Levante — yangiliklari ↔ Bog'langan

Karlos Espi — 21 yoshli hujumchi, u o'z o'yini bilan barchani hayratda qoldirishga ulgurdi va endilikda «Bernabeu»ni zabt etishga tayyor. 👑

Dunyoning eng yaxshi klubiga xush kelibsiz!

📻 Cope xabariga ko'ra, «Manchester Siti» Rodri uchun 70 million yevrogacha mablag' talab qilishi mumkin.

Shu bilan birga, Ispaniya terma jamoasi sardori va Diomande transferi uchun «Madrid» tarkibdagi ayrim o'yinchilar bilan xayrlashishi kerak. Ayni damda «qaymoqranglilar» ro'yxatida 25 ta o'rin to'liq band etilgan, Mastantuono esa «Kastilya» tarkibida ro'yxatdan o'tgan.

Argentinalik futbolchining kelajagiga kelsak, u «Madrid»dan ketsa, faqat «River Pleyt»ga o'tishni istaydi. Biroq madridliklar rahbariyatiga vinger faoliyatini davom ettirishi uchun bu variant ma'qul emas.

Nima bo'lganda ham, Mastantuono «Madrid»dan sotilishi yoki ijaraga berilishi ehtimoli eng yuqori bo'lgan 3 nafar o'yinchidan biri. Asensio va Gonsalo — qolgan ikki futbolchi. Biroq ularning hech biri klubni tark etishni istamayapti.

📰 AS (XFD) ma'lumotiga ko'ra, Rodrining «Real Madrid»ga o'tishi yozda jamoaning amaldagi yarim himoyachilaridan birini sotish uchun eshiklarni ochishi mumkin.

📝 Fabrisio Romano xabariga ko'ra: «Rodri «Real Madrid»ga o'tishni mutlaq ustuvor vazifa deb bilmoqda.

«Manchester Siti» esa kutishni ma'qul ko'rmoqda, chunki ular boshqa klublar ham 30 yoshli tayanch yarim himoyachisi uchun kurashga qo'shilishi mumkin deb hisoblashadi. Biroq «shaharliklar» uchun Rodrining «qaymoqranglilar» safiga o'tish qarorini o'zgartirish qiyin bo'ladi».

The Athletic jurnalisti Devid Ornshteyn xabariga ko'ra, «Lids» darvozabon Jeyms Traffordni o'z safiga qo'shib olishga yaqin turibdi. Transfer summasi 40 million funt sterlingni tashkil etadi, shuningdek, bonuslar ham ko'zda tutilgan.

«Lids» va «Manchester Siti» hozirda bitimning yakuniy detallarini muhokama qilmoqda.

🚨 SER xabariga ko'ra, "Levante" "Atletiko Madrid" futbolchisi Xulio Diasni doimiy asosda o'z safiga qo'shib oldi. Tomonlar 2030-yilgacha mo'ljallangan shartnomani imzolashdi.

Klub futbolchining transfer huquqlarining 50 foizini 1,5 million yevro evaziga sotib oldi. Hozirda tomonlar yakuniy hujjatlarni almashishmoqda. 😢

Jose Luis Sanchez xabariga ko'ra, «Atletiko» Karlos Espini o'z safiga qo'shib olishga ishongan va rasmiy taklif bilan chiqishga tayyorgarlik ko'rayotgan edi.

«Real Madrid» esa so'nggi pallada vaziyatga aralashib, bitimni bir necha soat ichida yakunladi va «Atletiko»ni shok holatiga tushirib qo'ydi. 😳

Avvaliga Kukurelya, endi esa Karlos Espi — Madrid derbisi yangi bosqichga ko'tarilmoqda 😬

«Levante» va Madridning «Real» klublari Karlos Espining transferi borasida kelishuvga erishdi. Ushbu bitim «Levante» akademiyasi tarbiyalanuvchisi uchun tarixdagi eng yirik sotuv bo'ldi va valensiyalik yosh hujumchining ulkan salohiyatini yana bir bor tasdiqladi.

Karlos Espi «Levante» safiga 2022-yilning yozida kelib qo'shilgan va dastlab Faxriy divizionda ishtirok etuvchi Juvenil A jamoasida to'p surgan. U ilk kunlardanoq jamoaning asosiy o'yinchilaridan biriga aylandi va chempionlik bilan yakunlangan tarixiy mavsumda katta hissa qo'shdi. Uning mehnatsevarligi, iste'dodi va matonati 2024-yil 18-fevral kuni «Rasing» Ferrolga qarshi o'yinda asosiy jamoa safida debyut qilishi bilan mukofotlandi.

Keyingi mavsumda forvard «Levante»ning La Ligaga qaytishidagi asosiy qahramonlardan biriga aylandi. U La Liga Hypermotion doirasidagi 36 ta o'yinda maydonga tushib, 6 ta gol urdi.

Ispaniya futbolining elitasiga chiqqanidan so'ng, Espi o'z salohiyatini to'liq ochib berdi va chempionatning asosiy kashfiyotlaridan biriga aylandi. Mart oyida u oyning eng yaxshi futbolchisi deb topildi, mavsum yakunlariga ko'ra esa La Ligada 23 yoshgacha bo'lgan eng yaxshi futbolchi sovrinini qo'lga kiritdi. La Ligadagi debyut mavsumida u 25 ta o'yinda maydonga tushib, 11 ta gol urdi va «Levante»ning eng yaxshi to'purariga aylandi.

Karlos Espi klubning asosiy jamoasi safida jami 66 ta o'yin o'tkazib, 20 ta gol urgan. «Levante»dagi faoliyati davomida u Ispaniyaning U-19 va U-20 yoshlar terma jamoalarida o'ynab, o'z orzusini ham ro'yobga chiqardi.

«Levante» uchun bu transfer tarixiy ahamiyatga ega — u klub tarixidagi eng qimmat tarbiyalanuvchi sotuvi bo'ldi va yosh iqtidorlar bilan ishlash darajasi yuqori ekanligini tasdiqladi.

🚨 Valensiya futbolining yorqin vakillaridan biri, "Levante" tarbiyalanuvchisi Karlos Espi rasman Madridning "Real" klubi futbolchisiga aylandi.

21 yoshli hujumchi uchun bu Ispaniyaning eng istiqbolli yosh o'yinchilaridan biri sifatida tan olinishiga sabab bo'lgan muvaffaqiyatli mavsumdan keyin faoliyatidagi yangi bosqich hisoblanadi.

📻 Onda Cero jurnalisti Pereyro xabariga ko'ra, Espi "Real Madrid"ga o'tadi. Madrid klubi forvardning "Levante" bilan shartnomasida ko'rsatilgan 25 million yevro miqdoridagi tovon pulini to'lab beradi.

Karlos Espining 2025/26 yilgi mavsumdagi eng yaxshi harakatlari:

Video

Fabrisio Romano xabariga ko'ra, Espi "Real Madrid"ga o'tishni orzu qilmoqda.

"Xall Siti" va "Brayton" hujumchining shartnomasida ko'rsatilgan 25 million yevro miqdoridagi tovon pulini to'lashga tayyor, ammo futbolchining o'zi "qaymoqranglilar" uning transferini yakunlashini kutmoqda.

Arancha Rodriges xabariga ko'ra, «Real» futbolchi uchun belgilangan 25 million yevro miqdoridagi tovon pulini zudlik bilan to'lash imkoniyatini jiddiy ko'rib chiqmoqda.

📰 AS xabariga ko'ra, "Real Madrid" Joze Mourinyuning shaxsiy iltimosiga binoan sof "to'qqiz raqam" pozitsiyasida o'ynaydigan hujumchini sotib olishga qaror qildi. Klub yulduz futbolchi emas, balki gol urish qobiliyatiga ega va raqib jarima maydonchasida yaxshi harakatlana oladigan ishonchli zaxira hujumchisini qidirmoqda.

Shu sababli, "Real Madrid" "Levante" hujumchisi Karlos Espini tarkibga qo'shib olish imkoniyatini jiddiy ko'rib chiqmoqda. 21 yoshli futbolchi "Xall Siti"ga o'tish arafasida edi, ammo "qaymoqranglilar"ning qiziqishi haqida bilganidan so'ng muzokaralarni to'xtatdi. "Real Madrid" allaqachon Espi va valensiyaliklar klubi vakillari bilan bog'langan. 194 santimetr bo'yli ispaniyalik futbolchining shartnomasida 25 million yevro miqdoridagi tovon puli ko'rsatilgan.

📰 Rubiano: "Gonsaloni 40 millionga sotib, keyin Espini 25 millionga sotib olish ahmoqlik".

📰 Superdeporte ma'lumotiga ko'ra, hozirda erkin agent maqomida bo'lgan Xoselu La Ligadan o'ziga yangi jamoa topmoqchi.

📰 B. Fernandes xabariga ko'ra, "Real Madrid" hujumchi sotib olishni ko'rib chiqayotgan bo'lsa-da, Mourinyu Endrikning o'yin darajasini kuzatmoqchi. 20 yoshli braziliyalik futbolchi murabbiyning ishonchini qozonish uchun ta'tilini 2 kunga qisqartirdi. U "Real Madrid"da qolishni istamoqda.

YEP nashri jurnalisti Grem Smit «Lids»ning transfer bozoridagi rejalari haqida yangi ma'lumotlarni taqdim etdi:

• YEP xabariga ko'ra, Liam Delap «Lids»ning yozgi transferlar ro'yxatida yo'q. Klub rahbariyati Dominik Kalvert-Lyuin bilan raqobat yarata oladigan yoshroq hujumchi izlamoqda.

• YEP ma'lumotiga ko'ra, «oqlar» markaziy hujumchi pozitsiyasi uchun «Levante» futbolchisi Karlos Espini ko'rib chiqmoqda.

• YEP yozishicha, Jeyms Traffordni sotib olish bo'yicha muzokaralar davom etmoqda. Angliyalik darvozabon 8-avgustga qadar ta'tilda. «Lids» ushbu transfer amalga oshishiga to'liq ishonch bildirmoqda.

• YEP xabariga ko'ra, «Lids»da hozirda ikkita rasmiy taklif bor — Shi Charlz uchun «Sautgempton»dan va Yulian Brandt uchun. Yaqinda «Real Sosedad» nemis pleymeykeriga qiziqish bildirayotgani haqida xabarlar chiqqan edi, ammo bu ma'lumot haqiqatga to'g'ri kelmaydi.

• YEP ma'lumotiga ko'ra, Larji Ramazani uchun «Valensiya»dan tushgan taklif «Lids» kutayotgan summadan ancha past. Shunga qaramay, klub rahbariyati yozgi transfer oynasi vaqtida belgiyalik vinger uchun munosib xaridor topilishiga ishonmoqda.

• YEP yozishicha, «Lids» yana bir darvozabon va chap qanot himoyachisini izlashda davom etmoqda.

❤️ Xulio Dias "Elche" va "Levante" o'rtasida tanlov qilayotgan edi, hatto ikkinchisi bilan ayrim hujjatlar imzolangan ham edi. Biroq "Sevilya" taklif bilan chiqqach, barchasi bir kunda hal bo'ldi. Bu futbolchining qat'iy xohishi edi.

O'tgan mavsumda 21 yoshli ispaniyalik futbolchi "Atletiko" safida Primerada debyut qilib, 4 ta o'yinda maydonga tushdi va ikkinchi davrada "Sevilya"ga qarshi bahsda Bonarning goliga assistentlik qildi.

Shuningdek, Xulio Dias 2024 yilda Yevropa chempionligini qo'lga kiritgan Ispaniya U-19 terma jamoasining asosiy o'yinchisi bo'lgan.

"Sevilya" futbolchining 50 foiz huquqini qo'lga kiritadi.

🚨 Superdeporte xabariga ko'ra, Xulio Diasning "Levante"ga o'tishi barbod bo'ldi va endi futbolchi "Sevilya" safiga borib qo'shiladi.

"Levante" bitimdan voz kechdi. Klub futbolchini ko'ndirish uchun ko'p harakat qilgan bo'lsa-da, o'yinchi bir vaqtning o'zida boshqa klublardan tushgan takliflarni ham ko'rib chiqayotgan edi.

Dastlab uning "Elche" bilan kelishuvi bor edi, endi esa "Sevilya" bilan. "Levante" muzokaralar jarayonida futbolchining sodiqligi yetarli emas deb hisoblab, transferdan voz kechdi.

"Atletiko"ning yosh chap qanot himoyachisi Xulio Dias "Sevilya"ga o'tadi.

Superdeporte xabariga ko'ra, "Sevilya" "Atletiko"ning "Levante" bilan muzokaralarini barbod qildi va kelishuvni tezda yakunladi. "Levante" futbolchi huquqlarining 50 foizi uchun 1 million yevro taklif qilgan edi.