaridan norozi:

«Manchester Yunayted» uni sotib yuborishi va Sheshko uchun sifatliroq zaxira hujumchisini olib kelishi kerak. Men ham tezkor futbolchi bo'lmaganman, lekin bunchalik sekin emasdim. Zirkzee klubni uni olib qolishga ishontiradigan na xohish, na fidoyilik ko'rsatyapti. Aynan shuning uchun «Yunayted» u bilan xayrlashib, kuchliroq forvard topishi kerak. «Manchester Yunayted»da ko'p yillar davomida hujumchilar bilan bog'liq muammo bo'lmagan, ammo oxirgi vaqtlarda bu pozitsiya eng muammoli nuqtalardan biriga aylandi».

Jahon chempionati yakunlangach, «Liverpul» yangi mavsumga tayyorgarlikni boshlamoqda. The Athletic jurnalisti Jeyms Pirs ushbu jarayon tafsilotlari bilan bo'lishdi:

🛑 Dushanba kuni «Liverpul» ikki haftalik mavsumoldi turnesi uchun AQSHning Chikago shahriga yo'l oladi. Jamoa intensiv mashg'ulotlardan tashqari, Neshvill, Nyu-York va Chikagoda uchta o'rtoqlik uchrashuvini o'tkazadi.

🛑 AQSHdagi turne doirasidagi raqiblar qatoridan «Sanderlend», «Rekshem» va «Lids» o'rin olgan. Shundan so'ng jamoa Angliyaga qaytadi va 9 hamda 16-avgust kunlari «Enfild»da «Monako» va «Komo»ga qarshi o'rtoqlik o'yinlari bilan tayyorgarlikni yakunlaydi.

🛑 «Liverpul» AQSHga jahon chempionatida ishtirok etgan 8 nafar futbolchisiz yo'l oladi: van Deyk, Gravenberx, Gakpo, Virts, Isak, Alisson, Mak Allister va Munyos. Ularning ta'tili davom etmoqda yoki endigina boshlanmoqda.

🛑 Shu bilan birga, Gravenberx, Virts va Isak keyingi dam olish kunlari, Nyu-York va Chikagodagi so'nggi ikki o'yin oldidan jamoaga qo'shilishadi.

🛑 Hozirda jarohatidan tiklanayotgan Ekitike, Leoni va Bredli reabilitatsiyani davom ettirish uchun jamoa bilan birga AQSHga borishni rejalashtirmoqda.

🛑 Turne uchun tarkib hali to'liq tasdiqlanmagan, ammo yoshlar jamoasi vakillarining yakuniy ro'yxatga kirish imkoniyati yuqori: nomzodlar orasida Josh Eyb, Uill Rayt, Kiran Morrison, Jeyms Makkonnell, Lyuis Kumas, Josh Sonni-Lembi, Mor Talla Ndiaye, Lyuk Chembers va Ifeani Ndukve bor.