Pepe Alvares xabariga ko'ra, Jud Bellingemning otasi klub rahbariyati bilan o'g'lining jamoadan ketishi masalasini muhokama qilgan.
Pepe Alvares xabariga ko'ra, Jud Bellingemning otasi klub rahbariyati bilan futbolga oid kelishmovchiliklar sababli o'g'lining jamoadan ketishi masalasini muhokama qilgan.
Biroq klubdagilar Judning sotilishini imkonsiz deb hisoblamoqda.
Telegraph Football xabariga ko'ra, Joze Mourinyo Kilian Mbappe, Jud Bellingem va Vinisius Juniorni «Real»da saqlab qolmoqchi.
Telegraph Football xabariga ko'ra, Joze Mourinyo klub rahbariyatiga Kilian Mbappe, Jud Bellingem va Vinisius Juniorni jamoada saqlab qolish niyatida ekanligini ma'lum qildi.
Kilian Mbappe va Jud Bellingemning gollari jahon chempionatining eng yaxshi goli nomzodlari ro'yxatiga kiritildi.
🎩 Mbappe va Bellingemning gollari jahon chempionatining eng yaxshi goli nomzodlari ro'yxatiga kiritildi.
Mbappening Senegalga qarshi o'yindagi uzoq masofadan yo'llagan zarbasi, Judning esa Fransiyaga qarshi o'yindagi goli e'tirof etildi.
Radio Marca jurnalisti Valentin Kilian Mbappe va Jud Bellingem o'rtasidagi kelishmovchilik sabablarini tushuntirib berdi.
Radio Marca jurnalisti Valentin Fransiya va Angliya o'rtasidagi o'yindan so'ng Kilian Mbappe va Jud Bellingem o'rtasida muloqot bo'lmaganiga e'tibor qaratdi:
Ularning chiqisholmayotgani nega sizni hayron qoldirayotganini tushunmayapman. Mbappe intervyularidan birida jamoadoshlari orasida Xabi Alonsoga qarshi chiqqanlar borligini ochiq aytgandi. Ulardan biri Bellingem edi.
Joze Mourinyoni vaziyatni o'nglash uchun juda katta va murakkab ish kutib turibdi. Va bu faqat murabbiylik masalasi emas.
Bukayo Saka xet-trik qayd etdi. Futbolchi Bellingem unga ishonib topshirgan penaltini aniq amalga oshirdi.
Bukayo Saka xet-trik qayd etdi! Futbolchi Bellingem unga ishonib topshirgan penaltini aniq amalga oshirdi! 3:5!
Angliya terma jamoasi yarimhimoyachisi Jud Bellingem jamoaning navbatdagi muvaffaqiyatsizligi haqida o'z fikrlari bilan o'rtoqlashdi.
Jud Bellingem:
Bu yerda turib, muxlislarga ular yillar davomida eshitib kelayotgan gaplarni yana takrorlash juda og'ir.
Mendan uzr so'rayman.
Men nihoyat muvaffaqiyatga erishgan Angliya terma jamoasining bir qismi bo'lishni istagan edim.
Jud Bellingem Lionel Messi bilan o'rtalarida yuz bergan vaziyatga munosabat bildirdi.
Jud Bellingem:
Messi bilan shunchaki fol haqida gaplashib turgandik. Hech qanday yomon gap bo'lgani yo'q. Ishonchim komilki, hamma buni bo'rttirib ko'rsatadi, lekin aslida hech narsa yuz bermadi.
Jud Bellingemning Valentin Barkoga nisbatan hissiyotli munosabatining sababi ma'lum bo'ldi.
Ehtimol, aynan shu holat Jud Bellingemning Valentin Barkoga nisbatan hissiyotli munosabat bildirishiga sabab bo'lgan.
Enso gol urganidan so'ng, Barko zaxira o'rindig'idan yugurib chiqib, Angliya terma jamoasi futbolchilari qarshisida golni shov-shuvli tarzda nishonladi.
AS direktori Mourinyu «Real»ga kelsa, birinchi navbatda Mbappe, Vinisius va Bellingem o'rtasidagi o'zaro bog'liqlikni yaxshilashini aytdi.
📰 AS direktori: "Mourinyu «Real» boshqaruviga kelsa, uning birinchi maqsadi maydonda Kilian Mbappe, Vinisius Junior va Jud Bellingem o'rtasidagi o'zaro hamkorlikni yo'lga qo'yish bo'ladi"
Radio Marca jurnalisti Valentin Jud Bellingemning «Real»dagi roli va klubdagi muammolar haqida fikr bildirdi.
📻 Valentin (Radio Marca jurnalisti):
Bellingem – «Madrid» yetakchisi bo'lish uchun eng yaxshi nomzod. Jud – universal futbolchi. Eng muhimi, u shunday murakkab kiyim almashtirish xonasini boshqara oladigan xarakter va mentalitetga ega.
Nega Bellingem so'nggi 2 mavsumda kutgan natijalarni bera olmadi? Klubdagi tashkiliy tartibsizlik, kiyim almashtirish xonasidagi anarxiya va tarkibni noto'g'ri rejalashtirish ko'plab o'yinchilarning o'z darajasidan past o'yin ko'rsatishiga, ba'zilari esa hatto o'zligini yo'qotishiga olib keldi.
Ko'ramiz, Mourinyu bularning barchasini to'g'rilay olarmikin.
Joan Laporta Ispaniya terma jamoasini qo'llab-quvvatlash uchun kelganini va Entoni Gordonning o'yiniga yuqori baho berganini ma'lum qildi.
Joan Laporta:
Men bu yerga futbolchilarimiz va Ispaniya terma jamoasini qo'llab-quvvatlash uchun keldim. Fransiyaga qarshi o'yin juda og'ir kechadi.
Entoni Gordon ajoyib sport formasida. Norvegiyaga qarshi bahsda u Jud Bellingemga golli uzatma amalga oshirdi. Bu juda ta'sirli bo'ldi.
Roy Kin Jud Bellingemning o'yini va shaxsiyati haqida iliq fikrlar bildirdi.
💭 Roy Kin Jud Bellingem haqida o'z fikrlari bilan o'rtoqlashdi:
Biz uni ham futbolchi, ham shaxs sifatida ko'rib turibmiz.
U ko'plab intervyular beradi, muhim gollarni uradi, uning intervyulari a'lo darajada chiqadi, u bugun ham o'z ishini qildi va o'yindan keyin yana dadil gapirdi.
Bu menga yoqadi.
Jud Bellingem Norvegiya bilan o'yindan so'ng bosh murabbiy Tomas Tuxelning tanqidlariga va jamoaning o'yiniga munosabat bildirdi.
Jud Bellingem Norvegiya bilan o'yindan so'ng bosh murabbiy Tomas Tuxelning tanqidlariga munosabat bildirdi:
Tuxel Angliya terma jamoasining Norvegiyaga qarshi o'yinidan noroziligini bildirdimi? Mayli, mayli. Balki u shunday yo'l bilan jamoamizga yuqori talablar qo'yayotgandir. Yoki u Xoland, Edegor, Nusa va Syorlot kabi futbolchilarga qarshi, bunday murakkab ob-havo sharoitida o'ynash qanchalik qiyinligini bilmasligi ham mumkin. Norvegiya oson raqib emas.
Bellingem jamoaning ruhiy holati va o'yin uslubi haqida ham to'xtalib o'tdi:
Har holda, biz kiyim almashtirish xonasida ijobiy muhitni saqlab qolishga harakat qildik va bu kayfiyatni JCh yarim finaliga ham ko'chirishimiz kerak. Jamoadoshlarimni alohida ta'kidlamoqchiman, chunki shunchaki to'pni nazorat qilib va minglab paslar berib, har bir o'yinda g'alaba qozonib bo'lmaydi. Ba'zida kurashlar evaziga g'alaba qozonish kerak. Biz bugun aynan shuni amalga oshirdik.
Futbolchi bosh murabbiyning omad haqidagi gaplariga ham javob qaytardi:
Tuxelning "Norvegiyani yutishda omadimiz keldi" degan gapiga kelsak, izohsiz. Barchamiz ulkan kuch sarf qildik. Angliya terma jamoasidagi ajoyib o'yin ko'rsatgan jamoadoshlarimga minnatdorchilik va hurmat bildirmoqchiman. Men ular bilan faxrlanaman.
Bellingem o'yin oldidan ogohlantirilgani haqida ham esladi:
Norvegiya bilan o'yin oldidan sariq kartochkam bor edi. Shu sababli onam butun hafta davomida so'zlarimga, to'p uchun kurashlarga, yuz ifodamga va hissiyotlarimga ehtiyot bo'lishimni uqtirdi (kuladi).
Dublimmi? Terma jamoaga yana yordam berganimdan xursandman, ammo qo'lga kiritilgan g'alaba – jamoaviy mehnat mevasi. Biz butun jamoa, shtab va muxlislar yordamida g'alaba qozona oldik. Bu Angliya uchun juda o'zgacha kun.
Radio Marca jurnalisti Valentin "Real Madrid" safida daxlsiz hisoblangan uch nafar futbolchi nomini ma'lum qildi.
Radio Marca jurnalisti Valentin xabariga ko'ra, ayni damda "Real Madrid" uchun daxlsiz hisoblangan atigi 3 nafar futbolchi bor:
Kilian Mbappe;
Jud Bellingem;
Federiko Valverde
Real Madrid yozgi transfer oynasida tarkibni yangilashni rejalashtirmoqda. Klubning "daxlsiz" o'yinchilari ro'yxati ma'lum bo'ldi.
📰 R. Martin (AS jurnalisti) xabariga ko'ra:
"Hammasi shunga ishora qilmoqdaki, "Real Madrid" yozda og'riqli sotuvni amalga oshiradi. Diomande transferi yuqori darajadagi o'yinchilardan birini yangi jamoa izlashga majbur qiladi. Shu bois "qirollik klubi" uchun yaqin kunlar tig'iz o'tishi mumkin"
📰 El Mundo ma'lumotiga ko'ra:
Bellingem, Valverde, Guler, Bernardu va Mbappe Mourinyu hamda "Madrid" rahbariyati uchun "daxlsiz" hisoblangan yagona o'yinchilardir.
Jud Bellingem Angliya terma jamoasining turnirdagi ishtiroki va kelajakdagi maqsadlari haqida o'z fikrlarini bildirdi.
Jud Bellingem Instagram sahifasida Angliya terma jamoasining turnirdagi ishtiroki haqida o'z fikrlari bilan o'rtoqlashdi:
Bu jamoa turnirni shunday yuqori notada yakunlashga loyiq edi. Albatta, biz bu yerga buning uchun kelmagandik, ammo bu 1966-yildan beri ko'rsatgan eng yaxshi natijamiz — kelajak uchun ajoyib poydevor. Yana bir bor Angliya terma jamoasi muxlislariga rahmat: bu yoz ko'plab sabablarga ko'ra unutilmas bo'ldi. Hammasi ajoyib edi!
Angliya terma jamoasi futbolchisi Bukayo Saka Jud Bellingem bilan bo'lgan suhbat haqida gapirib o'tdi.
🗣 Bukayo Saka:
«Jud menga: borib het-trikni rasmiylashtirib qo'y, dedi».
AS nashri Mourinyo «Real»ga kelgan taqdirda asosiy tarkibda o'rnini saqlab qoladigan futbolchilar ro'yxatini e'lon qildi.
📰 AS xabariga ko'ra, Joze Mourinyo «Real» boshqaruviga kelgan taqdirda, quyidagi futbolchilar deyarli kafolatlangan asosiy tarkib o'yinchilari bo'lishadi:
Kilian Mbappe
Jud Bellingem
Vinisius Junior
Federiko Valverde
Tibo Kurtua
Mark Kukurelya
Ushbu futbolchilar portugaliyalik mutaxassis qo'l ostida jamoaning o'zagini tashkil etishadi.
Diario AS nashri xabariga ko'ra, Valentin Barko Jud Bellingemni ikki marta provokatsiya qilgan. Aynan shu holat futbolchilar o'rtasidagi mojaroga sabab bo'lgan.
🤬 Diario AS xabariga ko'ra, Barko Bellingemni ikki marta provokatsiya qilgan.
Birinchi marta — Enso Fernandes gol urganidan so'ng darhol. Argentinalik futbolchi ingliz o'yinchilari tomon yugurib borib, namoyishkorona tarzda Bellingemning qarshisida nishonladi.
Ikkinchi marta — o'yin yakunida Barko ispan tilida Judni haqorat qildi, u buni Bellingem tushunmaydi deb o'ylagan. Biroq, Bellingem hammasini tushundi va bu uning munosabat bildirishiga sabab bo'ldi.
Angliya terma jamoasining sobiq yulduzlari Gari Lineker, Roy Kin va Rio Ferdinand Jud Bellingemning mahorati va xarakteriga yuqori baho berishdi.
Gari Lineker (Angliya terma jamoasi sobiq hujumchisi):
O'ylashimcha, Bellingemning Angliya terma jamoasi tarixidagi eng yaxshi futbolchiga aylanishi uchun imkoniyatlari haqiqatan ham bor. Bunday yoshda Jud qilayotgan ishlarni bajarish — jamoa o'yinini o'z zimmasiga olib, uni g'alabaga yetaklash... Haqiqiy superyulduzlar aynan shunday harakat qiladi. Bellingemning o'yin darajasi shunchaki hayratlanarli!
Roy Kin (Manchester Yunayted sobiq yarim himoyachisi):
O'yindan so'ng Bellingem shunday dedi: "Mayli, mayli". Aynan shunday vaziyatda tushunib yetasanki: "Unda qat'iy xarakter bor". Futbolchiga aynan shu narsa kerak. Ichki xotirjamlik va matonat — eng muhimi. Jud bilan bog'liq barcha narsa hayratga soladi! Biz nafaqat ko'zga ko'ringan futbolchini, balki kuchli shaxsni ham ko'ryapmiz. Bellingem doimiy ravishda jurnalistlar bilan muloqot qiladi, intervyularda o'zini a'lo darajada ko'rsatadi, hal qiluvchi gollarni uradi, maydonda farq yaratadi va o'yin yakunida ham o'z xarakterini namoyish etadi.
Rio Ferdinand (Manchester Yunayted sobiq himoyachisi):
Hozirgi vaqtda Angliya terma jamoasida 2 ta superyulduz bor: Bellingem va Keyn. Shu bilan birga, aynan Bellingem 1966-yildan beri terma jamoamiz tarixidagi eng yaxshi futbolchi. JCh-2026 boshlanishidan oldin matbuotda "Bellingemni tarkibga kiritgandan ko'ra, uyda qoldirgan ma'qul" deb yozishgandi. Shu bois, endi o'sha maqolani yozgan jurnalistdan Juddan ommaviy ravishda uzr so'rashini kutaman.
Jud Bellingem Erling Xoland bilan do'stligi hamda maydondagi raqobat haqida o'z fikrlari bilan o'rtoqlashdi.
🎤 Norvegiya va Angliya terma jamoalari o'rtasidagi o'yindan so'ng Jud Bellingemdan Erling Xoland bilan do'stligi haqida so'rashdi:
Hozir men «Real»da o'ynayapman, u esa «Manchester Siti»da, shuning uchun biz unchalik ko'p ko'rishmaymiz. Shunday ekan, uchrashib qolganimizda doim hordiq chiqaramiz va bir-birimiz bilan hazillashamiz. Uning meni «Manchester Siti»ga o'tishga ko'ndirmoqchi bo'lganini hali ham eslayman. Hozirgacha bu ustidan kulamiz. Ammo hakam hushtagi chalingach, hammasi o'zgaradi. U Norvegiya uchun, men esa Angliya uchun o'ynayman. Ikkalamiz ham g'alaba qozonishni istaymiz va maydonda hech qanday yon bosish bo'lmaydi. O'yin yakunlanganidan so'ng esa biz yana do'stmiz. Futbol shunaqa. 90 yoki 120 daqiqa davomida kurashasan, keyin barchasini maydonda qoldirib, do'stlaring bilan uchrashuvdan zavq olasan...
Gari Lineker Jud Bellingemning o'yini va uning Angliya terma jamoasidagi o'rni haqida o'z fikrlari bilan o'rtoqlashdi.
🎙 Gari Lineker:
Uning yosh bo'lishiga qaramay, bunday natijalarni ko'rsatayotgani, Angliya terma jamoasini yetaklayotgani va eng qiyin pallalarda jamoaga yordam berayotgani — aynan haqiqiy superyulduzga xos bo'lgan jihatlardir.
Jud Bellingem o'yin vaqtida onasining unga bergan maslahatlari haqida gapirib o'tdi.
Jud Bellingem:
Menda sariq kartochka bor edi va onam butun hafta davomida menga: «Podkatlarga ehtiyot bo'l, ko'p gapirma va xotirjamlikni saqla», deb uqtirib keldi.
Jud Bellingem va Noni Madueke Angliya terma jamoasi g'alabasini omad deb atagan bosh murabbiy Tomas Tuxelning fikriga qarshi chiqishdi.
Jud Bellingem va Noni Madueke Angliya terma jamoasining g'alabasini omad deb atagan Tomas Tuxelning so'zlariga qarshi chiqishdi. Bellingem bu bosh murabbiyning shaxsiy fikri ekanligini ta'kidlab, uni og'ir ob-havo sharoitida o'ynab ko'rishga taklif qildi.
«Mayli, shunday deb hisoblayversin. U bunday sharoitda o'ynash qanday ekanligini bilmasa kerak»
Madueke ham murabbiyning bahosiga qo'shilmaydi:
Muxbir:
«Sizning murabbiyingiz omadingiz kelganini aytdi»
Noni:
«Kim aytdi? Bizning murabbiy? Mayli. Bu uning fikri. Shunday bo'la qolsin, lekin men u bilan rozi emasman».
Marca xabariga ko'ra, "Real Madrid" Vinisius Junior bilan shartnomani uzaytirish bo'yicha rasmiy taklif tayyorlamoqda.
📰 Marca xabariga ko'ra, "Real Madrid" Vinisius Juniorning kelajagi borasida xotirjamlikni saqlamoqda. Klub futbolchi iyul oyi oxirida ta'tildan qaytgach, unga shartnomani uzaytirish bo'yicha rasmiy taklif bilan chiqishni rejalashtirmoqda.
Madridliklarning yangi bitim imzolashiga bo'lgan ishonchi Florentino Peresning futbolchini jamoada olib qolish niyati hamda Vinisiusning o'zi "Real Madrid"da qolish istagi bilan bog'liq.
Bundan tashqari, Vinisiusda boshqa klublardan "Real Madrid" taklif qilishi mumkin bo'lganidan ko'ra foydaliroq moliyaviy takliflar mavjud emas.
Shuningdek, Vinisiusni Jud Bellingem va Kilian Mbappe bilan birga to'p surish imkoniyati hamda Joze Mourinyu qo'l ostida ishlash istagi motivatsiya qilmoqda.
Fikr qoldirish va reaksiya uchun Telegram orqali kiring.