#Maksans Lakrua — yangiliklari

🔵 Maksans Lakruaning "Chelsi"dagi ilk intervyusi [2-qism]:

💬 Himoyachi sifatidagi rolingizda sizga nima eng ko'p yoqadi?

Albatta, himoyalanishni yaxshi ko'raman. O'ylashimcha, himoyachi uchun bu juda muhim. Himoyalanishdan zavq olaman. Menga yetakchilik roli yoqadi. Maydondagi o'z o'rnimdan mamnunman. Buni muxlislar bilan birga his qilish menga yoqadi.

💬 Yetakchilik qobiliyatlari haqida gapirdingiz. Bu siz ayniqsa faxrlanadigan jihatmi?

Ha, chunki buni juda muhim deb bilaman. Himoyachi yetakchi bo'lishi kerak. Biz boshqa o'yinchilarning ortida turamiz va maydonda nimalar bo'layotganini ko'rib turamiz. Shu bois, bu rolni bajarish biz uchun juda muhim.

💬 Siz bir necha mavsumdan buyon Premer-ligada o'ynab kelmoqdasiz. Shu vaqt ichida olgan eng asosiy sabog'ingiz nima bo'ldi?

Eng muhimi — bu yerda har doim ham eng kuchli jamoa g'alaba qozonavermaydi. Bu juda raqobatbardosh chempionat, har bir o'yin haqiqiy jang maydoniga aylanadi. Aynan shu sababli bu yerda o'ynash juda qiziqarli.

Murabbiy shunchaki yaxshi jamoa emas, balki katta oila, ahil jamoa qurishni xohlayotganini bilaman. G'alaba qozonish va sovrinlarni qo'lga kiritish uchun bizga aynan shunday jamoa kerak.

💬 Jamoa haqida gapirdingiz. Kiyinish xonasida qanday insonsiz?

Ancha xotirjam yigitman. O'ylashimcha, meni yetuk inson deb atash mumkin. Yo'q, shunchaki jamoadoshlarim uchun eng yaxshisini istayman. Nafaqat maydonda, balki kiyinish xonasida ham o'zimni va boshqalarni ruhlantirishga harakat qilaman. Ha, jamoaga qo'shilib ketishga va Premer-ligadagi tajribam davomida o'rganganlarim bilan bo'lishishga intilaman.

💬 Bugun ilk bor "Chelsi" libosini kiydingiz. Nimalarni his qildingiz?

Ulgur faxr. Bu xuddi tush kabi. "Chelsi" tarixi naqadar buyukligini hamma biladi. O'zingiz shu tarixning bir qismiga aylanganingizda, hislar yanada kuchayadi. Bu lahzadan juda faxrlanaman.

💬 Futboldan tashqarida siz haqingizda nimalar muxlislarni hayron qoldirishi mumkin?

O'ylashimcha, ko'p narsa. Ammo so'nggi paytlarda ko'pchilik meni barista deb o'ylaydi. Ijtimoiy tarmoqlarda bu haqda doim yozishadi. Hammasi kapuchinoni va shunga o'xshash narsalarni juda yaxshi ko'rganim uchun. Qahva tayyorlashni imkon qadar yaxshiroq o'rganishga harakat qilaman. Balki, bu hayron qoldiradigan jihatdir.

💬 "Chelsi"dagi maqsadlaringiz qanday?

G'alaba qozonish. Shunchaki g'alaba qozonishni istayman. O'ylashimcha, har bir futbolchi buni xohlaydi. Ammo bu yerga yig'ilgan o'yinchilar saviyasini va klubdagi barcha sharoitlarni ko'rganingizda, bu shunchaki orzu emasligini, bunga haqiqatan ham erishish mumkinligini tushunasiz.

Ha, g'alaba qozonish uchun bu yerga o'tish — avvalgi klubimda bo'lganim bilan bir xil. O'shanda ham maqsadim shu edi va men g'alaba qozondim. Shunday ekan, bu yerda, "Chelsi"da yana g'alaba qozonishni va sovrinlar yutishni istayman.

💬 Va oxirgi savol. Mavsum yakunida "Chelsi" muxlislaridan nimalarni eshitishni istardingiz?

Yaxshi savol. Balki, ular mening o'tganimdan xursand ekanliklarini aytishlarini istardim. Ular men va butun jamoa bilan birgalikda bu yo'lni davom ettirishdan baxtiyor bo'lishlarini xohlardim. Yana ismim "Chelsi" va Londonda eslab qolinishini juda istayman.

Maksans Lakrua va uning xayrlashuv bayonoti:

🗣️ «Qadrli «Pelas» muxlislari,

«Burgutlar» libosini kiyish va ushbu klub tarixining bir qismi bo'lish men uchun haqiqiy sharaf edi».

«Men abadiy saqlab qoladigan xotiralar — bu sevgi, so'nmas qo'llab-quvvatlash va biz birgalikda baham ko'rgan muvaffaqiyatning ajoyib lahzalaridir. Men sizlar bilan chinakam unutilmas mavsumlarni o'tkazdim».

«Birinchi kundan oxirgi kungacha o'zimni doimo uydagidek his qildim. «Selxerst Park» hamisha qalbimda qoladi va men barchangiz bilan yana uchrashishni intiqlik bilan kutaman».

«Bu shunchaki sizlarga rahmat aytishimning bir usuli. Siz kimsiz va menga nimalar berganingiz uchun rahmat».

«Ammo Rabbiga umid bog'laganlar kuchlarini yangilaydilar; burgutlardek qanot qoqib ko'tariladilar; yuguradilar va charchamaydilar; yuradilar va toliqmaydilar».

«Xudo barchangizni barakali qilsin».

Omad, Maks! 🍀

💙🗣️ Maksans Lakrua «Chelsi»ga o'tishi haqida:

«Men ushbu ajoyib klubning bir qismi bo'lganimdan juda xursandman. Hamma «Chelsi» tarixi va uning g'oliblik an'analarini biladi, buning bir qismi bo'lish — faxrlanish uchun sababdir».

«Bosh murabbiy bilan gaplashganimda, bizning klubga nisbatan maqsad va intilishlarimiz bir xil ekanligini tushundim. Biz g'alaba qozonishni istaymiz».

«Jamoadagi o'yinchilar darajasi va klub ixtiyoridagi barcha imkoniyatlarni hisobga olsak, bunga erisha olishimizga ishonchim komil. Bizning maqsadimiz — sovrinlar yutish va men o'z hissamni qo'shishni intiqlik bilan kutyapman».

Rasman: Maksans Lakrua «Kristal Pelas»ni tark etib, «Chelsi» safiga qo'shildi. 😢👋

Fabrisio Romano xabariga ko'ra, «Chelsi»ning Maksans Lakruani o'z safiga qo'shib olish bo'yicha kelishuvi har qanday daqiqada yakunlanishi mumkin. 😳

Himoyachi «aristokratlar» safiga o'tishga rozi bo'lgan va hozirda muzokaralar yakuniy bosqichda. 🔜

Maksans Lakrua:

"Chelsi" kabi klub bilan shartnoma imzolash — bu ulkan sharaf. Oldindagi yangi chaqiriqlarga tayyorman va Xudoga shukr qilaman. "Stemford Brij"da ko'rishguncha 💙".

Maksans Lakrua «Chelsi» futbolchisi sifatidagi ilk intervyusini berdi. Asosiy jihatlar:

Xabi bilan suhbat haqida:

Biz u bilan telefon orqali gaplashdik. Taktikani muhokama qildik, u futbolni qanday ko'rishi va jamoa o'yinini qanday qurmoqchi ekanligi haqida gaplashdik.

Eng avvalo, u bilan shunchaki futbol haqida gaplashish yoqimli edi. Biz bir yo'nalishda ketayotganimizni va bir xil maqsadni – ushbu klub bilan muvaffaqiyatga erishishni istashimizni tushundim.

Transfer haqida yaqinlariga qanday xabar bergani haqida:

Birinchi bo'lib do'stimga aytdim – u «Chelsi» muxlisi. Har safar yangiliklar chiqqanda, u mendan: «Xo'sh? Nimalar bo'lyapti?» deb so'rardi. Men esa unga hech narsa deya olmasdim.

Keyin unga qo'ng'iroq qilib, «Chelsi»ga o'tayotganimni birinchi bo'lib u bilishini aytdim.

Onamning ko'zlarida u mendan qanchalik faxrlanayotganini ko'rdim. Turmush o'rtog'im va yillar davomida yonimda bo'lgan barcha insonlarning munosabatini ko'rdim. Ular uchun ham bu ulkan qadam.

E'tiqod haqida:

Men nasroniy oilasida o'smaganman, lekin bir necha yil oldin Iso bilan tanishdim va bu hayotimni butunlay o'zgartirdi. Men U o'rgatganidek yashashga harakat qilaman. Bu go'zal yo'l, albatta, u hali davom etmoqda, lekin aynan shu hayotimning poydevoriga aylandi.

Bu menga har kuni, har bir lahzada yordam beradi. Futbolda har doim ko'tarilishlar va pasayishlar bo'ladi, shuning uchun shunchaki insoniy kuchdan ko'proq narsaga tayanish juda muhim.

Iso men ilgari duch kelgan barcha savollar va qiyinchiliklarga javob bo'ldi.

«Chelsi»ning qaysi o'yinchilari bilan o'ynashni xohlashi haqida:

Bu yerda ajoyib futbolchilar ko'p. Men Malo Gyusto va Trevo Chaloba bilan birga o'ynaganman. Lekin, rostini aytsam, shunchaki barchasi bilan o'ynashni intiqlik bilan kutyapman. Jamoada to'plangan futbolchilar saviyasiga qaraganingizda, bu haqiqatan ham ilhomlantiradi.

O'z roli haqida nima ko'proq yoqishi haqida:

Men himoyalanishni yaxshi ko'raman. O'ylaymanki, himoyachi uchun bu haqiqatan ham juda muhim. Menga himoyalanish, yetakchi rolini o'z zimmamga olish yoqadi. Muxlislar bilan his-tuyg'ularni bo'lishishni yaxshi ko'raman.

Jamoa va ayniqsa himoyachi uchun yetakchi bo'lish juda muhim deb hisoblayman. Biz orqada o'ynaymiz va maydonda nimalar bo'layotganini ko'rib turamiz, shuning uchun katta mas'uliyat aynan bizning zimmamizda.

APLdan nimalarni o'rgangani haqida:

APLda har doim ham eng kuchli jamoa g'alaba qozonavermaydi. Bu har bir o'yin haqiqiy jang maydoniga aylanadigan nihoyatda raqobatbardosh liga.

Aynan shuning uchun bu yerda o'ynash juda qiziq. O'ylaymanki, murabbiyning asosiy vazifasi – shunchaki yaxshi jamoa qurish emas, balki o'yinlarda g'alaba qozonib, sovrinlarni qo'lga kirita oladigan haqiqiy oila, jipslashgan jamoa yaratishdir.

Kiyinish xonasida qanday insonligi haqida:

Men ancha xotirjam odamman. O'ylaymanki, yetukman deb ayta olaman [kuladi]. Men shunchaki jamoadoshlarim uchun eng yaxshisini xohlayman.

O'zimdan maksimal darajada talab qilishga va boshqalarga yaxshiroq bo'lishga yordam berishga harakat qilaman – nafaqat maydonda, balki kiyinish xonasida ham. APL va boshqa chempionatlarda o'rgangan barcha narsalarimni jamoaga olib kirmoqchiman.

Futboldan tashqari nimalarni yoqtirishi haqida:

Ehtimol, ko'p narsani. Lekin so'nggi haftalarda ko'pchilik nima uchundir meni barista deb o'ylayapti. Ijtimoiy tarmoqlarda menga bu haqda doim yozishadi.

Va bu rost – men kapuchinoni va umuman qahva madaniyatini juda yaxshi ko'raman. Qahvani haqiqatan ham yaxshi tayyorlashni o'rganishga harakat qilyapman.

🔵 Maksans Lakruaning «Chelsi»dagi ilk intervyusi [1-qism]:

«Chelsi»ga o'tish borasidagi his-tuyg'ulari haqida:

«His-tuyg'ular juda ko'p. Men ushbu ajoyib loyihaning bir qismi bo'lganimdan juda faxrlanaman va baxtliman. Maydonga tushishni sabrsizlik bilan kutyapman».

Xabi Alonso bilan suhbatlari haqida:

«Ha, biz telefon orqali gaplashdik. Taktik jihatlar, uning futboldagi qarashlari va jamoa o'yinini qanday qurmoqchiligi haqida fikr almashdik. Eng muhimi, u bilan aynan futbol haqida gaplashish juda yoqimli bo'ldi. Bizning qarashlarimiz va klubga bo'lgan intilishlarimiz bir xil ekanligini darhol tushundim».

Xabi Alonso bilan ishlashni boshlash haqida:

«Rostini aytsam, juda xursandman. Ham yigitlarni, ham uni ko'rishimdan, lekin eng muhimi — mavsum boshlanayotganidan. Chunki men bu yerda yangi tarix sahifasini yozishimiz kerakligini his qilyapman va men buning bir qismiman, bu juda ajoyib».

Transfer rasmiylashgach, birinchi bo'lib kimga qo'ng'iroq qilgani haqida:

«Birinchi bo'lib do'stimga qo'ng'iroq qildim. U «Chelsi» muxlisi. Har safar mening transferim haqida mish-mishlar chiqqanda, u: «Nimalar bo'lyapti? Nima gaplar?», deb so'rayverardi. Men esa hech narsa deya olmasdim, tushunasizmi. Shuning uchun unga qo'ng'iroq qilib: «Mayli, «Chelsi»ga o'tayotganimni birinchi bo'lib sen bilasan», dedim».

Oila va yaqinlarining qo'llab-quvvatlashi haqida:

«Oila men uchun hamma narsa. Albatta, Xudo bilan birga. Onamning ko'zlaridagi faxrni ko'rdim, rafiqamni va uzoq vaqtdan beri meni qo'llab-quvvatlab kelayotgan barcha insonlarni ko'rdim. Bu katta qadam va men shu lahzaga yetib kelish hamda dunyoning eng katta klublaridan birida o'ynashdek muhim qadamni tashlash uchun doimo mehnat qilganman. Bundan faxrlanaman».

E'tiqodning hayotidagi o'rni haqida:

«Men uchun e'tiqod — bu hamma narsa. Men nasroniy oilasida o'smaganman, lekin bir necha yil oldin Iso bilan uchrashdim va hayotim butunlay o'zgardi. Bu ajoyib yo'l bo'ldi. Albatta, bu yo'l hali tugamadi, lekin u hayotimning poydevoriga aylandi. Bu menga har kuni, har bir lahzada yordam berdi, chunki futbolda ba'zida ko'tarilishlar va pasayishlar bo'ladi, shuning uchun faqat odamlarga emas, balki boshqa narsaga ham tayanib turish juda muhim».

«Iso men uchun barcha savollarga javob bo'ldi va avval duch kelgan barcha qiyinchiliklarni yengib o'tishimga yordam berdi. Aynan shuning uchun men U bilan birga bu yo'ldan borayotganimdan baxtliman».

«Chelsi»dagi jamoadoshlari haqida:

«Bu yerda fransuz tilida gaplashadigan yigitlar ko'p. Men Malo bilan ham, Trevo bilan ham o'ynaganman. Lekin, rostini aytsam, shunchaki hamma bilan tanishishni istayman. Jamoada bor bo'lgan futbolchilarning saviyasini ko'rish juda hayajonli deb o'ylayman».

Muxlislarga va'dasi haqida:

«Eng avvalo, ular men ushbu emblema va klub uchun borimni berishimni bilishlari kerak. Bu eng muhimi. Ha, menda ma'lum sifatlar bor, lekin birinchi kundan oxirgi kungacha aytishim mumkin bo'lgan narsa shuki, men bu klub dunyodagi eng yaxshilaridan biri ekanligini isbotlash va ko'rsatish uchun qo'limdan kelgan barcha ishni qilaman».

Maksans Lakrua – «Chelsi» futbolchisi!

Transfer summasi 52 million funt sterlingni tashkil etadi. Tomonlar 2032-yilning iyuniga qadar mo'ljallangan shartnoma imzolashdi.

Maksans Lakrua Londonda tibbiy ko'rikdan o'tdi. Fabrisio Romano xabariga ko'ra, «Chelsi» yaqin orada fransiyalik futbolchining transferini rasman e'lon qiladi. 😢

Fabrisio Romano xabariga ko'ra, Maksens Lakrua Londonda tibbiy ko'rikdan muvaffaqiyatli o'tdi va «Chelsi»ning yangi futbolchisiga aylandi. 🚨

Klublar 52 million funt sterlinglik transfer bo'yicha hujjatlarni almashishmoqda, bitim shu hafta yakunlanadi.

Fabrisio Romano xabariga ko'ra, Maksans Lakrua «Chelsi»ning yangi o'yinchisi sifatida Londonda tibbiy ko'rikdan muvaffaqiyatli o'tdi. 🚨

Klublar 52 million funt sterlinglik kelishuv bo'yicha hujjatlarni almashishmoqda, transfer shu hafta yakunlanishi kutilmoqda.

Sky Sports tahlilchisi Adam Beyt "Chelsi" nima uchun Maksans Lakruani tarkibga qo'shib olgani haqida fikr bildirdi:

▪26 yoshli Lakrua "Kristal Pelas"dagi ikki mavsumdan so'ng o'z faoliyatining cho'qqisida turibdi. Bo'yi 193 sm bo'lgan fransiyalik futbolchi jismoniy jihatdan juda baquvvat va Premer-liga talablariga tezda moslashib ketdi. Uning sifatlari ko'pchilikda yo'q va raqamlar buni tasdiqlaydi.

▪2024-yilda "Volfsburg"dan o'tganidan beri Lakrua Premer-liga markaziy himoyachilari orasida to'pni qaytarish bo'yicha uchinchi, to'pni olib qo'yish bo'yicha beshinchi, havodagi kurashlarda g'alaba qozonish bo'yicha yettinchi o'rinda va standart vaziyatlarda kutilgan gollar bo'yicha kuchli o'ntalikka kiradi.

▪"Birga-bir" vaziyatlarda Lakruadan o'tadigan futbolchi yo'q. U so'nggi ikki mavsumda 50 va undan ortiq shunday vaziyatga duch kelib, ko'p hollarda g'olib chiqqan va to'pni o'z jamoasiga qaytarib bergan (50.5%) Premer-ligadagi yagona o'yinchi.

▪Bundan tashqari, Lakrua Premer-liganing eng tezkor besh nafar markaziy himoyachisi qatoriga kiradi. Tezligi va birga-bir vaziyatlardagi mahorati tufayli unga ham markazda, ham qanotlarda ishonch bildirish mumkin. Bu uni raqiblar uchun eng xavfli himoyachilardan biriga aylantiradi.

▪Lakrua "Kristal Pelas"da vitse-sardor bo'lib, jamoa o'rtoqlari va muxlislarning hurmatini qozonib, yetakchilik qobiliyatini ham namoyish etdi.

U har qanday maqtovga loyiq, chunki u juda ko'p mehnat qildi, - degan edi u haqida Oliver Glasner.

Maksans, hammasi uchun rahmat… Sen chinakam yetakchi, himoyadagi namuna eding va balki vaqt o'tib, seni «Kristal Pelas» afsonasi sifatida tilga olarmiz… 🫡

Ikki yillik sarguzasht uchun rahmat. Sen va jamoa tarixda ilk sovrinni, keyin esa yana ikkitasini qo'lga kiritdingiz. «Burgutlar» libosida o'tkazilgan 98 ta o'yin va klubga keltirilgan 34 million funt sterlinglik foyda uchun minnatdormiz. 👏

Fabrisio Romano xabariga ko'ra, Maksens Lakrua «Chelsi»ga o'tadi. Here we go!

Transfer summasi 52 million funt sterlingni tashkil qiladi, shartnoma 2032-yilning iyuniga qadar mo'ljallangan.

Aksel Disasi bitimga kiritilmadi.

Fabrisio Romano xabariga ko'ra, Maksans Lakrua «Chelsi» futbolchisiga aylanmoqda. Here we go! 💔

«Ko'klar» fransiyalik himoyachini transfer qilish bo'yicha taxminan 52 million funt sterling evaziga kelishuvga erishdi. 💷

Bitim tarkibiga hech qanday futbolchi kiritilmagan, Aksel Disasi esa «Chelsi»ga o'tishdan manfaatdor emas. ❌

Fabrisio Romano xabariga ko'ra, Maksans Lakrua «Chelsi»ga o'tadi: HERE WE GO! 🚨

Transfer summasi 52 million funt sterlingni tashkil qiladi. Futbolchi bilan 2032-yilning iyuniga qadar mo'ljallangan shartnoma imzolanadi.

⚽️ Devid Ornshteyn xabariga ko'ra, «Chelsi» «Kristal Pelas»ning 26 yoshli markaziy himoyachisi Maksans Lakruani 52 million funt sterling (60.9 million yevro) evaziga sotib olish bo'yicha kelishuvni yakunlamoqda. Shartnoma olti yilga mo'ljallangan, tibbiy ko'rik esa bugun bo'lib o'tadi.

💸 Moliyaviy jihatlar:

● «Pelas» Lakruani 2024-yil yozida «Volfsburg»dan 18 million yevroga (plyus 3 million yevro bonuslar) sotib olgan edi. Besh yillik shartnoma bo'yicha amortizatsiya yiliga 3.6 million yevroni tashkil etadi. Ikki mavsum davomida 7.2 million yevro amortizatsiya qilindi, balans qoldig'i esa 10.8 million yevroni tashkil etadi.

● «Burgutlar» endi 50.1 million yevro sof foyda ko'radi (bonuslar alohida xarajatlarga kiritilgan). Shuningdek, maoshlar byudjetidan yiliga 3.8 million yevro (bonuslar bilan) chiqarib tashlanadi.

● «Chelsi» uchun transfer yiliga 12.2 million yevroga tushadi (shartnoma olti yillik, ammo qoidalarga ko'ra amortizatsiya maksimal besh yilga hisoblanadi), bunga maosh ham qo'shiladi (miqdori oshkor etilmagan).

👍 Bu har ikki klub uchun ham foydali, ammo turlicha. «Pelas» o'z skauting tizimi APLdagi eng yaxshilaridan biri ekanligini yana bir bor isbotlamoqda. Ikki yil avval shartnomasi yakunlanayotgan futbolchini 21 million yevroga (bonuslar bilan) olib, endi 50 million yevro sof foyda ko'rmoqda. «Chelsi» esa UEFA nazorati ostida bo'lishiga qaramay, ustuvor pozitsiyaga mablag' sarflamoqda – Xabi Alonso yangi markaziy himoyachi qidirayotgan edi. Lakrua APL uchun tayyor futbolchi. Amortizatsiya buxgalteriya balansi uchun ma'lum bir moslashuvchanlikni beradi, ammo tarkibni tozalash kerak – markaziy himoyachilar soni ko'payib ketdi. Eng foydalisi Trevo Chaloba (tarbiyalanuvchi) va Tosin Adarabioyoni (erkin agent sifatida kelgan) sotish bo'ladi.

The Athletic (Devid Ornshteyn) xabariga ko'ra, 🚨 Maksens Lakrua bugun «Chelsi»ga o'tishdan oldin tibbiy ko'rikdan o'tadi. «Kristal Pelas» himoyachisi uchun londonliklar 52 million funt to'laydi. 26 yoshli futbolchi 2032-yilning iyuniga qadar mo'ljallangan shartnomaga imzo chekadi.

«Arsenal» ham futbolchiga qiziqish bildirgan edi, ammo Uilyam Salibaning tiklanish davrida uning o'rnini bosish uchun buncha mablag' sarflashni istamadi.

«Arsenal» himoya chizig'ini kuchaytirish uchun Konsa va Stounz nomzodlarini ko'rib chiqmoqda. Boshqa variantlar ham istisno qilinmayapti.

Fabrisio Romano va Ben Jeykobs xabariga ko'ra, Maksans Lakrua va «Chelsi» o'rtasidagi kelishuv yakuniy bosqichda. Tomonlar shaxsiy shartlar bo'yicha to'liq kelishuvga erishgan. 🤝

«Chelsi» egalari va «Kristal Pelas» aloqada bo'lib turibdi va transferni har qanday vaqtda yakunlashga tayyor, kelishuv yakunlanishiga juda oz qoldi. 🔜

Aksel Disasi transferi ham muhokama qilingandi, ammo bu amalga oshmaydi. ❌

🚨 Fabrisio Romano xabariga ko'ra, Maksans Lakruaning «Chelsi»ga o'tishi yakuniy bosqichda turibdi.

«Chelsi» va «Kristal Pelas» egalari kelishuvni yaqin vaqt ichida yakunlash uchun doimiy aloqada bo'lib turishibdi.

Aksel Disasining «Kristal Pelas»ga o'tishi muhokama qilingan edi, biroq bu variant endi ko'rib chiqilmayapti.

🚨 Ben Jacobs xabariga ko'ra, Chelsi Kristal Pelas himoyachisi Maksans Lakruani o'z safiga qo'shib olish bo'yicha muzokaralarni yakunlamoqda.

Transfer summasi Tottenxem Yan Pol van Xekke uchun Braytonga to'lagan 52 million funt sterlingdan yuqori bo'lishi kutilmoqda.