#Gabriel Martinelli — yangiliklari

Sam Dean / The Telegraph xabariga ko'ra, "Arsenal" yozgi transfer oynasida quyidagi futbolchilarni sotuvga qo'yishi mumkin:

• Gabriel Martinelli (uning agenti Vinisius Junior bilan ham ishlaydi)
• Gabriel Jezus
• Ben Uayt
• Fabio Vieyra
• Ris Nelson
• Itan Nvaneri

Teamnewsandtix qo'shimcha qiladi:

"Arsenal" Gabriel Martinellini sotish variantini ko'rib chiqishga tayyor. Hammasi kelib tushadigan takliflarga bog'liq bo'ladi. Mening shaxsiy fikrimcha, "Roma"ga e'tibor qaratish kerak. Saudiya Arabistoni klublari ham yana qiziqish bildirishi mumkin. Ular ikki yil avval ham qiziqishgandi, ammo o'shanda futbolchining o'zi ko'chib o'tishni istamagan. Hozir uning pozitsiyasi o'zgarganmi yoki yo'q, bilmayman".

Sami Mokbel xabariga ko'ra, Gabriel Martinelli «Arsenal»dagi o'z o'rnidan mamnun va faqatgina munosib taklif tushgan taqdirdagina klubdan ketish masalasini ko'rib chiqadi.

Uning amaldagi shartnomasi yakunlanishiga ikki yil qolganini inobatga olsak, futbolchining kelajagini kuzatib borishga to'g'ri keladi.

Gabriel Martinelli «Yuventus» yoki «Roma»ga o'tishi mumkinligi haqida xabarlar tarqaldi.

Daniele Trecca (Calciomercato) xabariga ko'ra, «Arsenal» ayrim vositachilarga futbolchini 45–50 million yevro evaziga qo'yib yuborishga tayyor ekanligini ma'lum qilgan.

Gabriel Martinelli nomi yana «Roma» transfer bozorida paydo bo'ldi.

Bu imkoniyat 10-iyul kuni, «jallorossi» Summervill bilan bog'liq bitimga to'liq e'tibor qaratgan vaqtda yuzaga kelgandi. O'sha vaqtda, Tele Radio Stereo xabariga ko'ra, bir nechta xalqaro vositachilar Martinellini «Roma»ga taklif qilishgan.

O'yinchining Italiya pasporti bor, «Arsenal» bilan shartnomasi yakuniga yetishiga bir yil qoldi va u ingliz klubi texnik loyihasida asosiy o'yinchi sifatida qaralmayapti. «Roma» Summervillga e'tibor qaratgan bo'lsa-da, bu variantni rad etmagandi. Endi vaziyat o'zgarishi mumkin. Braziliyalik futbolchi Premer-ligadagi yetti yillik faoliyatidan so'ng «Arsenal»ni tark etishi mumkin va uning ismi yana «Roma» nishonida. Biroq, xabarlarga ko'ra, «Tottenxem» ham o'yinchi bilan qiziqmoqda.

Gabriel Martinelli «Roma» hujum chizig'i uchun yangi nomzod sifatida ko'rilmoqda: braziliyalik vinger vositachilar orqali «jallorossi»ga taklif etilgan.

Teleradiostereo.it xabariga ko'ra, hozirda «Arsenal» sharafini himoya qilayotgan va Italiya pasportiga ega bo'lgan futbolchi so'nggi kunlarda «Yuventus»ga ham taklif qilingan. Biroq turinliklar futbolchini tarkibga qo'shib olishdan avval, avvalo, ayrim o'yinchilarni sotishlari kerak bo'ladi.

«Roma» ushbu variantni ko'rib chiqishi mumkin, ammo uning maoshi katta to'siq bo'lib turibdi: futbolchi Londonda yiliga qariyb 11 million funt sterling maosh oladi.